SINASA LIT IJADIKEN ARAH KRISTUS GUNA KRISTUS
Kolose 1:15-20
Keutamaan Kristus
1:15 Ia adalah gambar Allah yang tidak kelihatan, yang sulung, lebih utama dari segala yang diciptakan, 1:16 karena di dalam Dialah telah diciptakan segala sesuatu, yang ada di sorga dan yang ada di bumi, yang kelihatan dan yang tidak kelihatan, baik singgasana, maupun kerajaan, baik pemerintah, maupun penguasa; segala sesuatu diciptakan oleh Dia dan untuk Dia. 1:17 Ia ada terlebih dahulu dari segala sesuatu dan segala sesuatu ada di dalam Dia. 1:18 Ialah kepala tubuh, yaitu jemaat. Ialah yang sulung, yang pertama bangkit dari antara orang mati, sehingga Ia yang lebih utama dalam segala sesuatu. 1:19 Karena seluruh kepenuhan Allah berkenan diam di dalam Dia, 1:20 dan oleh Dialah Ia memperdamaikan segala sesuatu dengan diri-Nya, baik yang ada di bumi, maupun yang ada di sorga, sesudah Ia mengadakan pendamaian oleh darah salib Kristus.
A. PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen.
- Nungkun ras nuratken topik pertoton sapaat.
- Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
- Sope benaken PJJ, banci kita rende alu make ende-enden KAKR.
- Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/PERPULUNGEN JABU
1. RENDE KEE No. 306:1 “O Kam Tinepa Dibata” (2x iendeken)
https://www.youtube.com/watch?v=MpECF0acHVs
O Kam tinepa Dibata, si mada kuasa pujilah
Haleluya, haleluya
Matawari ersinalsal, k’rina teridah merandal Rasa lalap, puji Tuhan
Haleluya, haleluya, haleluya
2. Kemulian Dibata i bas TinepaNa
| Bapa | Dibata encidahken kemulianNa si mbelin arah anakNa Jesus Kristus si suruh Na ku doni guna nelamatken manusia. |
| Anak | Terpujilah Tuhan i bas kemulian Na si teridah i bas Tuhan Jesus Kristus. |
| Nande | Kemulian Dibata pe teridah arah keleng ateNa si mbelin man banta manusia. |
| Kerina | Ipuji ras isembah kami Kam Tuhan, sabap kemulianNdu tangkas man kami arah lias ras keleng ateNdu si mbelin man kami. |
3. ERTOTO (IBABAI SIMADA JABU)
4. NGOGE KATA DIBATA: Kolose 1:15-20 (logeken Nande)
5. RENUNGEN
Tema : Sinasa Lit Ijadiken Arah Kristus Guna Kristus Teptep manusia pasti lit tujun utama bas kegeluhenna. Tujun utama e tentu erkawiten ras kai si arus ilakoken manusia i bas kegeluhenna. Šeh maka tujun geluhna e teridah pe arah kerina perbahanen si ilakokenna subuk man kalak si deban bage pe man kerina tinepa Dibata i bas doni enda. Kalak singgejapken tujun geluhna guna Dibata tentu si ilakokenna pe guna Dibata ka nge kerina. Janah sebalikna, kalak si erpengakap tujun geluhna e me guna dirina jine, maka sinilakokenna bas geluhna pe guna dirina saja ngenca. Bagem cara si banci ilakoken manusia lako meteh kai kin situhuna tujun geluh si jadi perayakenna.
I bas buku si itulisken Armand Barus, ituriken maka ogen PJJ-nta enda e me sada ende-enden kerna Kristus (nyanyian Kristologi). Ertina maka ende-enden enda ipenangkih tujunna guna encidahken kiniersadan Dibata ras Kristus si labo terpisahken bas kiniteken manusia. Dibata ras Kristus è sada nge. Bagi si ituriken Paulus nina: Sabap arah la Dibata njadiken kerina si nasa lit… Kata enda ngingetken maka kiniersadan Dibata e teridah alu tangkas i bas mata kinitekenta. E maka teridah ka nge i je maka pusat kegeluhen kiniteken manusia ras doni enda e me kap Kristus. Alu bage kerina sinasa lit enda arusna muji Kristus i bas kegeluhenna. Bage me si arus ilakoken manusia i bas kegeluhenna, muji Dibata dingen naksiken kerina kemulian Dibata e bas perdalanen geluhna.
