Orat nggeluh simbaru i bas pandemi (sosial/budaya peradaten)
Teks : Efesus 4:17-24
Tema : ORAT NGGELUH SIMBARU
Tujun : Gelah Mamre:
- Meteh identitasna selaku manusia si mbaru
- Ngasup ncidahken orat nggeluh simbaru i bas ngalaken kegeluhen sinihadapina.
Metode : Diskusi
Manusia baru
4:17 Sebab itu kukatakan dan kutegaskan ini kepadamu di dalam Tuhan: Jangan hidup lagi sama seperti orang-orang yang tidak mengenal Allah dengan pikirannya yang sia-sia 4:18 dan pengertiannya yang gelap, jauh dari hidup persekutuan dengan Allah, karena kebodohan yang ada di dalam mereka dan karena kedegilan hati mereka. 4:19 Perasaan mereka telah tumpul, sehingga mereka menyerahkan diri kepada hawa nafsu dan mengerjakan dengan serakah segala macam kecemaran. 4:20 Tetapi kamu bukan demikian. Kamu telah belajar mengenal Kristus. 4:21 Karena kamu telah mendengar tentang Dia dan menerima pengajaran di dalam Dia menurut kebenaran yang nyata dalam Yesus, 4:22 yaitu bahwa kamu, berhubung dengan kehidupan kamu yang dahulu, harus menanggalkan manusia lama, yang menemui kebinasaannya oleh nafsunya yang menyesatkan, 4:23 supaya kamu dibaharui di dalam roh dan pikiranmu, 4:24 dan mengenakan manusia baru, yang telah diciptakan menurut kehendak Allah di dalam kebenaran dan kekudusan yang sesungguhnya.
- KATA PENARUH
I bas perdalanen geluh enda pasti mbue perubahen sinihadapi, apalagi erkiteken dampak pandemi corona enda enggo mpengaruhi kerina sisi kegeluhennta, baik kiniteken, sosial, ekonomi, pendidiken, peradatenta rsd. Min i bas situasi serba berubah bagenda, iarapken Mamre tetap ngasup ncidahken identitasna selaku pilihen Tuhan ras ngasup ngikuti budaya hidup baru sue aturen demi keselamaten bersama. Ula lalap ngarapken ras ndalanken kegeluhen bagi si enggona (si gel-gel/simale) umpamana i bas pulung nterem maka semangat, sementara keadaan la mengijinken. Kalak sierkiniteken iarapken banci min mengubah orientasina pelayanenna ku arah peningkaten kualitas (isina), walau tanpa pulung pedempak. Enda me ateta si pelajari arah bahan PA nta sendah.
- URAIAN TEKS/ TAFSIREN
Ogenta e me nasehat Paulus kerna orat nggeluh kalak sierkiniteken, sendalanen min ras kinitekenna gia situasi ras tantangen sinihadapina mberat ras berubah. Ula min kurangi kualitas perbahanenna erkiteken situasi sinihadapina, sebab ia kalak si enggo ipilih ras ipelimbarui Dibata. la tetap harus ncidahken identitas dirina selaku kalak sierkiniteken i bas kerina situasi sihadapina, ula bagi kalak si la nandai Dibata (ay. 17).
Ise ras kuga kin figur kalak si la nandai Dibata? e iuri Paulus alu jelas i bas ay. 17-19 e me nina kalak si la ergguna perukurenna, gelap pengertinna, mersik ukurna, pelepasna dirina italuken sura-surana si jahat, janah ilakokenna kerina si la mehuli alu la alang-alangen. Istilah si ipekena “pleonexia” = hawa nafsu (rakus, tidak pernah puas, tamak, iri hati). Alu kata sideban napsu serakah alu ngorbanken kalak sideban demi kepentingenna.
Enda me igelari Palulus manusia si male (22) simeneken bana alu sura-surana sinipu.
Tentu nasehat enda isehken Paulus jelas erkiteken ilatar belakangi idahna i bas Perpulungen Efesus mbue bertabiat bagenda ndai, lanai matching identitasna ras perbahanenna (identitasna mbaru tapi perbahanenna male)
Alasen Paulus mereken nasehat enda e me sebab tujun Dibata ndilo ia gelah nadingken kegeluhen si male ras jadi nggeluh simbaru i bas Kristus (nen 2 Kor. 5:17). Selaku manusia simbaru arusna carana rukur ras perbahanenna bagi perukuren Kristus, geluhna ipimpin Kesah si Badia ras nggeluh badia (ay.24).
- APLIKASI
Itengah tantangen jaman sinihadapi kita gundari, khususna erkiteken dampak covid 19 enda, la banci lang mengharusken kerina tatanen kegeluhennta arus berubah, tapi i bas sisi isi (integritas) ta selaku kalak si enggo ipilih ras ipelimbarui Dibara arus tetap arus sue panggilenta e me ndalanken kebenaren Dibata.
Guna sie, itengah situasi perubahen bagenda Mamrenta pe la bani lang ngubah pandangenna ndalani kegeluhen enda. Adi selama enda ketutusen ras semangatna orientasina bagi cara sindekah, misalna banci pulung ku gereja makana reh ras muat bagin, adi lang lanai ia teridah. Gundari arus iubah: la gia pedempak secara langsung tapi tanggungjababna ermeningkatna.
Contohna…mbarenda sanga langa covid si pulung gereja 200 kalak kolektena Rp.1.000.000. Kenca covid pulung alu virtual jadi 300 kalak kolektena jadi Rp. 2.000.000… Terjadi peningkaten isi (kualitasna)
Jadi kita selaku pilihen Tuhan arus beda ras kalak si la erkiniteken. Adi kalak sila erkiniteken pasti nge banna alasen lanai melayani, kurangi kolekte, rsd erkiteken pengaruh covid enda.
Mamre arus encidahken integritas sue panggilenna i tengah perubahen si Jadi e me orat nggeluh simbaru Mamre GBKP sue temanta!!!! Amin…
- DISKUSI
- Turiken pengangkanta kerna perbedaan kalak sierkiniteken ras si la erkiniteken i bas ngalaken tantangen ras perubahen i bas kegeluhen enda.
- Kai tekadta ku lebe enda nandangi pelayanenta man gerejanta, sangkep geluhta ras masyarakatta?
- USULEN LAGU
- KEE GBKP No. 224:1-2
- KEE GBKP No. 273:1-2
- KEE GBKP No. 75:1-
- KEE GBKP No. 342:1
Pdt. Seth Perangin-angin, MTh
HP. 0813 9734 032