KERINA ERDAHIN GUNA TUHAN
(Ngalo-ngalo Tahun Pelayanen 2022)
Roma 16: 1 – 7
Salam16:1 Aku meminta perhatianmu terhadap Febe, saudari kita yang melayani jemaat di Kengkrea,
16:2 supaya kamu menyambut dia dalam Tuhan, sebagaimana seharusnya bagi orang-orang kudus, dan berikanlah kepadanya bantuan bila diperlukannya. Sebab ia sendiri telah memberikan bantuan kepada banyak orang, juga kepadaku sendiri.
16:3 Sampaikan salam kepada Priskila dan Akwila, teman-teman sekerjaku dalam Kristus Yesus.
16:4 Mereka telah mempertaruhkan nyawanya untuk hidupku. Kepada mereka bukan aku saja yang berterima kasih, tetapi juga semua jemaat bukan Yahudi.
16:5 Salam juga kepada jemaat di rumah mereka. Salam kepada Epenetus, saudara yang kukasihi, yang adalah buah pertama dari daerah Asia untuk Kristus.
16:6 Salam kepada Maria, yang telah bekerja keras untuk kamu.
16:7 Salam kepada Andronikus dan Yunias, saudara-saudaraku sebangsa, yang pernah dipenjarakan bersama-sama dengan aku, yaitu orang-orang yang terpandang di antara para rasul dan yang telah menjadi Kristen sebelum aku.Salam i bas Paulus nari
16:1 Ateku mpetandaken turangta Pebe man bandu. Ia sekalak diaken i bas perpulungen si lit i Kenkerea.
16:2 Alokenlah ia i bas gelar Tuhan, bagi arusna ibahan anak-anak Dibata. Sampatilah ia i bas kai pe si iperlukenna i bas kam nari; sabap ia jine enggo nterem kalak isampatina janah aku pe enggo isampatina.
16:3 Mejuah-juah man Persila ras perbulangenna Akuila, temanku sada dahin i bas dahin Kristus Jesus.
16:4 Si la mbiar ngasamken kesahna man gunangku. Mbue bujur kukataken man bana, labo aku saja ngataken bujur man bana, tapi pe kerina perpulungen-perpulungen kalak si labo Jahudi.
16:5 Mejuah-juah pe kukataken man perpulungen si make rumahna jadi ingan kebaktin. Mejuah-juah man Epenetus temanku si kukelengi, kalak si pemenana tek man Kristus i Propinsi Asia.
16:6 Mejuah-juah man Maria si enggo latih erdahin gunandu.
16:7 Mejuah-juah man Andronikus ras Junias, temanku sebangsa si pernah ipenjaraken ras aku. Duana ia terberita selaku perintis i bas meritaken Berita Si Meriah janah leben nge ia duana jadi Kristen asangken aku.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen.
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Daftarken pertoton syafaat ras simbaba pertoton syafaat 3 kalak : P1, P2, P3
- Kerina perdalinenna rikutken situasi janah banci iubah (imodifikasi).
- Sope benaken PJJ mehuli kita rende-rende Lagu KAKR
Rende KEE. 313 – Pulung M’riah Kal Kami Kerina
Pulung m’riah kal kami kerina,
Jumpa i bas rumah si badia
Reh min Kam o Bapa si mulia,
g’lah kerina badia jadinaSalsali pusuh kami,
layasi ukur kami
Pengarapen reh teguhna,
kiniteken reh paguhnaWari ras berngi nggo ibentasi,
keleng ateNdu tetap nemani
I bas mberat Kam lalap nampati,
I bas susah Kam si ngelayasiSalsali pusuh kami,
layasi ukur kami
Pengarapen reh teguhna,
kiniteken reh paguhna
Ertoto (ibabai Moria)
Renungen
Perpulungen Roma lenga pernah idahi Paulus tupung erban surat enda. Tapi ibegina ise saja teman sada kiniteken si ikut erdahin guna Tuhan. Emaka bagi semalna i bas pendungi suratna isingetkenna salam man perpulungen si ngaloken suratna enda. Si idah i bas suratna man perpulungen Roma enda si enteremna teman si isingetkenna. Sura-sura Paulus gelah kerina si isingetkenna enda banci peseh salam man teman si deban. Alu enda maka mahan bana teman-teman si isingetkenna i jenda enggo muat bagin i bas ndahiken dahin Tuhan.
