BIMBINGAN PA MAMRE
Tanggal 14 – 20 Pebruari 2021
Tekad Mamre ndalani tahun 2021 (mengandalken Tuhan)
Ogen : Jeremia 17: 5-8
Tema : Ernalem Man Gegeh Tuhan
Tujun : Gelah Mamre:
- Nggeluh ernalem man gegeh Tuhan ibas ndalani tahun 2021
- La aru atena i bas kerina keadaan geluhna
17:5 Beginilah firman TUHAN: “Terkutuklah orang yang mengandalkan manusia, yang mengandalkan kekuatannya sendiri, dan yang hatinya menjauh dari pada TUHAN! 17:6 Ia akan seperti semak bulus di padang belantara, ia tidak akan mengalami datangnya keadaan baik; ia akan tinggal di tanah angus di padang gurun, di negeri padang asin yang tidak berpenduduk. 17:7 Diberkatilah orang yang mengandalkan TUHAN, yang menaruh harapannya pada TUHAN! 17:8 Ia akan seperti pohon yang ditanam di tepi air, yang merambatkan akar-akarnya ke tepi batang air, dan yang tidak mengalami datangnya panas terik, yang daunnya tetap hijau, yang tidak kuatir dalam tahun kering, dan yang tidak berhenti menghasilkan buah.
KATA PENARUH
Presiden Amerika ke-16 Abraham Lincoln iakui sebagai Presiden terbaik Amerika sepanjang sejarah janah enda iakui para ahli sejarah. Kai sierbahanca Abraham Lincoln berhasil i bas ndalanken tugasna selaku Presiden? Edna Medford, pernah erbahan survei guna si e.
Pernah i bas sada wari teman dekat Lincoln erdalan arah lebe kamar presiden ija pintuna agak terbuka. Tanpa isengaja ibegina lit sora ngerana. la penasaren, ise temanna ngerana ras kai si sangana icakapkenna; emaka icubakenna ngenenca ku bas iidahna Lincoln sanga erjimpuh i samping ingan medemna janahna ertoto alu tutus nina: “Tuhan Jesus, tolong saya untuk dapat memimpin bangsa yang besar ini” Kesimpulen: Keberhasilan Abraham Lincoln terletak pada kesadaran dirinya untuk selalu mengandalkan pertolongan dan kuasa Tuhan!
Mari si siksiki ogen sijadi bahan PAnta, payo kin ipasu-pasu Dibata kalak si mengandalken Tuhan?
URAIAN TEKS/TAFSIRAN
Ndauh ope Lincoln ndatken kunci keberhasilenna nggeluh erkiteken mengandalken Tuhan, Nabi Yeremia enggo mereken nasehat enda man bangsa Israel.
“Diberkatilah orang yang mengandalkan TUHAN, yang menaruh harapannya pada TUHAN!” (Jeremia 17:7)
Ayat 5, i bas cakap Indonesia lebih tegas ibanding cakap Karo nina: “Terkutuklah orang yang mengandalkan manusia…“
Kai ertina mengandalken manusia (nundalken Tuhan ras erpengarapen man manusia)? Ertina eme njadiken dirina jadi ulu pertimbangen ras keputusen. Ertina kalak sibage isirangina Tuhan i bas muat keputusen.
Kata ‘kutuk ertina ‘ciga’ atau ‘dijauhi’. Jadi terkutuk e me ija ciga ate Dibata manusia janah lanai diate Dibata manusia e.
I bas ayat 6 ituriken kerna kiniseran kalak si mengandalken manusia bagi sekalak sitading i taneh gurun si masin (gurun sira) si kai pe la nggeluh ije termasuk bakteri pe la nggeluh, ije me kita nggeluh sisada. Bagem situasi kalak si nadingken Dibata ras terjeng ernalem man gegehna saja tapi la kai pe lit kegeluhen ije.
Banci sipepayo maka seh kal pe tembalna keadanna ras ayat 7 ija kalak si ngandalken Dibata ipasu-pasuNa.
Kai ertina ‘kalak si mengandalken Tuhan’? e me: kalak si erpengendes man Tuhan. mengandalkan Tuhan ertina, kerina siukurina, kerina sibelaskenna ras kerina rencana ras perbahanenna ilibatkenna Tuhan (iandalkenna Tuhan). Mengandalken Tuhan ertina ngendesken kerina kegeluhenna man Tuhan janah iberena kesempaten Tuhan mpepayo geluhna guna simehuli. Jadi lit kepatuhen ras komitmenta ngikutken Tuhan segedang geluhna.
Ayat 8 nggambarken kegeluhen kalak si ngandalken Tuhan e me bagi batang kayu itepi lau anak si ertina kegeluhen si dame, la lit kekurangen terlebih la lit kebiaren di kune pe reh masalah. Kalak singandalken Tuhan e me kalak si tek nandangi janji Tuhan. nina Tuhan Jesus ibas Matius 28: 18 “kepadaku telah diberikan segala kuasa di sorga dan di bumi”.
APLIKASI
- Lit dua alasen engkai maka kita la ernalem man manusia, e me: pemena, janji manusia megati la itepati ras mungkin pe kita termasuk i bas si e; peduaken, gegeh manusia terbatas seh maka banci lit sura-sura tapi situasi la ndukung: sementara Tuhan tidak pernah ingkar janji dan kuasa Tuhan tiada batasnya (IA Maha kuasa).
- Ula pernah kita Mamre nggit berkoalisi ras ngandalken gegeh manusia terlebih mindo penampat man gegeh manusia.
- Ulih ngandalken manusia la saja terjeng la ipasu-pasu Dibata tapi lebih asa si KUTUK jadi sikerajangenna.
- Piga-piga teladan kiniteken si ngandalken Tuhan i bas geluhna ras ulihna e me pasu-pasu ras sukses i bas Dibata umpamana: Jusup si iambekken senina-seninana ku bas sumur, bage pe Daud ras anakna Raja Salomo si berhasil mimpin bangsa Israel.
- Pengalamen simeherga si alami kita ras hampir kerina bangsa i doni e me pandemi covid-19 cukup mereken pelajaren man banta maka kita enda tuhu-tuhu rapuh, penampat Dibata andalenta. Emaka la lit pilihen, i bas kita Mamre ndalani tahun 2021 enda, Tuhan ngenca andalen ras gegehta. Mari sicidahken tekad enda arah meningkatken ketaaten, kesetianta ersembah man Tuhan Dibata janah la ernalem ku bas gegehta manusia.
SHARING RAS DISKUSI
Brainstorming cara-cara nggeluh ernalem man Tuhan (Mari kita berbagi pengalamen uga Dibata enggo masu-masu kita i bas kepatuhenta entahpe i bas kita ndatken kekecewan i bas kita ngandalken gegehta/manusia.
Ngenca kita erdiskusi, mari sipersada tekadta alu ndaftarken kai-kai saja si lakoken kita sebage tanda kita ngandalken Dibata!
USULEN ENDE-ENDEN:
- KEE 187: 1,2
- KEE 279: 1, 2, 4
- KEE 249: 1, 3, 5
- KEE 374: 1-3.
Pdt. Hermanto Tarigan, MTh
Pendeta Mamre GBKP
Hp. 081395060383