Ogen : Ester 2:8-12
Tema : Nunut ras Mediate
Tujun : Gelah Mamre
- Ngidah Mordekai tetap mendampingi ras mperdiateken Ester i bas perkembangen daging kula ras perpanna
- Jadi guru man anakna i bas tengah jabu menaken kitik-kitik nari.
2:8 Setelah titah dan undang-undang raja tersiar dan banyak gadis dikumpulkan di dalam benteng Susan, di bawah pengawasan Hegai, maka Esterpun dibawa masuk ke dalam istana raja, di bawah pengawasan Hegai, penjaga para perempuan.
2:9 Maka gadis itu sangat baik pada pemandangannya dan menimbulkan kasih sayangnya, sehingga Hegai segera memberikan wangi-wangian dan pelabur kepadanya, dan juga tujuh orang dayang-dayang yang terpilih dari isi istana raja, kemudian memindahkan dia dengan dayang-dayangnya ke bagian yang terbaik di dalam balai perempuan.
2:10 Ester tidak memberitahukan kebangsaan dan asal usulnya, karena dilarang oleh Mordekhai.
2:11 Tiap-tiap hari berjalan-jalanlah Mordekhai di depan pelataran balai perempuan itu untuk mengetahui bagaimana keadaan Ester dan apa yang akan berlaku atasnya.
2:12 Tiap-tiap kali seorang gadis mendapat giliran untuk masuk menghadap raja Ahasyweros, dan sebelumnya ia dirawat menurut peraturan bagi para perempuan selama dua belas bulan, sebab seluruh waktu itu digunakan untuk pemakaian wangi-wangian: enam bulan untuk memakai minyak mur dan enam bulan lagi untuk memakai minyak kasai serta lain-lain wangi-wangian perempuan.
KATA PENARUH
Adi pernah si idah lit tulisen i bas motor nina “Nunut-unut gia persehna adi seh bagi nisura”. Kata enda nuriken maka kondisi motor e tahun rendah, janah perdalinna pe labo banci meter. Tapi bas manjar ntah melet gia, adi erdalin tetap nge usur-usurna seh ku tujun. Nunut i bas cakap karo ertina lamban, tapi bicara bage pe lit sisi positifna serius janah tetap usur-usurna bicara erdalin, erdahin rsd. Bagem i bas perdalinen geluhta maka kai si dahiken kita, bicara la banci meter sidahiken bali ras kalak sideban, la banci lang nunut ras mediate e perlu kel silakoken. Bageka me ituduhken Mordekai selaku bapa, nunut ras mediate mperdiateken perkembangen daging kula ras pangan anakna Ester. Ulih arah tanggung jawab silakokenna maka Ester reh mbelinna seh dewasa dingen ndatken masa depan si mehuli.
URAIAN TEKS/TAFSIREN
Kitab Ester ibahan gelarna sue ras tokoh si isingetken i bas kitab e sekalak diberu gelarna e me Ester, asal katana Hadasa ertina Tanaman Murad, tapi secara umum iartiken Bintang Fajar erkiteken kinijilenna. Engkai maka ikataken Bintang Fajar? I bas sada tafsiren ikatakenna: Karena kecantikan Ester yang terpancar secara fisik, bahkan makin cantik karena hati yang dimiliki serta iman Ester kepada Tuhan dalam pergumulan hidupnya. Ester cukup patuh kal nandangi pedah Mordekai. Perbahanenna si mehuli e me tupung nelamatken kalak Jahudi arah perintah raja guna munuhsa. Ester banci bengket jadi ratu istana erkiteken pengarak-ngarak Dibata, paksa sie lit perintah raja guna ndarami ras muat singuda-singuda simejile rupana guna ibaba ku Susan jadi gundik raja. Erkiteken keleng ate Mordekai mpebelin-belin Ester, janah Ester enggo mbelin ras meiile rupana, e maka ia ibaba ras singuda-nguda sideban erkiteken kinijilenna (ay. 8).
I bas ayat 9 ituriken maka Hagai e me sekalak suruh-suruhen raja singaturken kerina gundik-gundikna. Janah Raja pe erngena ate man Ester, e maka iaturken Hagai simehulina man bana, termasuk mereken minak simejilena, ingan tading, pangan bagep isuruh 7 kalak singuda-nguda guna pekena-kena Ester. Dampar si mehuli teridah ije maka arah perbahanen Hagai selaku kalak sideban (si labo keluarga Ester), teridah lit keleng atena guna mpesikap Ester. Apai ka Mordekai si enggo ngangkat ia jadi anakna mulai kin kitik-kitik nari, teridahkel uga pendampingen ras perhatinna nandangi Ester. Arah perbahanen Mordekai enda, ia selaku bapa sekaligus ia me jadi nande enggo ndalanken tanggungjababna, alu nunut ras mediate menaken kitik-kitik nari seh pe ia enggo reh belinna (dewasa). Arah sie te ridah kerna tanggungjabap sekalak bapa i tengah-tengah jabu. Si kin arus iperdiatekenna anakna subuk dilaki bagepe diberu. Amin gia mekatep i bas kalak karo, mbelin kel kehangkenna nandangi anakna sidiberu. Apaika ia enggo mbelin, sierbahanca enggo urak perhatin bapana khusus bas perkembangen daging kulana. E maka mekatep nge iserahken dahin e man nande.
