DIBATA NIKAPKENCA
(Teologi Perjabun)
Kejadian 22: 1 – 4
Kepercayaan Abraham diuji22:1 Setelah semuanya itu Allah mencoba Abraham. Ia berfirman kepadanya: “Abraham,” lalu sahutnya: “Ya, Tuhan.”
22:2 Firman-Nya: “Ambillah anakmu yang tunggal itu, yang engkau kasihi, yakni Ishak, pergilah ke tanah Moria dan persembahkanlah dia di sana sebagai korban bakaran pada salah satu gunung yang akan Kukatakan kepadamu.”
22:3 Keesokan harinya pagi-pagi bangunlah Abraham, ia memasang pelana keledainya dan memanggil dua orang bujangnya beserta Ishak, anaknya; ia membelah juga kayu untuk korban bakaran itu, lalu berangkatlah ia dan pergi ke tempat yang dikatakan Allah kepadanya.
22:4 Ketika pada hari ketiga Abraham melayangkan pandangnya, kelihatanlah kepadanya tempat itu dari jauh.Iperentahken Dibata Abraham mpersembahken Isak
22:1 I bas sada paksa kenca enggo lepas kejadin enda ndai kerina, iuji Dibata me Abraham. Erlebuh Dibata man Abraham nina, “O Abraham!” Ngaloi Abraham, “Enda aku TUHAN.”
22:2 “Buat anakndu,” nina Dibata, “Anakndu si tonggal Isak si seh kal atendu kelengna, jenari laweslah ku taneh Moria. I jah i das sada deleng si Kutuduhken bandu kari, persembahken ia jadi sada persembahen gelehen man bangku.”
22:3 Pepagina lampas erpagi-pagi itakai Abraham kayu man ranting persembahen e, itamakenna ku gurung keledena, jenari ibabana Isak ras dua kalak suruh-suruhenna. Berkat me kalak enda ku ingan si enggo ikataken Dibata man bana.
22:4 I bas wari peteluken enggo iidah Abraham ingan e, aminna gia ndauh denga.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
Rende KEE. 368 – Si Puji Tuhan Dibatanta
Si puji Tuhan Dibatanta,
kataken bujur BaNa
Sabab IA simerekensa,
pasu-pasu man bantaMbelin ras mulia kekelengen Tuhan,
i bas doni enda
Ajari o Tuhan, kami krina anakNdu
Naksiken kerina perbahanenNduGeluh kami meriah tuhu,
krina sikrajangenNdu
Sabab kalak si nembah BaNdu,
datken pasu pasuNdu
Pertoton Pembuka (Ibabai Bapa)
Responsoria Nggejapken kekelengen Tuhan i bas Jabu erpalasken Masmur 27
- Bapa: Tuhan kap terang kegeluhenku IA kap si ngelini aku la lit sikubiarken
- Nande: Tuhan kap bentengku emaka la aku gentar
- Bapa: Amin pe aku ikepung tentera si enterem la aku mbiar
- Nande: Aminna pe reh musuh ndahi aku aku tetap erpengarapen man Dibata
- Anak: Sada ngenca pemindonku man Tuhan sada ngenca surasurangku eme ringan i bas rumah Tuhan kidekah geluhku
- Kerina: Guna nggejapken kiniulin Tuhan dingen mindo gelah tetap itegu-teguNa.
Rende KEE. 205 – Rehlah Min O, Tuhan
Tuhan Dibata lit bas rumah enda,
nembah kita k’rina baNa
Alu kehamaten mungkuklah man baNa,
kula, tendi pe kerina
Aloken kataNa ras pasu-pasuNa, usekenNa banta.
Renungen (ibenaken ras idungi alu ertoto)
- Ngoge Kata Dibata : Kejadin 22 : 1-4 (Ibabai Nande)
- Renungen : (iogeken Bapa)
RENUNGAN
Susanna Wesley , nande Pdt Jhon wesley pernah ngataken man Pendeta Jhon Wesley tupung ia kuliah denga nina : “anakku apapun yang membuat engkau tidak mencintai Tuhan adalah karna kenikmatan duniawi.” Kai sinikataken Susanna Wesley enda ndai maka perlu kel sijaga pusuh perukurenta kerna kinitekenta gelah ula tergoda, ndabuh erkiteken kenikmaten kentisik.
