PA PERMATA 17 Maret 2022

Ersada Arih Gelah Megegeh

(MUSYAWARAH NGAWAN)

Filipi 2: 1 – 4
Nasihat supaya bersatu dan merendahkan diri seperti Kristus

2:1 Jadi karena dalam Kristus ada nasihat, ada penghiburan kasih, ada persekutuan Roh, ada kasih mesra dan belas kasihan,
2:2 karena itu sempurnakanlah sukacitaku dengan ini: hendaklah kamu sehati sepikir, dalam satu kasih, satu jiwa, satu tujuan,
2:3 dengan tidak mencari kepentingan sendiri atau puji-pujian yang sia-sia. Sebaliknya hendaklah dengan rendah hati yang seorang menganggap yang lain lebih utama dari pada dirinya sendiri;
2:4 dan janganlah tiap-tiap orang hanya memperhatikan kepentingannya sendiri, tetapi kepentingan orang lain juga.

Jesus Kristus jadi usihen

2:1 Kegeluhenndu i bas Kristus erbahanca kam megegeh. Ma kin keleng ateNa e ngapuli kam? Ma rembak kin kam ras Kesah Dibata? Ma kin sikeleng-kelengen kam dingen mekuah atendu sekalak nandangi si debanna?
2:2 Gelah tuhu-tuhu malem ateku, kupindoken man bandu: Ersada min arihndu, sikeleng-kelengen min kam, ersada min geluhndu dingen ersada ukurndu.
2:3 Ola ibahanndu kai pe erpalasken kerangapen, ntah si erpalasken ukur meganjang. Tapi peteruklah ukurndu sekalak nandangi si debanna. Ola kal iakapndu ulin kam asangken kalak si deban.
2:4 Ola keperlunndu saja ngenca iperdiatekenndu tapi perdiateken pe keperlun kalak si deban.

Gelah PERMATA GBKP:

1. Meteh pentingna ersada arih ibas musyawarah ngawan guna kiniulin perdalanen gereja.
2. Ikut muaturun bagin (mereken proposal, penungkunen ras solusi) ibas musyawarah ngawan.

I. BENA KATA

BENA KATA Gereja, eme persadan kalak sierkiniteken man Dibata. Dahin Gereja eme kap ngelakoken alu mehuli dahin Kiniersadan, Kesaksin ras Pelayanen (kekelengen). Guna kiniulin perdalanen kiniersadan, kesaksin ras pelayanenna, bage pe nehken pembinaan, maka gereja la terlepas dari ibas kegeluhen organisasi. Secara organisasi, sada damar si jadi perayaken maka bas keteraturen, disiplin, pengajaran ras sidebanna. Tujunna eme gelah perdalanen ergereja sentudu ras sura-sura Tuhan erpalasken Kata Dibata. Guna nehisa maka kerina anggota ngawan (termasuk PERMATA GBKP) arus ikut iku bas Gereja muabah bagin ibas nehisa. Si jadi perenungen sekaligus penungkunen man PERMATA GBKP, enggo nge PERMATA GBKP sebagai ngawan ni perpulungen jadi subjek ibas perdalanen pelayanen Gereja? Genduari seh me paksana Gerejanta ngelakoken Musyawarah Ngawan, kai si perlu ibas PERMATA GBKP nari? Mari erlajar kita rikutken pengajaren Rasul Paulus man Perpulungen i Pilipi.

II. ISI

Perpulungen Pilipi eme perpulungen si pemenana ipanteki Rasul Paulus i Eropah. Arah sejarah enda tentu mbelin kal Perhatian Rasul Paulus nandangi perpulungen e. Banci saja pengarapen Rasul Paulus maka perpulungen Pilipi banci jadi usihen (teladan) guna encidahken uga kin arusna kegeluhen perpulungen (Gereja) Tuhan. Ipersingeti Rasul Paulus man perpulungen e maka kegeluhen kalak Kristen, eme pemere Dibata si iberekenNa man perpulungen. ibas kiniteken labo perbahan patuh ngikutken adat ras undang-undang kalak Jahudi. Ibas si enda teridah uga penuanken Rasul Paulus kerna kiniteken man Dibata.

Si arus turah ras teridah ibas perpulungen e, jadi palas nggeluh ibas rukur, ngerana ras perbahanen. Ayat. 1a, nuriken maka kegeluhen ibas Kristus erbahanca kalak si tek megegeh. Sabab keleng ateNa si ngapuli kalak si tek. Janah kegeluhen kalak si tek arus rembak ras Kesah Sibadia. Ayat. 1b-4, nuriken kerna uga orat nggeluh (etika) sapih-sapih perpulungen ibas sada persadan kalak si erkiniteken. Perpulungen e arus: sikeleng-kelengen, lit perkuah makan. Emaka ihas suratna enda Rasul Paulus mindo gelah tuhu-tuhu malem atena (tentu malem pc ate Dibata), maka ipindokenna man perpulungen Pilipi gelah ersada arih, sikeleng-kelengen, ersada min geluhna, dingen ersada ukurna. Ula ihahan kai pe erpalasken kerangapen entah si crpalaskèn ukur meganjang. Tapi mpeteruklah ukur sekalak nandangi si debanna. Tep-tep kalak la banci erpengakap maka ia ulin asangken kalak sideban, la banci mperdiateken ras ngukurken keperlunna ngenca tapi arus erdiate nandangi keperlun kalak sideban.

