MERIAH RAS KERINA KALAK
Roma 12:14-21
(Komunikasi)
12:14 Berkatilah siapa yang menganiaya kamu, berkatilah dan jangan mengutuk! 12:15 Bersukacitalah dengan orang yang bersukacita, dan menangislah dengan orang yang menangis! 12:16 Hendaklah kamu sehati sepikir dalam hidupmu bersama; janganlah kamu memikirkan perkara-perkara yang tinggi, tetapi arahkanlah dirimu kepada perkara-perkara yang sederhana. Janganlah menganggap dirimu pandai! 12:17 Janganlah membalas kejahatan dengan kejahatan; lakukanlah apa yang baik bagi semua orang! 12:18 Sedapat-dapatnya, kalau hal itu bergantung padamu, hiduplah dalam perdamaian dengan semua orang! 12:19 Saudara-saudaraku yang kekasih, janganlah kamu sendiri menuntut pembalasan, tetapi berilah tempat kepada murka Allah, sebab ada tertulis: Pembalasan itu adalah hak-Ku. Akulah yang akan menuntut pembalasan, firman Tuhan. 12:20 Tetapi, jika seterumu lapar, berilah dia makan; jika ia haus, berilah dia minum! Dengan berbuat demikian kamu menumpukkan bara api di atas kepalanya. 12:21 Janganlah kamu kalah terhadap kejahatan, tetapi kalahkanlah kejahatan dengan kebaikan!
A. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden KAKR.
• Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
Rende : KEE No. 192:1
Meriah kita ras k’rina, si puji Dibatanta
Perban lias ateNa e, isehkenNa man banta pe
Nggo pulung kita k’rina pe,
i bas ingan endaI bas ingan enda
Ertoto
Ngoge: Roma 12:14-21
Tema: Meriah Ras Kerina Kalak
Paulus nehken suratna man perpulungen Kristen i Roma lako ngingetkenca maka kerembakenna ras Tuhan Dibata oratna min mereken ngaruh si mehuli i bas kerembakenna ras kalak si deban, subuk sada kiniteken ntah pe lang janah i je kita nggeluh i bas kekelengen. I bas kecibal kegeluhenta genduari enda pe iajuk kita kerina lako meriah ras kerina kalak sabab enggo reh dewasana kita ngangkai kai ertina kita icibalken Tuhan ras kalak si deban i sekelewetta.
Kuga carana si enda si cidahken i bas kegeluhenta? Rikutken Roma 12:14-21 maka lit 8 dampar si banci erbahanca kita meriah ras kerina kalak e me:
Sipemena, jadi pasu-pasu, la numpahi
Sipeduaken, meriah ras kalak ermeriah ukur, tangis ras kalak si tangis
Sipeteluken, mperdiateken keperlunna alu la meganjang ukur dingen mpertemanisa pe
Sipeempatken, la mbalas kejahaten tapi erbahan si mehuli Sipelimaken, asa ngasup ngusahaken gelah meriah ras kerina kalak Sipeenemken, bere dalan man Dibata si erbalas
Sipepituken, mere minem ras man imbang si muas melihe
Sipewaluhken, talukenlah si jahat alu perbahanen si mehuli. Kata kunci i bas si enda e me i bas ayat 18 si jadi bagin tema renungen PJJ nta e me ‘asa ngasupndu usahakenndulah’.
Penting kel si pebagesi erti kata ‘asa ngasupndu usahakenndulah’ enda maka meriah ras kerina kalak banci tersehi. Kata enda ngertiken maka asa bancina, rikutken gegeh kengasupen si ibereken Tuhan man banta. Mehuli pe kata enda sikawitken ras Ulangen 6:5, “Kelengilah TUHAN Dibatandu asa ukurndu, asa tendindu, asa gegehndu lit”. Penjemba maka kita ngelakoken sada hal asa ukur, asa tendi ras asa gegeh e me erkiteken si idahiken kita guna cidahken keleng ateta nandangi Tuhan Dibata. E maka asa ngasupta siusahaken nggeluh meriah ras kerina kalak erkiteken enggo sigejapken keleng ate Tuhan Dibata man banta dingen erkiteken keleng ka ateta nandangi Tuhan Dibata, si enggo mereken AnakNa si Tonggal lako nebusi kita arah kematenNa.
Kune sikawitken ras komunikasi, maka mehuli pe si antusi ras-ras kerna kata sekalak ahli teori komunikasi ras sosiologi Amerika nari tergelar Everett M. Rogers (1931-2004) ngataken maka erti komunikasi e me proses kuga maka sada buah perukuren (ide) isehken arah sada ulu ku si deban (sada ntah pe nterem si ngalokenca) alu tujun lako ngobah pengkebet (tingkah laku) kalak si deban. Alu makeken pengertin enda e maka renungen PJJ nta enda sendalanen ras tema mabai kita lako nuanken sada buah perukuren si mehuli i bas kiniersadanta ras kalak si deban. Buah perukuren e e me kata ‘meriah’ janah si ngelakokenca (subjek) na e me kita bage pe kalak si deban kerinana. Si enda sicidahken arah pengerana (komunikasi verbal: ngerana la megang, sora tangkas dingen la metersa) bage pe perbahanen (komunikasi non verbal: makeken mata alu mehuli, ayo siang ntah pe cirem). Gendekna, arah pengerana ras perbahanenta sicidahkenlah keleng ate Tuhan si enggo lit i bas kita nandangi kalak si deban maka meriah kita ras kerina kalak.
Ulih arah komunikasi si mehuli erbahanca kita erteman ras ise pe, lit perdamen, tergejap lit kekelengen sabab ngasup kita ncibalken dirinta lako “tangis ras kalak si tangis, meriah ras kalak si ermeriah ukur”. Kerina enda la terjeng man Kristen saja si lakoken tapi man kerina kalak. La lit belat-belat kai pe. Tuhan Jesus si mpengasup kita arah pendahin KesahNa si Badia. Amin
Nuriken Penggejapen: Si mada jabu (Bapa, Nande ras Anak) bage pe sekalak Serayan Tuhan
Rende KEE No. 192:3
Dagelah ula lupa min, pehaga Dibatanta
Alu perbahanenta kin, kelengilah pe temanta
I bas kegeluhenta e, i babo doni e.
I babo doni e
Praktek ras Aksi guna ilakoken sekalak Bapa, Nande ras Anak
Praktek: Pindoken guna melasken kata si ncidahken kita ngergaken kalak si deban.
Aksi: : Pilihlah 1 arah 8 hal si banci erbahanca kita meriah ras kerina kalak si ateta silakoken i bas Minggu enda (rikutken si enggo isuratken i bas Renungen PJJ nta). Adi memungkinken, si belasken ku ise ateta si lakoken.
Nehken Persembahen :
Rende KEE No. 15:2
Man baNdu o Tuhan, kesahku ras tendingku
Kupersembahkenlah, gegehku ras dagingku
Aloken o Bapa, keleng ateku min
Sabab ku’teh tetap, e ngena ‘teNdu kin
Pertoton Persembahen + Pertoton Sapaat ras Pertoton Tuhan:
1. Kerna persembahen
2. Gelah ipengasup Tuhan kita meriah ras kerina kalak
3. Si turah i bas jabu ras sektor
C. PENUTUP: MOMO
Pdt. Agustinus Ginting Manik, M.Th., M.Pd.
HP/WA: 0852 6111 9971