Tek denga nge kita nandangi Dibata? enda sada penungkunen si jadi perenungen. Dibatanta e erkuasa janah IA simada kerinana, IA nikapken kerinana. Seh kel bagesna erti kiniteken si jadi renungenta sendah arah pengalamen Abraham , ija anak si enggo ndekah kel ipadanken Dibata man bana itimaina salu kiniteken, kenca ia enggo metua maka tubuh anakna, tapi kenca nggo mbelin anak e isuruh Tuhan ka ipersembahken selaku persembahen tutungen. Buat anakndu, anakndu si tonggal Ishak si seh kal atendu kelengna, jenari laweslah ku taneh Moria i jah i datas sada deleng sikutuduhken kari man bandu persembahken ia jadi sada persembahen gelehen man bangKu (ay. 2). Kira-kira uga nge penggejapen selaku bapa megi ras ndalanken kai sinikataken Tuhan enda man bana? Beraten nge pusuh si erpengue entah lang bas pusuh perukuren adi kam selaku bapa i bas ngelakoken perintah Tuhan enda? Tapi Abraham anem gia mberat kel bas pusuhna ngelakokenca iidahna salu mata kinitekenna maka Tuhan sinikapkensa. Ilakokenna kai sinikataken Tuhan man baNa salu kinitekenna, ibabana anakna si seh kal atena kelengna ku deleng Moria guna ipersembahken man Tuhan. Itegu Tuhan Abraham guna mpersembahken simehergana i bas kegeluhenna nari, janah si e ilakoken Abraham salu kinitekenna man Tuhan.
Eragama ras erkiniteken lenga tentu sendalanen, enterem kalak si eragama tapi ia tek nandangi kai siidahna adi la kin salu kiniteken man Tuhan. IQ si tinggi ras otak si pentar labo e si jadi palas erkiniteken man Tuhan tapi hubungen si mehuli siibangun ras Tuhan. I ja ibenaken i bas jabu nari, pengalamen rohani (kiniteken) siituduhken orangtua e jadi gegeh ras palas man anak-anak. Kepatuhen, kedisiplinen ras kesetian e banci tersuan menaken kitik nari anak-anakta. Abraham enggo teruji kinitekenna tupung isuruh Dibata ia nadingken orangtuana, keluargana bage pe erta kinibayakenna, itadingkenna kerina si sedekah enda enggo sikap geluhna guna ngikutken persuruhen Dibata. I bas mpersembahken Ishak sijadi korban tutungen pe la ia melala ngerana, la ia melala nuntut Tuhan, ikutkenna saja. Anem gia getemkel pusuhna tupung anakna Ishak nungkun ranting ras rara enggo lit, ija kin biri-biri si jadi persembahen tutungen? Selaku bapa si erkiniteken man Tuhan alu tenang ia njababsa Dibata si nikapkensa. Payo tuhu Dibata nikapken kerina enda me jadi jabapen si dem i bas kiniteken ras bage tuhu jadi. Dibata mperdiateken kepatuhen Abraham man baNa emaka isikapkenNa kai si mehuli man Abraham.
Kiniteken orangtua si teridah arah perbahanenna tuhu-tuhu mbelin kel gunana i bas mpeturah ras mpepaguhi kiniteken anak-anak i bas jabu. Orangtua arus encidahken orat geluh si paguh erkiniteken, la lit kebiaren ras aru ate i bas ndalani kegeluhen. Segelah anak-anak pe banci erlajar arah kiniteken orangtuana. I bas ndalani wari-wari ku lebe enda, anem gia lenga si eteh kai si jadi, ola mbiar ras ola aru ate. Dalanilah kegeluhen alu erkiniteken man Dibata saja. Cidahken kepatuhen, setia ras tetap erkemalangen man Dibata. Tek kita maka iperdiateken Dibata kegeluhenta ras isikapken Dibata kai si mehuli man banta.
Diskusi (Ibabai Bapa)
- Selaku bapa ngasup nge kita mpersembahken si mehergana man Tuhan salu palas kiniteken?
- Menurut pengakapndu kai nge bedana kalak beragama ras kalak erkiniteken?
Rende KEE. 386 – Tuhan Kap Permakan Geluhku (Persembahen)
Tuhan kap permakan geluhku
maka la kekurangen aku
I tengah mbal-mbal si meratah
geluhku ipesenangkenNduO Tuhan Kam penalemenku
temaniNdu i bas dalanku
Tuhu malem teneng tendingku
perbahan Tuhan temankuKempak lau si teneng malerna
itegu-teguNdu geluhku
PelimbaruiNdu gegehku
dalan pinter babaNdu aku
Pertoton persembahen ras syafaat (Ibabai Bapa ras Anak)
Rende KEE. 309 – Pengasup Kami O Tuhan
Pengasup kami o Tuhan,
gelah pedahNdu banci idalanken
Em kap tendang kami bas kegeluhen,
KataNdu si man gelemen
Gelah tangkas kata ras perbahanen,
ban min kami tetap bas kebujuren,
SurgaNdu kap perayakenKawali kami o Tuhan,
alu gegeh ras kuasaNdu si mbelin
Olangilah kami idur si setan,
si ateNa encedaken
dameNdu gelah tetap ku arapken
Ban kelengNdu ngenca
kap kami atan
Bengket ku bas kesangapen
Pertoton Tuhan (Ibabai Bapa)
Pdt. Natallidna br Tarigan, M.Th