TETAP ERSADA I BAS KRISTUS
(Nilahken Mara Sosial)
1 Korintus 1: 10 – 17
Perpecahan dalam jemaat1:10 Tetapi aku menasihatkan kamu, saudara-saudara, demi nama Tuhan kita Yesus Kristus, supaya kamu seia sekata dan jangan ada perpecahan di antara kamu, tetapi sebaliknya supaya kamu erat bersatu dan sehati sepikir.
1:11 Sebab, saudara-saudaraku, aku telah diberitahukan oleh orang-orang dari keluarga Kloe tentang kamu, bahwa ada perselisihan di antara kamu.
1:12 Yang aku maksudkan ialah, bahwa kamu masing-masing berkata: Aku dari golongan Paulus. Atau aku dari golongan Apolos. Atau aku dari golongan Kefas. Atau aku dari golongan Kristus.
1:13 Adakah Kristus terbagi-bagi? Adakah Paulus disalibkan karena kamu? Atau adakah kamu dibaptis dalam nama Paulus?
1:14 Aku mengucap syukur bahwa tidak ada seorangpun juga di antara kamu yang aku baptis selain Krispus dan Gayus,
1:15 sehingga tidak ada orang yang dapat mengatakan, bahwa kamu dibaptis dalam namaku.
1:16 Juga keluarga Stefanus aku yang membaptisnya. Kecuali mereka aku tidak tahu, entahkah ada lagi orang yang aku baptis.
1:17 Sebab Kristus mengutus aku bukan untuk membaptis, tetapi untuk memberitakan Injil; dan itupun bukan dengan hikmat perkataan, supaya salib Kristus jangan menjadi sia-sia.Perpecahen i tengah-tengah perpulungen
1:10 O senina-senina, kupindo man bandu i bas gelar Tuhanta Jesus Kristus: ersadalah katandu kerina, gelah ola sempat jadi perpecahen i tengah-tengahndu. Ersadalah ukurndu janah ersadalah sura-surandu.
1:11 Sabap piga-piga kalak i bas jabu Klue nari ngatakenca man bangku maka i tengah-tengahndu lit turah perjengilen.
1:12 Maksudku e me: maka sekalak-sekalak kam enggo erpihak-pihak. Lit si ngatakenca, “Aku arah Paulus,” lit ka si ngatakenca, “Aku arah Apolos,” deba nina, “Aku arah Petrus,” janah lit pe si ngatakenca, “Aku arah Kristus.”
1:13 Ibagi-bagiken kin Kristus man bandu? Paulus kin si mate i kayu persilang man gunandu? I bas gelar Paulus kin kam iperidiken?
1:14 Kukataken bujur man Dibata sabap sekalak pe kam la aku mperidikenca, seakatan Krispus ras Gayus.
1:15 Dage sekalak pe kam la banci ngatakenca maka kam nai iperidiken gelah jadi ajar-ajarku.
1:16 Lupa aku! Istepanus ras isi jabuna pe nai aku nge kepe mperidikenca; tapi lain si e la lit kuinget kalak si deban si kuperidiken.
1:17 Aku isuruh Kristus labo guna mperidiken, tapi guna meritaken Berita Si Meriah, janah e pe labo erkiteken kinibeluhen manusia ngerana, gelah ola lasam kematen Kristus i kayu persilang.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
RENDE: KEE. 110 – Mari Ku Yesus (iendeken 2x)
Mari ku Yesus dahi pedas, begi pedahNa bahan bujur
Mari ku Yesus dahi terus, Ia me penebus
Reff : Senang m’riah ukurta kepe, adi masap k’rina dosa e
Mari me kita ku surga e, ku kesenangen e
ERTOTO (IBABAI SIMADA JABU/ANAK)
NGOGE KATA DIBATA (iogeken sekalak anak)
RENUNGAN
I bas 1 Korinti 1: 10 – 17 Rasul Paulus nuratken kecibal perpecahen si jadi iperpulungen i korinti. Piga-piga kalak i bas jabu Klue nari singatakenca man Paulus maka lit turah perjengilen ras enggo erpihak-pihak. Lit singatakenca “Aku arah Paulus “ lit ka singataken “aku arah Apolos”, lit ka singataken “aku arah Petrus” janah lit pe singatakenca ”aku arah Kristus”. Perpecahen si jadi erkiteken litna penghormaten si berlebihen nandangi si ngelai perpulungen (pemimpin), lit si isenangi, iunggulken ntah pe ibanggaken.
