Ester 4: 12 – 17
4:10 Akan tetapi Ester menyuruh Hatah memberitahukan kepada Mordekhai:
4:11 “Semua pegawai raja serta penduduk daerah-daerah kerajaan mengetahui bahwa bagi setiap laki-laki atau perempuan, yang menghadap raja di pelataran dalam dengan tiada dipanggil, hanya berlaku satu undang-undang, yakni hukuman mati. Hanya orang yang kepadanya raja mengulurkan tongkat emas, yang akan tetap hidup. Dan aku selama tiga puluh hari ini tidak dipanggil menghadap raja.”
4:12 Ketika disampaikan orang perkataan Ester itu kepada Mordekhai,
4:13 maka Mordekhai menyuruh menyampaikan jawab ini kepada Ester: “Jangan kira, karena engkau di dalam istana raja, hanya engkau yang akan terluput dari antara semua orang Yahudi.
4:14 Sebab sekalipun engkau pada saat ini berdiam diri saja, bagi orang Yahudi akan timbul juga pertolongan dan kelepasan dari pihak lain, dan engkau dengan kaum keluargamu akan binasa. Siapa tahu, mungkin justru untuk saat yang seperti ini engkau beroleh kedudukan sebagai ratu.”
4:15 Maka Ester menyuruh menyampaikan jawab ini kepada Mordekhai:
4:16 “Pergilah, kumpulkanlah semua orang Yahudi yang terdapat di Susan dan berpuasalah untuk aku; janganlah makan dan janganlah minum tiga hari lamanya, baik waktu malam, baik waktu siang. Aku serta dayang-dayangkupun akan berpuasa demikian, dan kemudian aku akan masuk menghadap raja, sungguhpun berlawanan dengan undang-undang; kalau terpaksa aku mati, biarlah aku mati.”
4:17 Maka pergilah Mordekhai dan diperbuatnyalah tepat seperti yang dipesankan Ester kepadanya.
“MEGENGGENG NGALAKEN PERBEBEN”
TUJUN : Gelah Moria:
- Ngidah cara Ester ngalaken situasi.
- Pang muat keputusen i tengah lit perbeben covid-19.
METODE PA: Bermain Peran
Kata Penaruh.
I bas kegeluhen enda la lit si tetap, si tetap eme perubahen. Justru si berubah e ka nge si tetap. Emaka labo banci lang arus kita ersikap ngalaken perubahan. Aminna gia perubahen e maun-maun erbahanca kita arus nadingken kebiasan si sedekah enda nyaman si akap ngelakokenca. Tentuna ngerubah kebiasan si sedekah enda enggo jadi budayanta. Labo menukah, bali ras belas-belas anak si nguda banci ‘galau’. Emaka si perlu isuanken i bas pusuh ndauh belinen untungna kenca jadi perubahen e pagi asangken pengorbanen ras tekanen si jadi tupung ngelakoken perubahen. Alu bage pengorbanen si ilakoken genduari pang kita ngelakokenca. Janah arus lit usaha perjuangen anem la menukah.
Mpebagesi Pengangkan Kerna Ogen.
Kitab Ester nuratken kerna sekalak diberu kalak Jahudi, Ester gelarna, si iangkat raja Ahasweros jadi kemberahenna. Ia sekalak pahlawan man kalak Jahudi erkiteken keleng atena man bangsana si teridah tupung iasamkenna kesahna guna nelamatken bangsana i bas rencana musuh ngkernepken kerina kalak Jahudi. Sura-sura engkernepken kalak Jahudi liti bas ukur Haman, Perdana Menteri raja Ahasweros. leteh Haman maka Mordekai pegawai kerajan, sekalak Jahudi si la nggit mungkuk nembah man bana. Enda jadi erkiteken i bas kiniteken kalak Jahudi la banci kai pe isembah lain Dibata. Nembeh ate Haman man Mordekai, emaka irencanakenna guna munuh Mordekai bagepe kerina kalak Jahudi.
Erkalengken perentah raja si enggo ipengaruhi Haman, ibahan me surat itetapken ibunuh me kerina kalak Jahudi subuk nguda ntah metua, diberu ntah danak-danak janah erta-ertana pe irampas. Kenca imomoken i bas perintah man kerina rayat kerajan e gelah i bas sada wari si enggo belang-belang kerajan kerna perentah enda emaka Mordekai mindo penampat man Ester. Tentuna Ester me si erpeluangna kal ngadap man raja gelah banci ibatalken perentah enda. Tupung si e lit aturen i bas kerajan e, maka ise pe la banci ngadap man raja adi la ilebuh raja. Kune lit kalak ngadap man raja labo erkiteken perentah raja maka kalak si bage la banci lang arus iukum mate. Kecuali adi idudurken raja man kalak si ngadap e ciken emas kerajan man bana guna ndilosa, emaka pulah ia i bas aturen e nari. Alu mindo dukungen pertoton ras puasa kalak Jahudi, idahi Ester me raja. Janah raja ndilo ia alu ciken emas kinirajan tupung Ester ngadap man raja. Alu bage pulah me Ester i bas aturen kerajan ndube. Tupung idahi Ester raja alu kata si medate isungkunna sura-sura Ester, kemberahen e. Ituriken Ester sura-surana, seh maka kedungen na ipeseh raja sura-sura Ester i bas nelamatken bangsana.