Terdauhen isingetken Paulus gelah kerina tinepa Dibata arus jadi rupa Kristus. Kerina tinepa e melala kal antusenna man banta, umpamana: kerina si teridah ras la teridah, kerina si lit i bas doni bage pe i surga termasuk pe kesah si erkuasa ras merentah. Pengertin enda ituriken Paulus gelahna kerina tinepa e sedar maka i bas ia lit nge rupa Kristus e. Kristus me si jadi takal i bas kerina tinepa e. Janah adi i bas ia lit rupa Dibata e, la banci lang tinepa e pe arus nge encidahken rupa Dibata e i bas geluhna. Ertina rupa labo terjeng tampilen si teridah saja ngenca, tapi lit ka nge ije dolat ras kiniulin Dibata i bas diri tinepa e. Seh maka rupa Dibata e me si mabai manusia ngasup nuduhken erbage-bage perbahanen si mehuli bagi biak Dibata si lit i bas dirina jine.
I bas ngelaksanakenca, tentu melala si banci ilakoken kalak si erkiniteken i bas njagai kiniulin tinepa Dibata. Perserikatan Bangsa-bangsa (PBB) enggo ngerumusken 17 tindaken ntah pe tujun si arus ilakoken teptep jelma bas geluhna. Tindaken e tujunna guna njagai kiniulin lingkungen selaku tinepa Dibata. Ertina arus ije lit sikap manusia guna njagai, memelihara ras melestariken lingkungen e selaku tinepa Dibata si mehuli. Tentu enda banci icidahken alu hal-hal si kitik si banci ilakoken manusia i bas jabuna, umpamana erban bank sampah, njagai kebersihen lingkungen seh pe alu melestariken sinuan-sinuan si erguna bas kegeluhen jabu. Alu litna kesadaren si bage i bas jabu, teridah maka tujun kerina perbahanenta, e me guna kemulian Dibata.
6. NURIKEN PENGGEJAPEN
- BAPA
- NANDE
- ANAK
7. IRAKUT PERTUA/DIAKEN/EMERITUS/PENDETA
8. DISKUSI/SHARING/CERAMAH/AKSI
- Turikenlah pengangkanta kai ertina sinasa lit ijadiken arah Kristus guna Kristus.
- Arihken dingen lakokenlah perbahanen kai si banci silakoken i bas jabu guna njagai kiniulin lingkungenta.
9. NEHKEN PERSEMBAHEN
RENDE KEE No. 316:1,3 “Seh Kal Simparna PemereNdu”
https://www.youtube.com/watch?v=U4qvrrlmMAw
Sehkal simparna pemereNdu o Tuhan
Mejuah-juah kerina I bas jabu
La lit si magin pinakit la ertahan
Ngataken bujur pusuh kami man baNdu
Di kiniteken erbuah bas perlagu
Bas engkelengi min ola kita medu
Bas si mehuli lalap min kita mbaru
Tuhan Dibata tetap si masu-masu
10. PERTOTON SAPAAT (Ibabai Bapa)
- Notoken kalak si erkiniteken gelah njagai kiniulin lingkungenna.
- Notoken teptep jabu kalak Kristen gelah jadi usihen i bas perbahanenna man tinepa Dibata.
- Notoken kecibal bangsa ras negara bage pe pemimpin pemimpin bangsa.
11. RENDE: KEE No. 307:1,2 “O Tuhanku Kam Me Permakanku” (2x iendeken)
https://www.youtube.com/watch?v=QP95ZdnEWGM
O Tuhanku Kam me permakanku
E maka la kekurangen aku
Ku mbal-mbal m’ratah aku babaNdu
Ipesenang-senang Ndu geluhku
Reff: Permakanku si njayam geluhku
malem ateku senang tuhu
KelengNdu tetap maler man bangku
Kam me Tuhanku Permakanku
12. PERTOTON TUHAN
13. MOMO
C. JEDA RAS PENUTUP
Pdt. Dicky A. Bangun, M.Th.
HP/WA : 0812 6323 1231