PAGUH IBAS PENGAJAREN AGAMA
(Kecintaan terhadap GBKP)
TUJUN: Gelah Moria:
- Ngidah Daniel paguh ngelakoken pengajaren agama i bas situasi si la mendukung.
- Gelah Moria mewarisken ketedehen ate nandangi GBKP.
METODE PA: Diskusi ras Aksi.
Daniel 1: 8 – 16
1:8 Daniel berketetapan untuk tidak menajiskan dirinya dengan santapan raja dan dengan anggur yang biasa diminum raja; dimintanyalah kepada pemimpin pegawai istana itu, supaya ia tak usah menajiskan dirinya.
1:9 Maka Allah mengaruniakan kepada Daniel kasih dan sayang dari pemimpin pegawai istana itu;
1:10 tetapi berkatalah pemimpin pegawai istana itu kepada Daniel: “Aku takut, kalau-kalau tuanku raja, yang telah menetapkan makanan dan minumanmu, berpendapat bahwa kamu kelihatan kurang sehat dari pada orang-orang muda lain yang sebaya dengan kamu, sehingga karena kamu aku dianggap bersalah oleh raja.”
1:11 Kemudian berkatalah Daniel kepada penjenang yang telah diangkat oleh pemimpin pegawai istana untuk mengawasi Daniel, Hananya, Misael dan Azarya:
1:12 “Adakanlah percobaan dengan hamba-hambamu ini selama sepuluh hari dan biarlah kami diberikan sayur untuk dimakan dan air untuk diminum;
1:13 sesudah itu bandingkanlah perawakan kami dengan perawakan orang-orang muda yang makan dari santapan raja, kemudian perlakukanlah hamba-hambamu ini sesuai dengan pendapatmu.”
1:14 Didengarkannyalah permintaan mereka itu, lalu diadakanlah percobaan dengan mereka selama sepuluh hari.
1:15 Setelah lewat sepuluh hari, ternyata perawakan mereka lebih baik dan mereka kelihatan lebih gemuk dari pada semua orang muda yang telah makan dari santapan raja.
1:16 Kemudian penjenang itu selalu mengambil makanan mereka dan anggur yang harus mereka minum, lalu memberikan sayur kepada mereka.1:8 Enggo itetapken Daniel i bas ukurna maka la ia nggit ngelanggar aturen agamana aminna pe man bana isikapken pangan ras inemen lau anggur i bas istana. E maka ipindona penampat man Aspenas,
1:9 janah bekas jujuren Dibata, melias ras mesayang kal Aspenas man Daniel.
1:10 Tapi amin bage pe, erkiteken mbiar Aspenas kempak raja, ikatakenna man Daniel nina, “Enggo itetapken raja kai si man pangan ras inemenndu, janah adi la pagi mbestang dagingndu bagi anak perana si deban, tentu ibunuh raja aku erkiteken kam.”
1:11 E maka ijumpai Daniel penjaga si enggo isuruh Aspenas ngurus Daniel ras temanna si telu kalak nari.
1:12 Nina Daniel man penjaga e, “Pepayolah kami i bas sepuluh wari enda. Bereken gule-gulen saja pangan kami dingen lau saja inemen kami.
1:13 Kenca bage pepayo apai si mbestangna: kami ntah anak perana si man pangan si isikapken i bas istana e. Jenari bahanlah keputusenndu rikutken pengidahenndu kerna kami.”
1:14 Nggit ia ngaloken pemindon kalak ndai gelah icubaken i bas sepuluh wari.
1:15 Kenca enggo seh si sepuluh wari ndai, teridah maka ulin rupana dingen mbestangen dagingna asangken kerina kalak si man pangan raja ndai.
1:16 E maka mulai i bas paksa e nari ibere penjaga ndai ia terus man gule-gulen saja. Pangan raja ras lau anggur lanai ibereken man bana.
Kata Penaruh.
