HUT Saitun GBKP pe 7 ken
Teks : Lukas 2:36-40
Tema : SUARI BERNGI MUJI TUHAN
Tujun : Gelah Mamre:
- Meteh keriahen Saitun. e me tetap muji Tuhan erkiteken lit pengarapen.
- Muat bagin i bas keriahen Saitun alu erbahan aksi peduli Saitun i bas rangka HUT Saitun GBKP.
2:36 Lagipula di situ ada Hana, seorang nabi perempuan, anak Fanuel dari suku Asyer. Ia sudah sangat lanjut umurnya. Sesudah kawin ia hidup tujuh tahun lamanya bersama suaminya, 2:37 dan sekarang ia janda dan berumur delapan puluh empat tahun. Ia tidak pernah meninggalkan Bait Allah dan siang malam beribadah dengan berpuasa dan berdoa. 2:38 Dan pada ketika itu juga datanglah ia ke situ dan mengucap syukur kepada Allah dan berbicara tentang Anak itu kepada semua orang yang menantikan kelepasan untuk Yerusalem. 2:39 Dan setelah selesai semua yang harus dilakukan menurut hukum Tuhan, kembalilah mereka ke kota kediamannya, yaitu kota Nazaret di Galilea. 2:40 Anak itu bertambah besar dan menjadi kuat, penuh hikmat, dan kasih karunia Allah ada pada-Nya.
Metode : Diskusi
- KATA PENARUH
Saitun GBKP e me Persekutuan Kategorial Lanjut Usia GBKP, siitetapken I bas Sidang Sinode GBKP XXV tanggal 11-18 April 2015. HUT Saitun e me tanggal 15 April, hari pertama itetapken jadi Badan Pelayanan Kategorial Saitun GBKP. E maka i bas tahun 2022 enda, Saitun ngerayakan HUT pe 7 ken. I bas bahan PAnta sekali enda ateta mpelajari kuga erbahansa maka saitunta tetap muji Tuhan suari berngi (sue temanta).
2. URAIAN TEKS/ TAFSIREN
Kenca Jesus tubuh (Luk 2:1-21), seh me paksana Jusup ras Maria ngelakoken Lakon Pembersihen rikutken Undang-undang (Kata Dibata) si iatur-ken Musa man kalak Israel (Im 12:6-8). Lakon Pembersihen enda ilakoken imam man sekalak diberu si mbaru mupus. E maka Jusup ras Maria berkat i Nasaret nari ku Rumah Jerusalem, janah ibabana Jesus si mbaru tubuh e (Luk 2:22-24), I bas paksa e reh Simeon ku Rumah Pertoton lako njumpai Jesus, ras si Hanna sekalak nabi diberu si enggo seh kel tuana. Teks enda nuriken kerna si Hanna jumpa ras Tuhan Jesus. Kenca perjumpan si Hanna ras Jesus, mulih Jusup, Maria ras Jesus ku Nasaret (Luk 2:36-40).
Si Hanna e me sekalak nabi diberu si enggo metua kal, enggo mbalu, enggo lansia, umurna 84 tahun. Si Hanna la pernah nadingken Rumah Tuhan. Suari berngi ia muji Tuhan, alu ertoto ras erpuasa. Si Hanna jumpa ras Jesus i Rumah Pertoton, janah meriah kal ukurna. ikatakenna bujur man Dibata, sebab jumpa ras Jesus si enggo ndekah itimai nterem kalak (nima-nimai kerehen Messias si mbebasken Jerusalem). Kalak si nimai kerehen Jesus (Messias si ipadanken Dibata), e me kalak si tetap erpengarapen, janah pengarapenna e erbahanca ia tetap paguh, langa atena mate bagi Simeon, adi langa jumpa as Pembebas e (Luk 2:25-26). Bage me si Hanna, aminna enggo ndekah mbalu (7 tahun ngenca erperbulangen), tapi seh cawir metua, seh 84 tahun umurna.
