PEMENAN PENGAJAREN
TUJUN: Gelah Moria:
- Meteh maka anak bas bertin nari lit hubungenna ras Dibata.
- Mereken pengajaren man anak menaken bas bertin nari
METODE PA: Simulasi
Mazmur 22: 9 – 10
22:8 (22-9) “Ia menyerah kepada TUHAN; biarlah Dia yang meluputkannya, biarlah Dia yang melepaskannya! Bukankah Dia berkenan kepadanya?”
22:9 (22-10) Ya, Engkau yang mengeluarkan aku dari kandungan; Engkau yang membuat aku aman pada dada ibuku.
22:10 (22-11) Kepada-Mu aku diserahkan sejak aku lahir, sejak dalam kandungan ibuku Engkaulah Allahku.22:9 Nina, “TUHAN kap penalemenndu, ngkai maka IA la reh ngkelini? Adi ngena ate TUHAN bandu ngkai maka la IA reh nampati?”
22:10 Kam pedarat aku i bas nandengku nari, ijagaNdu aku tupung kitik-kitikku gelah aku terkawal.Yesaya 44: 24
44:24 Beginilah firman TUHAN, Penebusmu, yang membentuk engkau sejak dari kandungan; “Akulah TUHAN, yang menjadikan segala sesuatu, yang seorang diri membentangkan langit, yang menghamparkan bumi siapakah yang mendampingi Aku?44:24 “Aku kap TUHAN, Penebusndu. Si nepa kam i bas bertin nandendu. Aku kap TUHAN, si njadiken si nasa lit Aku ngenca si ngkimbangken langit. Janah tupung Aku nepa doni enda, la lit ise pe si nampatisa.
Kata Penaruh.
Keluarga eme pusat pendidiken pemena, sabap i bas keluarga me subuk orangtua ras anak-anak mereken dirina, perukurenna, waktuna guna mbangun kiniersadan si mehuli. Interaksi si sehat mabai perkembangen emosional anak jadi mehuli. Kesadaren kerna hal enda min enggo lit i bas diri calon nande (diberu si paksana natang tuah), eme pendidiken pra-natal (i bas Kamus Besar Bahasa Indonesia, pranatal iertiken pra-lahir, ope denga anak e tubuh entah pe i bas bertin nandena denga). Anak enggo banci ngaloken pemenan pengajaren i bas usia 18 minggu asum ia lit i bas bertin nandena. Menurut F. Rene Van de Carr, M. D & Marc Lehrer berbicara dan berkomunikasi dengan anak dalam kandungan bukanlah berarti face to face, saling berhadapan dan saling memberikan respon berupa jawaban langsung seperti seseorang yang berbicara dengan temannya saling bertatapan. Kai si ilakoken nandena, si ibegina, si igejapkenna enda me jadi pemenan pengajaren man anak e. Lit pe tujunna emekap: nampati orangtua guna mereken lingkungen si teneng, mereken kesempaten i bas erlajar mbina komunikasi si mehuli antara nande ras anak si lit i bas bertinna.
Mpebagesi Pengangkan Kerna Ogen
Masmur 22 enda buah perenungen pemasmur (Daud) tupung ia ngalaken perbeben kiniteken. Sada dampar, pengakun kempak Dibata si mada kuasa paguh nge i bas dirina. Tapi dampar si deban, erbebe kal ia janah ndele atena, tempa-tempa labo lit si nampati ia i bas perbeben si mberat. Enda me masmur si pemena i bas masmur-masmur kiniseran. Kalimat i bas masmur enda pe ipake Jesus paksa IA i bas kayu persilang. Isi masmur enda kerna keluhen kesah bage pe pujin. I bas masmur enda labo lit isingetken kerna dosa si erbahan kiniseran, la lit pembelan diri i bas penggejapen ersalah. Dibata kap si nandai anak-anakNa menaken i bas bertin nari (Ay. 10). Enggo iaturken Dibata ise nandena, mula jadina, perkembangennai bas bertin, katawari ia tubuh ku doni enda. Penandai Dibata kempak anak e lebihen asa penandai nandena. Siwah bulan ope tubuhna, enggo itandai Dibata ia, enggo iarak-arak Dibata emaka erpengue min nande si natang tuah e kempak perbahanen-perbahenen si mehuli, segelah anak si lit i bas bertinna e tuhu-tuhu ibabai guna nandai Dibata i bas kegeluhenna. Bage tubuh kenca pe anak-anak e geluhna i bas tan Dibata (ay. 11). Pengarak-ngarak Dibata menaken i bas bertin nari terus ku bas ketubuhenna ku doni enda. Amin gia nguda denga, lemah denga, lenga ergegeh tapi adi Dibata si njagaisa, Dibata benteng kegeluhenna, lit pe bahaya, Dibata sekawalna. Emaka anak si enggo tubuh si tetap jarak-arak nandena guna ngerembakken diri ras Tuhan banci ermomo dingen muji gelar Tuhan segedang kegeluhenna (bd. Ay. 23).
