SI KULAKOKEN JADI USIHEN
(Moria menjadi contoh)
TUJUN: Gelah Moria:
- Meteh kai si man usihen i bas diri Rut.
- Jadi usihen i bas kerina dampar geluhna (pengerana, perbahanen, pendahinna ras sidebannna.
METODE PA: Study Kasus
Rut 2: 1 – 7
Rut bertemu dengan Boas2:1 Naomi itu mempunyai seorang sanak dari pihak suaminya, seorang yang kaya raya dari kaum Elimelekh, namanya Boas.
2:2 Maka Rut, perempuan Moab itu, berkata kepada Naomi: “Biarkanlah aku pergi ke ladang memungut bulir-bulir jelai di belakang orang yang murah hati kepadaku.” Dan sahut Naomi kepadanya: “Pergilah, anakku.”
2:3 Pergilah ia, lalu sampai di ladang dan memungut jelai di belakang penyabit-penyabit; kebetulan ia berada di tanah milik Boas, yang berasal dari kaum Elimelekh.
2:4 Lalu datanglah Boas dari Betlehem. Ia berkata kepada penyabit-penyabit itu: “TUHAN kiranya menyertai kamu.” Jawab mereka kepadanya: “TUHAN kiranya memberkati tuan!”
2:5 Lalu kata Boas kepada bujangnya yang mengawasi penyabit-penyabit itu: “Dari manakah perempuan ini?”
2:6 Bujang yang mengawasi penyabit-penyabit itu menjawab: “Dia adalah seorang perempuan Moab, dia pulang bersama-sama dengan Naomi dari daerah Moab.
2:7 Tadi ia berkata: Izinkanlah kiranya aku memungut dan mengumpulkan jelai dari antara berkas-berkas jelai ini di belakang penyabit-penyabit. Begitulah ia datang dan terus sibuk dari pagi sampai sekarang dan seketikapun ia tidak berhenti.”Rut erdahin i juma Boas
2:1 Lit sekalak kade-kade Naomi, si Boas gelarna. Ia senina Elimelek ndube. Ia kalak bayak janah mehangke kalak kerina man bana.
2:2 I bas sada wari nina Rut man bibina Naomi, “O bibi, laweslah aku lebe ku juma mumahi ruhi gandum si tading ibahan kalak si rani. Ugapa pe lit nge kari aku jumpa kalak si nggit ngaloken aku erdahin ras ia.” “Bage-bage, anakku,” nina Naomi.
2:3 E maka berkat Rut ku juma. Iikut-ikutna kalak si rani. Ipumahina ruhi gandum si tading ibahan kalak rani. Alu la isangka-sangka, rembang kepe ia erdahin i bas juma Boas.
2:4 La ndekahsa kenca si e, reh Boas i Betlehem nari ku juma njumpai kerina si erdahin i je. Iperkuankenna kerina kalak si erdahin e nina, “Mejuah-juah!” “Mejuah-juah!” nina ka kalak ndai ngaloi.
2:5 Isungkun Boas mandurna nina, “Ise nge diberu enda?”
2:6 Ngaloi mandur e nina, “Ia sekalak diberu bangsa Moap, si ikut ras Naomi mulih i Moap nari.
2:7 Ipindona ndai gelah banci ia ngikut-ngikut kalak rani lako mumahi ruhi gandum si tading-tading. Erpagi-pagi si lampas nari kin ndai ia erdahin, janah e denga kal nge ia pekesahken kentisik i sapo.”
Kata Penaruh.
Nande ingan tunande/tertande, kuan-kuan enda ncidanken uga peran nande i bas jabu, eme ingan tertande (tempat bersandar) kerina anggota jabu. Mbelin kal pengarapen anggota jabu nandangi sekalak nande. Adi kune bape leben ngadap man Tuhan, enterem pernanden ngasup meranken double fungsi selaku nande sekaligus bapa; tapi labo enterem bapa si ngasup jadi bapa sekaligus jadi nande. Kecibal nande i bas jabu tuhu-tuhu penting ras mehaga; nande pe ituntut jadi ‘role model‘, usihen i bas jabu. Peran enda tuhu-tuhu maba keriahen i bas jabu. Sekali nembas jadi kemalemen ate tapi perlu ka itengeti gelah ula kari ban buena tuntuten man nande dungna jadi benih-benih KDRT i bas jabu, nande “ieksploitasi” anggota jabu. Alu bage nande arus pentar encibalken diri jadi usihen si maba kemalemen ate man bana bagepe i bas jabuna.
Mpebagesi Pengangkan Kerna Ogen.
Kitab Rut i bas Kanon Alkitab encidahkеn maka Dibata e ‘universal’, Dibata man kerina manusia. Arah turi-turin kitab Rut me nini bulang (leluhur) Tuhan Jesus. Rut eme kalak Moab, labo kalak Israel tapi ipake Tuhan guna mereken keselamaten arah Jesus Kristus. Rut erjabu ras Mahlon (Rut 4: 10) anak Elimelekh ras Naomi i Bethlehem-Yehuda nari, reh ku Moab erkiteken bencana kelihen. I Moab Elimelekh mate ras duana anakna alu la nadingken kesusuren. Rikutken tradisi tupung e Rut banci nadingken Naomi mulih ku jabu orangtuana. Tapi Rut ikut ras Naomi mulih ku Betlehem, itadingkenna keluargana, bangsa ras dibatana dingen ersembah man Dibata kalak Israel. Seh i Betlehem teridah uga keleng ate ras kesetian Rut. Biak si icidahkеn Rut eme:
- Mbages sura-surana gelah keperlun geluhna tercukupi: ipindokenna man bibina gelah lawes ia ngikut-ngikut kalak si erdahin mpepulung gandum si tading. Sue ras hukum Musa maka kalak Israel nampati kalak musil ras pertandang alu mere la mpepulungi sisa-sisa peranin gandum si li ibas jumana (Im, 19:9, 23:22; UI, 24:19-22). Rut rusaha uga gelah keperluan geluhna tercukupi. La itimaina bibina, ibahanna dalanna getah bandila nggeluh i Betlehem.
