PATUH MABA KESELAMATEN
Yunus 3: 4 – 10
3:4 Mulailah Yunus masuk ke dalam kota itu sehari perjalanan jauhnya, lalu berseru: “Empat puluh hari lagi, maka Niniwe akan ditunggangbalikkan.”
3:5 Orang Niniwe percaya kepada Allah, lalu mereka mengumumkan puasa dan mereka, baik orang dewasa maupun anak-anak, mengenakan kain kabung.
3:6 Setelah sampai kabar itu kepada raja kota Niniwe, turunlah ia dari singgasananya, ditanggalkannya jubahnya, diselubungkannya kain kabung, lalu duduklah ia di abu.
3:7 Lalu atas perintah raja dan para pembesarnya orang memaklumkan dan mengatakan di Niniwe demikian: “Manusia dan ternak, lembu sapi dan kambing domba tidak boleh makan apa-apa, tidak boleh makan rumput dan tidak boleh minum air.
3:8 Haruslah semuanya, manusia dan ternak, berselubung kain kabung dan berseru dengan keras kepada Allah serta haruslah masing-masing berbalik dari tingkah lakunya yang jahat dan dari kekerasan yang dilakukannya.
3:9 Siapa tahu, mungkin Allah akan berbalik dan menyesal serta berpaling dari murka-Nya yang bernyala-nyala itu, sehingga kita tidak binasa.”
3:10 Ketika Allah melihat perbuatan mereka itu, yakni bagaimana mereka berbalik dari tingkah lakunya yang jahat, maka menyesallah Allah karena malapetaka yang telah dirancangkan-Nya terhadap mereka, dan Iapun tidak jadi melakukannya.3:4 Ibenaken Juna erdalan arah tengah kuta e, janah kenca erdalan gedang-gedang wari imomokenna nina, “Empat puluh wari nari ikernepken me kuta Niniwe!”
3:5 Anak kuta Niniwe tek man kata Dibata. E maka itetapkenna maka kerina arus erpuasa dingen make uis guni, subuk kalak si meganjang pangkatna bage pe si meterukna, tandana ia enggo jera kerina.
3:6 Kenca ibegi raja Niniwe kerna si e, nusur ia i bas kursi kinirajanna nari, itangtangina jubahna, jenari ipakena uis guni, e maka kundul ia i bas abu.
3:7 Isuruhna gelah imomoken man kalak Niniwe bagenda, “Enda perentah i bas raja ras pegawai-pegawaina nari. La banci ise pe man kai pe; kerina jelma, bage pe asuh-asuhen si mbelin ras si kitik, la banci man, la banci minem.
3:8 Kerina jelma arus make paken guni bage pe asuh-asuhen. Sekalak-sekalak arus tutus ertoto man Dibata, janah itadingkenna lagu langkahna si melket dingen ipengadina perbahanen-perbahanen si jahat.
3:9 Mbera-mbera salih ukur Dibata; mbera-mbera olanai ateNa nembeh, maka ola kita mate!”
3:10 Iidah Dibata kai si ilakoken kalak ndai; iidahNa pe maka lanai ia ngelakoken perbahanen si jahat. E maka salih ukur Dibata, janah la surung iukumNa kalak e aminna pe enggo ikatakenNa iukumNa ateNa.
TUJUN: Gelah Moria:
- Ngidah kepatuhen kalak Niniwe si maba keterkelinen.
- Mperobahi kebiasan nggeluh guna keterkelinen.
METODE PA: Sharing ras diskusi.
Kata Penaruh.