Paulus nuriken maka tuhu ia nggo mperidiken : Krispus ras Gayus bage pe Istepanus. Gia Paulus simperidikenca tapi ikatakenna maka labo e erbanca kalak siiperidiken Paulus e jadi ajar-ajarna. Nina Paulus : Aku isuruh Kristus labo guna mperidiken, tapi guna meritaken Berita si Meriah, janah e pe labo erkiteken kebeluhen manusia ngerana, gelah ola lasam kematen Kristus i kayu persilang. Ertina kai pe sidahiken Paulus labo gelah ia ipebelin tapi gelah Kristus imuliaken. Persadan si irakut i bas Kristus tujunna guna mpermuliaken Kristus labo guna mpermuliaken si erberita e. Erkiteken si e arus tetap Kristus si utama i bas persadan e labo si perberita e. Selaku si ngelai pe mehuli ngusih siilakoken Paulus labo ia mujiken bana ntah pe ncidahken bana i bas kai si idahinkenna man perpulungen tapi Kristus tetap si imuliaken.
I bas jabu banci turah la siangkan ntah pe perjengilen ras erpihakpihak erkiteken lit anak ngkapiti nandena, lit ka engkapiti bapana. Sebalikna orangtua pe lit ka terbelas “enda anak bapa nina, ah anak mamak nina”. I perpulungen pe banci jadi lit si ibanggakenna/ si idolakenna Pertua si A ntah pe Pdt si A. Erkiteken si e banci si deban lanai akapna pas rusur. Biak biak nggit ngaloken kalak si deban si pelain-lain ras kita enda perlu terus ipebelin alu bage banci meriah siakap ras ise pe. Kiniersadan i bas perpulungen labo erpalas ku bas keseragaman saja, tapi erpalas kubas kinierbagen (satu dalam perbedaan sekaligus berbeda dalam kesatuan). Adi ninta kita ersada ras Kristus, ulihna kalak Kristen arus nggit ngakui ras ngergai kinierbagen, sabab Kristus ngaloken kinierbagen dingen engkelengi kerinana. Bentukna kita nggit ngakui ras ngergai kinierbagen e me la nentuken kebenaren arah sudut pandang manusia, erkiteken kebenaren si tuhu-tuhu eme sikerajangen Dibata, gelah alu bage perpecahen banci isilahken kita. Paulus ngataken :“Ersadalah ukurndu janah ersadalah surasurandu”.
NURIKEN PENGGEJAPEN
SIMADA JABU
MAMRE
PERMATA
IRAKUT PERTUA/DIAKEN/EMERITUS/PENDETA
Cat: Kune PJJ mandiri i rumah iogeken kerina renungen ibabai bapa jabu
DISKUSI
- Kai nge si erbanca turah perpecahen i perpulungen Korinti ?
- Kai si arus tetap silakoken gelah tetap ersada ngalaken mara i bas jaman sigenduari enda ?
MOMO
RENDE: KEE. 272 – Ise Kin Kami Enda O, Bapa (iendeken 2x)
Ise kin kami enda o Bapa, maka kami ngasup mere baNdu
Labo ban gegeh kami o Bapa, lako mere man baNdu
Reff:
kai pe si lit i bas kami o Bapa,
e kap bekas pemereNdu man kami
Enda sada bagin Bapa, ipersembahken kami
PERTOTON SAPAAT
- Gelah megegeh persadan i bas jabu/perpulungen/bangsa (Sekalak Moria/Nande)
- Siturah bas perpulungen/jabu (ibabai mamre/bapa/Serayan)
RENDE: KEE. 104 – Bapa Kami Si Mekuah
Bapa kami si mekuah matawari nggo me ben
Kami min mejuah-juah kari k’rina ras medem
Kami ligeni kam min ola bangger ntah suin
Dosa sinibahan kami, empak Kam empak teman
Adi banci min alemi, kerna Yesus o Tuhan
B’re tuahNdu o Bapa, pemedakken kami ka
PERTOTON TUHAN (ibabai sekalak Serayan/Bapa/Nande)
JEDA RAS PENUTUP
Pdt. Karvintaria br Ginting, S.Th., M.M