Ibadah eme tanda perkuah ate Dibata man manusia si mereken kesempaten guna nggejabkan perjumpan ras Dibata i bas kegeluhenna. Manusia nerjemahken tanda-tanda kehadiren Dibata e alu komposisi liturgi i bas kebaktin-kebaktinta erpalasken Pustaka Si Badia si jadi ikuten kalak Kristen. Ndube kerina ibadah enda silakoken alu perjumpan-perjumpan i gedung Gereja ntah ingan si deban. Kenca litna wabah Covid-19, kebaktin/ibadah sebagin mbelin iban secara online. Alu bage perpulungen banci ngikuti kebaktin i rumah nari alu makeken alat teknologi informasi si lit. Selain mereken dampak positif nandangi kegeluhen manusia, perkembangen teknologi informasi pe sekaligus banci mpeturah tantangen ras dampak si kurang menuli man manusia adi la isikapi alu pentar. Alu makeken teknologi informasi si canggih, manusia banci ndatken informasi alu bebas. Enda me salah sada tantangen si iperhadapken man Gereja i bas njaga pengajarenna nandangi perpulungen. Arah ibadah online bebas kal genduari perpulungen milih ibadah si apai atena si ikutina. Subuk ibadah si isikapken GBKP bagepe Gereja sideban. I bas kebebasen milih ibadah enda mbue perpulungen muat sikap megikenca ras ngikutisa saja. Kuga enda ulihna nandangi pengajaren kiniteken bagepe kesetian nandangi GBKP?
Mpebagesi Pengangkan Kerna Ogen.
I bas paksa Nebukadnesar naban raja Juda eme raja Joyakim lit kebijaken raja Babilon e milih anak perana kalak Juda si ibuang erdahin i bas istanana ngelai raja. Emaka tupung si e rikutken perentah raja Nebukadnesar man kepala juak-juakna si Aspenas terpilih me Daniel ras telu temanna. Empatna kalak enda kesusuren Juda, erkiteken pemasu-
masun Dibata laloken kalak enda me pemeteh (Dan. 1:17), si ndauh ganjangen asangken anak perana sideban si ikut iseleksi rikutken pemindon raja (Dan. 1:3-5). La saja terjeng bage, pemeteh si lit i bas kalak enda pe empatna 10 kali lipat beluhen asangken guru-guru si beluh ngoge nasip ras guru permangmang kerajan e (Dan. 1:20). Daniel 1:8-16 si jadi ogenta paksa enda nuriken kerna proses persiapen man Daniel ras telu temanna si deban ope denga ibaba ngadap man raja. I bas proses persiapen si dekahna telu tahun enda, ibere me pangan si lit i istana man Daniel.
Tapi enggo itetapken Daniel i bas ukurna maka la ia nggit ngelanggar aturen agama alu man pangan istana. Erkiteken banci jadi pangan istana enggo leben ipersembahken ku dewa-dewa ope denga ielaken. I bas pengangkan Daniel maka pangan si enggo ipersembahken lebe man dewa jenari ipan eme perbahanen dosa. I bas ketetapen ukur Daniel enda jadi ancamen la saja man bana tapi pe man kepala juak-juak pegawai istana. Sabap arah pangan ras inemen si enggo isikapken i bas istana iarapken mbestang dingen la lit pandangen daging kula Daniel ras temanna. Pangan ras inemen si enggo isikapken i bas istana e, jadi rangkaian i bas persiapen Daniel rikut ras teman-temanna jadi pegawai istana. Adi lit pandangen daging kula Daniel ras temanna e maka banci jadi iukum mate Aspenas si enggo ibere raja tanggungjabap e. I bas situasi enda kepentaren Daniel pe teridah arah njumpai penjaga si enggo isuruh Aspenas ngurus ia ras temanna si telu kalak nari gelah pangan si ibereken man bana empatna gule-gulen ras lau saja. Amin bage gia pangan kalak enda empatna, teridah maka mbestangen ka nge ia asangken kalak si deban si man pangan istana. Ngidah proses enda lit i je pelajaren maka i bas ngikutken si ngena ate Dibata, labo erbahansa talu i bas kesehaten kula tapi reh sikapna.
