PERGUNAKEN KESEMPATEN ALU MEHULI
Epesus 5 : 16-20
(Manajemen Waktu)
5:15 Karena itu, perhatikanlah dengan saksama, bagaimana kamu hidup, janganlah seperti orang bebal, tetapi seperti orang arif, 5:16 dan pergunakanlah waktu yang ada, karena hari-hari ini adalah jahat. 5:17 Sebab itu janganlah kamu bodoh, tetapi usahakanlah supaya kamu mengerti kehendak Tuhan. 5:18 Dan janganlah kamu mabuk oleh anggur, karena anggur menimbulkan hawa nafsu, tetapi hendaklah kamu penuh dengan Roh, 5:19 dan berkata-katalah seorang kepada yang lain dalam mazmur, kidung puji-pujian dan nyanyian rohani. Bernyanyi dan bersoraklah bagi Tuhan dengan segenap hati. 5:20 Ucaplah syukur senantiasa atas segala sesuatu dalam nama Tuhan kita Yesus Kristus kepada Allah dan Bapa kita
A. PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen.
- Nungkun ras nuratken topik pertoton sapaat.
- Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
- Sope benaken PJJ, banci kita rende alu make ende-enden KAKR.
- Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
RENDE : Lagu Pujian “ Hidup ini adalah kesempatan”
https://www.youtube.com/watch?v=coD-PWvvFcQ
Hidup ini adalah kesempatan, hidup ini untuk melayani Tuhan
Jangan sia-siakan waktu yang Tuhan beri,
Hidup ini hanya sementara
Reff :Oh Tuhan pakailah hidupku,selagi aku masih kuat
Bila saatnya nanti aku tak berdaya lagi,
Hidup ini sudah jadi berkat
RENDE : KEE No. 194 : 1
https://www.youtube.com/watch?v=rEAmr-D2_CY
Reff : Senang adi ras Yesus, malem ateta pe
Sidahilah Penebus, je dat kita dame e
Begiken pendiloNa, marilah kam kerina
Silatih bas geluhna, maka kam senang ka…Reff
ERTOTO (Bapa/Nande)
NGOGE KATA DIBATA (iogeken sekalak anak)
Teks : Epesus 5 : 16-20
RENUNGEN
Tema : Pergunaken Kesempaten Alu Mehuli
Lit turi-turin kerna sekalak anak si enggo dat dahin i bas ingan si ndauh. Ersura-sura me ia maba bapa ras nandena gawah-gawah ku luar negeri alu ulih pencarinna. Ipepulungna gajina teptep bulan tande piga tahun la ia mulih ku kuta. Piga-piga tahun la ia jumpa bapa ras nandena. I bas paksana, enggo iakapna cukup senna guna maba bapa ras nandena gawah-gawah, berkat ia ku biro perjalanan (traveling) lako ngurussa. Paksa e reh berita maka bapana enggo ngadap ku Dibata. Tangis kel ia, i bas ukurna ngerana : la sahun kam ku baba gawah-gawah ndai bapa, pangen min ndai aku mulih ku kuta teptep tahun, jumpa denga min kita. Turi-turin enda jadi gambaren kerna kesempaten/waktu maka la kita empuna.
I bas kitab Epesus, Paulus mpersingeti perpulungen i Epesus segelah mpergunaken kesempaten si lit alu mehuli sabab wari-wari enda la kap mehuli. Gelah perpulungen i Epesus mpegermetken kai si ngena ate Tuhan. I ajuk Paulus perpulungen e nggeluh bagi kalak pentar : ercakap-cakap alu make masmur, ende-enden pujin, dingen ende-enden pertendin, ngendeken ende-enden ras masmur man Tuhan alu ukur dem ngataken bujur (ay. 19). Ola nggeluh bagi kalak motu : mabuk ibahan anggur, ola ikut i bas perbahanen kalak si gelap (ay. 18, ay. 11). Pergunakenlah kesempaten si lit ertina gundari (saat ini) tetap nggeluh bagi singena ate Tuhan, ula tertaren-taren, terpagi-pagi, sabab banci jadi wari si pepagi la nari lit kesempaten.
