BIMBINGEN PA MAMRE
Etika kerja (peningkatan ekonomi masa pandemi)
Ogen : Kejadin 47: 13 – 20
Tema : Njadiken Tantangen Jadi Peluang
Tujun :
Gelah Mamre:
- Ngidah maka Jusuf make strategi nehi keperlun rakyat Mesir
- Ngidah ras makeken peluang si lit guna peningkaten ekonomi
47:13 Di seluruh negeri itu tidak ada makanan, sebab kelaparan itu sangat hebat, sehingga seisi tanah Mesir dan tanah Kanaan lemah lesu karena kelaparan itu. 47:14 Maka Yusuf mengumpulkan segala uang yang terdapat di tanah Mesir dan di tanah Kanaan, yakni uang pembayar gandum yang dibeli mereka; dan Yusuf membawa uang itu ke dalam istana Firaun. 47:15 Setelah habis uang di tanah Mesir dan di tanah Kanaan, datanglah semua orang Mesir menghadap Yusuf serta berkata: “Berilah makanan kepada kami! Mengapa kami harus mati di depanmu? Sebab tidak ada lagi uang.” 47:16 Jawab Yusuf: “Jika tidak ada lagi uang, berilah ternakmu, maka aku akan memberi makanan kepadamu sebagai ganti ternakmu itu.” 47:17 Lalu mereka membawa ternaknya kepada Yusuf dan Yusuf memberi makanan kepada mereka ganti kuda, kumpulan kambing domba dan kumpulan lembu sapi dan keledainya, jadi disediakannyalah bagi mereka makanan ganti segala ternaknya pada tahun itu. 47:18 Setelah lewat tahun itu, datanglah mereka kepadanya, pada tahun yang kedua, serta berkata kepadanya: “Tidak usah kami sembunyikan kepada tuanku, bahwa setelah uang kami habis dan setelah kumpulan ternak kami menjadi milik tuanku, tidaklah ada lagi yang tinggal yang dapat kami serahkan kepada tuanku selain badan kami dan tanah kami. 47:19 Mengapa kami harus mati di depan matamu, baik kami maupun tanah kami? Belilah kami dan tanah kami sebagai ganti makanan, maka kami dengan tanah kami akan menjadi hamba kepada Firaun. Berikanlah benih, supaya kami hidup dan jangan mati, dan supaya tanah itu jangan menjadi tandus.” 47:20 Lalu Yusuf membeli segala tanah orang Mesir untuk Firaun, sebab orang Mesir itu masing-masing menjual ladangnya, karena berat kelaparan itu menimpa mereka. Demikianlah negeri itu menjadi milik Firaun.
KATA PENARUH
Erdahin e me biak Dibata si ipenusurna kempak manusia. Ope denga manusia ndabuh ku bas dosa, enggom ibahan Tuhan sada tanggungjabab man bana lako mpekena-kena kerina tinepaNa, ngusahai dingen njagaisa. Enggo leben icukupi Tuhan keperlun manusia e, emaka isuruhna erdahin. Jadi erdahin e situhuna tanggungjabab man Tuhan. Kenca manusia ndabuh ku bas dosa, Dibata mereken ukumen man manusia e me mesera akapna ngelitken keperlun geluh, arus alu curcur panas ertian arus mejingkat guna nehi keperlun geluh. Tapi labo ngatakensa keri keleng ate Dibata, sebab tetap nge iberekenna kesempaten man manusia lako erdahin, janah sura-sura Dibata maka manusia pentar makeken teptep kesempaten, e me lit waktu guna erdahin ras nikapken waktu guna Tuhan. Enem wari kam erdahin guna ncukupi keperlun geluhndu sada wari kam erdahin guna Tuhan. Tapi i bas si enem wari e pe tetap si dahiken dahin bagi si isuraken Tuhan. Ertina hubungenta ras Dibata lalap lit i bas ndalani kegeluhenta tiap wari. I jem kita ngenanami pasu-pasu Dibata.