Keselamaten eme perayaken kerina manusia, i bas bahasa Ibrani kata keselamaten “Yesuah” eme membebasken, menyelamatken, mere penampat man sekalak jelma i bas baban si mberat, bebas i bas bencana ras mara bahaya nari. Arah pengertin enda banci kataken maka si ngaloken keselamaten e lit i bas kemenangen, kemakmuren tah pe kemalemen ate. Guna banci seh ku bas keselamaten e arus lit sarat entah pe aturen si man taaten ras patuhen. Bagi pengendara i persimpangan dalan, (siapa patuh pada lampu lalu lintas sebagai pengendali arus lalu lintas, dia akan selamat tapi yang tidak patuh pasti tabrakan atau kecelakan). Bage me pentingna erti kepatuhen i bas kegeluhen, si patuh dat keselamaten tapi si la patuh dat ukumen. I bas ndalanken kepatuhen e arus lit i je biak si nggit berubah, nadingken kebiasan si ndekah janah ngelakoken sue ras aturen si lit, lit kesedian nggeluh sue ras keadan si mbaru.
Mpebagesi Pengangkan Kerna Ogen.
Juna sekalak nabi si nimbak Dibata tupung isuruh Tuhan ku Niniwe, ibukota kerajan Assur. Kerajan Niniwe eme musuh Israel si kejam. Nina Tuhan nggo ku begi alu tangkas kerna kejahaten kalak Niniwe emaka berkatlah kataken maka ia enggo ersalah. Tapi Juna lawes ku ingan si deban, kelapatuhen na man Dibata, isuruh Tuhan ia itelen nurung telu wari telu berngi dekahna (Juna 1:1,17). I bas beltek nurung nari ertoto Juna man Tuhan, nuriken maka ia enggo ersalah, la ergegeh, janah atena ngulihi nehken padan si nggo sehkenna man Tuhan, sabap iakuina bas Tuhan nari nge rehna keselamaten. Kenca bage isuruh Tuhan nurung ndai ngutahken Juna ku daraten, tangkas maka i bas kepatuhen Juna Tuhan mereken keselamaten man bana Juna 2:9-10).
Tuhan mereken kesempaten skall artan Juna berkat ku Niniweguna ermomo man anak kuta e kema kata sienggo ipesh Tuhan man bana Emaka likutken Juna kata Tuhan, ermomo la nina: “Empat puluh wari nan ikerepken me kota Niniwe!” Teridah maka Juna terjeng ermomo labo ngarapen pertobaten i bas kalak Niniwe nari (una). Nembeh Jura erkiteken Tuhan nelamatken kalak Niniwe. Si larapken Juna eme ukumen man kalak Niniwe, la bage jadi, sabap kalak Niniwe merespon Kata Dibata si peseh Juna alu kiniteken. Waktu 40 wari paksa si kentisik guna robah, emaka kenca ibegi kalak Niniwe, bage pe raja kerna berita e, mis ibanna sada ketetapen gelah kerina kalak Niniwe erkabung entah pe erceda ate, erkadiola kerna dosa-dosana. Pengakun kalak Niniwe e la terjeng belaskenna tapi cidah kenna bukti maka ia enggo jera.
Raja Niniwe nusur i bas kursi kinirajanna nari nuduhken menyerah ladep- adepen Tuhan, la ergegeh, tangtangina jubahna, maka la lit kuasana, jabaten. Ipakena uis guni janah kundul I bas abu ertina tuhu-tuhu la erceda ate kerna dosana, erkadiola. Iperentahkenna kerina rakyat ras rubia-rubia erpuasa, dingen make uis guni ertina maka la liti bas Niniwe si la erceda ate bage pe si la erkadiola nangdangi dosa-dosana. Sekalak-sekalak arus ertoto man Dibata, nuduhken maka litna hubungen pribadi ras Dibata. Patuh man Dibata janah iberena Dibata erkuasa i bas geluhna labo kedagingenna singkuasai ia. Kerina nadingken lagu langkah si melket dingen i pengadina perbahanen-perbahanen si jahat. Kalak Niniwe alu bulat ukur merubah kegeluhenna, jera i bas dosa-dosa nari, janah patuh man Dibata (ay, 7-8). Merubah kebiasan si ndekah ku si mbaru sulit kal, tapi lit arapen kalak Niniwe maka arah la nadingken kebiasan si ndekah, banci nalihkеn ukur Dibata la ngukum tapi mere keselamaten (ay. 9). Kiniteken kalak Niniwe nangdangi Kata Dibata si pesen Juna mpeturah kinijeran, patuh, nggit tutus ertoto man Tuhan, nadingken lagu langkahna si melket, mpengadi perbahanen jahat, turah perkuah ate Dibata, lidah Dibata kai si lakoken kalak ndai, lanai ia ngelakoken si jahat emaka salih ukur Dibata lanai surung iukumNa sabap i ja kalak nggit jera ibere me pengalemi man bana (ay. 10).
