MEGERMET NANDANGI PERKEMBANGEN ANAK
(Anak jadi sahabat Moria)
TUJUN: Gelah Moria:
- Meteh tanggungjababna i bas mpebelin-belin anak.
- Nandai potensi ras sura-sura anak guna kemajunna.
METODE PA: Sharing
Lukas 2: 41 – 52
Yesus pada umur dua belas tahun dalam Bait Allah2:41 Tiap-tiap tahun orang tua Yesus pergi ke Yerusalem pada hari raya Paskah.
2:42 Ketika Yesus telah berumur dua belas tahun pergilah mereka ke Yerusalem seperti yang lazim pada hari raya itu.
2:43 Sehabis hari-hari perayaan itu, ketika mereka berjalan pulang, tinggallah Yesus di Yerusalem tanpa diketahui orang tua-Nya.
2:44 Karena mereka menyangka bahwa Ia ada di antara orang-orang seperjalanan mereka, berjalanlah mereka sehari perjalanan jauhnya, lalu mencari Dia di antara kaum keluarga dan kenalan mereka.
2:45 Karena mereka tidak menemukan Dia, kembalilah mereka ke Yerusalem sambil terus mencari Dia.
2:46 Sesudah tiga hari mereka menemukan Dia dalam Bait Allah; Ia sedang duduk di tengah-tengah alim ulama, sambil mendengarkan mereka dan mengajukan pertanyaan-pertanyaan kepada mereka.
2:47 Dan semua orang yang mendengar Dia sangat heran akan kecerdasan-Nya dan segala jawab yang diberikan-Nya.
2:48 Dan ketika orang tua-Nya melihat Dia, tercenganglah mereka, lalu kata ibu-Nya kepada-Nya: “Nak, mengapakah Engkau berbuat demikian terhadap kami? Bapa-Mu dan aku dengan cemas mencari Engkau.”
2:49 Jawab-Nya kepada mereka: “Mengapa kamu mencari Aku? Tidakkah kamu tahu, bahwa Aku harus berada di dalam rumah Bapa-Ku?”
2:50 Tetapi mereka tidak mengerti apa yang dikatakan-Nya kepada mereka.
2:51 Lalu Ia pulang bersama-sama mereka ke Nazaret; dan Ia tetap hidup dalam asuhan mereka. Dan ibu-Nya menyimpan semua perkara itu di dalam hatinya.
2:52 Dan Yesus makin bertambah besar dan bertambah hikmat-Nya dan besar-Nya, dan makin dikasihi oleh Allah dan manusia.Jesus sanga anak-anak i bas Rumah Pertoton
2:41 Tep-tep tahun orang tua Jesus berkat ku Jerusalem guna ngerayaken Wari Paskah.
2:42 Kenca umur Jesus sepuluh dua tahun, berkat Ia teluna ngerayaken Wari Paskah bagi biasana.
2:43 Kenca dung perayan e, mulih ia, tapi Jesus tading i Jerusalem. Orang tuana la meteh kerna si e.
2:44 Iakapna kin Jesus sangana erdalan ras kalak si nterem si mulih i Jerusalem e nari. Kenca erdalan sada wari e maka idaramina ku kade-kadena ras teman-temanna.
2:45 Perbahan lalap la ia jumpa, e maka mulihken Jusup ras Maria ku Jerusalem ndaramisa.
2:46 I bas wari si peteluken idapetina Jesus kundul ras guru-guru agama Jahudi i bas Rumah Pertoton. Ibegiken Jesus pengajaren guru-guru e janah isungkuniNa pe.
2:47 Janah adi nungkun guru-guru e man baNa mamang ate kalak kerina megi jabapNa si dem kepentaren e.
2:48 Orang tuana pe mamang atena ngidah IA, jenari nina nandeNa man baNa, “O Anakku, ngkai maka bagenda perbahanenNdu man kami? Aku ras bapandu enggo ndarami Kam alu aru ate.”
2:49 Erjabap Jesus man bana, “Engkai maka idaramindu Aku? La kin ietehndu Aku arus i rumah BapangKu?”
