KUSEHKEN TANGGUNG JABABKU
(Buah Kiniteken Mediate Ersangkep Nggeluh)
Rut 3: 1 – 13
Rut dan Boas di tempat pengirikan3:1 Lalu Naomi, mertuanya itu, berkata kepadanya: “Anakku, apakah tidak ada baiknya jika aku mencari tempat perlindungan bagimu supaya engkau berbahagia?
3:2 Maka sekarang, bukankah Boas, yang pengerja-pengerjanya perempuan telah kautemani itu, adalah sanak kita? Dia pada malam ini menampi jelai di tempat pengirikan;
3:3 maka mandilah dan beruraplah, pakailah pakaian bagusmu dan pergilah ke tempat pengirikan itu. Tetapi janganlah engkau ketahuan kepada orang itu, sebelum ia selesai makan dan minum.
3:4 Jika ia membaringkan diri tidur, haruslah engkau perhatikan baik-baik tempat ia berbaring; kemudian datanglah dekat, singkapkanlah selimut dari kakinya dan berbaringlah di sana. Maka ia akan memberitahukan kepadamu apa yang harus kaulakukan.”
3:5 Lalu kata Rut kepadanya: “Segala yang engkau katakan itu akan kulakukan.”
3:6 Sesudah itu pergilah ia ke tempat pengirikan dan dilakukannyalah tepat seperti yang diperintahkan mertuanya kepadanya.
3:7 Setelah Boas habis makan dan minum dan hatinya gembira, datanglah ia untuk membaringkan diri tidur pada ujung timbunan jelai itu. Kemudian datanglah perempuan itu dekat dengan diam-diam, disingkapkannyalah selimut dari kaki Boas dan berbaringlah ia di situ.
3:8 Pada waktu tengah malam dengan terkejut terjagalah orang itu, lalu meraba-raba ke sekelilingnya, dan ternyata ada seorang perempuan berbaring di sebelah kakinya.
3:9 Bertanyalah ia: “Siapakah engkau ini?” Jawabnya: “Aku Rut, hambamu: kembangkanlah kiranya sayapmu melindungi hambamu ini, sebab engkaulah seorang kaum yang wajib menebus kami.”
3:10 Lalu katanya: “Diberkatilah kiranya engkau oleh TUHAN, ya anakku! Sekarang engkau menunjukkan kasihmu lebih nyata lagi dari pada yang pertama kali itu, karena engkau tidak mengejar-ngejar orang-orang muda, baik yang miskin maupun yang kaya.
3:11 Oleh sebab itu, anakku, janganlah takut; segala yang kaukatakan itu akan kulakukan kepadamu; sebab setiap orang dalam kota kami tahu, bahwa engkau seorang perempuan baik-baik.
3:12 Maka sekarang, memang aku seorang kaum yang wajib menebus, tetapi walaupun demikian masih ada lagi seorang penebus, yang lebih dekat dari padaku.
3:13 Tinggallah di sini malam ini; dan besok pagi, jika ia mau menebus engkau, baik, biarlah ia menebus; tetapi jika ia tidak suka menebus engkau, maka akulah yang akan menebus engkau, demi TUHAN yang hidup. Berbaring sajalah tidur sampai pagi.”Rut njumpai Boas i bas pengeriken
3:1 La ndekahsa nari kenca si e nina Naomi man Rut, “Arus kudarami dilaki man perbulangenndu gelah meriah iakapndu.
3:2 Tentu ingetndu maka kita erkade-kade ras Boas. Kari berngi ngerik ia, e maka bagendalah ban.
3:3 Ridilah kam, minaki dagingndu salu minak wangi si merim, janah pakelah uisndu si mejilena. Kenca bage dahi ia ku inganna ngerik, tapi jaga maka ola itandaina kam, seh ia enggo elah man.
3:4 Pepayo i ja ia medem, janah kenca ia tertunduh, talangi cabinna, jenari pedemken arah nahena. E maka ia kari ngatakenca kai si man bahanen tole.”
3:5 Ngaloi Rut nina, “Uga nindu, bage kubahan bibi.”
3:6 E maka berkat Rut ku ingan pengeriken ngelakoken kerina si nikataken bibina man bana.
3:7 Kenca elah man, erlayas kal ukur Boas. E maka medem ia deherken gandum si enggo ierik ndai. Manjar-anjar ideheri Rut ia, italangina cabin Boas, jenari medem ia arah nahena.
3:8 I tengah berngi medak ia, janah sanga ia erkusur tersengget ia ngidah sekalak diberu medem i deherna.
3:9 “Ise kam?” nina Boas. “Aku, Rut, kalak si la metunggung dat perkuah atendu,” nina ngaloi. “Kam kap kade-kade kami si banci jadi penebus kami; e maka mekuah min atendu, ibuatndu min aku jadi ndeharandu.”