- Mehamat ras Melias. Rut Kalak si mehamat, iergaina tuhu bibina. Alu melias isungkunna bibina Naomi ope lawes mpepulung gandum ku juma kalak. Alu bahasa lemah lembut iturikenna sura sura ngikutken bibina ku ja pe Naomi lawes. Boas pe enggo megi berita maka Rut mehamat ras melias man bibina (Rut 2011-12)
- Mejingkat: Rut eme kalak si mejingkat, labo iakapna dalih ndahiken dahin kai pe, aminna pe terjeng mpepulung gandum gandum si tading, Lampas erpagi-pagi enggo ia seh i juma ras mis erdahin. Nina si erdahin Boas maka Rut la ngadi-ngadi, kentisik ngenca ia pekesahken, Biak mejingkat teridah arah pendahinna, lampas ibenakenna la tehna ngadi adi langa paksana.
- Optimis. Rut pe kalak si optimis, nina man bibina ugape lit nge kari aku jumpa ras kalak si ngaloken aku erdahin. Pada hal Rut kalak asing, langa bo itandaina kalak Betlehem tapi tek ia maka lit nge kari si ngaloken ia erdahin. Optimis me jadi palas i bas Rut menaken pendahinna.
- Setia. Kesetian Rut teridah i bas ia ngikutken Naomi mulih ku Betlehem aminna pe Noami enggo metua ras mesera baban geluhna. I ikutkenna kerina kai si ikataken bibina, iberena dirina jadi tulang punggung i bas jabuna. Kesetianna iuji arah kesuliten ras Rut ngasup mentasisa. Arah biak-biak si mehuli si icidanken Rut erbahanca malem atena, ate Naomi bage pe enterem diberu-diberu i Betlehem. Mengga kal ate kerina diberu-diberu i kuta ngidah Rut ras Naomi ipasu-pasu Tuhan (Rut 4: 15- 16). Arah usihen si ibahan Rut jadi pelajaren man kalak Israel si la setia man Dibata, maka mbelin kal pasu-pasu Tuhan man kalak si setia ras mehuli aminna pe ia labo kalak Israel. Biak-blak si mehuli si liti bas Rut ilakokenna erpalasken kekelengen si mbages idahikenna kerina alu meriah ukur.
Pengkenaina.
Moria selaku nande i bas jabu pe idilo jadi usihen man keluargana ras masyarakat. Mungkin labo seri kal bagi Rut enda kegeluhenta. Melala nge biak-biak si mehuli banci si cidanken i bas pengerananta: mehamat, la mejarjar, melias janah banci jadi benang penjarumi. Banci jadi kesuliten- kesuliten bas geluh, entah lit si la bagi ukurta perbahanen ras pengerana kalak tapi labo e erbahanca merampek pengerananta entah pemasman kalak si deban. Rut melias pengerana ras perbahanenna man bibina Naomi, emaka sangap kal jabu adi ndehara/nande melingkat, de la pe terang nikapken nakan guna keluargana, mejingkat ras nggit latih nampati perbulangenna guna kiniulin keluargana (Kuan, 31: 10 – 30). Bagepe ersada arih permain ras bibi, kesetian si terdah arah erbage bage dampar. Setia bas si bagi ukur memang menukah, tapi uga adi i bas keadan sulit? Bagi kuan-kuan much money, good boy, no money good bye! Ada uang abang sayang tidak ada uang abang melayang, Moria pe idilo setia ras megenggeng, Biak-biak si menuli e si cidanhken erpalasken dengan mbages.
Study Kasus:
Rudang sekalak anak remaja, riahen ikapna i rumah tetangga asangken i rumahna, Adi inen arah fasilitas rumah ndauh sikapen rumahna asaugen rumah tetanggana. Memang Rudang sebaya ras diena anak tetanggana e, Mulih sekolah igantina uisna mis la kiam ku rumah tetanggana seh ben ia i je. Maun i je ka ia man diger seh man berngi pe sabap i rumahina rusuren la lit man pangan. Nande Rudang sibuk alu hobby ras gadgetna megali nuruh anakna man pake kecap entah pe telur ceplok maun pangan si lewat arah rumahna, La lit ukuma mpesikap rumahna, pediatna rumahna murmak pada hal melala biang ras kucingna, Tuhu rahen lakap si Rudangi rumah tetanggana nangdangi medem maka mulih ku rumahna, flande Rudang rusur kal ngerawal ras lalap jungut jungut man anak anakna terlebih si Rudang erkiteken lawes rusuri rumah nari. Ranan Nd. Rudang mbuen rukur tupung ia nuruh anakna entahpe i bas ngajarken anakna. Visi pe si ibahan anak-anakna la akapna lit si pas, apal ka mujiken anakna labo asakai. Nande Jilena pe rusur irawaina, nemben atena sabap anakna rusur ku rumah Nd. Jilena, Amin bage gia perbahanen nande Jilena tetap mehuli, cirem saja ia tupung Nd. Rudang ngerawal ia ras lalap la melias man si Rudang.
Analisa:
- Kai nge erbahanca si Rudang la betah ringan i rumahna?
- Biak-biak si la mehuli kai silit i bas Nd. Rudang ras biak biak si mehuli kai si lit i bas Nd. Jilena?
- Kai pelajaren si banci si buat arah study kasus bage pe arah kegeluhen Rut?
Pdt. Sariani br. Barus, M.Th