Gelap Ku Terang
Konfesi (Eklesiologi)
1 Petrus 2: 9 – 10
2:9 Tetapi kamulah bangsa yang terpilih, imamat yang rajani, bangsa yang kudus, umat kepunyaan Allah sendiri, supaya kamu memberitakan perbuatan-perbuatan yang besar dari Dia, yang telah memanggil kamu keluar dari kegelapan kepada terang-Nya yang ajaib:
2:10 kamu, yang dahulu bukan umat Allah, tetapi yang sekarang telah menjadi umat-Nya, yang dahulu tidak dikasihani tetapi yang sekarang telah beroleh belas kasihan.2:9 Tapi kam e me bangsa pilihen, imam-imam Raja, bangsa sikerajangen Dibata, anak-anak Dibata si ipilih guna meritaken perbahanen-perbahanen Dibata si mbelin. Dibata enggo ndilo kam ndarat i bas si gelap nari ku bas terangNa si lanai kal langlang ulina.
2:10 Nai kam labo anak-anak Dibata, tapi genduari kam enggo jadi anak-anakNa. Nai la ietehndu perkuah ate Dibata, tapi genduari enggo ialokenndu perkuah ateNa.
Gelah PERMATA GBKP:
- Ngangkai gereja eme persadan kalak si tek idilo Dibata ibas gelap nari ku terang jadi SikerajangenNa.
- Makeken geluhna guna meritaken perbahanen Dibata si Mbelin.
Metode: Aksi
I. BENA KATA
Kegeluhenta selaku kalak kristen tentuna itandai arah perbahanenta. Kiniteken si erbuah emekap kiniteken si teridah arah perbahanen. Janah arah perbahanenta e teridah ise kin kita, identitasta selaku kalak si nembah Dibata. Megati ibas kesaksin geluhta lanai itandai kalak kita, banci jadi ibas postingen ntah pe kerina akun media sosialta lanai ncidahkеn ise kin kita. Mesunah ras gampang saja siakap makeken media sosialta sementara nterem kalak natap kerna kai si ituriken kita ibas medsosta.
Perlu perjuangan ras proses ibas kita njagai kinitekenta. Metenget ras mediate ibas njagai kegeluhenta , segelah arah perkembangen jaman enda pe kita tetap ngasup jadi terang. Lit kalimat ngatakenca adi la kita ise nari, adi la gundari ndigan nari ertina maka ibas persadanta arus lit kesadaran maka kita arus tetap erban mehuli sebab kita me terang e ras la tertaren taren ntah terpagi-pagi ibas ngelakokenca tapi arus nge ilakoken tep-tep wari.
II. ISI
Surat Petrus sipemena enda itulisken Petrus man kalak kristen si merap marpar ibelang belang bagin Utara Asia kitik guna mpegegehi perpulungen ibas erkiniteken. Erkiteken kalak Kristen tupung sie sangana iayak-ayak ras ngenanami iniseran erkiteken kinitekenna man Yesus Kristus. Emaka arah surat enda Petrus ngingetken maka kematen Na, kinikekenNa ras kerehenNa si enggo ipadanken Tuhan mereken pengarapen nggeluh man kalak si tek. 1 Petrus 2:9-10 ngingetken ulihi man kalak Kristen maka;
-. Kita enda bangsa sikerajangen Dibata
Ibas ayat 9 ituriken man banta maka kalak Kristen emekap bangsa pilihen Dibata, imam-imam Raja, bangsa sikerajangen Dibata. Ayat enda ngingetken kita maka kita labo kalak si sembarangen tapi kalak si nggo iselamatken Dibata. Pemilihen e labo erkiteken kinibeluhenta ntah faktor biologis atau etnis, tapi pemilihen Dibata kerna bangsa sikerajangenNa eme hak otoritas Dibata. 1 Petrus 1:23 ” sabap arah kata Dibata si nggeluh dingen tetap rasa lalap, kam nggo tubuh jadi manusia si mbaru si labo tubuh tubuh arah manusia nari tapi ibas Bapa sir a lalap” arah ayat enda jelas maka kita ipilih jadi manusia si mbaru erkiteken kata Dibata. Uga kita banci jadi imam-imam Raja, bangsa sikerajangen Dibata enda kerina perban karya keselamaten si icidahkеn arah Yesus Kristus. Si enggo mengorbanken diriNa gelah kerina kita iselamatken ras ndatken kegeluhen si rasa lalap. Enda me erbanca kita jadi bangsa si mulia si tetap kesikelta erbahan mehuli tanda pengataken bujurta man Dibata ibas kerina perbahanenNa man banta.
