DIBATA ERDOLAT NANDANGI MARA
(Kesehaten)
Markus 5: 21 – 34
Yesus membangkitkan anak Yairus dan menyembuhkan seorang perempuan yang sakit pendarahan5:21 Sesudah Yesus menyeberang lagi dengan perahu, orang banyak berbondong-bondong datang lalu mengerumuni Dia. Sedang Ia berada di tepi danau,
5:22 datanglah seorang kepala rumah ibadat yang bernama Yairus. Ketika ia melihat Yesus, tersungkurlah ia di depan kaki-Nya
5:23 dan memohon dengan sangat kepada-Nya: “Anakku perempuan sedang sakit, hampir mati, datanglah kiranya dan letakkanlah tangan-Mu atasnya, supaya ia selamat dan tetap hidup.”
5:24 Lalu pergilah Yesus dengan orang itu. Orang banyak berbondong-bondong mengikuti Dia dan berdesak-desakan di dekat-Nya.
5:25 Adalah di situ seorang perempuan yang sudah dua belas tahun lamanya menderita pendarahan.
5:26 Ia telah berulang-ulang diobati oleh berbagai tabib, sehingga telah dihabiskannya semua yang ada padanya, namun sama sekali tidak ada faedahnya malah sebaliknya keadaannya makin memburuk.
5:27 Dia sudah mendengar berita-berita tentang Yesus, maka di tengah-tengah orang banyak itu ia mendekati Yesus dari belakang dan menjamah jubah-Nya.
5:28 Sebab katanya: “Asal kujamah saja jubah-Nya, aku akan sembuh.”
5:29 Seketika itu juga berhentilah pendarahannya dan ia merasa, bahwa badannya sudah sembuh dari penyakitnya.
5:30 Pada ketika itu juga Yesus mengetahui, bahwa ada tenaga yang keluar dari diri-Nya, lalu Ia berpaling di tengah orang banyak dan bertanya: “Siapa yang menjamah jubah-Ku?”
5:31 Murid-murid-Nya menjawab: “Engkau melihat bagaimana orang-orang ini berdesak-desakan dekat-Mu, dan Engkau bertanya: Siapa yang menjamah Aku?”
5:32 Lalu Ia memandang sekeliling-Nya untuk melihat siapa yang telah melakukan hal itu.
5:33 Perempuan itu, yang menjadi takut dan gemetar ketika mengetahui apa yang telah terjadi atas dirinya, tampil dan tersungkur di depan Yesus dan dengan tulus memberitahukan segala sesuatu kepada-Nya.
5:34 Maka kata-Nya kepada perempuan itu: “Hai anak-Ku, imanmu telah menyelamatkan engkau. Pergilah dengan selamat dan sembuhlah dari penyakitmu!”Anak Jairus si diberu; bage pe sekalak diberu si ndadap uis Jesus
5:21 Lawes ka Jesus ngepari dano e. Kenca seh IA i lepar, nterem jelma engkeleweti IA.
5:22 Sanga Jesus i tepi dano e denga reh sekalak pengulu rumah pertoton, gelarna Jairus. Sanga idahna Jesus minter isembahna.
5:23 Mindo ia alu meseksek nina, “Anakku si diberu sakit mekelek. Reh min Kam, tamaken tanNdu ku babona, gelah ola ia mate tapi gelah malem min.”
5:24 E maka lawes Jesus ras Jairus. Nterem jelma ngikutken IA, janah siasak-asaken ndeheri Jesus.
5:25 I bas jelma si nterem e lit sekalak diberu si enggo sepuluh dua tahun dekahna bluding rusur.
5:26 Enggo nterem dokter si nambari ia, enggo keri pe duitna, amin bage pe la lit terakapna, tapi reh kelekna lalap.
5:27 Berita kerna Jesus enggo ibegina, e maka reh ia ku tengah-tengah jelma si nterem e, idadapna uis Jesus i pudi nari.
5:28 Sabap nina i bas ukurna, “UisNa lah gia kudadap, tentu malem penakitku.”
5:29 Kenca idadapna uis Jesus minter igejapna dareh ndai enggo ngadi.
5:30 Minter ka pe ieteh Jesus, maka lit kuasa ndarat ibas IA nari. E maka itulihkenNa kempak jelma si nterem janah nungkun nina, “Ise ndadap uisKu?”
5:31 Erjabap ajar-ajarNa, “Ma idahNdu kuga teremna jelma si asak-asaken ndeheri Kam? Engkai maka isungkunNdu ise si njemak uisNdu?”
5:32 Tapi ipepayo Jesus sekelewetNa ndarami kalak si enggo ndadapsa ndai.
5:33 Sabap ieteh diberu ndai kai si enggo jadi man bana, e maka mbiar janah nggirgir ia. Idahina Jesus, isembahna terus ku naheNa, janah iturikenna kerina kai si enggo jadi.
5:34 Nina Jesus man bana, “Malem penakitndu perbahan tek kam man bangKu. Mulihlah alu meriah ukur, lanai bo mulihken penakitndu.”
