(Anak e unik, ras lit kelebihenna)
Ogen : 2 Raja raja 5: 1-14
Tema : Anak si Erkiniteken Dingen si Erguna
Tujun : Gelah Mamre:
- Meteh maka tep-tep anak lit pemere Dibata si mehulii bas ia
- Tep-tep anak lit kelebihenna, janah mereken pujin i bas kelebihenna
Naaman disembuhkan5:1 Naaman, panglima raja Aram, adalah seorang terpandang di hadapan tuannya dan sangat disayangi, sebab oleh dia TUHAN telah memberikan kemenangan kepada orang Aram. Tetapi orang itu, seorang pahlawan tentara, sakit kusta. 5:2 Orang Aram pernah keluar bergerombolan dan membawa tertawan seorang anak perempuan dari negeri Israel. Ia menjadi pelayan pada isteri Naaman. 5:3 Berkatalah gadis itu kepada nyonyanya: “Sekiranya tuanku menghadap nabi yang di Samaria itu, maka tentulah nabi itu akan menyembuhkan dia dari penyakitnya.” 5:4 Lalu pergilah Naaman memberitahukan kepada tuannya, katanya: “Begini-beginilah dikatakan oleh gadis yang dari negeri Israel itu.” 5:5 Maka jawab raja Aram: “Baik, pergilah dan aku akan mengirim surat kepada raja Israel.” Lalu pergilah Naaman dan membawa sebagai persembahan sepuluh talenta perak dan enam ribu syikal emas dan sepuluh potong pakaian. 5:6 Ia menyampaikan surat itu kepada raja Israel, yang berbunyi: “Sesampainya surat ini kepadamu, maklumlah kiranya, bahwa aku menyuruh kepadamu Naaman, pegawaiku, supaya engkau menyembuhkan dia dari penyakit kustanya.” 5:7 Segera sesudah raja Israel membaca surat itu, dikoyakkannyalah pakaiannya serta berkata: “Allahkah aku ini yang dapat mematikan dan menghidupkan, sehingga orang ini mengirim pesan kepadaku, supaya kusembuhkan seorang dari penyakit kustanya? Tetapi sesungguhnya, perhatikanlah dan lihatlah, ia mencari gara-gara terhadap aku.” 5:8 Segera sesudah didengar Elisa, abdi Allah itu, bahwa raja Israel mengoyakkan pakaiannya, dikirimnyalah pesan kepada raja, bunyinya: “Mengapa engkau mengoyakkan pakaianmu? Biarlah ia datang kepadaku, supaya ia tahu bahwa ada seorang nabi di Israel.” 5:9 Kemudian datanglah Naaman dengan kudanya dan keretanya, lalu berhenti di depan pintu rumah Elisa. 5:10 Elisa menyuruh seorang suruhan kepadanya mengatakan: “Pergilah mandi tujuh kali dalam sungai Yordan, maka tubuhmu akan pulih kembali, sehingga engkau menjadi tahir.” 5:11 Tetapi pergilah Naaman dengan gusar sambil berkata: “Aku sangka bahwa setidak-tidaknya ia datang ke luar dan berdiri memanggil nama TUHAN, Allahnya, lalu menggerak-gerakkan tangannya di atas tempat penyakit itu dan dengan demikian menyembuhkan penyakit kustaku! 5:12 Bukankah Abana dan Parpar, sungai-sungai Damsyik, lebih baik dari segala sungai di Israel? Bukankah aku dapat mandi di sana dan menjadi tahir?” Kemudian berpalinglah ia dan pergi dengan panas hati. 5:13 Tetapi pegawai-pegawainya datang mendekat serta berkata kepadanya: “Bapak, seandainya nabi itu menyuruh perkara yang sukar kepadamu, bukankah bapak akan melakukannya? Apalagi sekarang, ia hanya berkata kepadamu: Mandilah dan engkau akan menjadi tahir.” 5:14 Maka turunlah ia membenamkan dirinya tujuh kali dalam sungai Yordan, sesuai dengan perkataan abdi Allah itu. Lalu pulihlah tubuhnya kembali seperti tubuh seorang anak dan ia menjadi tahir.
KATA PENARUH
Kerina jelma tubuh alu kepribadian si beda-beda, gia pe sekali anak e rindu. Kerina jelma pasti lit perbedan karakterna. Latar belakang ras didiken si berbeda pe erbahanca karakter sekalak jelma banci ka berbeda. E maka, uga kita ngangkai kepribadian anak-anakta i tengah-tengah jabu anem gia bali nge bapana ras nandena banci saja karakterna labo bali bahkan deba petembil. Sada buatna karakter baparna si persinik, sada buatna karakter nandena si pet ngerana. Erkiteken si e, ngangkai karakter si beda enda pe labo ka bali. Lit deba ngajarkenca alu keras maka begikenna, lit ka deba arus ka alu lemah lembut maka begikenna. Tentu si enda kerina jadi dalanta lako ngangkai karakter anak-anakta si pelain-lain ndai.
