TETAPLAH I BAS DALAN TUHAN
HUT Moria GBKP
Yeremia 8: 4 – 10
Dosa dan hukumannya
8:4 Engkau harus mengatakan kepada mereka: “Beginilah firman TUHAN: Apabila orang jatuh, masakan ia tidak bangun kembali? Apabila orang berpaling, masakan ia tidak kembali?
8:5 Mengapakah bangsa ini berpaling, berpaling terus-menerus? Mereka berpegang pada tipu, mereka menolak untuk kembali.
8:6 Aku telah memperhatikan dan mendengarkan: mereka tidak berkata dengan jujur! Tidak ada yang menyesal karena kejahatannya dengan mengatakan: Apakah yang telah kulakukan ini! Sambil berlari semua mereka berpaling, seperti kuda yang menceburkan diri ke dalam pertempuran.
8:7 Bahkan burung ranggung di udara mengetahui musimnya, burung tekukur, burung layang-layang dan burung bangau berpegang pada waktu kembalinya, tetapi umat-Ku tidak mengetahui hukum TUHAN.
8:8 Bagaimanakah kamu berani berkata: Kami bijaksana, dan kami mempunyai Taurat TUHAN? Sesungguhnya, pena palsu penyurat sudah membuatnya menjadi bohong.
8:9 Orang-orang bijaksana akan menjadi malu, akan terkejut dan tertangkap. Sesungguhnya, mereka telah menolak firman TUHAN, maka kebijaksanaan apakah yang masih ada pada mereka?
8:10 Sebab itu Aku akan memberikan isteri-isteri mereka kepada orang lain, ladang-ladang mereka kepada penjajah. Sesungguhnya, dari yang kecil sampai yang besar, semuanya mengejar untung; baik nabi maupun imam, semuanya melakukan tipu.Dosa dingen pengukumen
8:4 Isuruh TUHAN aku melasken kata enda kempak bangsaNa, “Adi guling sekalak jelma lanai kin ia keke mulihi? Adi sekalak jelma papak lanai kin ia mulihken?
8:5 Dage ngkai maka bangsangKu kenca ia erkusur nadingken Aku, lanai mulihken? Leket ukurndu kempak gana-ganandu, e maka la atendu mulihken man bangKu.
8:6 Megermet Kubegiken, tapi la kam ngerana kerna si bujur. Sekalak pe kam la lit erkadiola kerna kejahatenndu; ise pe kam la lit nungkun, ‘Kesalahen kai kin si enggo kubahan?’ Sekalak-sekalak ndalani dalanna desken kuda kiam ku peperangen.
8:7 Perik ondan pe ietehna katawari paksana mulih; nderapati ras kalimpines tehsa katawari paksana miser, tapi kam o bangsangKu la itehndu undang-undang TUHAN.
8:8 Uga banci maka nindu kam pentar, dingen itehndu undang-undangKu? Nehenlah, undang-undang enggo iganti kalak si beluh nuratken undang-undang.
8:9 Kalak pentar si lit i bas kam enggo juru, sengget dingen kena siding. Enggo itulakna katangKu. Kepentaren si kuga kin kepentarenna e genduari?
8:10 Dage Kubereken me ndeharana man kalak si mbaru reh, erkiteken kerina kalak subuk i bas si kitikna nari terus ku si mbelinna, kerina encari arah dalan si la bujur. Sabap subuk imam-imam bage pe nabi-nabi kerina nipu bangsa e.
TUJUN: Gelah Moria:
- Meteh maka nulak Dibata, bene nari nge.
- Makeken undang-undang Tuhan jadi pematang kegeluhenna.
METODE PA: Studi Kasus
Kata Penaruh.
Charles Hutagalung, musisi Legendaris Indonesia pernah nciptaken lagu si erjudul “Semua bisa bilang, sayang! Semua bisa bilang, apalah artinya sayang, “bage me maun kinata kegeluhenta ninta keleng ateta Dibata, la lit selain Dibata pengarapenta. Tapi direh kiniseran, ntah pinakit mis kita kiam ku gegeh “sideban” si nina ngasup mpepalem pinakitta amin pe erlawanen ras si ngena ate Dibata. Kita rusur ngkapiti bana “Tambar Labo Rubat” si ijadiken Dibata nge iban jadi tambar. Di kune sanga wari minggu PA Moria, ntah PJJ adi lit radu ras wari kerja adat ntah dahin sideban, e biaren kita la ndani kade-kade asa la ndahi Tuhan. Mbiar kita ceda ukur kade-kade (teman meriah) tapi adi ceda ukur Tuhan labo kita mbiar. I bas la jore ukurta, i je maka si inget ersembah man Tuhan.