Ester 4:12-17 ncidanken maka Ester e me kalak biasa. Tangtangna mbiar ia muat keputusen nelamatken bangsana alu ngadap man raja. Sabap kesah kap asamna adi kune la mehuli pengalo-ngalo raja. Tapi arah kata pertenget si isehken Mordekai, kune la pe nggit Ester rikutken kecibalna nampati bangsa Jahudi reh nge penampat entah ja nari gia guna nelamatken bangsa e. Janah bangsa e labo banci lang selamat nge. Tapi tupung si e pagi kam labo banci lang mate me. Arah kata pertenget enda tetap me ukur Ester guna nelamatken bangsana aminna gia ngelanggar aturen kerajan si ngasamken kesahna. Nina Ester “adi terpaksa kin aku mate guna si e; mate pe labo dalih”. Kitik kal peluang Ester guna banci selamat i bas aturen si ilanggarna e. Guna si e ia mindo dukungen kerina kalak Jahudi gelah ertoto ras erpuasa kerna ia. Enda ertina Ester make gegeh ras kepentaren Dibata i bas perencanan ras ngelakoken dahin e. Kedungenna, selamat me kerina kalak Jahudi janah Haman si jadi musuh kalak Jahudi enda ndai me dungna mate igantung.
Perbahanen Ester e nuduhken maka keleng atena bangsana. Nggit ia erbahan perubahen alu ngasamken kesahna guna keselamaten kerina bangsana. Aminna semal enggo inanamina kegeluhen si nyaman i bas istana kerajan ipertaruhkenna kenyamanen e ras geluhna guna kiniulin kegeluhen bangsana.
Pengkenaina.
Perubahen ras perbeben lit me lalap i bas kegeluhen manusia, tapi ula kal ukurta. Alu erpengarapen man Dibata ras ngasamken gegehna ngasup kita ngalaken perubahen ras perbeben e. Bageme si ilakoken Ester i bas muat keputusen.
Covid 19 banci ikataken penakit si rempet erbahan perubahen i bas kegeluhenta. Ndube si labo kita biasa ermasker, gundari enggo arus ermasker tupung kita ndarat i rumah nari. Ndube si salamen si ncidanken kehamaten, keleng ate ras pe kiniersadan lanai banci ilakoken tempa tempa lanai siteken kita sada ras sidebanna. Ndube erkiteken sibukna dahinta lanai si inget murihi tan ope denga man, kenca covid 19 la pe ate man arus rusur kita murihi tan alu sabun. Arah informasi si ertanggungjabap selaku Moria si erkeleng ate nandangi keluarga ras kegeluhen doni enda, arus pang ngikuti protokol kesehaten aminna gia la semal ilakoken. Guna kiniulin kegeluhen maka Moria arus pang nehken contoh, tetap ermasker tupung jumpa ras jelma si nterem. Jaga jarak ras la si salamen, kena la seh gia iakap i bas kita jumpa e, labo dalih bage me ilakoken guna kiniulin kegeluhen. Enda banci silakoken kerina adi si idah Tuhanta Jesus e tuhu tuhu engkelengi kegeluhen. Enda me sukat-sukatna i bas kita ngelakoken perubahen. Engkelengi kegeluhen ndauh ergan asangken ngelakoken perubahen si lenga semal ilakoken.
Bermain Peran.
I bas PA enda ipilih piga-piga Moria si berperan jadi Mordekai ras Ester. Mordekai nungkun ebahan kata pertenget man Ester rikutken ayat 13-14. Moria si jadi Ester njabap kata pertenget enda erpalasken situasi jabu ras kegeluhen pribadi. Njabap penungkunen enda alu pertimbangen nginget anakna, pendahinna (subuk perjuma, pertiga-tiga ntah pe pegawai), bagepe sura-surana si sangana atena idatkenna.
Telu kali ermain peran enda, alu tujun teridah nge rikutken situasi si erperan sebagai Ester pelain-lain jabapna. I bas bermain peran enda kari, sura-suranta tergumuli perbeben Ester i bas ia ngaloken kata pertenget i bas Mordekai nari secara pribadi. Janah dungna si angka uga belinna peran spiritualitas si mpetetap ukur (mental) guna muat keputusen si beresiko tinggi guna kiniulin kegeluhen.
Pdt. Bandri Senja Sembiring, S.Th