NGKUHI PENGALAMEN
TUJUN: Gelah Moria:
- Meteh pengajaren si tuhu-tuhu
- Ngasup nehken pengajaren si tuhu-tuhu sendalanen ras pengalamen sue ras situasi anak
METODE PA: Sharing
Titus 2: 1 – 8
Kewajiban orang tua, pemuda dan hamba2:1 Tetapi engkau, beritakanlah apa yang sesuai dengan ajaran yang sehat:
2:2 Laki-laki yang tua hendaklah hidup sederhana, terhormat, bijaksana, sehat dalam iman, dalam kasih dan dalam ketekunan.
2:3 Demikian juga perempuan-perempuan yang tua, hendaklah mereka hidup sebagai orang-orang beribadah, jangan memfitnah, jangan menjadi hamba anggur, tetapi cakap mengajarkan hal-hal yang baik
2:4 dan dengan demikian mendidik perempuan-perempuan muda mengasihi suami dan anak-anaknya,
2:5 hidup bijaksana dan suci, rajin mengatur rumah tangganya, baik hati dan taat kepada suaminya, agar Firman Allah jangan dihujat orang.
2:6 Demikian juga orang-orang muda; nasihatilah mereka supaya mereka menguasai diri dalam segala hal
2:7 dan jadikanlah dirimu sendiri suatu teladan dalam berbuat baik. Hendaklah engkau jujur dan bersungguh-sungguh dalam pengajaranmu,
2:8 sehat dan tidak bercela dalam pemberitaanmu sehingga lawan menjadi malu, karena tidak ada hal-hal buruk yang dapat mereka sebarkan tentang kita.Pengajaren si tuhu-tuhu
2:1 Tapi kam, ajarkenlah si sentudu ras pengajaren si payo.
2:2 Katakenlah man dilaki si enggo metua gelah jore min ukurna, mehuli lagu-langkahna, dingen ngasup min ngkuasai dirina; bage pe gelah tuhu-tuhu sehat kinitekenna, erkeleng-ate dingen megenggeng.
2:3 Bage pe kataken man diberu-diberu si enggo metua gelah bersih lagu-langkahna, bagi arusna. La banci ia ncekuraki kalak si deban, bage pe la banci nagih minem anggur. Ia arus ngajarken si mehuli:
2:4 ngajari diberu si nguda denga gelah keleng atena perbulangenna ras anak-anakna,
2:5 gelah ngasup ia ngkuasai dirina dingen nggeluh badia, gelah beluh ia ngaturken jabuna dingen jadi ndehara si patuh man perbulangenna; gelah alu bage ise pe la ncekuraki berita si rehna i bas Dibata nari.
2:6 Bage pe ajari anak-anak perana gelah ngasup ngkuasai dirina.
2:7 Janah kam, i bas kai pe arus jadi usihen kerna dahin si mehuli. Tutus min atendu dingen ergiah-giahlah ukurndu ngajar.
2:8 Pakelah kata-kata si payo si la banci ipandang kalak, gelah alu bage mela iakap imbang-imbangndu sabap la lit i bas kita si man pandangenna.
Kata Penaruh.
Perkembangen ras kemajun jaman erbahanca terjadi perubahen, umpamana perubahen cara rukur (pola pikir) ras perbahanen (prilaku manusia). Tehnologi ras perkembangenna eme salah sada faktor utama erbahanca terjadi gab generatio (la seri cara rukur orangtua ras anak-anak si genduari); aminna pe litna kemajun tehnologi erbahanca pendahinta reh mesunahna ras tuhu-tuhu nampati kal tapi la kerina dampar kegeluhen reh sukah ras ulina. Umum, si erbahanca jadi geb generasi, erkiteken generasi si metua la ngasup ngaloken ide ntah pe perukuren anak si nguda (generasi milenial). Lit istilah nina orangtua: ‘biasana labo bage,’ teridah maka orangtua sulit ngaloken perubahen; tapi generasi si nguda ersura-sura tetap ngelakoken perubahen subuk i bas kegeluhen Gereja bagepe i bas jabu.
Mpebagesi Pengangkan Kerna Ogen.