URAIAN TEKS/TAFIREN
Kegeluhen bangsa Mesir ras bangsa sekitarna atan pe kalak Kanaan seh ku masa-masa peceklik. Bagi si enggo Ituriken Jusuf man raja Firaun maka jadi me pagi 7 tahun masa panen janah 7 tahun ka masa paceklik (kekurangen). I bas masa paceklik e i jah-I je enggo jadi kelihen, enggo mulai keri gandum si isimpan bangsa Mesir i bas rumahna. E maka idahina Jusuf selaku wakil raja tupung e. Itukurna gandum alu sen si lit denga tading. Sada tahun bias gandum e tapi tahun berikutna arus ka nukur gandum guna ncukupi keperlun geluh. Erkiteken sen enggo keri, idayakenme kerina asuh-asuhen man raja. Epe cukup guna setahun ngenca, dungna iendesken rakyat e dirina jadi budak raja bagepe taneh si lit jadi sekerajangen raja, gelah raja mereken gandum guna keperlun si teptep wari. Bagem kerina rakyat Mesir ngendesken dirina, emak kerina enggo jadi budak raja ras tanehna kerina enggo jadi sikerajangen Raja.
Guna nerusken kegeluhen, ibereken Jusuf modal man kerina masyarakat alu mereken bibit gelah banci merdang i bas juma si enggo idayaken man raja. Tetap nge banci i je erdahin tapi adi enggo pagi rani seperlima arah ulih peranin e iendesken man raja. Em ikira jadi sewa juma.
Bagem strategi Jusuf guna mensejahteraken rakyat Mesir. lubahna tantangen jadi peluang, pemusaten ekonomi i bas kerajan, ia me si ngaturken prekonomian rakyat. Lanai lit rakyat si bayak kel entah si musil kal. Lanai lit simbelang kal jumana, deba la erjuma sebab kerina taneh jadi milik raja. Kerina rakyat enggo seri, kerina arus erdahin ras erkewajiben ngulihken seperlima ulih pencarin. Ibereken Jusuf taneh inganna encari, alu pembagin si seri emaka pendapaten rakyat e enggo merata, janah kerina banci nggeluh. Alu pentar ikelola Jusuf keuangen negara guna sejahtera bersama. Strategi si ibahan Jusuf e mereken peluang man rakyat lako tetap erdahin.
APLIKASI
Renita Firda sari, sekalak pramugari pesawat garuda Indonesia. Erkiteken virus Corona si mewabahi doni enda, la nai lit penerbangen ke luar negri bagepe di dalam negri. I bas sie Renita la ngadi erdahin, ipakekenna setiap peluang si lit, ibukana kede kopi ras erbinaga erbage jenis minuman, (kopi, susu, teh manis ras sidebanna). Tupung pramugari enda iwawancarai salah sada reporter TV nina njababsa, adi sangana aku ertugas jadi pramugari kudahiken dahinku alu tutus, gundari la banci ku dahiken dahin pramugari, aku hanya masyarakat biasa, emaka labo aku mela jadi perbinaga teh manis bas kede enda.
Si idah sekalak pramugari enda ngubahken tantangen jadi peluang. Ipakena setiap kesempaten lako tetap erdahin, la akapna kitiksa jadi perkede kopi amin enggo pernah jadi pramugari. Enda sada persinget man banta maka tetep kesempaten ipake guna erdahin. Pentar bas makeken teptep peluang. Adi kin arus salih profesi erkiteken covid-19 enda, labo dalih guna kelangsungen nggeluh. Kerina dahin e mehuli adi utus i bas ndahikensa, lit tantangen erbahansa reh gegehna guna erdahin. Guna peningkaten ekonomi bas masa-masa pandemi enda si ubah tantangen jadi peluang alu make strategi. Guna si e perlu melala erlajar, berkreasi ras berinovasi. Arah teknologi si gundari enggo banci kita melala erlajar, la pernah lit istilah terlambat guna erlajar. Lalap lah si inget maka erdahin e eme persuruhen Tuhan man banta. I bas kita erdahin kita enggo nehi tanggungjababta man Tuhan, janah arah kita erdahin Dibata masu-masu ras encukupken keperlun geluhta.
DISKUSI
- Jusuf make strategi guna mensejahteraken rakyatna. Strategi kai kira-kira si pake i bas masa-masa pandemi enda guna peningkaten ekonomita?
- Mari si gargari peluang-peluang si lit i bas masa pandemi enda guna peningkaten ekonominta
USULEN ENDE ENDEN
- KEE GBKP No. 94:1-3
- KEE GBKP No. 182:1-3
- KEE GBKP No. 227:1,2
- KEE GBKP No. 16:1,4
Pdt. Nurbety br Ginting, M.Th