2:50 Tapi la iangka nande ras bapaNa kai si ikatakenNa e.
2:51 Jenari mulih IA radu ras orang tuaNa ku Nasaret; ibegikenNa kata orang tuaNa. Kerina si enggo jadi enda itimbangken nandeNa i bas ukurna.
2:52 Jesus pe reh belinna dingen reh tambahna pemetehNa, janah reh tambahna pe ngena ate Dibata ras manusia man baNa.
Kata Penaruh.
Adi isungkun kam “Kai nge akapndu si mehergana i doni enda?”. Pasti kerina njababsa maka anak eme erta si mehergana i bas doni enda. Anak eme pemere Dibata si arus si jaga ras si pebelin-belin alu dem kekelengen. Sabap anak eme pemere Dibata ku bas jabunta janah man bana me perpadanen pasu-pasu Dibata isenken. Adi barang si meherga pe si jaga kal alu mehuli, apai ka anakta. Uga nge caranta i bas ngergaken pemere Dibata e? Tema PA Moria-nta ngajuk Moria gelah megermet nandangi perkembangen anak. Nande penting kal nandai biak-biak anakna, ngarak- ngaraksa, jadi teman, bagepe notoken anakna gelah jadi anak si erkemalangen man Dibata.
Mpebagesi Pengangkan Kerna Ogen.
Lukas 2:41-52 ngerana kerna Jesus sanga anak-anak i bas Rumah pertoton. I jenda ituriken uga kegeluhen Jesus sanga anak-anak umur 12 tahun. Perikop enda tergolong unik sabap e ngenca perikop bas Pustaka Si Badia si ngerana kerna masa anak-anak Jesus. Arah teks enda banci si idah uga karakter Jesus tupung ia anak-anak. Tupung sie Maria ras Jusup maba Jesus ku Jerusalem guna ngerayaken Paskah. Perdalanen Nazaret nari ku Jerusalem perlu waktu 3-4 wari, erkiteken rombongen enterem. I bas perdalanen mulih, Jesus lanai idah Jusup ras Maria. Ayat 4!: lakapna kin Jesus sangana erdalan ras kalak si enterem si mulih i Jerusalem nari. Kenca erdalan sada wari emaka idaramina ku kade kadena ras teman-temanna. E erbahansa aru ate Jusup ras Maria. Perbahan lalap la jumpa, emaka mulihken Jusup ras Maria ku Jerusalem ndarami Jesus. Enda bentuk tanggungjabab Maria ras Jusup ngepkep anakna. I bas Wari si peteluken idapeti kalak e Jesus kundul ras guru-guru agama Jahudi i bas Rumah Pertoton. Si ilakoken Jesus e bali ras pengelako sekalak murid si kundul alu sikap megiken pengajaren, nungkun ras sijabapen ras guru – guru agama Jahudi e. Amin pe Jesus kitik denga, tapi pengerana Jesus dem alu kepentaren ngelebihi umurna. Ayat 47: Janah adi nungkun guru – guru e man bana mamang ate kalak kerina megi jabapna si dem kepentaren e.
Kepentaren si lit i bas Jesus kitik-kitikna nari la terlepas arah pengajaren Jusup ras Maria (terlepas IA anak Dibata). Jusup ras Maria la pernah lupa maba Jesus ersembah man Dibata. Tambah si e, Jusup ras Maria kalak si bujur ras patuh i bas ndalanken tradisi agama Jahudi. Banci si idah menai ayat 21 kerna Jesus isunat, ayat 22 ilakokenna lakon pembersihen rikutken aturen Musa, bagepe i bas ngikuti perayan-perayan kalak Jahudi (salah sada eme Paskah). Jusup ras Maria eme orangtua si ertanggungjabap i bas mpekena-kena anakna. Ulih tanggungjabap e teridah i bas karakter Jesus si bijak ras dem alu kepentaren. Emaka isaksiken Pustaka Si Badia maka pertambahen daging kulana reh belinna raduken tambah kepentarenna dingen mereken ulih ngena ate (la saja Dibata tapi pe manusia).
