Ogen : Lukas 2:41- 52
Tema : Aku Arus i Rumah Bapangku
Tujuan :Gelah Mamre:
- Meteh maka budaya Jahudi mereken ruang man anak-anak i bas Rumah Pertoton
- Mamre mendukung anak singuda muat bagin ibas pelayanan Gereja
Yesus pada umur dua belas tahun dalam Bait Allah
2:41 Tiap-tiap tahun orang tua Yesus pergi ke Yerusalem pada hari raya Paskah. 2:42 Ketika Yesus telah berumur dua belas tahun pergilah mereka ke Yerusalem seperti yang lazim pada hari raya itu. 2:43 Sehabis hari-hari perayaan itu, ketika mereka berjalan pulang, tinggallah Yesus di Yerusalem tanpa diketahui orang tua-Nya. 2:44 Karena mereka menyangka bahwa Ia ada di antara orang-orang seperjalanan mereka, berjalanlah mereka sehari perjalanan jauhnya, lalu mencari Dia di antara kaum keluarga dan kenalan mereka. 2:45 Karena mereka tidak menemukan Dia, kembalilah mereka ke Yerusalem sambil terus mencari Dia. 2:46 Sesudah tiga hari mereka menemukan Dia dalam Bait Allah; Ia sedang duduk di tengah-tengah alim ulama, sambil mendengarkan mereka dan mengajukan pertanyaan-pertanyaan kepada mereka. 2:47 Dan semua orang yang mendengar Dia sangat heran akan kecerdasan-Nya dan segala jawab yang diberikan-Nya. 2:48 Dan ketika orang tua-Nya melihat Dia, tercenganglah mereka, lalu kata ibu-Nya kepada-Nya: “Nak, mengapakah Engkau berbuat demikian terhadap kami? Bapa-Mu dan aku dengan cemas mencari Engkau.” 2:49 Jawab-Nya kepada mereka: “Mengapa kamu mencari Aku? Tidakkah kamu tahu, bahwa Aku harus berada di dalam rumah Bapa-Ku?” 2:50 Tetapi mereka tidak mengerti apa yang dikatakan-Nya kepada mereka. 2:51 Lalu Ia pulang bersama-sama mereka ke Nazaret; dan Ia tetap hidup dalam asuhan mereka. Dan ibu-Nya menyimpan semua perkara itu di dalam hatinya. 2:52 Dan Yesus makin bertambah besar dan bertambah hikmat-Nya dan besar-Nya, dan makin dikasihi oleh Allah dan manusia.
KATA PENARUH
Ibas suasana peringeten Hari Pendidikan itengah-tegah bangsanta Indonesia, sijadiken kesempaten enda jadi perenungen man banta selaku bapa uga sedekah enda keterlibatenta nehken pendidikan man anak-anakta. Tentuna kerina kita enggo ncidahken tanggungjababta guna perkembangen pendidiken anak-anakta, mungkin si mbelinna e me nikapken biaya pendidiken anakta seh tamat sekolahna. Tanggungjabab ndidik anak, tentuna sieteh labo terjeng nikapken biaya sekolahna saja, tapi lebih asa si e pembentukan karakter anak ntah pe perilaku anak e me pendidikan si melekat si isehken orangtua nandangi anakna sibanci ilakoken arah budaya interaksi simehuli itengah-tengah jabu. Gundari megati si begi istilah sehubungen ras pendidikan itengah-tengah keluarga e me “Parenting Education“. Parenting education e me upaya pendidikan si ilakoken itengah-tengah keluarga alu memanfaatkan sumber-sumber si tersedia i bas keluarga ras lingkungan sekitarna. (Parenting education e me proses interaksi berkelanjutan antara orangtua dan anak-anak, dimana orangtua memberikan stimulasi untuk pemberdayaan anaknya dengan mengubah tingkah laku, pengetahuan serta nilai-nilai yang dianggap paling tepat).
Arah teks PA enda kita banci erlajar salah sada pengajaren orangtua (Parenting Education) si ilakoken Jusuf ras Maria nandangi Jesus tupung la danak-danak denga. Sekaligus enda jadi bagin uga kita mengaplikasiken sasaran program BKP tahun enda e me ikut muat bagin mendampingi anak-anakta mencapai ” anak singuda jadi pasu-pasu”
URAIAN TEKS/TAFSIREN
I bas tradisi Jahudi anak dilaki enggo ikataken dewasa adi nggo seh umurna 12 tahun. Kewajiban sekalak sienggo ikataken dewasa e me mpelajari Taurat she maka ikataken pe ia selaku anak-anak Taurat. Proses seh ku dewasa lit piga-piga tahap si arus isehken orangtua e me pengajaren kerna aturen-aturen ras peribadatan agama Jahudi. Sekalak pernanden ertanggungjabab secara langsung i bas menaken awal pertumbuhen. Sekalak perbapan isamping lit dahinna guna ncukupi keperlun keluarga, erbelinna anak jadi tanggungjababna ngajarken undang-undang Tuhan ras nerapkensa bas geluh anakna janah enda me sipentingna guna mbentuk karakter anak si patuh ndalanken undang-undang. Enda kewajiban si arus idalanken perbapan Jahudi erpalasken perentah Tuhan sienggo jadi Undang-undang e me si tertulis i bas kitab Ulangen 6:4-9.
