TEPTEP WARI ERBERITA
(Perayaan HUT Kategorial)
Mazmur 19: 1 – 14
Kemuliaan TUHAN dalam pekerjaan tangan-Nya dan dalam Taurat-Nya19:1 Untuk pemimpin biduan. Mazmur Daud. (19-2) Langit menceritakan kemuliaan Allah, dan cakrawala memberitakan pekerjaan tangan-Nya;
19:2 (19-3) hari meneruskan berita itu kepada hari, dan malam menyampaikan pengetahuan itu kepada malam.
19:3 (19-4) Tidak ada berita dan tidak ada kata, suara mereka tidak terdengar;
19:4 (19-5) tetapi gema mereka terpencar ke seluruh dunia, dan perkataan mereka sampai ke ujung bumi. Ia memasang kemah di langit untuk matahari,
19:5 (19-6) yang keluar bagaikan pengantin laki-laki yang keluar dari kamarnya, girang bagaikan pahlawan yang hendak melakukan perjalanannya.
19:6 (19-7) Dari ujung langit ia terbit, dan ia beredar sampai ke ujung yang lain; tidak ada yang terlindung dari panas sinarnya.
19:7 (19-8) Taurat TUHAN itu sempurna, menyegarkan jiwa; peraturan TUHAN itu teguh, memberikan hikmat kepada orang yang tak berpengalaman.
19:8 (19-9) Titah TUHAN itu tepat, menyukakan hati; perintah TUHAN itu murni, membuat mata bercahaya.
19:9 (19-10) Takut akan TUHAN itu suci, tetap ada untuk selamanya; hukum-hukum TUHAN itu benar, adil semuanya,Dibata ermulia i bas tinepaNa
19:1 Masmur Daud.
19:2 Langit encidahken kemulian Dibata, awang-awang erberita kerna perbahanenNa.
19:3 Tep-tep wari erberita kempak wari si pagina, tep-tep berngi nuri-nuri man berngi si pagina ka.
19:4 La lit si ngerana ntah melasken kata, la lit sora si terbegi.
19:5 Tapi sorana erdengung i belang-belang doni enda, terbegi seh ku tampuk doni. Ibahan Dibata rumah i langit man ingan matawari,
19:6 erpagi-pagi pultak matawari desken dilaki si mbaru empo luar bas bilik nari, bali ras si mbisa erlumba alu dem keriahen.
19:7 Erdalan ia i bas ujung langit nari, terus ku ujungna si deban ikeparina. Kai pe la banci cebuni i bas las sinalsalna nari. Undang-undang TUHAN
19:8 Undang-undang TUHAN e serta kap, ia mereken gegeh si mbaru. Perentah TUHAN terteki tuhu, mereken pengertin man kalak si kurang pentar.
19:9 Undang-undang TUHAN benar kap, e maka kalak si ngikutkenca meriah tetap. Perentah TUHAN benar kap, mereken pengertin ku bas perukuren.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
Ngendeken ende-enden pujin KEE. 313 – Pulung M’riah Kal Kami Kerina
Ertoto (Ibabai sekalak Pt/Dk/Bapa)
Ngoge Pustaka si Badia: Masmur 19:1-9 (Ioge anak I bas jabu)
Renungen:
Erbage-bage cara Dibata mpetandaken diriNa ras kuasaNa man manusia, gelah manusia e tek man Dibata si erkuasa. Salah sada cara si ipake Dibata eme arah tinepaNa. Kerina si lit i bas doni enda, ipake Dibata jadi perkakasNa lako erberita man doni enda. Janah kerina si lit i bas doni enda jadi tanda maka Dibata erdahin nepa doni enda alu dem kiniraturen. Menaken wari pemena seh ku wari pe-enemken, janah i bas wari pepituken itatap Dibata kerina tinepaNa e, mehuli tuhu jadina (bdk. Kej. 1:1-31).
Gambaren kiniulin Dibata e ituduhken pemasmur arah ungkapenna, nina: “langit encidahken kemulian Dibata, awangawang erberita kerna perbahanenNa, teptep wari erberita kempak wari si pagina, teptep berngi nuri-nuri man berngi si pagina ka” (Kej. 19:1-3). Tupung si tatap langit teridah uga belangna, iteruh langit teridahka uruk-uruk, deleng-deleng, kelbung ras lawit si mbelang. Rikut pe erbage-bage sinuan-sinuan ras rubia rubia, kerina teridah alu mehuli. Perik-perik rende, angin si erdeso, riak riak gelombang lawit, kerinana encidahken “keharmonisen” tinepa Dibata e. Ungkapen Daud arah Masmur enda nuduhken maka perbahanen Dibata e tuhu-tuhu mbelin i bas geluhna. Kiniulin ras kuasa Dibata e lanai terjeng kesaksin manusia saja ngenca. Tapi kerina tinepa e ersaksi alu carana masing-masing. Enda me si ate Daud iturikenna arah Masmur enda, gelah kerina jelma banci ngidah kemulian ras kiniulin Dibata arah kerina tinepaNa. Ate Daud ngatakensa maka kerina tinepa Dibata e arus nge ersaksi i bas geluhna kerna perbahanen Dibata si mbelin man bana.
Arah kesaksin pemasmur enda, tanggung jawab kalak si erkiniteken la terjeng meteh kerna kuasa ras kemulian Dibata saja ngenca. Tapi, arus pe erberita kerna kemulian Dibata e. I bas erberita e tentu ituriken me kerna perbahanen Dibata. Si enggo mereken si mehulina kal man manusia. Janah manusia arus nuriken kemulian Dibata e kempak kerina jelma, bage pe kerina kesusurenna. Alu bage, kesusurenna e pe pagi meteh kerna perbahanen Dibata si mbelin e. Enda me tanggung jawab kalak si erkiniteken lako erberita i bas geluhna.
Selaku ngawan perpulungen, tentu kita pe ertanggung jawab lako erberita kerna perbahanen Dibata. I bas GBKP, perpulungen ibagi ku bas piga-piga kategori, eme Mamre, Moria, PERMATA, KAKR, ras Saitun. Pengkategorian enda ilakoken gelahna banci ersaksi ras erberita kerna perbahanen Dibata i bas kategorialna. Janah i bas mperingeti HUT kategorial enda, iarapken banci nambahi semangat kategorial lako erberita kerna perbahanen Dibata i bas geluhna. Perayan ulang tahun kategorial enda labo radu kerinana. Amin bage gia iarapken arah perayan ulang tahun e, kerina kategorial tetap jadi perkakas Dibata lako ersaksi man doni enda. Alu bage, pelayanen kategorial pe banci nuduhken kiniulin Dibata bage pe kiniersadan i bas tinepa Dibata e.
Nuriken Penggejapen :
- PERMATA
- MORIA
- MAMRE
Rende KEE. 204 – Kata Ni Dibata
Diskusi
- Uga nge sedekah enda caranta erberita kerna keleng ate Dibata?
- Sigejab nge arah kategorial enda kita iperlengkapi jadi kalak si erberita?
Irakut Pdt/Pt/Dk/Em
Nehken Persembahen: Rende KEE. 460 – Malem Kal Ateku Tuhu
Pertoton Safaat
- Persembahen
- Kerina persekutuan kategorial GBKP ikut erberita i bas sejarah kegeluhen gereja
- Pemimpin gereja ras negara
Rende Ibabai PERMATA – Oh Betapa Indahnya Dan Betapa Eloknya
Pertoton Tuhan (ibabai Serayan/Bapa)
Pdt. Nurbety br Ginting, M.Th