(Kesadaran tentang Ligkungan: inovatif dalam merawatLingkungan)
Teks : Kejadin 2:8-17
Thema : NGUSAHAI RAS NJAGAI BATANG KAYU
Tujun : Gelah Mamre
- Meteh maka Dibata si nepa doni ras manusia si ngusahai ras njagaisa
- Ertanggungjabab guna ngusahai ras njagai doni siitepa Dibata alu mehuli ras sempurna.
Metode : Diskusi
Manusia dan taman Eden2:8 Selanjutnya TUHAN Allah membuat taman di Eden, di sebelah timur; disitulah ditempatkan-Nya manusia yang dibentuk-Nya itu. 2:9 Lalu TUHAN Allah menumbuhkan berbagai-bagai pohon dari bumi, yang menarik dan yang baik untuk dimakan buahnya; dan pohon kehidupan di tengah-tengah taman itu, serta pohon pengetahuan tentang yang baik dan yang jahat. 2:10 Ada suatu sungai mengalir dari Eden untuk membasahi taman itu, dan dari situ sungai itu terbagi menjadi empat cabang. 2:11 Yang pertama, namanya Pison, yakni yang mengalir mengelilingi seluruh tanah Hawila, tempat emas ada. 2:12 Dan emas dari negeri itu baik; di sana ada damar bedolah dan batu krisopras. 2:13 Nama sungai yang kedua ialah Gihon, yakni yang mengalir mengelilingi seluruh tanah Kush. 2:14 Nama sungai yang ketiga ialah Tigris, yakni yang mengalir di sebelah timur Asyur. Dan sungai yang keempat ialah Efrat. 2:15 TUHAN Allah mengambil manusia itu dan menempatkannya dalam taman Eden untuk mengusahakan dan memelihara taman itu. 2:16 Lalu TUHAN Allah memberi perintah ini kepada manusia: “Semua pohon dalam taman ini boleh kaumakan buahnya dengan bebas, 2:17 tetapi pohon pengetahuan tentang yang baik dan yang jahat itu, janganlah kaumakan buahnya, sebab pada hari engkau memakannya, pastilah engkau mati.”
- KATA PENARUH
Indonesia e me salah sada siikataken paru-paru dunia. Engkai maka bage? Erkiteken melala denga batang kayu siturah sierbahanca udara bersih dingen sejuk situhu-tuhu perlu sierbahanca manusia sehat. E maka negara-negara sideban ngelarang Indonesia guna nabahi batang kayuna segelah kerina manusia, ija pe tading tetap sehat. Melala negara enggo njadiken negarana jadi ingan industri, perluasen ibukota pemerintahan ras njadiken sebage pemukimen rakyat. Di samping e, pemerintahta ‘menggalakkan’ menanam seribu pohon subuk i kuta bage pe i kota sebage ‘Gerakan Penghijauan’. Arah si enda nuduhken maka penting kal batang kayu i bas kegeluhen manusia. Adi bage, kai nge kira-kira pedah Dibata man manusia kerna batang kayu? Guna njababsa, mari sipebagesi Kata Dibata si seh man banta si jadi ogenta i bas kepulungenta enda.
- URAIAN TEKS/TAFSIREN
Kitab Kejadin 2:8-17 nuriken piga-piga hal, e me:
- Dibata nepa ras namaken manusia “Adam” I peken Eden (Ayat 8). Dibata nepa manusia rikutken tempasNA (IMAGO DEI). Lokasi Taman Eden enda e me i Eden, arah Timur. Eden ertina kesenangen, keriahen. Dibata enggo mereken kesenangen dingen keriahen man “Adam” tupung tading i peken Eden.
- Iljadiken Dibata erbage-bage batang kayu simehuli janah buahna pe mehuli, tujunna e me guna “kelangsungan hidup Adam”. Kerina batang kayu enda mereken ‘udara si bersih dingen sejuk’, ingan cicio, bulung ras buahna banci ipan (Ayat 9a).
- Dibata tole mpeturah batang kayu simereken kegeluhen ras pemeteh kerna sibujur ras sijahat (Ayat 9b).
- Dibata erbahan sada lau mbelin (Ayat 10 – 14). Enda pe tujunna guna kelangsungan hidup Adam’, sabab lau jadi salah sada kebutuhen manusia seh kal pentingna. Bagi nina, manusia banci la man 1 minggu, tapi la terpastiken tetap nggeluh adi la minem minggu. Lau pe ipake guna mpeturah sinuan-sinuan entah pe batang kayu, iban jadi lau irigasi, ipake guna keperlun jabu (ridi, erdakan, nuci ras sidebanna).
- Dibata mereken tugas ras tanggungjabab guna ngusahai ras njagaisa kerina tinepa si lit i peken Eden. Ngusahai dingen jagai ertina menanam, merawat, memelihara ras melestarikan ras mpekena-kena si lit i bas peken Eden (Ayat 15).