Erkiteken si e me Jusuf ras Maria maba Jesus ku Rumah Pertoton i Jerusalem sebab umur Jesus enggo seh 12 tahun. Selaku dilaki kalak Jahudi si dewasa enggo jadi kearusen si tading i bas radius 15 mil i Jerusalem arus telu kali ndahi Rumah Pertoton tep-tep tahun, salah sadana e me tupung peringeten wari Paskah. Arah kesaksin Lukas enda, kita banci ngidah peran Jusuf ras Maria tuhu-tuhu ndalanken Kata Dibata sijadi tanggungjababna selaku orangtua guna mpebelin-belin Jesus rikutken pertumbuhen KemanusianNa.
I bas proses pengajaren maba Jesus ku Rumah Pertoton i Jerusalem si idah pe tanggungjabab orangtua ras anak teridah arah upaya ndarami Jesus si lanai idahna. Sebab sanga mulih i bas Rumah Pertoton nari, Jesus tading denga i Jerusalem, Jusuf ras Maria la meteh kerna si e. lakapna Jesus sangana erdalan ras kalak sinterem si mulih i Jerusalem. Selaku orangtua pantas nge lit kekhawatiren emaka terus idaramina seh telu wari maka jumpa, janah idapetina Jesus i bas rumah Pertoton denga. Simenarik e me respon Jesus si isehken Na erpalasken statusna selaku Anak Dibata, janah e la erbahanca kitik ukur Jusuf ras Maria janah terus isehkenna tanggungjababna guna pebelin-belin Jesus. Responna e me: “Engkai maka idaramindu Aku? La kin itehndu Aku arus i rumah BapangKu?”
Respons Jesus enda la iangka nande ras bapana, tapi Jesus ikut mulih ku Nasaret ras mengalami pertumbuhen seh waktu la menaken pelayanenNa i bas umur 30 tahun. Peran Jusuf selaku bapa, tuhu-tuhu ncidahken uga sepenuhna ia mereken edukasi/pembelajaren aminna ia sekalak tukang kayu ibabaina Jesus ras tetap reh belinna rikutken pengajaren-pengajaren agama si igelemna.
APLIKASI
Adi sipergermetken i bas budaya ntahpe tradisi Jahudi, maka enggo selket kegeluhen sitep-tep wari ras kegeluhen keagamaanna. Salah sada e me tanggungjabab orangtua labo ngenca ngembangkan pertumbuhan SDM anak-anakna i bas bidang pemeteh ras ketrampilan saja, tapi pe jadi prioritas e me SDM si menyangkut spiritualitasna seh maka anak-anak kalak Jahudi umumna terbentuk alu karakter si taat beribadah alu ndalanken undang-undang ntah pe Taurat. Keadaan enda banci si idah seh asa gundari kegeluhen kalak Israel si beragama Jahudi. Sebab pendidikan i rumah jadi bagin penting i bas kegeluhen keagamaanna.
Tentu enda jadi usihen ras arus ibenaken alu mereken pengajaren man anak-anakta kerna nilai-nilai kiniteken bagepe budayanta guna mbentuk karakter ntahpe orat nggeluh simehuli nandangi anak-anakta. Mereken prioritas ngikuti dahin-dahin Gereja man anak-anak, epe jadi salah sada bentuk pengajaren sibanci mbentuk karakter simabai anak-anakta tutus erkiniteken man Dibata. Gereja pe tentuna berupaya memfasilitasi pelatihen-pelatihen Parenting Education si banci nciptakan “Pendamping yang memberdayakan kerohanian anak-anak”
DISKUSI
- Kai nge tujunna Jusuf ras Maria maba Jesus ku Rumah Pertoton, ras ngkai maka Jesus tading i Rumah Pertoton?
- Lit nge genduari budaya Karo sibertahan kerna mereken kesempaten man anak-anakta guna mbentuk orat nggeluh simehuli arah pengajaren orangtua
USULEN ENDE-ENDEN
- KEE GBKP No. 66:1-3
- KEE GBKP No. 62:1, 4
- KEE GBKP No. 282: 1- Kolekte
- KEE GBKP No. 286:1-4
Pdt. Agustinus Purba, S.Th, MA
| CATATAN: Adi lit kita erbahan PA Mamre wari /Tanggal, Kamis 13- Sabtu, 15 Mei 2021 gelah simajuken ku wari tanggal Minggu, 09-12 Mei 2021 erkiteken wari Kamis 13- Sabtu, 15 Mei 2021 ilakoken 10 wari GBKP ertoto. |