SI ERKEMALANGEN MAN TUHAN
(Erti Erkemalangen)
Mazmur 112: 1 – 10
Bahagia orang benar112:1 Haleluya! Berbahagialah orang yang takut akan TUHAN, yang sangat suka kepada segala perintah-Nya.
112:2 Anak cucunya akan perkasa di bumi; angkatan orang benar akan diberkati.
112:3 Harta dan kekayaan ada dalam rumahnya, kebajikannya tetap untuk selamanya.
112:4 Di dalam gelap terbit terang bagi orang benar; pengasih dan penyayang orang yang adil.
112:5 Mujur orang yang menaruh belas kasihan dan yang memberi pinjaman, yang melakukan urusannya dengan sewajarnya.
112:6 Sebab ia takkan goyah untuk selama-lamanya; orang benar itu akan diingat selama-lamanya.
112:7 Ia tidak takut kepada kabar celaka, hatinya tetap, penuh kepercayaan kepada TUHAN.
112:8 Hatinya teguh, ia tidak takut, sehingga ia memandang rendah para lawannya.
112:9 Ia membagi-bagikan, ia memberikan kepada orang miskin; kebajikannya tetap untuk selama-lamanya, tanduknya meninggi dalam kemuliaan.
112:10 Orang fasik melihatnya, lalu sakit hati, ia menggertakkan giginya, lalu hancur; keinginan orang fasik akan menuju kebinasaan.Kemalemen ate kalak bujur
112:1 Pujilah TUHAN! Malem ate kalak si erkemalangen man TUHAN, si ermeriah ukur ngikutken perentah-perentahNa.
112:2 Anak-anakna kalak si erkuasa i negeri, kesusurenna ipasu-pasu me pagi.
112:3 Isi jabuna jadi kalak bayak namura, kebujurenna lit rasa lalap.
112:4 Man kalak bujur, adil, perkuah dingen perkeleng, ersinalsal terang i bas si gelap nari.
112:5 Malem kal ate kalak si melumbar pepinjamken, dingen bujur i bas kerina urusen.
112:6 Kalak bujur asa ndigan pe la guling, ia tetap iinget rasa lalap.
112:7 La ia mbiar ngaloken berita si la mehuli, kinitekenna paguh dingen ernalem ia man TUHAN.
112:8 La ia mbiar dingen la aru atena, tek ia maka talu kap imbang-imbangna.
112:9 Melumbar pemerena man kalak si kekurangen, kinibujurenna lit rasa lalap, ia ermulia dingen ihamati.
112:10 Kalak jahat ngidah si e janah gara atena, erderik ipenna perbahan nembehna atena. E maka masap me ia, jenari bene pengarapenna.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
Rende KEE. 102 – Kekekenlah O Kam Si Tutus
Kekenlah o kam si tutus, si malang pe man Tuhan Dibata
Si suari berngi sikap rusur, ngarakken Tuhan bas si mesera
Si pang ngikutken Tuhan Yesus e, bagi ngena me ate Tuhan eO Tuhan b’re man kami k’rina, KesahNdu si Badia simpar min
Ijenda kami sikap k’rina, endalanisa nge si man dahin
Tah katawari pe erkata Kam, ijenda kami suruhlah Tuhan
Ertoto Pembuka (Ibabai Nande): “O Tuhan Dibata Bapa kami si ni Surga! Bujur ikataken kami i bas penemani ras pasu-pasuNdu ku jabu kami. I bas kami ngorati kataNdu, KesahNdu si Badia gelah ngajari ras si peangkakensa ku pusuh kami. I bas gelar Tuhan Jesus kami ertoto. Amin!
Pengogen nats PJJ: Masmur 112:1-10 (Responsoria: Orang tua
ras anak; adi memungkinken)
Pembacaan Renungen (Ibabai Bapa)
Mejuah-juah kita kerina!
Secara perukuren manusia enterem ngelakoken perbahanen erpalasken ombangna. Adi maba keuntungen ntah kiniulin man bana, biasana iusur -usurna. Banci pe igenggengina. Tapi adi maba kerugin ntah labo maba kiniulin, lanai bo dahikenna. Surut alu manjar-anjar. Bage ka me i bas erkemalangen man sekalak-sekalak jelma, adi labo ia mbiar man bana ntah labo iarapkenna pasupasuna, labo ia erkemalangen. Tapi, adi lit kebiarenna ntah pe lit arapen pasu-pasuna, banci ihamatina. Misalna, masuk kita ku ingan Komando Daerah Militer (Kodam), labo kalak pang mejarjar, sabab ise si bengket alu la permisi man penjaga, banci iukumna: Push up, nggawang, isuruh kiam-kiam ras si debanna. E maka, mehamat kalak adi bengket ku bas ingan e.
