ULU KEPENTAREN
Perluna pendidiken agama
Amsal 4: 1 – 9
Nasihat untuk mencari hikmat4:1 Dengarkanlah, hai anak-anak, didikan seorang ayah, dan perhatikanlah supaya engkau beroleh pengertian,
4:2 karena aku memberikan ilmu yang baik kepadamu; janganlah meninggalkan petunjukku.
4:3 Karena ketika aku masih tinggal di rumah ayahku sebagai anak, lemah dan sebagai anak tunggal bagi ibuku,
4:4 aku diajari ayahku, katanya kepadaku: “Biarlah hatimu memegang perkataanku; berpeganglah pada petunjuk-petunjukku, maka engkau akan hidup.
4:5 Perolehlah hikmat, perolehlah pengertian, jangan lupa, dan jangan menyimpang dari perkataan mulutku.
4:6 Janganlah meninggalkan hikmat itu, maka engkau akan dipeliharanya, kasihilah dia, maka engkau akan dijaganya.
4:7 Permulaan hikmat ialah: perolehlah hikmat dan dengan segala yang kauperoleh perolehlah pengertian.
4:8 Junjunglah dia, maka engkau akan ditinggikannya; engkau akan dijadikan terhormat, apabila engkau memeluknya.
4:9 Ia akan mengenakan karangan bunga yang indah di kepalamu, mahkota yang indah akan dikaruniakannya kepadamu.”4:1 O anakku, begikenlah ajar nande bapandu! Megermetlah, gelah mbages pengertinndu.
4:2 Si kuajarken man bandu e mehuli kal, e maka inget-ingetlah kerina.
4:3 Aku anak sada-sada i bas nandengku; tupung aku kitik denga,
4:4 iajarken bapangku aku nina, “Ingetlah kai katangku man bandu, ola lupa. Lakokenlah sentudu ras si kukataken man bandu maka kam nggeluh.
4:5 Jadilah pentar janah pebagesi pengertinndu. Ola kam lupa, ola kam nilah i bas kai si kukataken.”
4:6 Ola tadingken kepentaren maka kam ikawalina; kelengilah kepentaren maka kam ijagaina.
4:7 Si pentingna si la banci lang ilakokenndu e me kap ndatken kepentaren. Kai pe atendu jadi perayakenndu, tapi si la banci langna kal si arus iayakindu e me pengertin.
4:8 Kelengilah kepentaren, maka kam iangkatkenna. Ergailah kepentaren maka kam ipehagana.
4:9 Iberekenna me man bandu rudang-rudang si mejile, janah itamakenna ku takalndu mahkota si mehaga.
TUJUN: Gelah Moria:
- Meteh uga pentingna pengajaren kerna Kata Dibata man anak.
- Nemani anak i bas pelajaren agama si seh man anak.
METODE PA: Diskusi Kelompok
Kata Penaruh.
Sada kemegahen man orangtua adi anak-anakta dat juara i sekolah, nuduhken maka anakta e beluh erlajar. Emaka upayanta selaku orangtua tetap mbimbing anak i bas erlajar. Labo sitik orang tua si nuruh anak guna ngikuti les tambahen ntah pe bimbingan belajar, banci jumpa langsung ntah pe secara online sabap lit ka nge aplikasi khusus kerna si e. E kerina labo salah sabap bage kin tuntuten pendidikan bas jaman genduari, lanai bias erlajar i sekolah saja arus ngikuti tambahen pelajaren i luar jam sekolah. Saja ngenca uga kerna pendidiken agama si ialoken anak-anaktai sekolah? Seimbang nge asupen pelajaren anak-anakta kerna pendidiken agama ras pendidiken ilmu sideban? Sabap sura-suranta anak-anakta kerina jadi min kalak si pentar, labo secara intelektual saja tapi pe secara spiritual ras emosional si icidahkenna arah perbahanen si mehuli, si meteh ajar ras ndatken pengertin kerna Kata Dibata. Selaku orangtua tentu enggo jadi tanggungjabapta mperdiateken pemeteh si ialoken anak – anakta.
Mpebagesi Pengangkan Kerna Ogen.