3:10-11 Nina Boas, “TUHAN si masu-masu kam.” Belinen denga icidahkenndu kekelengenndu man kade-kadendu arah perbahanenndu si genduari enda asangken si enggo ibahanndu man bibindu. Si tuhuna banci nge kam tersereh man anak perana si bayak tah musil adi bage atendu, sabap kerina anak kuta enda metehsa maka kam sekalak diberu si mehuli. E maka ola atendu aru, kerina si nikatakenndu banci kusehken.
3:12 Tuhu nge aku kade-kadendu si banci jadi penebusndu, tapi lit denga sekalak si terdeheren asa aku.
3:13 E maka sada berngi enda i jenda kam. Pagi erpagi-pagi kusungkun ia, nggit ntah lang ia nehken tanggung jawabna man bandu. Adi nggit ia merandal, adi lang, erpadan aku i adep-adepen TUHAN si nggeluh maka aku ertanggung jawab muat kam jadi ndeharangku. Genduari tunduhken sajalah.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
Rende KEE. 325 – Tuhan I Tengah-Tengahta
Tuhan i tengah-tengahta, m’reken pasu-pasuNa,
Maler desken lau si mbelin, La nai lit si terulin.Usekenlah min KesahNdu, temani geluh kami,
Gegeh kami p’limbarui, k’rina jadi mehuli.Tuhan i tengah-tengahta, reh riahna ukurta
Reh tenengna pertendinta, reh damena pusuhta
Kata Pengalo-ngalo (ibabai simada jabu Bapa)
Ertoto (Ibabai nande ntah pe anak itengah jabu )
Ngoge Kata Dibata (Iogeken anak/Bapa)
Renungen: Rut 3: 1 – 13
Kusehken Tanggung Jababku
Kitab Rut enda megati ikataken kitab si isina kerna teologi kesetian, i ja ituduhken kesetian labo terjeng erperbulangen ras ndehara, tapi pe erkeluarga, khususna bibi ras permainna. Duana diberu enda la ngukurken dirina saja, tapi si iukurina kiniulin ras-ras. Rut pepulung gandum man simetuana, bage pe Naomi tetap nge iukurkenna masa depan permenna guna njamini kegeluhenna ras dirina pe. Intina maka Naomi ngaturken perjabun mulihi man Rut selaku orang tua si ertanggung jabab. Naomi milih sekalak si tergelar Boas jadi calon perbulangen si niarapkenna banci mereken kemalemen ate man si Rut. Calon perbulangen si niarapken ngempoi Rut e i bas konteks budaya kalak Israel igelari penebus.
Istilah si ipake i bas kata “Penebus” – Ibrani: goel. I bas kalak Israel, kune lit keluargana jadi musil, maka ia arus ndayaken tanehna man sekalak penebus, e me sekalak keluarga si ndeherna. Sekalak penebus/goel e me sekalak dilaki i bas garis keluarga si enggo ipilih Dibata janah wajib nukur ras nebus juma/taneh keluarga si enggo mate ndai termasuk nggit ngempoi ndehara si itadingkenna. Adi keluarga si ndeherna la ngasup guna nehi kewajibenna enda, maka keluarga selanjutna si ibereken kesempaten guna jadi penebus. Syarat jadi goel e me si lit pertalin dareh, ngasup guna nukur taneh e, bage pe tutus atena ngempoi ndehara si itadingken mate perbulangenna si arah lebe. Si enda kerina ilakoken guna njaga perpindahen hak taneh gelah ola bene termasuk pe gelah lit keturunen (anak dilaki) guna jadi penerus keturunen keluarga si musil ras si enggo mate ndai. Enda me si igelari perjabun Levirat, sebage sarana njaga keluarga ras gelar si isuraken Dibata segelah la bene i bas kalak Israel nari janah guna mbangun kegeluhen keluargana (bdk. Ul.25:6-9). Si jadi penungkunen, engkai maka Boas? Boas kin keluarga si ndeherna i bas jabu Naomi?
Naomi meteh i bas keluargana si ndeherna e, terjeng ersura-sura nandangi taneh, tapi labo ersura-sura nandangi Rut. E maka, Naomi milih keluargana si ndauh. Terpilih me Boas erdandanken, Boas kalak si eradat, si dem alu perkuah ate nandangi Rut ras Naomi (keluargana). Labo taneh si utamakenna aminna pe i bas Boas lit erta guna nebusisa. Jadi, i bas si enda, Naomi nehken tanggung jawabna selaku orang tua/bibi man Rut. Kenca i begi Rut rencana bibina Naomi, selaku permain si mehuli, e maka nina Rut: “Uga nindu, bage kubahan bibi.” Enda ngingetken mulihi nandangi komitmen Rut man bibina Naomi (1:10, 16-17).
