Sumpah Pemuda: Pendidiken ras Disiplin Anak.
Ogen : Kuan kuanen 23: 12-16
Tema : Didiklah Anakndu
Tujun : Gelah Mamre
- Meteh perluna pengajaren e maba keselamaten anak
- Ndidik anak alu tegas ras teratur.
23:12 Arahkanlah perhatianmu kepada didikan, dan telingamu kepada kata-kata pengetahuan. 23:13 Jangan menolak didikan dari anakmu ia tidak akan mati kalau engkau memukulnya dengan rotan. 23:14 Engkau memukulnya dengan rotan, tetapi engkau menyelamatkan nyawanya dari dunia orang mati. 23:15 Hai anakku, jika hatimu bijak, hatiku juga bersukacita. 23:16 Jiwaku bersukaria, kalau bibirmu mengatakan yang jujur.
KATA PENARUH
Kerina orangtua ersura sura gelah anak anakna berhasil ntah pe sukses. Emaka segala hal iupayaken mulai ndarami sekolah si favorit, memenuhi segala kebutuhen i bas pendidiken, ingan les bagepe kursus pilihan rsd. Secara logis kita rukur maka hal enda enggo cukup ras pantas i bas nikapken pendidiken man anak anakta. I bas kinatana mbue orangtua kecewa nandangi anak anakna. Payo anak anak e enggo erpemeteh, terpandang ras erpangkat, tapi kurang mampu nehken kehamaten man orangtua, sangat meterialistis, terlalu sibuk bas dahin, bahkan banci jadi imbang orangtuana sendiri. Kerina rasa kekhawatiren enda me si ekspresiken Kitab Amsal bas tulisenna. Uga cara pandang Pustaka Sibadia kerna mendidik anak e?
Gambaren si isehken Pustaka cukup up to date seh asa gundari. Mendidik anak ibenaken alu persiapen matang i bas orangtua nari. Hal si utama labo sekolah ntah mata pelajarenna, tapi kebenaren moral si bermuara kubas sikap erkemalangen man Dibata. Enda me rumah besar i bas ia ndalani kegeluhenna.
URAIAN TEKS/TAFSIREN
Kata “didikan” (=musar bhs lbrani) lit muncul 22 kali i bas kitab Amsal. Secara harafiah kata musar e ertina: disiplin, koreksi praktis yang diterima oleh seorang murid dari guru atau orangtua; disiplin dan koreksi moral dari hikmat yang dipersonifikasikan, teguran yang bermakna hukuman dengan tongkat/rotan. Intina didikan e bertujuan gelah seseorang ntah bangsa memiliki tata tertib kegeluhen.
I bas bahan oratenta, penulis amsal ngarapken orangtua gelah ngajuk anah anakna ngoge pustaka ntah pengajaran kiniteken guna ndatken pemeteh (da’ath=pengetahuan moral); kebenaren moral. Kata enda memiliki ke sejajaran ras kata hokma (hikmat) Tapi lebih menunjuk kepada aksi/perbuatan. Arah kebenaren moral enda iarapken anak didik e meteh kerna kewajiben kewajiben i bas geluhna. Mbue bahaya si mengintai kegeluhen anak anakta adi ia la nggeluh erkemalangen man Dibata, janah sie kerina banci merusak masa depanna. Secara sederhana bahan oratenta banci ibagi kubas 2 bagin e me:
Ay 12,15-16
nuriken kerna pentingna ajaren guru (konsep/ bahan) ras praktekna.Ajaren si baik ras benar sangat penting jadi dasar i bas mendidik anak. Sebab enda me bekal siikembangken anak e pagi i bas kegeluhenna. Janah meriah ukur orangtua bagepe guru di kune perbahanen simehui banci icidahken si anak. Mendidik anak kepe la terjeng mereken materi saja tapi pe ibarengi alu praktek ntah perbahanen. I bas hal enda me pentingna keteladanen siajarken man anak anakta. Alu keteladanen (kebenaren moral) si payo banci jadi contoh ras praktek si mehuli man anak anakta.
Ay 13,14
nuriken pentingna evaluasi ras ukumen (ipekpek). Evaluasi i bas mendidik anak sangat penting i bas menentuken kualitas pendidiken sisehkan man anak e. Melalui evaluasi guru banci meteh maka anak didikna nggo meteh ras ngangkai pelajaren si enggo iajarkenna. Bagepe man orangtua, arah evaluasi me sieteh maka anakta e payo pengangkanta, perlagu langkahna bagepe pemetehna bagi si enggo siajarken. Adi lit si salah ntah lepak maka si anak arus ipersingeti mulihi.