Mpebagesi Pengangkan Kerna Ogen.
Kitab Jeremia 8 enda termasuk bagin kata penaruh ope pembuangen kalak Israel ku Babilon, si encidanken kinata kegeluhen kalak Israel i bas perbahanenna si la bujur i belang-belang negeri Israel. Nabi Jeremia lalap ningetken kalak Israel subuk raja, rakyat ras Imam bagepe Nabi kerna dosana gelah jera maka ula reh ukumen Tuhan. Tapi kalak Israel la erdiate nandangi kalak si ikataken Nabi Jeremia. Kalak Israel ersembah ku Rumah Pertoton, alu mehuli tapi i darat Rumah Pertoton bangsa e ersembah man dibata-dibata sideban, perbahanen si bage nembeh kal ate Dibata. Bagin nats PA-nta eme Jeremia 8:4-10 la terpesirang i bas Jeremia 7: 29 – 8:1-3, i ja kerna dosa si ilakoken kalak Israel i baluren Hinnom. Kalak luda enggo ngelakoken si jahat, iamparkenna gana-gana si ciga ate Tuhan i bas Rumah Pertoton. Ibaluren Hinnom ipajekken bangsa e batar-batar si ibahanna gelarna Topet, gelah banci ipersembahkenna anakna si diberu ras si dilaki i datas api si gara. La lit perentah Dibata man bana lako erbahan si bage, labo lit sitik pe i bas ukur Dibata kerna si e. Janah seh me paksana ingan e lanai igelari Topet ntah baluren Hinnom, tapi baluren penggelehen, sabap i je ikuburkenna jelma erkiteken lanai lit ingan sideban ingan ngkuburkenca (Jer. 7:30-2).
I bas paksa sie ipedarat kalak me i bas kuburen nari kerina tulan-tulan raja, tulan pegawaina, tulan Imam-imamna, tulan Nabi-nabi ras kerina tulan kalak si ringan i Jerusalem (8:1-3). “Amin pe kerina kalak si tading denga i bas bangsa si jahat enda, madin akapna mate asangken nggeluh i bas ingan i ja ia kukerapken” nina Tuhan (8 : 3). Tapi lalap la sedar bangsa e kerna dosana ras mulihken kempak Tuhan, enggo guling tapi la keke, enggo papak tapi la mulih, la erkusur ukurna man Tuhan, la ia ku Tuhan mulih tapi leket ukurna kempak gana-ganana (4-5). La lit kalak ngerana i bas bujur, la lit si erkadiola kerna kejahatenna, la lit sinungkun kesalahen kai si ibanna. Ertina la lit penggejapen ersalah perasan bersalah. “Perik ondan, nderapati ras kalinpines tehna kerna ukum alam tapi bangsaku la tehna undang undang Tuhan” (6-7). Tetap meganjang ukur ngatakensa ia meteh undang undang, lalap la sedar janah ikatakenna ia pentar. Iakap kalak Israel ia tetap ndalanken undang-undang padahal Kata Dibata enggo i tulak. Kepentaren si uga si lakokenna adi labo i bas undang-undang Tuhan (8-9). Erkiteken mekengna kalak Israel maka ukumen enda seh man bana eme ndeharana ibereken man kalak si mbaru reh. Dosa labo saja i bas nulak undang-undang Tuhan tapi i bas perbahanen kegeluhen si tep-tep wari pe, kerina kalak subuk i bas si kitikna nari terus ku si mbelinna kerina ncari arah dalan si la bujur, subuk imam-imam bagepe nabi-nabi kerina nipu bangsa e (10).
Pengekenaina.