Sekalak nabi e me persuruhen Dibata guna peseh Kata Dibata si nandangi terjadi man Bangsa Israel, man doni enda. Bage me si Hanna. Sekalak nabi tek kal nandangi Kata Dibata, janah sura-surana pe gelah kalak si megiken Kata Dibata, tek nandangi Kata Dibata si ipesehna e. Si Hanna tetap erpengarapen nandangi keselamatan si ipadanken Dibata man kerina kalak si erkiniteken, si erkemalangen man Dibata, si tetap setia erpengarapen man Dibata.
Si Jusup, perbulangen si Maria cukup berperan mabai jabuna (ndehara ras anakna Jesus) i bas ndalanken Pedah Dibata, i bas pejumpaken Jesus ras jelma si enterem, terlebih nandangi kalak si enggo metua (Simeon ras Hanna). Si Jusup ertanggungjabab kal nandangi kiniteken anak jabuna empebelin anakna seh jadi megegeh ras pentar, ngena ate Dibata ras manusia (Luk 2:39-40 bd Luk 2:52).
3.APLIKASI
Keriahen si Hanna e me muji Tuhan. Suari berngi ia muji Tuhan alu ertoto ras erpuasa, janah la pernah itadingkenna Rumah Pertoton (Luk 2:37). Bage me pe arusna sekalak Saitun GBKP (subuk nini bulang bage pe nini tudung), keriahenna bali ras keriahen si Simeon, keriahen si Hanna. Suari berngi muji Tuhan (tema PA enda). Memang keriahen Saitun adi kempu-kempuna sehat-sehat, tambah belinna, tambah gegehna, tambah pentarna, janah erkemalangen man Dibata. Adi bage tentuna anak Saitun, khususna anak dilaki si enggo jadi per bapan (mamre), bagi si Jusup min gelah, er tanggungjabab i bas ngepkep jabuna, terus pe tanggungjabab erkiniteken i bas jabuna. Meriah kal ukur orangtua (Saitun), adi jabu anakna lit i bas dame, ras er tanggungjabab kal nandangi kempu-kempuna. Sangap kal iakap sekalak Saitun i bas geluhna, meriah dingen malem kal atena i bas ia cawir metua (Bdk. Mas 128:6).
Mamre GBKP iarapken gelah meteh maka keriahen Saitun e me tetap muji Tuhan erkiteken lit pengarapenna man Dibata. Mamre GBKP iarapken gelah ermediate nandangi kecibal orangtuana (Saitun). Mehamatlah man orangtua, sebab pedah Dibata kap e, gelah Mamre (anak Saitun) pe cawir metua (Kel 20: 12). Ulanai kal orangtuata mbiar cawir metua, bagepe kita la mbiar cawir metua. Sebab cawir metua e me tanda/simbol kebijaksanaan, labo tanda tua-tua kolihen. Ulakal kita metuda man si enggo Lansia, kebilangen kita kari (nembeh Dibata). Memang reh urakna gegeh adi enggo metua, tapi reh paguhnalah kiniteken orangtuata i bas dagingna reh tuana. Reh tuana reh malemna atena, seh suari berngi ia muji Tuhan, notoken anak anakna ras kempu kempuna. I bas rangka HUT saitun pe 7 ken enda, mari silakoken aksi peduli Saitun, baik secara pribadi (nandangi orangtuata), bagepe i bas perpulungen jabu-jabu/sektor, bagepe i bas Majelis Runggun Gereja GBKP. Selamat HUT pe 7 ken Saitun GBKP i bas tahun 2022 enda.
4. DISKUSI
1. Oge sekali nari Lukas 2: 37! Kainge sebabna maka si Hanna cawir metua seh umur 84 tahun?
2. Aksi peduli si ugange siakap banci periahken ukur orangtuata (Saitun), subuk secara keluargata ntahpe i bas perpulungen jabu jabu/sektorta?
USULEN LAGU
1. KEE GBKP No. 56: 1 -2
2. KEE GBKP No. 124:3
3. KEE GBKP No. 249: 1, 5
4. KEE GBKP No. 191: 1, 4
Pdt. Simon Tarigan S.Th
HP. 0812 6919 2307