- Dibata mereken perentah man Adam kerna banci entah lang nandangi sada batang kayu si lit itengah peken e. Nina: “kerina buah batang kayu silit i bas peken enda banci ipandu, janah buah batang kayu simereken pemeteh kerna sibujur ras sijahat la banci ipandu, adi ipanndu, la banci lang mate kam i bas wari e”. Ijenda Dibata mereken kebebasan man Adam, janah uga Adam menguasai diri ras megiken kataNA, jenari iarapken Adam patuh nandangi kai siikataken Tuhan man bana.
- APLIKASI
Kuasa Dibata tuhu-tuhu rejin rikutken kai siteridah i bas tinepaNa. Dibata enggo nepa kerina alu mehuli, ratur ras sempurna, kuh la lit sikurangna. Kerina enda itepa Dibata gelah manusia banci tahan nggeluh i peken Eden. Sendalanen ras kata enda, Mamre idilo dingen iajuk Dibata segelahna ngataken bujur man Tuhan erdandanken pemere ras tinepa-NA. Salah sada cara ngataken bujur e me kap erdiate nandangi sinuan-sinuan entah pe batang kayu. Carana e me kap nuan (gelah ula masap), mpekena-kena (melestarikan), ngusahai ras njagai kerina sinuan ras batang kayu si lit isekelewetta. Umpamana i kesain rumahta, gerejanta, jumanta, ideleng-deleng, kesain kuta, i bas ingan erdahin, lingkungen ingannta tading. Tole pe iajuk kita gelah nuan ras mpekena-kena bunga-bunga, gelah mejile tatapen. Namaken sampah i bas inganna (la ngambekken sampah sembarangen). Gelah reh belinna gunana iban ‘Bank Sampah’ janah genduari lit pengelolan sampah gelah banci jadi pupuk organik.
Ula cedai lau, ula tabahi batang kayu (illegal logging) gelah udara tetap bersih ras sejuk. Ula cedai mata lau guna kepentingen bisnis, sabab perlu kal siinget maka salah sada tanggungjababta guna kiniulin anak kempunta bagi nina kata-kata bijak “jangan tinggalkan air mata tapi tinggalkanlah mata air”. Mamre idilo gelah tetap ngkuasai dirina ipeturah ukur guna nadingken (mewariskan) man sinursurta e me kiniulin, ula erkiteken rangapna maka kerina batang-batang kayu itabahi. sebab nuan batang kayu seh galang ertahun-tahun dekahna. E maka ukurilah, sope nabah batang kayu e, kai kira-kira resikona. Guna sienda banci ibahan sada “Gerakan Ngusahai ras Njagai Tinepa”, I bas Gereja Kerjasama ras pemerentah. Umpamana: Pemerentah “erban Perda” nuan dingen mpekena-kena bunga, batang kayu, erbahan Bank Sampah, janah ibahan sanksi tegas man kalak si nabahi kayu i kerangen. Janah Gerejanta pe erban “keputusen i bas Sinode GBKP” segelah tep-tep kalak siipasu-pasu erkewajipen “maba rasnuan 2 bunga entah pe 2 batang kayu” si suanken i komplek Gereja. Bage pe iban ka program Mamre sektor, Renggun, Klasis ras Mamre Pusat erban gerakan nuan batang kayu. Bage pe iajari dingen ididik anaknta ngekelengi batang kayu.
Bage pe genduari pemaken kertas enggo ikurangi erdandanken enggo lit IT, arah android enggo banci kita ngirim berita kai pe. Bahan baku kertas e me batang kayu. Enda pe enggo jadi dalan guna
ngkurangi penebangan kayu si lit i kerangen. E maka “Stop perambahan hutan, stop illegal logging” guna kiniulin lingkungen, doni enda ras kerina si enggo itepa Dibata tetap mehuli ras sempurna. Enggo paksana nuan, njagai ras mpekena-kenasa, labo nabahisa. Malemlah ateta sienggo megi kata enda ras singelakokenca i bas kegeluhenna sitep-tep wari. Amin.
- DISKUSI
- Engkai maka manusia isuruh Dibata guna ngusahai dingen njagai batang kayu?
- Kai nge sibanci siban selaku Mamre i bas ngusahai dingen njagai batang kayu, adi kune sieteh, lit perambahen hutan (illegal logging) i sekelewetta, nggit nge kita ngelaporken man pihak berwajib?
- USULEN LAGU
- KEE GBKP No. 209: 1, 4, 5
- KEE GBKP No. 306: 1,4
- KEE GBKP No. 260: 1,4,5
- KEE GBKP No. 272: 1,3
- KEE GBKP No. 201: 1,3,4
Pdt. Masada Sinukaban, M.Si
HP. 0812 6427 476