SERI PENGIDAH
(Tantangen Jabu Bas Nikapken Generasi Erpalasken Kiniteken)
Kejadian 25: 27 – 34
25:27 Lalu bertambah besarlah kedua anak itu: Esau menjadi seorang yang pandai berburu, seorang yang suka tinggal di padang, tetapi Yakub adalah seorang yang tenang, yang suka tinggal di kemah.
25:28 Ishak sayang kepada Esau, sebab ia suka makan daging buruan, tetapi Ribka kasih kepada Yakub.
25:29 Pada suatu kali Yakub sedang memasak sesuatu, lalu datanglah Esau dengan lelah dari padang.
25:30 Kata Esau kepada Yakub: “Berikanlah kiranya aku menghirup sedikit dari yang merah-merah itu, karena aku lelah.” Itulah sebabnya namanya disebutkan Edom.
25:31 Tetapi kata Yakub: “Juallah dahulu kepadaku hak kesulunganmu.”
25:32 Sahut Esau: “Sebentar lagi aku akan mati; apakah gunanya bagiku hak kesulungan itu?”
25:33 Kata Yakub: “Bersumpahlah dahulu kepadaku.” Maka bersumpahlah ia kepada Yakub dan dijualnyalah hak kesulungannya kepadanya.
25:34 Lalu Yakub memberikan roti dan masakan kacang merah itu kepada Esau; ia makan dan minum, lalu berdiri dan pergi. Demikianlah Esau memandang ringan hak kesulungan itu.Idayaken Esau hakna selaku anak sintua
25:27 Duana anak e reh belinna. Esau jadi perburu si beluh, janah riahen akapna tading i bas kerangen. Tapi Jakup, biak persinik, dekahen tading i rumah.
25:28 Adi si Isak ngenan atena Esau erkiteken entabeh akapna man bekas Esau erburu, tapi Ribka ngenan ka atena Jakup.
25:29 I bas sada wari sanga itasakken Jakup sitik kacang megara, Esau mulih i bas erburu nari. Melihe kal ia,
25:30 e maka nina man Jakup, “Melihe kal aku; enta sitik pangan si megara-gara ena.” (Em sabapna maka igelari ia Edom.)
25:31 Nina Jakup njabapsa, “Banci kubereken, adi iberekenndu bangku hakndu selaku anak sintua.”
25:32 Nina Esau, “Bage-bage! Mate me atena aku, kai gunana aku anak sintua?”
25:33 Nina Jakup, “Ersumpah dage kam lebe maka iberekenndu hak kinituanndu man bangku.” E maka ersumpah Esau, iberekenna hak kinituanna man Jakup.
25:34 Kenca bage maka ibereken Jakup man bana roti ras kuah kacang megara e. Minter ia man ras minem, jenari lawes ia. Bage me si Esau, la kal akapna meherga kinituanna.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
Rende “Ku Cinta Keluarga Tuhan”
Ku cinta keluarga Tuhan,
terjalin mesra sekali
Semua saling mengasihi,
betapa s’nang ku menjadi k’luarganya Tuhan
Ertoto (ibabai serayan, Pertua/Diaken)
Si mada jabu nehken kata pengalo-ngalo ras ngataken bujur (banci bapa entah nande)
Rende KEE. 194 – Senang Adi Ras Yesus
Senang adi ras Yesus malem ateta pe
Si dahilah Penebus je dat kita dame eBegiken pendiloNa, marilah kam kerina
Si latih bas geluhta maka Kam senang kaSenang adi ras Yesus malem ateta pe
Si dahilah Penebus je dat kita dame eTah kai pe si terjadi, lit me kap si nampati
Araplah IA dage, tetaplah ukur e
Ngoge Pustaka si Badia: Kejadin 25: 27-34 (Ioge anak i bas jabu)
Seri Pengidah
Megati si begi kuan-kuan kalak Karo nina, “ula rayo-ayo,” lit ka i bas bahasa Indonesia, “jangan memandang sebelah mata.” Duana kuan-kuanen enda nuriken kerna hubungen (relasi) antara orang tua ku anak, orang tua ku senina ras turangna bage pe sangkep nggeluhna, banci ka hubungen guru ku murid, entah pemerintah ku rakyatna. Adi bas perusahan, antara manager ku anggotana ras si debanna. Ertina gelah seri min pengidah orang tua man anakanakna, man senina ras turangna, adi pemimpin man anggotana, adi guru man muridna, adi pemerintah man rakyatna. Seri pengidah e biasana i bas encibalken ate keleng, i bas nehken penampat, bage pe perbahanenta man sekalak jelma sue min ras kebutuhenna. Contohna, labo banci seri ukurenna baju si itukur sekalak nande man anak balita ras anakna si enggo berumur 12 tahun. Si penting baju si itukur sue ras ukuren daging anak si ngalokenca. Sabab labo banci seri kal beratna, seri galangna, entah seri bentukna. Janah i bas nehken kekelengen e ula min lit i je syarat umpamana adi sikap ban kalak banta maka keleng ateta ia.