Anak-anakta e unik, lit kerina kekurangen bagepe lit ka nge kelebihenna. Lit anak si perpang lit ka anak si perbiar, tentuna kerina enda jadi pelajaren man banta orangtua guna ngangkai karakter si pelain-lain i bas diri anakta jine. Guna lebih ngangkai kerna karakter anak-anakta enda kerna kelebihen, keuniken ras kekurangenna sigargari arah PA Mamrenta enda.
URAIAN TEKS/TAFSIREN
Naaman selaku puanglima raja Aram tupung ia sakit Kusta, nggo puas ertambar kujapape. Ersura-sura kel Naaman enda malem i bas pinakitna nari. Tentu enterem nge keluarga, teman ras kalak si deban nawarken kerna tambar gelah pedas malem pinakit si ngerimrim enda. Ipake Tuhan kalak si deban si banci pepalem Naaman, tapi apakah setia nge Naaman ngikutken kerna kai si ikataken gelah malem nakitna ? Lit sekalak anak si kitik denga si jadi suruh-suruhen Naaman, diberu
abanen si jadi pelayan i rumahna. Anak diberu enda labo pernah isingetken ise, tapi alu kinipangenna ngerana la man ndehara Naaman: “Adi nggit tuanku ertambar man sekalak Nabi, maka ia pasti malem.” I bas paksa si e pinakit kusta e me sada pinakit si la banci malem ras menular (langket ku si deban). Man kalak lsrael, sekalak tabanen si ibuang e me kalak si man kemelanken (la iergaken), tapi anak si kitik enda mereken arapen man keluarga Naaman maka lit si banci pepalem ia, e me sekalak Nabi i Israel. Secara tersirat anak enda ndai ngataken maka lit kuasa Tuhan si nggeluh si banci mpepalem kerina kuasa pinakit kai pe (ay 3).
Raja Aram pe ikut erperan mereken surat man Raja Israel gelah banci Naaman enda ku Israel, tapi seh kenca i Israel raja Israel ngerigatken pakenna erkiteken isi surat raja Aram. Labo ia ngasup pepalem pinakit puanglima Naaman. Megi si enda me Nabi Elisa ngataken man Raja Israel, engkai maka aru atendu? Suruhlah dilaki e reh ndahi aku gelah ietehna maka lit nabi i lsrael. I bas perjumpan Naaman ras nabi Elisa isuruh nabi Elisa ia ridi 7 kali ku lau Jordan tapi Naama kecewa ras la nggit ngelakokenca sabab iidahna lau Jordan e melket. E maka lawes ia nadingken rumah Elisa.
I je me isadarken pegawaina me Naaman maka ilakokenna min kai si kataken nabi e man bana. E maka kenca ilakokenna kai sinikataken nabi Elisa, malem me pinakitna. Si enda ngataken maka sebagai bawahen pe perlu nge lit kinipangen ngerana man tuanna gelah banci erbahan si mehuli i bas kegeluhen ras kepemimpinenna. Dungna, Naaman tek maka pinakitna banci malem alu cara Tuhan si la masuk akal e me ridi i lau Jordan. Anak si kitik si labo lit ergana, si labo iergaken pe tapi arah bekas babahna ersumekah malem pinakit puanglima Naaman kenca ia ngikutken kai sinikataken Nabi Elisa man bana.
APLIKASI
Banci saja Tuhan make anak si kitik si la iergaken, bahkan kalak si terbuang, gelarna pe labo isingetken. Lain cara Dibata ras cara manusia guna pepalem pinakit si lit ras jadi bas kegeluhenta, perbeben si man alanken e pe banci saja nge cara Tuhan gelah kita reh deherna ras IA. Ula meros, ula sepele nandangi anak si kitik, banci saja kita erlajar arah anak si kitik si megati siakap sebage objek nehken sura-suranta i bas Kegeluhenta padahal situhuna anakta enda banci sebage subjek si arus siidah kelebihen-kelebihenna.