Mbelin kal ngaruhna pengajaren ku bas sikap ras perbahanen (tingkah laku) manusia. Erkiteken si e ajaren si mehuli ras payo mbelin ngaruhna mbentuk pribadi si mehuli; janah pengajaren si salah mabai generasi si ermasalah. Kalimat enda ngataken maka bagem pentingna pengajaren si benar ras payo (Ind. = ajaran yang sehat. Ay.1). Si jadi penekanen i bas Titus 2: 1 – 8 eme persinget Rasul Paulus man Titus guna nuriken pengajaren si payo alu tujun gelah perpulungen nggeluh i bas kiniteken si dewasa. Pengajaren si payo e eme; pemena, pengajaren si mehuli adi la rikut ras keteladanen si mehuli, e igelari pengajaren si mandul’, sipeduaken, keteladanen si mehuli adi la radu ras pengajaren si benar ras payo, keteladanen e bisu’. Jadi si iarapken arah ogen enda eme gelah orangtua ngajarken pengajaren si mehuli ras payo (2:3) radu ras ngelakoken perbahanen si mehuli (2:2). Dlaki sanggo metua (bapa-bapa) jore min ukurna, mehull lagu langkahna, ngasup ngkuasai dirina, sehat kinitekenna, erkeleng ate dingen megenggeng. I bas cakap Indonesia nina: sederhana, terhormat, bijaksana, sehat secara kiniteken i bas keleng ate rasi bas megenggeng (ayat 2). Enda ertina kerina bapa arus nggeluh jadi teladan si benar, keteladanen Tuhan Jesus. Engkai? Erkiteken dilaki si enggo metua, la e me pemimpin. Diberu si enggo metua, bersih lagu langkahna, la nggit cekurak, la banci nagih minem anggur, selain ia kalak si tutus ersembah, la ia nehken kata guak, nggeluh pentar (bijaksana) ras bersih, rajin, mehuli, ia pe arus beluh ngajar; sabap sue ras budaya bangsa Israel diberu (pernanden) dekahen i rumah guna ngajari anak-anakna. I bas bangsa Israel pendidiken agama labo i sekolah (formal) tapi terutama i rumah (informal). Tujun utama pengajaren agama man kalak Israel eme gelah gelar Tuhan ula tercurna gelah Dibata ipermuliaken.
Ayat 4-6 pe isingetken maka diberu si metua arus ngajari diberu si nguda denga gelah keleng atena perbulangenna ras anak-anakna. Pernanden arus ka ngajari anak-anak si nguda gelah ngasup ngkuasai dirina. Ayat 7, 8 ipindo Rasul Paulus gelah Titus ngasup jadi usihen (teladan) si mehuli, bujur ras tutus i bas ngajar; sehat ras la erpandangen i bas pengajaren.
Pengkenaina.
Kearusen nggeluh ras tanggungjabap sekalak dilaki si enggo metua, ras sekalak diberu si enggo metua nandangi anak si nguda i bas nehken pengajaren eme arus rikut ras keteladanen si mehuli. Si perlu si perdiateken ras-ras eme kerna geb generasi. La seri cara rukur ras pendapat kalak si enggo metua ras kalak si nguda subuk i bas kiniteken, politik, pendahin, erlajar bagepe nilai-nilai si mehuli i bas kegeluhen. Umpamana cara erkebaktin, alat-alat si ipake bas kebaktin, lagu si iendeken bas kebaktin, cara erdahin bas sada perusahan, cara muat sada keputusen ras sidebanna.
Sada contoh: i bas kegeluhen Gereja megati generasi si metua (Moria) tetap mpertahanken model liturgi si ndekah, la banci itambahi entah i kurangi. Liturgi e enggo baku ras enggo payo ibahan Gerejanta. Adi pengakap anak si nguda liturgi e banci itambahi alu ende-enden pujin perlebe, emaka ende-enden penembahen maka iterusken ku kebaktin bagi si lit i bas liturgi. E pe banci jadi persoalen. I bas ndungi pendapat si la seri e, selaku orangtua (Moria) nggit min kita mbuka ruang nandangi kreasi ra inovasi anak si nguda. Bage pe i tengah-tengah jabu, orangtua larapken mereken ruang man anak-anak guna berinovasi ras berkreasi, tapi tetap njaga pengajaren si payo si jadi aturen i bas jabu. Banci saja pengalamen – pengalamenta paksa sinai ngiket kita seh maka la terbuka nandangi hal si mbaru. Perlu kal kita mbuka ras mpejumpaken perjalanen si lepas ras arapen paksa si gundari. Alu bage pengalamen ras arapen ndai reh kuhna.
Tahun program Gerejanta GBKP tahun 2021 enda eme “Anak si Nguda Jadi Pasu-pasu!” larapken kal gelah Moria (nande) tuhu-tuhu jadi pusat utama pendidiken anak (bagi budaya bangsa Israel) alu mereken ruang untuk mengembangken dirina, mereken pujian si wajar ras njadiken anak e jadi kandu-kandu (sahabat) nande. Arapenta pe gelah Gereja secara lembaga (Majelis/Runggun) mereken kesempaten man anak si nguda guna berkreasi mengembangken potensina.
Diskusi:
- Cuba turiken mulihi kai si jadi kewajiben dilaki si nggo metua, diberu si nggo metua ras kewajiben anak si nguda! (ayat 2, 3,9)
- Mari si percakapken uga pengalamenta kerna lit na gab generation i bas perpulungenta ras i bas jabunta, turiken contohna; jenari kai si banci ibahan Moria guna ndungi persoalen gab generati i bas Gereja.
Pdt. Heumanto Tarigan, MTh