Rut i idah Boas enggo ncidahken kekelengenna si mbelinna ibandingken ras kai si ilakokenna (2:11) man bibina alu ngutamaken kepentingen keluarga ibandingken dirina jine. Boas erpadan guna nehi pemindon Rut alu alasen kerna si nterem meteh maka Rut e me diberu si mehuli. Boas meteh aturen adat perjabun “Levirat”, i ja ia labo kade-kade kalak enda si ndeherna (ay. 12). Boas kalak si patuh man hukum adat janah mpediat Tuhan si ngaturkensa adi kin ia si pantas ngempoi si Rut janah enda ibelasken Boas i bas ipendungi ayat 13, “…erpadan aku i adepadepen TUHAN si nggeluh maka aku ertanggung jawab muat kam jadi ndeharangku….” Labo terjeng cakap ngenca sibelasken Boas man Rut, tapi mereken perlindungen keamanan man Rut alu nuruh tetap tading bas pengiriken sope wari terang. Jenari mereken perlindungen nama baik alu nuruh ia gelah tetap metenget, ula sempat si nterem meteh Rut i bas pengeriken janah mereken perlindungen jasmani alu mereken gandum man Naomi (ay. 14- 15). Jadi, Boas nehken tanggung jawabna selaku kade-kade Naomi ras Rut.
I bas nini-nininta nari, enggo lit tatanen ersangkep nggeluh i bas budayanta selaku kalak Karo e me Rakut si Telu (Kalimbubu, Senina ras Anak Beru). Gelah tetap enteguh Rakut si Telu enda, sikap ras perbahanen si arus i dalanken e me mehamat erkalimbubu, medes (mesayang) ersenina ras metami eranak beru. Mehamat erklimbubu ertina ngergaken ajar nta pe pedah-pedah Kalimbubu. Enda teridah arah nggit ncidahken ketutusen erdahin, bujur, nggit berkorban waktu, gegeh ras pang ngkawali ras mpertahanken gelar atau “nama baik” Kalimbubu i tengah-tengah jelma si enterem. Medes ersenina ertina nggit mperdiateken senina, meneken sifat egois (terudu si sada), la meganjang rukur, la pejago-jagoken bana bage pe la mpekitik senina arah kata ras perbahanen. La nge lebeken hakna, tapi iasuhina, i pegeluhna ras i kembangkena sikap toleran erdiate, kepate ras ngasup ngoge dingen nggejapken keberaten seninana bage pe meneken sipat ngkuasai i bas hubungen-hubungen kalak si ersenina. Alu kata si deban, medes e me sada biak empati, aku kap kam, kam kap aku, diri seninana e, dirina iakapna, ertanggung jawab ia ersenina. Kai pe terjadi i bas seninana, anak jabu si ndeherna lebe si ertanggung jabab.
Metami eranak beru ertina sabar janah idaramina rusur si erbahan anak beruna ermengkah atena ras turah rusur rasa banggana. Megegeh ngepkep anak beru jenari muji anak beru erkiteken dahin si mberat pe enggo ilayasi ras idungina. Dikune sikap (cara) ras perbahanen sibagenda tetap i dalanken, tentu mehuli ras senang geluh i bas sangkep nggeluh.
Sendalanen ras nats bahan PJJ nta sendah maka mari kita muat bagin guna nehken tanggung jababta nandangi keluarganta si banci si sampati. E me tandana maka kita enggo jadi bangsa pilihen Dibata.
Nuriken Penggejapen
- Simada Jabu
- MAMRE
- MORIA
- PERMATA
- SAITUN
Diskusi
- Terdalanken kita nge nggeluh sikeleng-kelengen bagi Rut ras bibina bage pe Boas?
- Turiken dage kai ulihna kune i bas sangkep nggeluh (Keluarga) lit biak mediate?
Kesimpulen i bas Serayan nari
Rende KEE. 302 – Nginget Perkuah Dibata si mbelin
Nginget perkuah Dibata si mbelin
Si isehkenNa man banta k’rina kin
I bas kerina dampar kegeluhen
i doni si dem alu kegulutenEndeskenlah kulanta man Dibata
Kerinana si lit i bas geluhta
Selaku persembahenta si nggeluh
Em persembahen si ngena ateNaSabab bage me arusna kita kin
Ersembah man Dibatanta si mejin
Si nggo m’reken man banta manusia
Keg’luhen si mehuli ras badia
Pertoton Syafaat (Ibabai 2 Kalak)
Ngawan: Notoken gelah kerina kita ngasup mperdiateken sangkep nggeluh
Serayan: Notoken Tuan Rumah ras si turah i bas Perpulungen
Rende KEE. 254 – Isuruh Dibata
Isuruh Dibata sikeleng-kelengen
Sisampat-sampaten asa kengasupen
Mbue me kap tuhu si man bahanenta
Radu ras kerina kita ndahikencaPalasta nampati em ate mekuah
Ngusih Tuhan Yesus enggo kap nampati
Meriah ukurta adi teman pulah
Masap kebiaren ‘je dat ate jadi
Iendeken Pt./Dk/Emeritus/PdtIsuruh Dibata sikeleng-kelengen
Sisampat-sampaten asa kengasupen
Mbue me kap tuhu si man bahanenta
Radu ras kerina kita ndahikencaKalak si ngikutken kata Tuhan Yesus
Terangina doni ras k’rina isina
Tegulah temanta gelah ola celus
Si tuduhken dalin gelah ola mampa
Pertoton Tuhan
SNACK/PENUTUP
Pdt. Berandes Ginting, S.Th., M.Psi