Pengkenaina.
I bas kegeluhen enda si meserana kal eme merubah kebiasan entah biak, sabap biak si ndekah e nggo jadi dareh daging ntah pe nggo membudaya bas kita. Nggo kita nyaman i bas biak e janah kita nggejapken la nyaman adi la si lakoken amin gia kebiasan e banci maba kerugin man banta. I bas kegeluhen si gundari kita arus tetap berubah i bas kerina dampar geluh nadingken kebiasan si ndekah alu patuh nangdangi aturen si mbaru. Pandemi Covid-19 si erbahansa kita arus merubah orat (tatanen) geluh, nadingken kebiasan si ndekah ras arus patuh ngikuti aturen si mbaru entah pe arus eradaptasi ras situasi kegeluhen si mbaru gelah banci mutus rantai covid-19. Paksa e kita arus i rumah saja, ibadah si tep-tep minggu kita pulung beribadah arus ibadah i rumah secara virtual, anak sekolah erlajar arah daring, arus jaga jarak maka hubungen pe buen media sosial saja, arus jaga kebersihen, murihi tan mekatep, pake masker ku ja pa pe, si erjabu arus itunda enteh pe ipasu-pasu saja alu ngikuti protokol kesehaten. Tuhu-tuhu keadan enda tempa jadi beban si akap, tertaban, tersiksa erkiteken arus patuh nangdangi aturen si mbatasi pergerakenta, situasi si la pernah terbayangken kita. Tapi bage me arus, nggit nadingken kebiasen si ndekah si maba kesehaten ras keselamaten man banta. Genduari kita enggo mbiasaken (beradaptasi) ras cara geluh si mbaru, i bas kerina aktivitasta lit si arus si perdiateken ras ijaga.
Dampak positif Pandemi covid-19 ku bas kegeluhenta, erbahan kita reh pentarna make Teknologi Informasi, kita nggo reh beluhna make aplikasi si lit i bas androidta, subuk erbelanja, erbinaga, kebaktin, PA secara virtual, erdahin, sekolah ras sidebanna. Kita reh bersihna ras sehatna sabap mekatep cuci tan, make masker nggo jadi sada paken wajib man banta. Bidang budaya, reh ekonomisna, adi i bas kerja adat, nggo i je kuh sangkepta lakon e enggo dung, jadi enggo banci ngurangi pengeluaren. Kalak si idilo Dibata sada berngi nggo banci mis ikuburken lanai melala acara, lanai lit si rido, kerina nggo ilakoken alu singkat. I bas dampar kiniteken reh tutusna ersembah ras ertoto sabap enggo si eteh maka lanai lit kai pe terandalken i bas geluh seakatan ernalem man Tuhan. Alu bage, makna pandemi covid-19 tuhu-tuhu ngerubah cara rukurta ras kinitekenta ku si terulin. Kepatuhen maba keselamaten subuk kula ras pertendinta.
Sharing ras Diskusi.
Moria ibagi jadi 3 kelompok.
- Diskusiken engkai maka kalak Niniwe nggit patuh man Tuhan ertoto alu tutus ras nggit nadingken kejahaten ras lagu langkah si melket?
- Sharingken pengalamenndu uga sikapndu i bas ngadapi Pandemi covid- 19, janah turiken kai idatndu makna positif si erpengaruh ku bas dirindu, keluargandu i bas masa Pandemi enda!
Pdt. Misalta br. Kaban, S.Th