Kitab Kuan-kuanen ngerana kerna pengajaren uga kin nggeluh alu payo erpalasken Kata Dibata. Kata persinget si megati kaliulit-ulihi eme “guna ndatken pemeteh, si pemena si la banci la lit i bas kalak e me mehamat dingen erkemalangen man Tuhan. Kalak lenge la nggit mperdiateken kepentaren dingen la ia nggit erlajar “(1:7). I bas ayat si pemena ikataken “o anakku, begikenlah ajar nande bapandu,” adi i bas kegeluhen kalak Israel “cuping” labo saja igunaken megiken tapi pe ncidanken kepatuhen. Emaka “begikenlah” nina enda labo sekedar gelah enggo ibegiken (mendengarkan) tapi pe kenca ibegiken arus ilakoken (mendengar untuk melakukan) jadi i bas megiken lit kegiaten si aktif eme ngelakoken pedah ntah pe ajar. Kata persinget man kalak si nguda denga siniakap pertukal pemeteh gelah metenget ngidah apai si benar ras si salah. Penulis Kuan-kuanen enda, raja Salomo nuriken pengalamenna tupung nguda denga la iajarken bapana si ncidanken kepatuhenna man Tuhan alu mpeseh pedah si mehuti man anakna. Pedah e icikep Salomo janah tupung la jadi raja si pemena ilakokenna eme mindo pengertin man Tuhan (2 Kro. 1:10), Beluh
ia ngatakenca guna ndarami kepentaren sabap enggo nanamina tupung la mindo kepentaren ibereken Tuhan pemere sideban eme kebayaken ras kemulian (2 Kro. 1:12). Kenca idatkenna pemeteh, tambah kiningasupenna ndalanken si mehuli i tengah-tengah tanggungjabapna. Erkeleng ate nandangi kepentaren e mabai geluh ku bas dalin si mehull, jadi tendang, sabap kepentaren e rehna i bas Tuhan nari kap, emaka kalak si makeken kepentaren bas kegeluhenna ndatken kemalemen ate.
Pengkenaina.
Ukuren sukses bas doni enda eme adi beluh sekolah, ndatken perkuliahen bas Universitas si bergengsi, jenari dat dahin ka bas ingan si mehaga ras posisi si strategis adi banci erjabu ka man kalak si Nt bas la e erbahan tambah kal kinihagan sekalak jelma. Emaka gelah sukses i lebe-lebe jelma si enterem, kerina cara ipakeken termasuk melonggarkan moralitas janah lit ka nge sinadingken Tuhan Jesus. Labo salah sukses i doni enda, si la payo eme guna ndatken si e kerina lanai si jaga jati dirinta. Emaka perlu kal pendidiken agama ipesen man anak-anak gelah perayakenna labo terjeng doni ngenca tapi uga nggeluh pentar ras ngelakoken si ngena ate Tuhan. Kepentaren maba pengertin guna ndahiken apal si ngena ate Tuhan janah nadingken perbahanen sila ngena ateNa. Adi i sekolah porsi pendidiken agama ndauh bedana ras pendidiken ilmu sideban, adi ilmu agama banci sekali seminggu ngenca emaka perlu nge orang tua tetap mereken pengajaren kerna Kata Dibata man anak-anakta. Isuanken bas pusuhna kerna erkeleng ate nandangi Kata Dibata, rusurlah si ulih-ulihi ningetkenca gelah begikenna (mendengar untuk melakukan) kerna kata e.
Pelajaren si ialokenna i sekolah pe perlu si perdiateken i rumah gelah lit diskusi guna nambahi pemeteh anak. Banci saja anakta sekolah i bas sekolah si beda aliren ras GBKP umpamana sekolah Katolik tentu lit i je perbedan pengajaren, emaka arus lit pengawasen ras penjelasen bas orangtua nari gelah ola bingung anak-anakta. Kata Dibata kap ulu kepentaren emaka si utamana kal bas kegeluhenta eme ngeteh kerna Kata Dibata, jenari ndalankenca i bas kegeluhen si tep-tep wari. Adi enggo letehna maka Kata Dibata kap ulu kepentaren mabai bana ia ertutus atei bas persekolahenna, sabap kalak singergaken Kata Dibata maka kegeluhenta pe reh hagana seh maka anak-anakta aminna pe nguda denga bandi jadi pasu pasu man doni enda.
Diskusi kelompok:
Bagilah Moria i bas piga-piga kelompok, 3-5 kalak sada kelompok
- Uga pengalamenta sedekah enda ngidah kerna pendidiken agama anak-anakta i sekolah? Pernah nge si dampingi anak-anak enda erlajar agama?
- Enggo nge lit waktu kusus si bani bas jabunta guna erlajar kerna Kata Dibata?
- Uga cara si efektif mpesch ajar man anak-anak gelah mehaga iakapna Kata Dibata si Jadi ulu kepentaren e?
Pdt. Enda Ulin br. Tarigan