Erlajar arah pengalaman Daniel ras teman-temanna, penggejapenna kerna lias ate Dibata ras litna pengangkan si payo kerna sura-sura Dibata erbahanca tetap ukurna i bas muat pilihen ras ertanggungjabap i bas pilihenna guna kiniulin kegeluhenna. Aminna pe ia lanai pulung i Jerusalem tapi kinitekenna ras ketutusenna ndalanken pengajaren agama tetap paguh.
Pengkenaina.
Ketetapen ukur eme buah kinitekenna si erbahanca ngasup ertahan i bas masa-masa sulit, kususna i bas ngendaliken diri arah erbage tawaren si nggiurken. Enda me si perlu iwarisken man anak-anakta, gelah kiniteken ras ketutusenna i bas makeken pengajaran si payo tetap paguh i bas ndalani jaman si reh canggih ras terbuka enda.
Selaku orang tua, Moria GBKP ertanggungjabap guna nehken pengajaren nandangi anak-anakna i tengah jaman mereken tawaren si erbage-bage pemikiren, cara nggeluh ras pengajaren. Pengajaren agama si ibereken Moria man anak-anakna jadi asam man anak-anak guna ndalani kegeluhen selaku kalak si erkiniteken si irakut i bas persadan perpulungen Tuhan. GBKP desken rumah man kerina anggota perpulungen i bas nggeluh selaku anak-anak Dibata. Bagi anggota keluarga si metedeh atena rusur mulih ku rumah, bage me arusna kerina anggota perpulungen, terlebih anak-anakta ertedeh ate nggeluh i bas persadan i tengah GBKP enda.
Rumah si imaksudken eme keluarga si keleng-kelengen sada ras sidebanna. Nggo nge si gejapken GBKP enda bagi sada rumah man banta i ja kita banci erlajar ras-ras kerna sura-sura Dibatanta jenari teridah pertumbuhen kinitekenta? Pengalamen i bas pandemi СOVID-19 banci jadi situasi si ncidahkеn ketedehen ate perpulungen Tuhan nandangi perjumpan- perjumpan si biasa ilakoken Gereja, umpamana kebaktin Minggu, Perpulungen Jabu-Jabu, PA Kategorial ras sidebanna. Lit sada pernyataan nina: “Don’t just go to the church but be the church” (Jangan hanya pergi ke Gereja, tapi jadilah Gereja itu sendiri). Enda ngingetken kita, maka Gereja situhuna e me kita, perpulungen, persadan anak-anak Dibata. Alu pengangkan si bagenda, maka aminna gia lit keterbatasen guna jumpa secara fisik, tapi i bas keberadanta jine tetap ncidanken persadan si paguh. Aminna gia lit kebebasan i bas ndatken renungen, pengajaren, ntah pe acara-acara secara online, tetap lit ketedehen ate nandangi GBKP. Palasna si gejapken maka kesempaten banci jadi anggota keluarga i bas GBKP enda e me perkuah ate Dibata. Selaku Gereja si nggeluh i bas doni enda, tentu lit kekurangen tapi erkiteken lit ketedehen ras keleng ate, tetap si dukung mpehuliken GBKP enda alu erbage-bage talentanta. Si pebelin biak mediate nandangi teman pe tetap banci ilakoken alu makeken teknologi informasi, umpamana nungkun berita temanta, notoken ia ras sidebanna.
Diskusi ras Aksi:
- Kai si erbahanca Daniel ras teman-temanna pang nulak pangan si itetapken raja?
- Diskusiken cara-cara kai saja banci siban mewarisken pengajaren GBKP man anak-anakta.
- I bas Sada Minggu enda tep-tep Moria Ikut Kebaktin Channel GBKP (adi Live-Streaming denga) adi lanai, gargari kai pengajaren si berkewsan kal man banta.
Pdt. Bandri Sembiring
Inget ras ersikaplah, minggu si neh kita nonton bareng