Gelar-gelar si isingetken Paulus i jenda enterem diberu. Enda nuduhken maka bena-benana nari pantek gereja enda diberu enggo muat bagin ndahiken dahin Tuhan. Banci si idah i jenda eme Pebe. Ia sekalak Diaken diberu i Kenkrea. Ia me simbaba surat Paulus enda ku Roma. Pengarapen Paulus gelah ialo-alo Perpulungen Roma ia alu mehuli dingen nampati ia nandangi kai si iperlukenna. Bage pe Persila ras perbulangenna Akuila. Menarik, kalak enda duana sebab gelarna la pernah sirang isingetken Paulus. Bagi kiung si dua-dua, teridah sada teridah duana. Engkai? Perban duana ia tetap ikut nampati dahin Berita Si Meriah. Janah leben gelar ndeharana isingetken Paulus, enda nuduhken maka Persila selaku ndehara aktif i bas dahin Tuhan. Terlebih duana ia ermeriah ukur ipake rumahna jadi ingan kebaktin. La lupa Paulus pe nehken salam man perpulungen si i rumahna. Jenari salam man Epenetus, kalak si pemena tek i daerah Asia. Tole isingetken Paulus kerna Maria, sekalak si enggo latih erdahin guna perpulungen Roma. Rikut pe si Andronikus ras Junias, turiken Paulus maka kalak enda teman sebangsa ras pernah ipenjaraken. Nina Clemens, Paulus pernah penjaraken pitu kali. Banci jadi sekali paksa ras kalak enda ia. Turiken Paulus maka leben kalak enda jadi Kristen asangken ia. Jenari tersinget Ampliatus, teman si ikelengi Paulus. Rikutken penelitian ia sekalak budak si jadi Kristen. Ikut erdahin meritaken Berita Si Meriah man keluarga bangsawan Flavii. Enterem denga si isingetken Paulus i bas pendungi suratna enda, tapi la kerina tersingetken kita erkiteken keterbatesen paksa ras ingan i bas PJJ enda.
Arah ngurri bahan renungenta i bas pendungi surat enda maka si idah Paulus la lupa nandangi ise saja temanna sada dahin i bas pembarken Berita Si Meriah. Kerina gelarna singetkenna janah lit kerina tambahen keterangen si erbahanca malem ate ngogesa ras ngaloken suratna. Jenari kerina si muat bagi i bas dahin Tuhan enda erbage ije latar belakangna. Lit dilaki ras diberu, lit budak, lit pengerajin bagi Persila ras Akulia, lit kalak Jahudi, lit kalak Romawi rsd. Ertina maka la erpilih ras la erbelat ikut kerina muat bagin dahin Tuhan. Bage me kita ngalo-ngalo tahun pelayanen tahun si reh (Menjadi Pelaku Aktif) maka iarapken Tuhan arah gerejanta kerina kita ikut muat bagin, subuk KAKR, Moria, Mamre Permata, Saitun ula sada pe si magin, entah ndaram-ndarami alasen gelah ula erdahin, sebab si eteh maka mbelang denga man peranin, arus si eteh maka enterem denga si suin, tapi adi kerina kita muat bagin, jumpa kita si terulin, janah i bas si e gelar Dibata pe ipebelin. Amin.
NURIKEN PENGGEJAPEN (simada jabu/Mamre/Moria/Saitun) ibabai
Moderator
RENDE KEE. 283 – Kata Ni Dibata Bagi Cirus Udan
Kata ni Dibata, bagi cirus udan,
nusur ku doni enda
Peturah sinuan, o langit ras doni,
kam pe o pertibi
Begiken sorana, jadi erpemegi
DISKUSI/SIMPULKEN SERAYAN
- Kai kira-kira sebabna maka enterem denga kalak lenga ikut muat bagin i bas pelayanen gerejanta?
- Kai tole banci si ban gelah menaken tahun si reh tuhu-tuhu reh teremna kalak si muat bagin i bas pelayanen gerejanta?
Rende KEE. 108 – Mbelang Me Kap Man Peranin (Persembahen)
Mbelang me kap man peranin,
tapina kurang si ranisa pe
O Tuhan iahken Kam gelah min,
kawanNdu ku bas peraninNdu e
O Tuhan iahken Kam gelah min,
kawanNdu ku bas peraninNdu eTatap min k’rina bangsa e,
nggo tuhu labuh k’rina ia pe
Pingko-pingkoNa seh ku surga e,
mindo penampat man Jahwe ije
Pingko-pingkoNa seh ku surga e,
mindo penampat man Jahwe ije
MOMO
PERTOTON SYAFAAT
P1:
Perp.: Labo peratenku Bapa, peratenNdu jadilah
(iendeken, bagin KEE 176)
P2 :
Perp.: Labo peratenku Bapa, peratenNdu jadilah
(iendeken, bagin KEE 176)
P3 :
Perp.: Labo peratenku Bapa, peratenNdu jadilah
(iendeken, bagin KEE 176)
RENDE KEE. 327 – Tuhan Dibata Si Nemani
Tuhan Dibata si nemani,
seh jumpa ka kita pagi,
IA tetap si ngkawali,
Tuhan Dibata si nemaniSeh jumpa kita, jumpa ka,
Dibata si pejumpa kita
Seh jumpa kita, jumpa ka,
Dibata si pejumpa kita
PERTOTON TUHAN (ibabai Bapa/Mamre)
ERCAKAP-CAKAP/SNACK
Pdt. Yunus Bangun, M.Th.