III. PENGEKENAINA

Arah kai si ituriken Rasul Paulus man perpulungen Pilipi teridah lit piga piga hal sipenting ihas kegeluhen perpulungen eme:

1. Erkiniteken, nggejapken kekelengen ras perkuah makan Dibata eme palas kegeluhen perpulungen.
2. Buah kiniteken ras kekelengen teridah arah kiniersadan arih, ersada ukur, la rangap, la meganjang rukur ras la ngukurken keperlun diri jine (la egois). Emaka ibas kegeluhen Gereja nari teridah uga belinna kekelengen ras kemulian Tuhan i doni enda. Kerina enda arusna teridah ibas perdalanen kegeluhen ergereja. Emaka guna fitur, mpersada arih ras perayaken, ibas perdalanen Gereja, ilakoken me Musyawarah Ngawan.
   Ibas Tata Gereja GBKP pasal 164, isuratken kerna “Musyawarah Warga Sidi Jemaat”. Musyawarah Warga Sidi Jemaat (Ngawan) ilakoken 1 kali ibas sada tahun, guna megiken lapuren perkembangen perdalanen perpulungen ibas BPMR (Badan Pekerja Majelis Runggun) ras seksi-seksina. Si reh ku musyawarah enda eme adi anggotana seh 100 KK, kerina anggota si enggo ngawan iundang, adi lebih 100 KK, iundang perwakilenna saja. Khusus ibas ayat 1, ngataken Musyawarah Warga Sidi Runggun emekap sarana bagi warga dan Majelis Runggun untuk saling memberi masukan mengenai perkembangan kehidupan bergereja di Runggun dalam bersekutu, bersaksi dan melayani. Emaka ibas Musyawarah Ngawan la lit erbahan keputusen. Ibas ayat enda jelas ituriken kerna uga tanggungjabab ngawan (termasuk PERMATA GBKP) guna kiniulin ras perdalanen kegeluhen ergereja. Bagenda me pentingna Musyawarah Ngawan enda
   PERMATA GBKP eme masa kini dan masa yang akan datang ibas perdalanen kegeluhen Gereja. Emaka secara dewasa, PERMATA GBKP arus ikut muat bagin ibas perdalanen gereja. Salah sada dalanna emekap ikut muat bagin alu aktif ras tutus ibas Musyawarah Ngawan. Umpamana:
3. Pengurus ras anggota PERMATA GBKP ercakap kerna situasi kegeluhen ergereja.
4. Erbahan Analisa alu teori SWOT : S (strength – kekuatan), W (weakness kelemahan), O (opportunity-peluang) ras T (threats-ancaman). Bagi nina Freddy (2013): analisa SWOT adalah analisa yang didasarkan pada logika yang dapat memaksimalkan kekuatan (S) dan peluang (0), namun secara bersamaan dapat meminimalkan kelemahan (W) dan ancaman (T).
5. Erbahan kesimpulen guna ibaba Musyawarah Ngawan sebagai usulen, penungkunen ras solusi ibas PERMATA GBKP nari.
   Sendalanen ras kai si ituriken i data maka perlu iperdiateken eme kap kerehen (keikutsertaan) PERMATA GBKP arus erpalasken kiniteken ras kekelengen, ulihna banci teridah eme lit ije kiniersadan arih. Emaka labo lit ije kritiken si negatip ras tujunna guna ndabuhken sesekalak entah pe sekelompok. Sabab tujunna eme guna mpersada pengidah ras perayaken eme gelah reh ulina perdalanen Gerejanta. Guna si enda perlu lit transparansi (keterbukaan) di tengah-tengah perpulungen bage pe serayan ras BPMR (Badan Pekerja Majelis Runggun). Keterbukaan isehken alu pengerana si mehuli (positip).

IV. DISKUSI ras AKSI

1. Turiken uga kearusen kegeluhen perpulungen sue ras si ituriken Rasul Paulus man perpulungen i Pilipi
2. Selaku PERMATA GBKP (ngawan perpulungen), rikutken pengidahndu: kai-kai saja “Kekuatan”, “Peluang”, daftarkenlah! Emaka kai saja ka “Kelemahen”, bage pe “Ancamen” daftarkenlah!
3. Aksi: Rumuskenlah penungkunen si no 2 jadi usulen PERMATA GBKP ibas Musyawarah Ngawan si ilakoken ibas Runggunndu. Adi umpamana waktu Musyawarah Ngawan la ilakoken ibas minggu enda (simehulina ibas waktu piga-piga minggu nari). Emaka daftar (cataten) enda isusun Pengurus PERMATA GBKP Tingkat Runggun, guna isehken ku Musyawarah Ngawan ibas waktu si itentuken Runggun.

V. USULAN LAGU

1. KEE NO.209
2. Bertemu dalam kasihnya
3. Pengikut Kristus yang mulia