“Anakku e me temanku”
Ogen : Johanes 6: 1-14
Tema : Ergaken Si Lit l bas Anak
Tujun : Gelah Mamre:
- Meteh maka sekalak anak pe meherga dingen banci erguna man si nterem.
- Ngaloken ras ngergaken talenta, pemeteh, kepentaren ras pendapat anak.
Yohanes 6:1-14
6:1 Sesudah itu Yesus berangkat ke seberang danau Galilea, yaitu danau Tiberias. 6:2 Orang banyak berbondong-bondong mengikuti Dia, karena mereka melihat mujizat-mujizat penyembuhan, yang diadakan-Nya terhadap orang-orang sakit. 6:3 Dan Yesus naik ke atas gunung dan duduk di situ dengan murid-murid-Nya. 6:4 Dan Paskah, hari raya orang Yahudi, sudah dekat. 6:5 Ketika Yesus memandang sekeliling-Nya dan melihat, bahwa orang banyak berbondong-bondong datang kepada-Nya, berkatalah Ia kepada Filipus: “Di manakah kita akan membeli roti, supaya mereka ini dapat makan?” 6:6 Hal itu dikatakan-Nya untuk mencobai dia, sebab Ia sendiri tahu, apa yang hendak dilakukan-Nya. 6:7 Jawab Filipus kepada-Nya: “Roti seharga dua ratus dinar tidak akan cukup untuk mereka ini, sekalipun masing-masing mendapat sepotong kecil saja.” 6:8 Seorang dari murid-murid-Nya, yaitu Andreas, saudara Simon Petrus, berkata kepada-Nya: 6:9 “Di sini ada seorang anak, yang mempunyai lima roti jelai dan dua ikan; tetapi apakah artinya itu untuk orang sebanyak ini?” 6:10 Kata Yesus: “Suruhlah orang-orang itu duduk.” Adapun di tempat itu banyak rumput. Maka duduklah orang-orang itu, kira-kira lima ribu laki-laki banyaknya. 6:11 Lalu Yesus mengambil roti itu, mengucap syukur dan membagi-bagikannya kepada mereka yang duduk di situ, demikian juga dibuat-Nya dengan ikan-ikan itu, sebanyak yang mereka kehendaki. 6:12 Dan setelah mereka kenyang Ia berkata kepada murid-murid-Nya: “Kumpulkanlah potongan-potongan yang lebih supaya tidak ada yang terbuang.” 6:13 Maka merekapun mengumpulkannya, dan mengisi dua belas bakul penuh dengan potongan-potongan dari kelima roti jelai yang lebih setelah orang makan. 6:14 Ketika orang-orang itu melihat mujizat yang telah diadakan-Nya, mereka berkata: “Dia ini adalah benar-benar nabi yang akan datang ke dalam dunia.”
KATA PENARUH
Anak e me pasu-pasu pemena si janjiken Tuhan man manusia (bdk.. Kej.1:28). Anak e me si jadi penerus maka manusia banci tetap lit. Alu bage, kai sura-sura Tuhan arah manusia si itepaNa sue tempasNa e, banci tersehi. E maka, mperdiateken, mendidik ras mengembangken potensi anak, banci ikataken pendilo Tuhan man kerina kalak si tek (bdk. Ul. 6:7-9; Ep.6:4). Janah orangtua, kususna Mamre, selaku takal (kepala) i bas jabu, perlu kal nehken peranna gelah anak-anak si ipelimiken Tuhan i bas jabu-jabu kalak Kristen, banci turah ras berkembang bagi si iarapken Tuhan.
URAIAN TEKS/TAFSIREN
Nats PA Mamrenta nuriken sada bagin pelayanen Jesus asum IA i doni enda. Ingan kejadin e eme i lepar dano Galilea (Tiberias), tepatna i kuta Betsaida (Luk.9:10). Tupung e enggo ndeher wari Raya Paskah kalak Jahudi. Nterem kalak ngikuti Jesus, sabab enggo mbar berita tanda-tanda sengget si ibahan Jesus mpepalem kalak pinakiten. Alu e, banci ipahami, jelma si nterem e reh alu erbage tujun ntah pe motivasi: Ngenehen rupa ntah pe tempas Jesus, ngarapken dirina ntah anak jabuna si sakit gelah ipepalem Jesus, ngehen kai denggo tole tanda sengget (mujizat) si banci ibahan Jesus ras sidebanna.