Mari siperdiateken jabu Isak ras Ribka. Enggo 20 tahun perjabun Isak ras Ribka, lenga lit pupusna. Emaka ertoto Isak man Tuhan gelah Dibata mereken anak ku tengah-tengah jabuna. Tuhan megiken pertoton Isak, emaka Ipasu-pasuNa Ribka seh banci natang tuah, ras mupus anak dilaki rindu. Anak sintua ibahanana gelarna Esau sebab daging kulana megara ras erbulu, anak si nguda ibahanna gelarna Jakub sebab sanga ia tubuh icikepna kal nteguh tukul-tukul Esau. Duana anak e reh belinna tapi karakterna la bali amin pe ia rindu (kembar). Esau meriah kal akapna ku kerangen lako erburu, tapi Jakup pangen ia i rumah nampati nandena. Perbedaan karakter anak erbahansa la seri pengidah orang tuana man bana. Isak ngenan atena Esau erkiteken entabeh akapna man bekas Esau erburu, tapi Ribka ngenan atena Jakub.
La kin hak anak e me ngaloken kekelengen si seri bas orang tuana nari amin pe karakterna la seri ras seninana? Uga maka karakter anak si la seri erbahansa kekelengen orang tua man bana pe la bali? Enda megati jadi tantangen i bas jabu guna nikapken generasi erpalas ku bas kiniteken. Situhuna, Tuhan kap simereken anak-anak e, pasu-pasu i bas Tuhan nari kap ia (Msm. 127:3). Ertina, teptep anak rehna bas Dibata nari ras sekerajangen Dibata. Subuk anak e mejile, jago, lit bakatna, entah anak e cacat, buruk rupa, ras kurang beluhna. E maka arus sisadari Dibata labo nepa manusia si sempurna tapi Dibata nepa manusia si berkarakter entah pe unik. E maka la lit manusia si la meherga, kerina meherga rikutna keadaanna masingmasing, subuk keadaan fisik, pikiren bage pe mentalna.
Tanggung jawab bapa nande e me mbabai kerina anak-anak e erkemalangen man Tuhan. Tujunna, gelah kerina anak-anakna erngena ate kempak kata Dibata. Biak orang tua la banci lang, erkeleng ate alu dem pengertin, ngaloken kelemahen ras kelebihen anak-anakna ras la rayo-ayo. Orangtua pe arus erlajar kerna pertumbuhen anak-anakna gelah orangtua e ngasup bertindak bijak nandangi kebutuhen anak-anakna kerina. Uihna rasa aman man anak-anak, seh maka ia turah bas kata Dibata.
Nuriken Penggejapen:
- Kalimbubu jabu
- Sukut jabu
- Anak Beru jabu
Rende KEE. 457 – Bagi Keleng Ate Orang Tua
Bagi keleng ate orang tua nandangi kita anak-anakna
Bage me keleng ate Tuhanta nandangi kita buah ateNa
Malem tuhu ban keleng ateNaBagi Lau maler ideleng nari, maler ku suah la lit peltepna
Bage me lias ate Tuhanta nandangi kita buah ateNa
Malem tuhu ban lias ateNaBagi terang matawari bage nerangi doni lanai gelap pe
Bage me pasu-pasu Tuhanta nandangi kita buah ateNa
Malem tuhu ban pasu-pasuNa
Diskusi
- Kai nge kira-kira si erbahansa maka la seri pengidah Isak ras Ribka nandangi Esau ras Jakub.
- Uga si ban maka seri min pengidahta anak-anak.
Kesimpulan (ibabai Pendeta, Pertua/Diaken)
Nehken Persembahen (simabaisa Pengurus PJJ/Bapa)
Pertoton persembahen ras Syafaat
- Kerina orang tua GBKP la rayo ayo bas ndidik ras ncibalken keleng ate man anak (ibabai Nande)
- Pemimpin gereja ras Negara (ibabai Bapa)
- Persembahen (ibabai Anak)
- Si turah bas perpulungen (ibabai Bapa/Serayan)
Rende KEE. 191 – Iban KelengNdu E
Iban kelengNdu e, i ban liasNdu e la ku bene
Aku idilo Kam, bas lias ateNdu, ku surga e
Tergejap me tuhu, penegu-neguNdu, senang aku
Mejuah-juah me, ras isi jabu pe Liasndu nge.
Pertoton Tuhan (ibabai Pertua/Diaken)
Rende KEE. 466 – Bujur O Tuhan (2X)
Bujur O Tuhanku, bujur o Tuhanku
Terpujilah gelarNdu bujur o Tuhanku
Pdt. Nurbety br Ginting, M.Th.