-. Meritaken berita si meriah tanggung jawabta radu ras
Gelar sidatken kita ibas pemilihen Dibata e labo gelar omong kosong saja. Tapi e nuduhken identitasta, ise kin kita. Emaka arus tetap sigejabken maka tanggungjawabta selaku kalak si nggo ibebasken Dibata ibas gelap nari ku terangNa si lanai langlang ulina eme meritaken berita si meriah. Terdauhen Petrus nuduhken dahin berita sí meriah e banci teridah ibas Perbahanen Simehuli (1 Petrus 2:12) mehulilah min lagu langkahndu i tengah-tengah kalak si lenga nandai Dibata gelah adi ikatakenna kam kalak jahat, idahna perbahanendu si mehuli e emaka erkíteken si e ipujina Dibata ibas wari kerehenNa ku tengah kegeluhen kalak e. Dahin pelayanen (1 petrus 4:11) kalak si ngerana, ngeranalah au katakata si tempa-tempa rehna ibas Dibata nari, kalak sinampati,isampatinalah kalak alu gegeh si ibereken Dibata man bana gelah ipuji kalak Dibata arah Yesus Kristus. Kiniseran erkiteken Kristen (1 petrus 4:14, 16) ketuahen kam adi imbangi-imbangi kalak erkiteken kam ajar-ajar Kristus. Tapi adi kam ngenanami kiniseran erkiteken kam kalak Kristen ola iakapndu mela kerna sie. Tapi katakenlah bujur man Dibata erkiteken kam igelari Kristus. Dahin meritaken berita si meriah emekap dahinta kerina kalak si erkiniteken man Tuhan guna ncidahkеn kemuliaan Dibata.
-. Nggeluh selaku anak-anak Dibata
Ibas ayat 10 ituriken man banta gelah nggeluh selaku anak-anak Dibata. Adi nai kita labo nggeluh selaku anak-anak Dibata gundari arus lit perubahen ibas kita emekap nggeluh selaku anakanak Dibata. Uga kin nggeluh selaku anak-anak Dibata emekap nggeluh ibas perkuah ate Dibata. Ertina kai pe silakoken kita ibas kegeluhenta arus kita natap kempak Dibata ras kempak perkuah ateNa. Nggeluh labo hanya guna dirita tapi kaipe silakoken kita kerinana guna kemuliaan Dibata. Lit perubahen ibas cara nggeluh si male ku cara nggeluh si mbaru ibas Tuhan.
III. PENGKENAINA
Encidahkеn kiniteken ibas perbahanen tentuna labo dahin si gampang Tapi uga anak PERMATA GBKP seh kubas tahap sibage rupana tentu arus lit proses ras pejuangen si ilakokenna. Anak PERMATA GBKP arus mpeturah penggejapen maka Tuhan nggo dilo kita jadi bangsa pilihen Dibata, jadi bangsa sikerajangen Dibata tentuna hak istimewa e pe ngajari kita guna ngataken bujur man Dibata,
Ngataken bujur man Dibata erkiteken kesempaten si i bere Tuhan man banta arah keselamaten si nggo ipercayakenNa man banta. Pengataken bujur e arus min teridah ibas kerina orat nggeluh anak singuda enda, Arah pengerana, perbahanen bagepe perukurenna. Ncidahkеn kiniulin Tuhan ibas kerina dampar geluh anak- anak PERMATA GBKP. Pengataken bujur enda pe arus teridah ibas gaya hidup anak PERMATA GBKP. Mpergunaken media sosial jadi ingan ersaksi nandangi nterem jelma. Media sosial labo hanya jadi ingan cuhat, mengeluh ntah berkeluh kesah tapi selaku anak Dibata si nggo idilo Dibata ndarat ibas gelap ku terang Dibata tentuna si arus teridah ibas geluhta. Media sosialta arus jadi ingan kita nuriken perbahanen Tuhan si mbelin man banta, nuriken kerina kiniulin Dibata ibas kegeluhenta. Bagepe jadi ingan meritaken berita si mehuli sirehna ibas Dibata nari. Talenta-talenta anak singuda siigejapkenna jadi pemere Dibata banci ibahan jadi kesaksin ibas media sosialta.
Dage kininggiten arah kiniteruken ukur eme si i pindo Dibata ibas kita nari. Gelah tetap ndalanken simehuli, tutus ibas dahin pelayanen ras kegeluhenta ncidahkеn kita enda anak-anak Dibata. Tetap si jaga persekutuanta enda jadi pujin pengataken bujurta man Dibata.
IV. AKSI
Erbahan Puji-Pujin man Tuhan guna i upload i media sosial Facebook, Instagram, Youtube, dst.
V. USULEN ENDE-ENDEN
- KEE. 338 – Ulu Tuah Kam Kusembah
- KEE. 392 – Ibas Doni Si Dem Perbeben
- KEE. 320 – Susah Entah Senang Gia
Mereka yang selalu berlutut menghadap Tuhan
Akan selalu bisa berdiri mengahadapi siapapun
Mereka yang selalu melipat tangan untuk berdoa kepada Tuhan,
akanselalu siap menghadapi kenyataan hidup
Pdt. Siska Febriani Br Tarigan, S.Th, MM