I bas Jesaya 44:24 bagin oratenta sendah pe bage, mulihi nabi Jesaya ngingetken kerna Kuasa Dibata si ngasup mbangun mulihi Jerusalem alu makeken Raja Kores. IA me Dibata si mada kuasa si enggo milih Israel, si enggo ngarak-ngarak dingen engkelini Israel, si ngukum Israel i bas dosa ras kesalahenna dingen nelamatken mulihi bangsaNa ban IA Dibata si setia. Gambaren Dibata e jine mpetandaken diri Na jadi penebus dingen enggo nepa manusia i bas bertin nari. IA me si njadiken si nasa lit, IA si ngkimbangken langit, labo lit si nampatisa. Tangkas teridah maka Dibata e mbisa, la lit kuasa-kuasa si lit i doni enda si njului IA.
Pengkenaina.
I bas undang-undang sistem pendidiken Nasional kegiaten pendidiken pra- natal ertina usaha sadar guna nikapken peserta didik alu bimbingen, pengajaren bage pe latihen guna memacu peranna i bas masa-masa si reh. Jadi alu kesadaren si bagenda rupa maka calon nande tuhu-tuhu ngangkaisa mbelin kal peranna guna nikapken keturunen si ngena ate Dibata. Bagi orangtua (bapa ras nande) i tengah-tengah bangsa Israel, pengajaren utama si iberekenna man anak-anakna eme mpetandaken Dibata si sada e, Dibata si man sembahen, si enggo nelamatken nini-ninina nai i bas taneh perbudaken nari. Amin gia ganti generasi, tapi iangkana maka nembah Dibata e sada perentah si perluna. Tuhu melala pengajaren- pengajaren si banci ituriken, pemeteh (ilmu pengetahuan) jaman genduari enda. Tapi si perluna bagi pengakun pemasmur emekap lit hubungen anak si i bas bertin e ras Dibata. Alu bage, ibabai min anak i bas bertin e tole nandai Dibata si nepa alu ertoto, rende dingen ngoge Pustaka Si Badia.
Pemenan pengajaren desken ngambur benih i bas paksa na turah, irawat seh banci mereken si mehuli paksa rani. Radu ras daging kula si reh belinna i bas bertin e bage ka min kiniulinna reh belinna sendalanen pangajaren si bereken arah komunikasinta e. Si enggo ibenaken iumputi seterusna kenca tubuh seh mbelin.
Diskusi: Simulasi:
Perdiateken i bas kepulungenta, entahsa lit Morianta si paksana natang tuah. Adina lit piga-piga, ibahan ia sada i bas sada kelompok. Ertina adina lit 3 kalak bahan kelompokta jadi telu. Adina la lit si paksana natang tuah, maka si perdiateken Morianta si lenga lit pupusna. Subuk si mbaru erjabu bage pe si enggo ndekah erjabu, ia ka ibahan sada i bas sada kelompok gelah adi paksana ia natang tuah ingetna kerna si enda.
Si man turinken eme: ngingetken ia, segelah i bas paksa natang tuah mejingkat guna ertoto, rende dingen ngogeken Kata Dibata (alu sora) segelah anak si lit i bas bertin ndatken pemenan pengajaren i bas bertin nari.
Pdt. Kristiani F. br. Tarigan, M.Th