TEMAN SI COCOK
(Hari Ulang Tahun Mamre GBKP)
TUJUN: Gelah Moria:
- Meteh maka dirina e pemere Dibata man perbulangen.
- Ngaloken perbulangenna selaku teman si cocok.
METODE PA: PA Bersama Mamre, Sharing
Kejadian 2: 21 – 24
2:21 Lalu TUHAN Allah membuat manusia itu tidur nyenyak; ketika ia tidur, TUHAN Allah mengambil salah satu rusuk dari padanya, lalu menutup tempat itu dengan daging.
2:22 Dan dari rusuk yang diambil TUHAN Allah dari manusia itu, dibangun-Nyalah seorang perempuan, lalu dibawa-Nya kepada manusia itu.
2:23 Lalu berkatalah manusia itu: “Inilah dia, tulang dari tulangku dan daging dari dagingku. Ia akan dinamai perempuan, sebab ia diambil dari laki-laki.”
2:24 Sebab itu seorang laki-laki akan meninggalkan ayahnya dan ibunya dan bersatu dengan isterinya, sehingga keduanya menjadi satu daging.2:21 Kenca bage ibahan TUHAN Dibata maka entabeh pertunduh manusia ndai, janah sanga bage, ibuatNa sada tulan rang-rangna, jenari itutupNa ka alu jukut.
2:22 IjadikenNa sekalak diberu i bas tulan rang-rang e nari kenca bage itaruhkenNa man manusia ndai.
2:23 Nina manusia e, “Enda nge maka enggo payo; Tulanna i bas tulanku nari, janah jukutna i bas jukutku nari. ‘Diberu’ gelarna perbahan ia ibuat i bas dilaki nari.”
2:24 Em sabapna dilaki nadingken nande bapana, gelah ersada ia ras ndeharana, maka duana enggo jadi sada.
Kata Penaruh.
Teman i bas kamus besar bahasa Indonesia eme ‘kawan, sahabat, orang yang besama-sama bekerja, berbuat, berjalan’. Teman hidup (suami, isteri, pasangan) ntah pe teman sejawat, sada ingan dahin. Kuga kin teman si iarapken kita? Tentuna teman si setia; tupung kita i bas gulut ukur, ceda ate entah meriah ukur, nggit ia megiken isi pusuhta, nampati ras sidebanna. Teman e seh kal perluna bas geluh enda, banci sibayangken dikune kita la erteman, sisada si akap banta. Emaka lit nge belas-belasta ‘teman paksa meriah banci nterem tapi teman i bas paksa susah ntah tangis labo piga. Nggo nge banci si kataken maka perbulangenta, teman geluhta e jadi teman si cocok man banta? Bageme i bas HUT Mamre tahun enda, Moria iajuk ngidah tole teman geluhna, teman si cocok man bana. Ibabai kita arah PA wari enda niksiki tole kuga kin teman si cocok man banta Moria selaku ndehara.
Mpebagesi Pengangkan Kerna Ogen.
Teks Kejadin 2:21-24, enggo semal kal si oge, situriken ras si orati tapi paksa enda ibabai kita tole ngidah hubungenta ras perbulangen. Kenca Adam itepa Dibata, ibahanna kerina gelar rubia-rubia si enggo itepa Dibata tapi la lit si cocok jadi teman man bana. Iidah Dibata sie emaka i bas inisiatif Dibata itepana sekalak diberu, si sada daging ras dilaki ndai.
- Sanga nepa diberu, ipepedem Dibata Adam, ntabeh pertunduhna, ertina Dibata si nentuken kuga teman si cocok man Adam, la lit pemindon kusus kerna daging (ciri-ciri fisik ras biak/karakter). Adam arah abu taneh, diberu e arah tulan ras daging dilaki e, labo arah sinuan-sinuan ntah rubia-rubia. Kenca dung itepa Dibata, ibabaNa man dilaki e, pemenana jumpa ras diberu e, mis lit pengakun si cukup mehuli arah dilaki e nari nina ‘enda nge maka enggo payo, tulanna i bas tulanku nari janah jukutna i bas jukutku nari’. Ertina dilaki ras diberu e maka cocok, sada penggejapen sabap sada daging ia duana, seri ergana rikut hak tanggungjababna.
- Pengakun enda labo erkiteken la lit pilihen lain tapi jumpa, itatapna, turah pengakun, i bas paksa si genduari banci ikataken ‘cinta pandangen pertama.’ Kata ‘payo’ enda la kentisik ngenca tapi rasa lalap, emaka ipekena-kena, desken sinuan-sinuan perlu ipupuki, dukut – dukutna perlu iruahi, adi lit hama isemprot maka banci turah alu mehuli.
- Diberu gelarna perbahan ia ibuat i bas dilaki nari, enda ngataken maka dilaki ras diberu, sada daging, sepasang, saling ngelengkapi, adi sekalak ngenca langa kuh, la sempurna. Alu bage duana ia erdalan radu ras (beriring). Lanai orangtua temanna arih emaka itadingkenna orangtuana, si ngatakenca ia njayo (mandiri) lanai ergantung man orangtua subuk secara jasmani, spiritual, emosi ras sidebanna.
Bagenda me pengaloken dilaki diberu kenca duana ia itepa Dibata. Meherga kal akapna diberu e, emaka ikatakenna bujur man Dibata si enggo mereken diberu e man bana.
Pengkenaina.
Manusia itepa selaku mahluk sosial, perlu teman, labo ngasup nggeluh sisada. I bas liturgi perjabun si isikapken Gerejanta, perpadanen si jadi pengakun pasangen si erjabu eme: ngaloken sada ras sidebanna i bas kerina paksa, teman senang ntah susah, teman sakit ntah sehat bagepe teman meriah ntah pe gulut ukur. Erteman enda seh Dibata nirangken alu kematen, jadi teman geluh nge ngenca lit labo teman mate. I bas erteman perlu lit si ergan, pemeteh, penggejapen (rasa) emosional ras sidebanna.
Pengangkan perbulangen ras ndehara kerna teman si payo, teman si cocok i bas kegeluhen perjabun e perlu proses ras waktu. Sabap i bas si cocok ras payo epe melala perbedan si perlu langkai, itandai ras ipelajari pasangen pekepar. Perlu kal si jaga ola kal sempat kita ‘mati rasa’ entah hambar, lanai erpenggejapen i bas hubungen perjabun e. Perlu tetap si jaga ras si usahaken gelah erbage cita rasa si erbahan hubungen e hangat ras bahagia. Ndehara pemere Dibata man sekalak perbulangen, pemere eme pasu-pasu, pasu-pasu eme kerina si mehuli si isehken Dibata nandangi kegeluhen enda. Hubungen ndehara ras perbulangen e i bas pertemanen si ngasup ngaloken sada ras sidebanna i bas kekurangen ras kelebihen, Labo banci si entebu saja ngenca ateta si nanami alu nilahi si macem ras pagit. Labo banci i bas senang, sehat ras meriah ukur saja ngenca sialoken pasangenta. Bagi nina kuan-kuan ‘adi erduit abang sayang adi la erduit abang melayang.’ Tapi i bas susah, sakit ras ceda ate, kita jadi temanna, sitatang-tatangen ras sikelengen seh ujung geluhta.
Sharing.
- Kuga penggejapen, pengalamen ras pendapatta kata si ‘payo ras cocok’, situriken rikutken pengalamenta selaku ndehara man perbulangenta.
- Arihken ras perbulangen (si kuh jabuna) tanggal ras ingan nge’date’. Lakokenlah!
Pdt. Suenita Sinulingga, M.Th.