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
RENDE KEE. 80 – Yesus Geluh Ni Tendingku
https://www.youtube.com/watch?v=jrGAcUeJ9ogJesus nggeluh ni tendingku, Kam me kegeluhenku
Kuendesken me diringku, seh de paksa sipatku
ERTOTO (IBABAI SI MADA JABU)
NGOGE KATA DIBATA (iogeken Moria/Nande)
Teks : Markus 5 : 21-34
RENUNGAN (iogeken sekalak Anak/KAKR)
Sekalak pengulu rumah pertoton si tergelar Jairus, anakna si diberu sakit mekelek. Reh Jairus ndahi Jesus dingen minter isembahna. Mindo ia alu meseksek nina, “Anak ku si diberu sakit mekelek. Reh min Kam, tamaken tanNdu ku babona gelah ola ia mate tapi gelah malem min”. Tupung i perdalanen denga Jairus ras Jesus lit pigapiga kalak si erlegi i rumah Jairus nari, nina man Jairus, “Anakndu ndai nggo mate, man kai nari ngelatihi Guru ena? Tapi nina Jesus man pengulu rumah pertoton, ola kam mbiar, tek sajalah. Kecibal i rumah Jairus pe idapeti nggo lit sora tangis ras serko, tapi nina Jesus man kalak ndai, “Engkai maka kam tangis? Anak enda labo mate tapi tunduh saja nge ia. Isuruh Jesus jelma si nterem ndarat e maka idilo Jesus bapa ras nande anak ndai bage pe ajar-ajarNa ku bas kamar anak e, ikatakenNa man bana nina, “Talitaku-mi,”ertina, o beru, Kukataken man bandu kekeken! Minter keke anak ndai janah erdalan pe ia.
Sekalak diberu si enggo sepuluh dua tahun dekahna bluding rusur. Enggo nterem dokter si nambari ia, enggo keri pe duitna, amin bage pe la lit terakapna, tapi reh kelekna lalap. Berita kerna Jesus enggo ibegina, emaka reh ia ku tengah-tengah jelma si nterem e, idadapna uis Jesus i pudi nari. Sabab nina i bas ukurna, “uisNa lah gia kudadap, tentu malem pinakitku. Kenca idadapna uis Jesus minter igejabna dareh ndai enggo ngadi. I eteh Jesus maka lit kuasa ndarat i bas Ia nari, itulihkenNa kempak jelma si nterem janah nungkun nina : “Ise ndadap uisKu? “Mbiar dingen ngirgir diberu ndai. Idahina Jesus, isembahna terus kunaheNa, janah iturikenna kai si nggo jadi. Nina Jesus man bana, “Malem pinakitndu perbahan tek kam man bangKu. Mulihlah alu meriah ukur, lanai bo mulihken pinakitndu.”
Pinakit e banci jadi si akap bagi mara si ngkenai kulanta sabab peturah perbeben. Tupung reh pinakit banci saja ukurta pe terdaram-daram kai maka sempat e jadi bas kulata. Maun si sadari lit kelepaken i bas jaga kesehatenta tapi lit ka deba mungkin erpengakap erkiteken dosanta. Kune reh pinakit, labo perlu ipebelin erkune-kune i bas ukurta tapi uga usaha ndarami tambar gelah pedas malem. Isamping usaha maka kiniteken man Tuhan tetap i pebelin sabab tek kita Dibata erdolat nandangi mara pinakit. Bagi kai si jadi man anak Jairus bage pe diberu si nggo sepuluh dua tahun bluding, idahina Jesus tek ia maka Jesus ngasup pepalem pinakit e. Mekelek tuhu pinakit singkenai anak Jairus janah nina kalak nggo mate, bage pe mekelek kel pinakit si ngkenai diberu si ndadap uis Jesus sabab bage dekahna ia nggo bluding. Mbelin pinakit si jadi belinen kuasa Jesus pepalemsa.
Tapi i bas dampar si deban perlu si idah maka erbage cara Dibata guna njabab pemindon ras pertotonta. Rasul Paulus mindo ka nge ia man Tuhan gelah ipedauh duri i bas dagingna. Enda gambaren sada pinakit. Tapi la ialoi Tuhan. Arah kecibalna e dungna igejabna maka e me si mehulina man bana, sebab i bas ia kote ije ia megegeh. I bas litna pinakit e, i je terus ia ernalem tuhu-tuhu man Dibata. Ertina tuhu Dibata erdolat dingen erkuasa nandangi kerina mara i bas kegeluhenta, tapi erbage ka nge cara Dibata guna megiken pemindonta ras engkelengi kita. E maka ula ka peltep pengarapenta adi la seh bagi sura-sura entah pemindonta.
NURIKEN PENGGEJAPEN
- SIMADA JABU
- MORIA
- PERMATA
IRAKUT PERTUA/DIAKEN/EMERITUS/PENDETA
Cat: Kune PJJ mandiri i rumah iogeken kerina renungen
SHARING
- Turiken pengalamenta i bas njaga kesehatan
- Turikenlah/saksikenlah “Dibata erdolat nandangi mara pinakit” rikutken pengalamenta.
MOMO
RENDE KEE. 289 – Lalap Sikataken Bujur (PERSEMBAHEN)
https://www.youtube.com/watch?v=2H6Ii0YvSkkLalap sikataken bujur, beritaken kemulianNa
Mbelin pemereNa banta, puji gelarNaDibata kap cilinggementa, malem ateta
Tuhan Dibata penalementa,
penanam-nanam bas geluhtaK’leng ateNa kapen nusur, lalaplah ngataken bujur
Ingetlah pedahNa rusur, segedang umur.
PERTOTON SYAFAAT
- Kune lit pinakit tetap megegeh dingen erpengendes man Tuhan (Sekalak Moria/Nande)
- Siturah bas perpulungen/jabu (ibabai Mamre/Bapa/Serayan)
RENDE KEE. 451 – Malerlah Pasu-PasuNdu (iendeken 2x)
https://www.youtube.com/watch?v=cYlzjh64EBkMalerlah pasu-pasuNdu, bagi si padankenNdu
Gegeh ras ukur si paguh, tetap ib’rekenNduPasu-pasuNdu em ulu gegeh kam
Nggo kap maler me tuhu si’ndemi geluh kami
PERTOTON TUHAN ( ibabai sekalak Serayan/Bapa/Nande )
JEDA RAS PENUTUP
Pdt. Karvintaria br Ginting, S.Th., M.M