Ngidah kerehen jelma si nterem e, mekuah ate Jesus. lidahNa kalake desken biri-biri si la lit permakanna. E maka iajariNa kalak si nterem e alu erbage-bage pengajaren (Mrk.6:38). I bas erdalinna waktu, wari enggo ben ntah ndabuh ku gelapna (Mrk. 6:55; Mat. 14:15). Ngidah teremna jelma e, murid-murid Jesus mere saran gelah Jesus nuruh jelma si nterem e mulih (Mat. 14:15b; Mrk.6:36; Luk. 9:12). Tapi Jesus nuruh murid-muridNa mere man kalak si nterem e (Mrk. 6:37; Mat. 14:16; Luk. 9:12). Nina man sekalak muridna, Pilipus, si asalna i bas ingan e nari ras meteh keadaanna (kurang subur i bas pertanian, sulit cari makan), “I ja ndia banci situkur pangan guna kalak si nterem enda?” (Penungkunen enda hanya nguji Pilipus, sabab ieteh Jesus nge kai si man bahanenNa). Ngaloi Pilipus, “Amin tersitik pe kalak si nterem enda bere man, dua ratus duit pirak pe la bias man penukur pangan e.” Jawaben Pilipus enda eme jawaben si mengandalken akal (logika), perhitungen manusia. Sekalak Murid Jesus sideban, Andereas njabab, “ljenda lit sekalak danak-danak, i bas ia lit 5 ngkibul roti ras 2 ikan. Tapi lit kin gunana man kalak si bagenda teremna?” Jawaben Andereas enda erpalas ku kinata (realitas), kemampun si lit. Tapi Jesus ngaloken kai si lit i bas anak-anak e. Teridah maka kehadiren anak-anak e maba kinulin, ras kai si lit i bas ia erguna. Megi jabab murid-muridNa e, Jesus mindo ajar-ajarNa nuruh jelma si nterem e kundul erterpuk-terpuk: Lit 100 kalak, lit ka 50 kalak (Mrk.6:40). Kundul kalak e I babo dukut si mekapal (ay.10). lbuat Jesus roti e, ertoto IA ngataken bujur man Dibata, jenari ielakenNa roti e man kalak si nterem. Bage ka ibahan Na nandangi 2 ikan e. Si pulung e lit 5000 kalak dilaki, seakatan diberu ras danak-danak. Kerina man
alu besur. Kenca elah man, ipepulung murid-murid kerina si iba, buena lit 12 sumpit (bakul). Arah enda Jesus pe ngajarken maka pasu-pasu si ibereken Tuhan e arus ipergunaken alu mehuli. Ola isia-siaken.
APLIKASI
Arah penjelasen nats PA-ta, lit piga-piga pokok perenungenta:
- Dibata Bapa, si nggeluh i bas Jesus Kristus eme Dibata si erdiate ras erkeleng ate man manusia. I bas kekurangen si lit, minter ibahanNa cara si la terukuri manusia guna ncukupi kai si iperlukenna.
- Mamre perlu erpemeteh (knowledge), ahli bas bidangna (profesionalitas, skill), attitude (pengkebet, moral) si mehuli, si banci njadiken perbapan si lit nilai lebihna, jadi kemegahen ras usihen (panutan). Alu bage, Mamre ‘ibutuhken’ ibas jabu. Labo sekedar bapa, tapi bapa si ermediate man se isi jabu ras bapa si jadi usihen.
- Nterem kalak si ngikutken Jesus, tapi labo maba perbekalen. Kedungenna kalak enda terancam ku bas lumben (kelaparan). Selaku Mamre, perlu kal berhikmat (bijak) erbahan perencanaan i bas kegeluhenta. Alu pertimbangen pemasuken (income) rikut ras ngoge situasi, gelah kita tetap bertahan (eksis) kune lit keadaan darurat.
- I bas ndungi persoalen, lit ka Mamre si terjeng make logikana saja. Lit ka si erpenalem man gegeh si lit saja. Situhuna, kita la bias terjeng make akal ras kinata kegeluhen, tapi pe alu kiniteken man Tuhan Jesus, sebab IA ngasup ngkuhi kerina keterbatasen akal ras kinilitenta.
- Temanta sendah: Ngergaken si lit i bas Anak. Kerina manusia, termasuk anakta, enggo lit potensi ibahan Dibata. Janah sura-sura Dibata, gelah kerina anak-anakta jadi bangsa Dibata. Ertina, ate Tuhan anakta banci jadi pasu-pasu. Ras kerina kita Mamre pe erpengarapen maka anak-anakta denggo banci jadi inganta cicio i bas pudi metua. Anakta e ngasup ngkelengi kita asu menggo urak gegehta. Guna si e, Mamre idilo guna ngergaken (menggali, memaksimalken) potensi silit i bas anak-anakta. Seh maka, kai si lit i bas ia e, banci erguna man nterem jelma, bagi danak-danak i bas nats PA-nta sendah. Alu enda, sada bagin tujun Mamre, “Meningkatkan spiritualitas dan pemberdayaan anggotanya lebih berperan dalam keluarga, Gereja Bangsa dan Negara” (P2P Mamre GBKP 2015-2020, Bab I, Pasal. 3) ras pe motto: “Mamre Erdiate, Mamre Erpemere” banci tersehi.
DISKUSI
- Cuba si bereken pendapatta, positif ras negatifna perukuren Pilipus ras Andereas i bas jababna nandangi penungkunen Jesus (ay.7, 8)
- Kai langkah-langkah nyata (konkrit) si banci sibahan guna ngergaken (mengembangken) potensi si lit i bas anak-anakta?
USULEN ENDE ENDEN
- KEE GBKP No. 3:1,5
- KEE GBKP No. 255:1
- KEE GBKP NO. 62:1- (Persembahen)
- KEE GBKP NO. 182:1,
Pdt. Arapen Peranginangin, M.Th
(081362120955)
GBKP Rg. Sei Padang