Arah nats PA-nta enda banci i bas pusuhta “ngeri nari nge perbahanen kalak Israel e, lalap la lit kesedarenna ateta.” Tapi mari kita erlajar gelah kita Moria pentar, lebih bijaksana asangken kalak Israel, alu robah kita i bas praktek kegeluhenta gelah ula entebu si akap nggeluh i bas dosa e, piahna nggo cinanamen nggeluh bas dosa. Dosa eme “turun dari standart kekudusan Allah” ertina la sue ras si iarapken padahal banci ilakokenna kai si larapken e. Umpamana, anak ta enggo SMP la ndalanken dahin nuci piring erkiteken la ia nggit labo ban la ia beluh, mungkin kin anak SMP langa beluh nuci piring rikutken gegeh ras kebeluhen sue asa umurna? Tentu kecewa kita selaku nande di kune bage anakta, bage me Tuhan kecewa kal IA erkiteken la si lakoken si patutna enggo si lakoken (Jakub 4 : 17). Bage pe si iperentahken Tuhan gelah kita ernalem ku kemulianNa tapi ernalemka kita ku bas kuasa kegelapen, kuasa setan iblis. Si melalana kal kalak ndabuh ku bas dosa kuasa gelap eme ertambar ku guru mbelin (si baso) tupung idenden pinakit.
Alu la sedar dosa enda pe megati denga silakoken ninta “tambar labo rubat” nandangi guru si baso ninta “e kin talenta si ibereken Dibata man bana” “nta ku ban dalanna gelah ipasu-pasu Tuhan” padahal dalan e enggo si eteh la ngena ate Dibata. I bas kiniteken lit dua pilihen si arus iputusken kita, eme: adi nggeluh guna Kristus arus erlawanen ras iblis, adi nggeluh guna iblis erlawanen ras Kristus. Adi nggeluh guna dirina jine berarti apal si nguntungken, paksa senang ras Dibata adi la untung kempak si gelap eme nulak Dibata, bene ngenca upahna sabap nina Tuhan i bas ketangkasen 3:15-16 “…. Perban mbernge kam ku utahken kami bas babaliku nari….” Tentuna Moria GBKP i bas umur 63 tahun enggo ngelewati kecibal si bagenda. Enggo ngasup kita tetap erdalan i bas dalan Tuhan, patuh ngikutken IA arah pudi, ngusih ras ngumban si ngena ateNa.
Studi Kasus.
Keluarga Bapa Jurbit termasuk keluarga si aktif i bas perpulungen. Nande Jurbit ras Bapa Jurbit erdahin duana i bas Pemerintahen emaka secara pendidiken ia kalak terpelajar. Bapa Jurbit lit jabatenna i bas Gereja, adi lit rapat i bas Gereja la kenca bage ukurna percakapen i bas rapat e ntah pe keputusen la akapna cocok mis kal ia la nggit erdahin ntah pe lanai reh. Nande Jurbit i bas dahinna menukah kal melasken kata si erbanca kalak terpusuh emaka melala nge temanna la si angkan ras ia. Telu tahun terakhir enda Nande Jurbit rempet sakit, lumpuh (la ngasup keke i bas medemna nari) reh me ukurna guna ertoto ras serayan erkiteken Nande i tengah jabu lalap lenga sehat. I bas percakapen i bas serayan maka erpengakun Bapa Jurbit i bas Nande Jurbit sakit piga-piga guru si beluh erban tambar kuta enggo idahi guna nambarisa. Prinsipna tambar labo rubat eme jadi prinsip keluarga Bp. Jurbit enda ndai. Selaku kalak Kristen ras erjabaten ka Bp. Jurbit ras Nd. Jurbit enggo ncurnaken gelar Tuhan.
Tempa sepele dosa keluarga Bp. Jurbit tapi kiniseran e terjadi perban ia enggo nulak undang-undang Tuhan i bas kegeluhen, pendahin, pelayanen bagepe i bas sura-sura gelah sehat.
- Uga nge si akap kerna keluarga Bp. Jurbit enda ndai? Adi kam serayan si ikut i je notoken uga nge nindu ngelayasi keluarga bapa Jurbit enda?
- Cuba siksiki i bas kegeluhenta dosa si apai nge si enggo terbiasa si akap ndalankensa (enggo jadi kebiasan)?
Pdt. Juniyanti Br Sembiring, SST
