(Politik)

Ogen     : Hakim-Hakim 3: 7-11

Tema     : Kesah Tuhan Erkuasalah I bas Pemimpin

Tujun     : Gelah Mamre

1. Meteh peminpin si idemi kuasa Dibata
2. Tetap mendukung peminpin Negara i bas kerina daerah

Hakim-hakim 3:7-11

3:7 Orang Israel melakukan apa yang jahat di mata TUHAN, mereka melupakan TUHAN, Allah mereka, dan beribadah kepada para Baal dan para Asyera. 3:8 Lalu bangkitlah murka TUHAN terhadap orang Israel, sehingga Ia menjual mereka kepada Kusyan-Risyataim, raja Aram-Mesopotamia dan orang Israel menjadi takluk kepada Kusyan-Risyataim delapan tahun lamanya. 3:9 Lalu berserulah orang Israel kepada TUHAN, maka TUHAN membangkitkan seorang penyelamat bagi orang Israel, yakni Otniel, anak Kenas adik Kaleb. 3:10 Roh TUHAN menghinggapi dia dan ia menghakimi orang Israel. Ia maju berperang, lalu TUHAN menyerahkan Kusyan-Risyataim, raja Aram, ke dalam tangannya, sehingga ia mengalahkan Kusyan-Risyataim. 3:11 Lalu amanlah negeri itu empat puluh tahun lamanya. Kemudian matilah Otniel anak Kenas.

KATA PENARUH

Lit istilah singatakenca, nina “peraturen ibahan guna i langgar, tapi labo guna ipatuhi ras idalanken”. Payo nge kira-kira istilah enda rikutken sura-sura Dibata? Tentu labo payo! Erkiteken peraturen e ibahan, salah sadana guna keselamatennta, umpamana: kita isuruh pake helm adi maba sepeda motor/kereta guna keselamatennta, tapi engkai maka melala denga si lenga make helm? Sidebanna, soal mematuhi peraturen lalu lintas tupung i lampu merah, gelahna kita ngadi, tapi engkai denga lit si melintas saja sanga lampu merah? Tentuna banci kecelakaan terjadi adi kita tetap erdalan sanga lampu merah. Tole, isuruh kita make masker entah pe ndalanken protokoler kesehaten untuk melindungi dirinta arah penyebaren virus corona, tapi lit denga si lenga ndalankenca. Bagepe lit peraturen ula membuang sampah dengan sembarangen tapi buanglah pada tempatnya tapi lit denga si lenga dalanken peraturen e. Arah si enda, banci sidat maka peraturen maba kiniaturen, keselamaten man banta kerina. Si menjadi penungkunen man banta, apakah seri nge kecibal kegeluhenta genduari ras kegeluhen kalak lsrael i bas ndalanken peraturen e? Guna sie, mari si pebagesı rikutken pengogenta si seh man banta i bas paksa enda.

URAIAN TEKS/TAFSIREN

Kekelengen Tuhan, ogenta kitab Hakim-Hakim 3:7-11 nuriken piga-piga hal man banta kerina i bas paksa enda, e me:

1. Kalak Israel lupa nembah man Dibata sanga i taneh Kanaan. Isembahna berhala Baal ras Asera (ay. 7). Baal (dewa hujan badai ras kesuburen) ras Asera (dewi kesuburen) merupaken dibata taneh Kanaan, ianggap banci mereken enterem anak, mereken pasu-pasu subuk man manusia bagepe man asuh-asuhen ras sinuan-sinuan. Kalak Israel mulai nembah baal tupung mulai erjuma, erkiteken iarapken kalak Israel ulih rani si mbue. Jenari kalak Israel erjabu ras kalak Kanaan seh maka isembahna Baal ras Asera, sebage juruselamatna.
2. Turah nembeh ate Dibata man kalak Israel erkiteken lanai isembahna IA. Kalak Israel lanai ncikep perpadanenna man Dibata, enggo ilanggarna peraturen Dibata, maka nina Dibata ula sembah dibata sideban. Kedungenna Dibata makeken Raja Kusan Risataim i Mesopotamia naluken ras merentah kalak Israel waluh tahun dekahna. Dibata banci saja makeken erbage-bage cara guna mpehuliken kita arah kalak sideban dikune lanai terdalanken kita sura-suraNA. Janah waktu 8 tahun itaban, labo waktu si cepat, tentuna melala bentuk-bentuk kiniseran si ialoken kalak Israel. Enda me ulihna man kalak Israel si lenga ras lanai dalanken peraturen i bas Dibata nari.
3. Turah kesadaren kalak Israel, maka enggo salah perbahanenna ilebe-lebe Dibata. Janah Dibata tetap mereken kesempaten man kalak Israel bertobat, e maka ibereken Dibata sekalak jelma si gelarna Otniel (sebage pahlawan) man kalak Israel. Otniel menjadi pemimpin kalak Israel ras naluken raja Mesopotamia. Kunci kemenangen Otniel e me Kesah Tuhan reh man bana.
4. Ulih kemenangen e, e me: i bas ayat 11, nina maka 40 tahun negeri e dame, ertina banci rakyat ndalanken perintah ras peraturen pimpinenna si maba ku simehuli. Lanai lit nari penyembahen man Baal ras Asera, kalak Israel enggo erpengendes man Dibata. Tentuna enda ibenaken arah Otniel sebage pemimpin kalak israel, icidahkenna ras itransferna nilai-nilai Kesah Si Badia man jelma si enterem. Umpamana: tetap encidahken keleng ateNA man kalak lsrael, ber-integritas, mengutamaken kepentingen bersama daripada kepentingen pribadi, menegakkan ras ndalanken keadilen ras kebenaren, mabai kalak Israel guna tetap cikep perpadanenna man Dibata, lanai isembahna dibata-dibata sideban selain Dibata Jahwe.

APLIKASI

Dibata mereken peraturen guna idalanken. Salah sadana: ula lit Dibata sideban selain IA. Ertina Dibatanta e me Dibata si pecimberu. Jenari tetap lit ibereken Dibata pintu pertobaten man banta kerina, e maka iajuk kita segelahna nadingken perbahanen si la ngena ate Dibata, adi kalak Israel nai ngendesken dirina man Baal ras Asera sebage sumber pasu-pasu. Si menjadi penungkunen man banta kerina, lit denga kita si ngendesken dirinta man judi, togel, narkoba, seks bebas, pelaku suap, perambahen hutan, pelaku dan penerima politik uang, jadi propokator, KKN ras makeken kepentarenna, kinibeluhenna ras sidebanna sebage sumber ketenengen ras kenyamanena? Mari si renungken i bas paksa enda! Mari kita erpengendes man Dibata, sidalanken aturen e guna kiniulinta sekalak-sekalak bagepe man banta kerina.

Selanjutna si ndalanken sura-sura Kesah Si Badia i bas itab Galatia 5:22.22, subuk sebage pemimpin i bas jabunta sekalak-sekalak, pemerintahen, i gereja, kantoren, I bas pendahinta sekalak-sekalak bagepe itengah-tengah masyarakat. Dibata ndilo kita guna banci tetap dalanken sura-suraNA rikutken statusnta/posisinta sekalak-sekalak. Janah ula lupa tetap sitotoken pemerintahnta subuk i bas pemerintah pusat nari seh ku kepala desa, tetap kita saling mendukung sada ras sidebanna, segelahna program pemerintah e erdalan alu mehuli guna mereken kesejahteran man banta kerina.

Marilah sindarami pemimpinnta bagi Otniel i bas paksa genduari enda, si dalanken sura-sura Tuhan Dibatanta ras anti nandangi perbahanen ras praktek si la ngena ate Dibata.

DISKUSI

1. Kai nge sebabna kalak Israel isembahna Baal ras Asera?
2. Uga carana kita banci ngaloken Kesah Dibata e, sijadi pergegehnta sebage Mamre subuk i bas jabunta, pendahinta, gereja, masyarakat?

USULEN ENDE-ENDEN

1. KEE GBKP No. 201: 1,3,4
2. KEE GBKP No. 245:1-3
3. KEE GBKP No. 282:1-3
4. KEE GBKP No. 68:1-3

Pdt. Masada Sinukaban, M.si