Janah ukumen (ipekpek) siimaksudken penulis labo ilakoken sembarangen (ate-ate) orangtua man anakna, tapi enda merupaken dari tanggungjabab si anak i bas ndalanken dahinna. Wajar adi lit si salah maka ia pantas ndatken ukumen/ganjaren, bagepe wajar adi lit si ngelakoken hal simehuli maka ia pantas ndatken pujin. Kerangka pemahamen enda siisehken penulis Amsal gelah orangtua bagepe guru tuhu tuhu dingen tutus nehken pendidiken man anak anakna.
APLIKASI
Kerina orangtua ersura sura gelah anakna berhasit ras sukses i bas geluhna. Salah sada hal sipenting ras utama guna ndatken keberhasilen anak e me pendidiken. Temanta berngi enda ngatakan Didiklah Anakndu sekaligus kita mperingeti Sumpah Pemuda i bas negaranta enda. Sendalanen ras sie penulis Amsal (Kuan-Kuanen) alu tangkas nggo ngataken tujun pendidiken e me gelah si anak ndatken kepentaren (hikmat ras kebenaren moral). Alu ndatken kepentaren e maka si anak pasti nggeluh, tapi sebalikna adi itadingkenna kepentaren e maka bene me si anak.
Arah bahan renungenta, kita iajuk gelah tuhu tuhu mediate (focus) i bas ndidik anak Lit piga piga hal si penting jadi perhatianta e me:
- Ulu pemeteh e me erkemalangen man Tuhan. Bena banana ndatken pemeteh e me erkemalangen man Tuhan (1:7). Bagin enda merupaken hal si mendasar ras utama i bas kegeluhen kalak si erkiniteken. Alu erkemalangen man Tuhan, pemeteh (kepentaren) ndatken arah ras tujuan si tepat e me guna kiniulin kegeluhen manusia. Bagi lit sada ungkapen: agama tanpa pengetahuan lumpuh bagepe pengetahuan tanpa agama adalah buta. Penulis Amsal nggejapken kerna pentingna hubungen si kuat antara kiniteken ras pemeteh. Maka sebagai guru (penulis) ikatakenna gelah pendidiken siibereken man anak erbanca ia jadi pelaku kebenaren moral si membangun kiniulin. Uga dage si enggo ibahan kita selaku Mamre?
- Keteladanen: Teori ras praktek seimbang ras konsisten.
Teori ras praktek merupaken dua hal sipenting i bas mendidik. Tapi lit sada hal nari sipenting e me konsistensi. Jadi, bagi umpamana erlajar setir mobil. Pemeteh kerna lalu lintas ras cara menyetir enggo sioge, emaka selanjutna praktek maba mobil ras mematuhi lalu lintas. Dung sie ndarat me SIM (Surat Izin Mengemudi). Bias kin terjeng je saja ngenca siiarapken man sekalak supir, tentu lang. Guna ketertiban ras kebaikan bersama, kita ngarapken gelah kerina si enggo beluh maba mobil jadi min supir si patuh man rambu rambu. Ertina iarapken tetap min ia patuh man aturen lalu lintas. Bage me pe situhuna nggeluh ibas kiniteken, la cukup terjeng beluh erteori (ncakapken kata Dibata) ras cukup sekali mpraktekenca. Tapi siarapken gelah Mamre GBKP beluh erteori, rajin praktekenca ras tetap konsisten dahikenca. Enda me gelarna keteladanen. Mendidik anak sangat membutuhken keteladanen. Adi keteladanen enggo lit pasti disiplin nggo terbentuk dengan sendirinya. - Evaluasi:Pujian dan Hukuman
Evaluasi merupaken bentuk pengawasan siilakoken orangtua i bas menenentuken arah ras tujuan pendidikan siisehken baik orangtua ntan guru man anak didikna. Adi i bas sekolah evaluasi e seri ras ujian semester. Adi nilaina baik berarti anak e mehuli ras pentar: anak e patut ndatken pujin sebab ia nggo berjuang guna ndaken si mehuli e. Janah adi nilaina buruk maka anak e masih perlu iajari mulihi (tambah waktu erlajar man bana); anak e la ndatken pujin tapi ibereken ganjaren gelah mulihi mehuli nilaina.
Alu bage maka tangkas man banta bahwa nehken pendidiken man anak merupaken hal si sangat penting ras sangat menentuken masa depan anak e. Emaka mari si lakoken dahin mendidik e alu mehuli bagi ngena ate Dibata.
DISKUSI
- Rikutken bahan oratenta, kai pengertinndu kerna ula kam biar biaren ndidik anakndu, adi ipekpekndu ia labo ia mate, tapi selamat” (ay 13,14). Turiken.
- Selaku kalak si erkiniteken kai kai saja siarus ilakoken kita i bas mendidik anak anakta?
USULEN ENDE ENDEN
- KEE GBKP No. 249:1-3
- KEE GBKP No. 200: 1-3
- KEE GBKP No. 307: 1-3
- KEE GBKP No. 199: 1,3,5
Pdt. Darius Rinaldi Sembiring, M.Th