I bas ayat 10, ituriken nina: “kidekah e, sue ras ajar Mordekai..” Selaku bapa, Mordekai pe jadi guru nandangi Ester. Sebab iajarina ise ia, uga turi-turin keluargana seh ku nini bulangna. Janah iberekenna pedah-pedah si arus ipatuhi Ester (ay. 20b; pedah Mordekai enda ipatuhi Ester kel). Mordekai banci ikataken sukses nuduhken peranna sebage sekalak bapa. Sie teridah arah perbahanenna, e me kap: Sipemena: Ester kitik-kitikna nari seh ku dewasana tetap idahna ras iarak-arakna. Sipeduaken: Ester selaku kalak buangen ras Mordekai, si labo kin iperhitungken kalak sideban banci bengket jadi ratu Persia, sikedungenna ia jadi kalak si terpandang i bas kuta kalak. Sekalak bapa perlu kal mperdiateken pendidiken anakna, biak ras pergaulenna alu ngelitken waktu ras pendampingen man bana.
I bas ayat 11-12, nina: Tep-tep wari Mordekai gawah-gawah…meteh kecibal Ester “..kai sinandangi jadi man bana”. Ituriken maka Mordekai gawah-gawah labo guna mpesenangken dirina jine. Tapi e tanda ia erdiate man Ester, ikawali ras ingetna anakna. Jenari ietehna kecibal Ester. Enda jadi perenungen gelahna min kerina bapa meteh kecibal anakna khususna man anak si diberu (labo mbedaken anakta). Sebab beda kel pengkenaina ku lebe enda kai sijadi man anak diberu asangken dilaki. Ulanai min lit belas-belas: “enggom ia mbelin, terjagana nge bana, tehna nge dalin mulih”, cakap enda kurang nge pasna. E maka sieteh min kai sinandangi jadi man bana. I bas situasi si genduari, pinakit sosial cukup mengkhawatirken kal. Si kena pe la erndobahen subuk anak dilaki bagepe diberu, nguda ntah metua. Perlu kal bapa metenget nandangi situasi ras perbahanen si ilakoken anak-anakna. Gelahna ula sempat jadi man bana si la bagi ukurta.
Sekalak bapa mbelin kel pengaruhna man anak-anakna. Justin Rickets ngatakenca “seorang ayah memiliki peranan penting dalam hidup anaknya, terutama anak perempuan. Mereka akan menerapkan standart terhadap lelaki dengan melihat perilaku ayahnya sejak kecil”. Bageme kita pentingna i bas mata anak-anakta, baik menentukan masa depan, terlebih ndarami teman geluhna. Terdauhen Justin ngatakenca “Jangan menarik diri dari anak ketika dia tumbuh dewasa, jangan menghindarinya ketika dia tidak lagi menggemaskan seperti saat bayi”. Anak-anakta tambah warina tentu tambah mbelinna dingen tambah dewasana. Perubahen secara fisik enggo pasti, tapi kita selaku orangtua khusus selaku bapa la banci engkurangi perhatinta man bana apa lagi ndauh i bas ia nari. Kita arus tetap ndampingi ia seh dewasa, nunut ras mediate kita uga kerna perkembangen daging kulana bagepe perubahen sikap ras tingkah lakuna. E maka i bas mpebelin ras ndidik anakta e, arus lit kerja sama antara bapa ras nande. Kiniersadan guna mpebelin-belin ia e me jadi role model man bana kenca ia mbelin.
DISKUSI
- Erpalasken bahan PA-nta enda, uga nge siakap peran Mordekai selaku bapa i bas ia ngangkat Ester jadi anakna? Diskusikenlah.
- Kai banci silakoken itengah-tengah jabuta gelah anak-anakta nggejabken perhatinta dingen lit pengaruh simehuli ku bas masa depanna?
- Ban aksi Mamre sektor ntah runggunta nandangi anak-anakta si lit i bas PAK Gelora Kasih.
USULEN ENDE-ENDEN
- KEE GBKP No. 124:3
- KEE GBKP No. 329:1,2
- KEE GBKP No. 249:1,5
- KEE GBKP No. 204:1,3
Pdt. Julianus Barus, M.Th
Ketua Klasis Kabanjahe-Tigapanah
HP 082274482111