Uga nge pengertinta sedekah enda “Erkemalangen man Tuhan”? Kata ‘Erkemalangen” i bas oratenta, bahasa Ibranina “Ya-re”, (Indonesia: takut; Inggris: fear). Erti ‘erkemalangen’ si lebih mbages eme “Hormat kepada” ras “Kagum kepada”. Kalak mehamat man Tuhan erkiteken enggo itandaina kiniulinNa si erbahan ia malang nandangi perbahanenNa. Jadi, labo erkiteken mbiar kena perligas maka ia mehamat, tapi erkiteken kesadarenna kerna keleng ate Tuhan. E maka erkemalangen e erpalasken pemeteh ras pengalamen. Uga ninta mehamat ntah pe kagum man sekalak jelma adi labo si tandai? Nabi Jesaya ngaloi i bas kekagumenna kenca jumpa ras Tuhan. Perjumpaan si luar biasa e njemba ia ngaloi persuruhen Tuhan, “Aku, suruhlah aku!” (Jes.6:8). E maka ikataken erkemalangen ia man Tuhan seh matena. Rasul Paulus si enggo nandai Jesus arah perjumpanna i perdalinen ku Damaskus (Perb. 9). E maka ngerana ia alu mantap, “… Man bangku nggeluh e me Kristus, janah mate reh untungna” (Pil.1:21). Alu penandai ras nggejabken kuasa Tuhan maka kalak banci erkemalangen ras ndalanken peratenNa. Janah bukti kalak erkemalangen man Tuhan eme alu ngikutken peratenNa, “Ermeriah ukur ngikutken perentah-perentahna” (Msm.112:1b; Joh.14:15).
I bas bahan PJJ-nta, pemasmur naksiken, maka “Malem ate kalak si erkemalangen man TUHAN, si ermeriah ukur ngikutken perentah- perentahNa” (ay 1). Jadi, erkemalangen man Tuhan e sendalanen ras ngikut perentah-perentahNa. Labo bias asal ngaku saja. Lit bukti ketaaten. Ulih kalak si bage: Pemena, kesusurenna jadi kalak si erkuasa (ay.2). Labo harus jadi pejabat, tetapi alu perbahanenna si mehuli kesusurenna e jadi pasu pasu man masyarakat. Beda ras kalak si jahat, si ngeranaken keperlunna saja. Peduaken, isi jabuna jadi kalak bayak namura (ay.3). Kebayaken si tuhu-tuhu eme adi ngasup kita erguna man kalak si deban. Melala pe sikerajangenta, tapi adi kita ngenca ngenanamisa. Kalak si bage labo bayak i lebe-lebe Tuhan. Peteluken, ersinalsal terang i bas geluhna. Ertina, erkiteken Tuhan inganna ernalem, maka Tuhan nge singarakngarak, si erbahan ia megegeh i bas kerina paksa: La ia mbiar man berita si la mehuli. La ia mbiar man imbang-imbangna. Perbahanenna si mehuli e erbahan erderik ipen musuhna. Italukenna kejahaten alu kiniulin (bdk. Rm.12:41).
Arah kata enda tangkas man banta maka kalak si erkemalangen man Tuhan la terjeng dirina sendiri saja ngenca malem atena tapi pe rikut ku sekelewetna / sinursurna, janah si e kerina mabai bana malem ateta i bas ndalani kegeluhen enda. Melala tawaren kemalemen ate i bas doni enda: Kebayaken, pangkat, rupa mejile, kade-kade si nterem, barang bermerek, narkoba ras si debanna. Tapi kemalemen ate situhu-tuhu, banci si dat alu nandai ras erkemalangen man Tuhan Jesus, Juruselamatta. Amin!
Diskusi
- Arah penjelasen bahan PJJ-nta, enggo nge kita kalak si erkemalangen man Tuhan? (Asa bancina kerina kita bereken jababna)
- Kai buktina kalak si erkemalangen man Tuhan?
Lengkapi kalimat enda erpalasken nats renungenta:
- Anak-anakna kalak si _ _ _ _ _ _ (ay.2): Ijabab Anak
- Isi jabuna kalak bayak _ _ _ (ay.3): Ijabab Nande
- Kinitekenna _ _ _ _ _ (ay.7): Ijabab Bapa
Rende KEE. 471 – Ermengkah Ukurku
Ermengkah ukurku, ras ngataken bujur Tuhan
Kelengi min aku, Kam empu geluhku
Enda ngenca Tuhan persembahenku
Kerina geluhku, kesah ras kulangku
La kap lit bas aku erta kebayaken
Si cukup meherga ‘lah ku persembahken
Sada ngenca Tuhan, lit pemindonku
Aloken min Tuhan persembahenku
Pakeken geluhku jadi perkakasNdu segedang geluhku
Pertoton Persembahen, Syafaat ras Pertoton Tuhan
- Persembahen (Ibabai anak)
- Anggota keluarga erkemalangen man Tuhan (Ibabai Nande)
- Berita si Meriah reh mbarna i Indonesia (Ibabai Bapa)
Penutup (anak-anak nalami orang tua)
Pdt. Arapen Perangin-angin, M.Th.