HUT Mamre
Ogen : Galatia 3: 6-9
Tema : Bapa Si Maba Pasu Pasu
Tujun : Gelah Mamre:
- Meteh Maka Dibata masu masu Abraham janah jadi pasu pasu
- Tetap jadi pasu pasu ibas pendahin, keluarga ras sekelewetna
3:6 Secara itu jugalah Abraham percaya kepada Allah, maka Allah memperhitungkan hal itu kepadanya sebagai kebenaran. 3:7 Jadi kamu lihat, bahwa mereka yang hidup dari iman, mereka itulah anak-anak Abraham. 3:8 Dan Kitab Suci, yang sebelumnya mengetahui, bahwa Allah membenarkan orang-orang bukan Yahudi oleh karena iman, telah terlebih dahulu memberitakan Injil kepada Abraham: “Olehmu segala bangsa akan diberkati.” 3:9 Jadi mereka yang hidup dari iman, merekalah yang diberkati bersama-sama dengan Abraham yang beriman itu.
KATA PENARUH
Megati si begi ungkapen: ‘diberkati untuk menjadi berkat’. Enda jelas maksudna maka ibas kita ipasu-pasu Dibata ateNa gelah kita pe jadi pasu-pasu ka man kalak sideban. Enda tuhu-tuhu teologis ija banci siidah arah sejarah Abraham si ipasu-pasu Dibata erkiteken kinitekenna man Tuhan. Jadi menaken kin zaman bapa leluhur (padan sindekah) nari berlaku prinsip ‘diberkati untuk menjadi berkat!’
Arah bahan PA ta minggu enda ibabai kita ercakap kerna: kai ertina erkiniteken/beriman – kai korelasi (hubungen timbal-balik) antara kiniteken ras pasu-pasu; pasu-pasu ras taurat/pedah Dibata. Sebagai pendungi iperhadapken man banta Mamre penungkunen aplikatif: enggo nge kita Mamre banci jadi pasu-pasu nandangi jabunta, gereja/masyarakat?
URAIAN TEKS/TAFSIREN
Abraham ibenarken (berkenan) Dibata e me erpalasken kiniteken. Erkiteken si e me maka seh genduari kita ibenarken erkiteken kinitekenta ras labo erkiteken perbahanenta ndalanken taurat/pedah Dibata. Nina Rasul Paulus, Dibata membenarken (berkenan) man Abraham labo erkiteken ia kalak Jahudi erkiteken ibas zaman bapa leluhur (Abraham, Ishak ras Yakub) lenga lit bangsa lsrael/kalak Jahudi, tapi erkiteken Abraham ‘merespons’ ngikutken pendilo Tuhan erpalasken kinitekenna. lja asum Dibata nuruh Abraham lawes nadingken taneh ras kade-kadena ku ingan si lenga itehna, Abraham tek ras ngendesken geluhna man Tuhan.
Pasu-pasu Dibata ras erkiniteken dua hal si la tersirangken. Ertina, pasu-pasu e ibereken Dibata man banta e me anugrah (pemere Dibata si cuma-cuma) erpalasken kiniteken si paguh. Jadi bali ras Abraham: karna iman kita dibenarkan dan karena iman kita memperoleh anugrah atau berkat atau keselamatan. Emaka sikapta arus erpengendes man Tuhan.
Erpalalasken nats ogenta (Abraham), secara teologis erkiniteken merluken telu tahap e me:
- Pengetahuan/mengetahui = seseorang tidak dapat beriman jika ia tidak mengetahui mengenai apa yang harus ia Imani
- Konfirmasi = seseorang perlu mengiyakan apa yang ia ketahui
- Penyerahan diri = seseorang perlu penyerahan diri pada apa yang dia ketahui dan dia konfirmasikan.
Teluna aspek enda ilakoken Abraham seh maka Abraham ibenarken labo erpalasken perbahanenna tapi erkiteken kinitekenna nandangi janji Tuhan ras e erbahanca ia ipasu-pasu ras jadi pasu-pasu pe man kalak sideban.
APLIKASI
Ibas bulan Agustus enda siperingetti HUT Mamre pe- 26 ken, tepatna 26 Agustus 2021. Oraten ras tema PA ta e me: ‘Bapa Simaba Pasu-pasu’. Adi idatas ikataken Abraham ibenarken ras ipasu-pasu Dibata e me erkiteken kinitekenna si paguh, penungkunen man banta Mamre, enggo me kita jadi bapa si maba pasu-pasu nandangi isi jabu, gereja ras masyarakatta? Ma labo kita jadi bapa simaba palu-palu? Kuga kiniteken Mamre, apakah iman kita benar-benar iman yang sejati? Ibas Yakub 2: 14 – 26 ngataken maka kiniteken sibenar teridah arah perbahanen. Jadi enggo me ndia perbahanenta e ncidahken kinitekenta si payo?
Kai ertina bapa maba pasu-pasu? Ertina: ngasup kita jadi imam guna hegu/mabai isi jabunta ku Tuhan; kita jadi bapa siterteki i bas kai-kai pe; metunggung jadi usihen, tutus i bas ndahiken dahin adat ras perpulungen, rsdna. Bapa si maba Pasu-pasu e la rahan-ahan ibas ngelakoken si mehuli, janah la ngadi i bas ia pasu-pasu ia me simaba pasu-pasu. Kujapape ia tetap ibabana pasu-pasu man kalak si lit Isekelewetna, janah enda me si jadi tujun arah ertambahna umur Mamre i bas tahun enda. Sedalan karakter ras kedewasanta reh dewasana umur Mamre, reh dewasana ka karakter ras perbahanen si mehuli ibas Mamre GBKP, Babalah pasu-pasu e ku japa pe Mamre, subuk ibas meja inganna erdahin ngasup nuduhken kualitas Kristus i bas tengah kegeluhenna. I bas keluarga Mamre la terjeng jadi Imam tapi pe ngasup maba pasu-pasu man keluarga. Bagepe i tengah gereja adi kerina Mamre erlumba jadi pasu-pasu mbelin kel ngaruhna kehadiren Mamre GBKP i bas gereja enda.
DISKUSI
- Abraham ibenarken arah kinitekenna, kita pe ibenarken erkiteken kiniteken. Cuba diskusiken kai gunana kita ngelakoken perbahanen simehuli!
- Kai jadi tekatta ibas HUT 26 tahun Mamre GBKP?
USULEN ENDE-ENDEN
- KEE GBKP No. 89:1-3
- KEE GBKP No.183: 1 –
- KEE GBKP No.293: 1, 3
- KEE GBKP No.179: 1-3
Pdt. Hermanto Tarigan, MTh
0813 9605 0383