Menurut Kamus Besar Bahasa Indonesia, waktu adalah seluruh rangkaian saat ketika proses, perbuatan atau keadaan berada atau berlangsung. Skala waktu merupakan interval antara dua buah keadaan/kejadian, atau bisa merupakan jam berlangsungnya suatu kejadian (sumber : id.m.wikipedia.org). I bas bahasa Junani lit 2 kata si pake kerna waktu e me: Kronos ras Kairos. Kronos e me waktu erdalan jam ku jam, wari ku wari, minggu ku minggu, bulan ku bulan, tahun ku tahun terus erdalan la pernah mulihken. Kairos e me kualitas i bas peristiwa perdalanen waktu. Banci iumpamaken bagi kegeluhen manusia reh dekahna reh tuana, i bas ndalanisa lit perencanaan geluh, sekolah, dahin, ersembah, ras si debanna. Alu bage lit ulih, lit perubahan-perubahan geluh ku terulin.
Waktu erdalan bagi garis lurus (linear) labo erputar (siklus) la banci mulihken. Erkiteken si e i bas paksana (saat ini) si lakoken kai si mehuli si ngena ate Dibata, silakoken kai si mehuli man sapih-sapih manusia, ula tertaren-taren ntah terpagi-pagi. Waktu meherga (time is money) erkiteken si e perlu iergaken alu mehuli. Ula erkiteken “nimai si terlambat, si tepat waktu jadi si nimai” ngelakoken kebaktin, PA, PJJ bage pe rapat-rapat, ras si debanna. I bas sekolah ntah i bas erdahin lit denga si terlambat reh, la tepat waktu ngendesken tugasna rikutken waktuna (deadline). Si ergai kalak si tepat waktu alu kerina tepat waktu (on time). Mehuli adi 15 menit sope ibenaken kebaktin, PJJ, PA, rapat, erdahin, enggo kita seh, mela adi terlambat. Waktu benaken tepat, waktu dung pe tepat ka. Siaturken (manajemen) waktuta alu mehuli, si latih dirinta, anakta, disiplin waktu alu tepat waktu (on time), si latih dirinta tetap erbahan si mehuli rikutken si ngena ate Tuhan. Pergunaken kesempaten alu mehuli, terpuji tetap gelar Tuhan Jesus. Amin
NURIKEN PENGGEJAPEN
- Bapa
- Nande
- Anak
IRAKUT PERTUA/DIAKEN/EMERITUS/PANDITA
Cat : Kune PJJ mandiri i rumah iogeken renungen
DISKUSI/SHARING
- Kai erti, pergunakenlah kesempaten si lit i bas kam alu mehuli, sabab wari-wari enda la kap mehuli (ay. 16)?
- Turiken pengalamenta sedekah enda i bas ngaturken waktu ndalani kegeluhenta.
RENDE : KEE No. 420 : 1 (PERSEMBAHEN)
https://www.youtube.com/watch?v=8wqHeFvDGbI
Asa gegeh ras kengasupen, kami nehken persembahen
Endesken kami baNdu Tuhan, alu dem keriahen
Reff : Ajari kami ngergaken, talenta ras kiniliten
Arah ukur ras perbahanen, Tuhan ipermuliaken
PERTOTON SAPAAT
- Persembahen
- Gelah pentar makeken waktu i bas jabu/pendahin/ perpulungen/bangsa (ibabai Bapa/Nande)
- Siturah bas perpulungen/jabu (ibabai Anak/Nande/Serayan Tuhan)
RENDE : KEE No. 199 : 1
https://www.youtube.com/watch?v=6sjjHqRqVVs
Senang gundari geluhku, ban Tuhan negu langkahku
Ku japa pe perdalanku, tetap tanNa gelemenku
Reff : Tuhan nemani geluhku, cikepNa tanku meteguh
Dibata pengendesenku, i bas tanNa aku nggeluh
PERTOTON TUHAN (ibabai Serayan Tuhan /Bapa/Nande)
MOMO
C. JEDA RAS PENUTUP
Pdt. Karvintaria br Ginting, S.Th., M.M.
HP/WA : 0812 6359 640