Anak si kitik si pang mandang bas perbahanen si lepak, ula tembehi, sabab banci saja si e cara Tuhan lako ngelayasi si lit kegeluhenta. Setiap jelma pasti lit kekurangenna, tapi pasti melala nge kelebihen si lit ii bas ia. Bage ka pe anak-anakta i tengah-tengah jabu, kinierbagen si lit i bas ia e me kebayakenta. Erkiteken si e, erlajarlah kita lalap kerna perkembangen ras pertumbuhen anak-anakta e. Bahanlah anak-anakta i bas jabuta selaku temanta gelah ia lebih terbuka man banta bicara lit pe persoalen siman alankenna. Megegeh ia ras nggit ia nurikenca man banta.
Lit pe si banci jadi pertenget man banta i bas ngangkai perkembangen anak-anakta ikataken i bas perkembangen anak enda banci sinen i teruh enda:
- Fase Golden Age (1-6 Tahun)
l jenda fase bermain si erbage-bage si banci ngerangsang otakna berkembang terlatih ras lit fondasi si kuat. E maka perlu nande ras bapa tetap nuri-nuri, erkomunikasi, ngajuk anak e ngerana kerna kai si inanamina, kai si gejapkenna, uga perasanna, ras bere kesempaten man anak guna ndungi masalahna, lit pe perubatenna ula mis icampuri, la lit pembelaan gelah anak e pang muat keputusen. Nggo banci nande ras bapa ngajarken anak erkreasi, nggunting kertas, dalan-dalan ras mpetandaken peran kerluarga, ise ras kadena kalak si rusur reh bagepe kade-kadenta. Ngajari landek, olah raga bersama, mbiasaken antri ras sabar i bas nimai, ula kita jungut-jungut adi ndekah pe siman timan e ilebe-lebe anakta i bas perkembangen usiana. Erlajar rende ras megiken musik ras main alat musik. I bas fase si bagenda perlu anak ibaba ku ingan terbuka pantai, kebun binatang, kolam renang, juma guna ngerangsang kecerdasan naturalisna, anak i bas usia enda perlu iajarken njaga kebersihen lingkungen.
- Fase Kanak-Kanak Menengah (6-9 tahun)
I bas usia sekolah di luar lingkungan keluarga i je idatna uga bersosial, mbedaken si apai si mehuli si apai si jahat. la mulai ndatken pengajaren i luar keluarga e me arah guru ras teman-temanna. Jadi, kai si enggo idatna sanga usia golden ndai jadi modalna ndatken pemeteh i darat keluarga, enggo ietehna apai simehuli ras lang erkiteken i rumah enggo melala si bereken pengajaren guna perkembangenna.
- Fase Kanak-Kanak Akhir (9-12 tahun)
I bas fase enda fase perkembangen kecerdasan guna memahami fenomena alam, nggit ikoreksi, ngenen perbedan sada ras si debanna, konsentrasi mulai meningkat, bage pe nggit erlajar i bas kalak si deban nari, mulai mbandingken sada ras sideban, umpamana: orangtuaku bagenda orangtua temanku bagenda. Nggo rukur guna nampati kalak si deban. Adi anak si dilaki i bas fase si enda me ia erlajar kerna “kelelakianna”, e maka i bas fase si enda perlu kel kedekatenna ras bapana gelah ia pagin jadi lelaki sejati.
Ibas 3 fase perkembangen anak enda ndai perlu kel i je peran orangtua, ula si tadingken peranta selaku bapa sabab kai pe banci igantiken, sada kel ngenca si la banci igantiken e me peranta selaku bapa. La pernah ise pe banci ngantikenca seakatan kita jadi bapa man anak-anakta. E maka, adi lit denga anakta kitik denga si pahamilah fase-fase enda ndai guna ngangkai perkembangen anak-anakta i bas tengah jabu. Sebab kerina lit keuniken kelebihen ras kekurangen anak-anakta si jadi kemegahen man banta orangtuana. Bahanlah maka pagin anakta e jadi pasu pasu man kalak si deban sabab kebeluhen orangtua teridah arah uga anak-anakna
SHARING
- Kai nge si erbahansa maka irigatken raja Israel bajuna kenca ialokenna surat i bas raja Siria nari (ayat 7)? Sharingkenndu ras temanndu!
- Arah 3 fase perkembangen enda ndai kira-kira lit nge akapndu pengaruhna ketidakhadiran bapa man anak-anak seh ngasa usia 12 tahun erbahansa anak e ndabuh ku bas LGBT (Lesbian ras Gay) kenca ia mbelin? Dikusiken alu mbages.
Aksi: Tuliskenlah di kertas kata-kata motifasi yang positif man anak-anakta jenari bereken man bana guna mpegegehi ia.
USULEN ENDE-EN DEN
- KEE GBKP No: 317 :1-2
- KEE GBKP No: 350 :1-2
- KEE GBKP No: 249: 1,4
- KEE GBKP No: 342: 1-2
Pdt. Natallidna Tarigan, M.Th