Pengkenaina.
Kesibuken erdahin megati erbahan orangtua lanai mperdiateken perkembangen anakna. Orang tua dekahen ngukurken perbeliten jabu. Melala nande si nitipken anakna man baby sitter ras mereken urusen mpebelin ras pengajaren anak man pengasuhna saja. Perbahan kurang perhatin orangtua piah kenca mbelin karakterna la mehuli, nggo salah ergaul, make narkoba, pergaulan bebas, judi ras sidebanna. Lit ka deba kitik denga pe nggo ka kecanduan gadget, game on line, tv ras sidebanna. Marilah tetap si inget, kai si isuan man anak, e ka me si perani pagin. Ngepkep ras mpebelin-belin anak eme tanggungjabap orangtua. Ngepkep ertina arus lebih ngangkai perkembangen kegeluhen anak i bas bertin nari seh mbelin. Tapi mawen-mawen orangtua kurang megermet nandangi perkembangen anakna.
Secara alami kita ibere Dibata kengasupen guna ngasuh anakta. Amin bagegia, orangtua tetap arus erlajar kususna kerna tahap “pola asuh” anak. I bas mentasi tahap-tahap perkembangen umurna tentu la seri situasi si igejapkenna. Emaka perlu kal si tandai ise kin anakta (sue ras perkembangen umurna) ras uga caranta ngarakingaraksa. Nandai i jenda tujunna gelah si angka secara psikologis uga kin biak anakta (karakter), kai ka potensi si lit i bas dirina si perlu ikembangken ras kai kekurangenna si banci iarahkеn guna ipekena. Alu bage hubungenta ras anak pereh ulina ras banci si arak-arak kai kin si jadi tujun geluhna (cita-cita). Dr. Garry Chapman i bas tulisenna nuriken kerna “Lima Bahasa Kasih” si banci iterapken man anakta eme:
- Kata-kata penguatan positif. Ngerana alu kalimat si positif perlu kal si terapken man anakta. Adi mehuli perbahanen anakta perlu kita mereken semangat ras pujin bana. Enda mpeturah semangat positif gelah wari pepagi terus ia ngelakoken si mehuli.
- Sentuhan. Anak si kitik meriah kaliakapna adi si angkip ia, entah si jemak takalna/barana eme bentuk keleng ate nandangi anakta.
- Waktu yang berkualitas. Amin mbue kesibukenta selaku nande, tapi si sikapken waktunta guna ercakap-cakap ras anakta. Si sungkun ia alu manjar-anjar (ola menghakimi) uga perkembangen sekolahna, pergaulenna, hobyna, sura-surana, bagepe kesehatenna. Lit ka orangtua si ngogeken turi-turin entah pe dongeng man anakna si kitik denga. Rekreasi entah pe man ras-ras e pe sada hal si maba keriahen ukur anak. I bas waktu si erkualitas enda asa bancina ola lebe si pake handphone entah gadget ta, sabap megati erbahanca lanai kita fokus man anakta.
- Tindakan pelayanan. Orang tua pe perlu ngelai anak-anak, bagi misalna naruhken ia ku sekolah, nggule pangan si entabeh iakapna, nemani ia ndungi tugas sekolahna. Arah e igejapken anak maka kita mediate man bana.
- Pemberian. Tanda keleng ateta man anak, si inget min wari-wari istimewana, bagi ulang tahun, wari-wari penting bas sekolahna. I bas wari-wari istimewa e banci ka si bereken hadiah tanda keleng ateta man bana.
Sharing.
- Kai nge kelebihen Jusup ras Maria i bas mpebelin-belin Jesus maka turah karakter si mehuli i bas diri Na?
- Uga nge selama enda kita ngarak-ngarak anakta sue ras perkembangen umurna? Kai nge si perlu silakoken i bas nandai potensi anakta i bas mendukung kemajunna?
Pdt. Dewi Setianna br. Tarigan, S.Si Teol
https://www.youtube.com/watch?v=s8aDWPWYpQ