Bapa Sierdiate
(Hari Ulang Tahun Mamre)
Ayub 1: 1 – 5
Kesalehan Ayub dicoba1:1 Ada seorang laki-laki di tanah Us bernama Ayub; orang itu saleh dan jujur; ia takut akan Allah dan menjauhi kejahatan.
1:2 Ia mendapat tujuh anak laki-laki dan tiga anak perempuan.
1:3 Ia memiliki tujuh ribu ekor kambing domba, tiga ribu ekor unta, lima ratus pasang lembu, lima ratus keledai betina dan budak-budak dalam jumlah yang sangat besar, sehingga orang itu adalah yang terkaya dari semua orang di sebelah timur.
1:4 Anak-anaknya yang lelaki biasa mengadakan pesta di rumah mereka masing-masing menurut giliran dan ketiga saudara perempuan mereka diundang untuk makan dan minum bersama-sama mereka.
1:5 Setiap kali, apabila hari-hari pesta telah berlalu, Ayub memanggil mereka, dan menguduskan mereka; keesokan harinya, pagi-pagi, bangunlah Ayub, lalu mempersembahkan korban bakaran sebanyak jumlah mereka sekalian, sebab pikirnya: “Mungkin anak-anakku sudah berbuat dosa dan telah mengutuki Allah di dalam hati.” Demikianlah dilakukan Ayub senantiasa. 1:6 Pada suatu hari datanglah anak-anak Allah menghadap TUHAN dan di antara mereka datanglah juga Iblis.Jop 1: 1 – 5
Jop iuji Iblis1:1 I negeri Us lit sekalak dilaki, Jop gelarna. Ia nembah janah erkemalangen man Dibata. Ia kalak si mehuli, janah la lit perbahanenna si jahat.
1:2 Anakna pitu dilaki, telu diberu;
1:3 biri-birina lit pitu ribu, untana telu ribu, lembuna seribu ras keledena lima ratus. Suruh-suruhenna pe seh kal teremna. E maka banci ikataken ia me si bayakna i Timur.
1:4 Anak-anak Jop si dilaki semal erbahan pesta man-man alu ergiliren, janah anak-anakna si deban pe ikut reh ku pesta e. Turangna si telu pe tetap itenahkenna ikut pulung.
1:5 Kenca tiap pesta enggo dung, lampas erpagi-pagi keke Jop, jenari ipersembahkenna persembahen tutungen guna pebadiaken anakna e sekalak-sekalak. Si e ilakokenna sabap rukur ia, banci jadi anakna e enggo erbahan dosa si la teridah, janah erkiteken si e ceda ukur Dibata alu la iarapna.
Gelah PERMATA GBKP
- Ngasup nuriken perjuangen ras teladan sekalak bapa sierdiate janah ngergakenca
- Ngasup mpersiapken dirina jadi bapa sierdiate
Metode: Diskusi Ras Aksi HUT
I. BENA KATA
Lit ungkapen nina: “Sejahat-jahat bapak yang paling jahat masih tahu mengasihi anaknya.” Perkatan enda ngataken maka naluri kebapan sekalak bapa tetap lit ibas pusuhna. Hanya saja apakah sekalak bapa ngasup jadi usihen si mehuli man anakna e tergantung ku bas uga relasi bapa e ras Dibata. Arah bahan PA enda icidahken man banta uga pentingna peran ras tanggung jawab bapa e nandangi anakna. Alu ngidah tanggung jawab bapa simbelin enda kai sibanci ibahan PERMATA GBKP selaku anak i tengah tengah jabu. Sijadi kata kunci eme: iman yang teguh dan murni apabila melalui berbagai proses pergumulan (ibarat logam yang mulia harus melalui berbagai pergumulan).
II. ISI
Pengogenta ibas ayat 1-3 icidahken maka Job eme sekalak kalak bujur ras erkemalangen man Dibata. Mehuli ras la lit perukuren, pengerana ras perbahanenna si jahat. Iperkiraken ia nggeluh antara tahun 2100-1800, eme zaman leluhur (Abraham, Ishak, Jakub). la ringan i taneh Us eme bagin Utara Palestina ras Laut mati (bagin utara Arab). Anakna dilaki 7 kalak, diberu 3 kalak ras ibas zamanna ia termasuk si bayakna. Ibas ayat 4 ras 5 teridah sada kesemalen ibas anak-anak Job eme erbahan pesta meriah man-minem setiap mingguna alu ergiliren ingan pulung. Ibas tiap pesta e iundang pe anak Job sidiberu (3 kalak). Setiap dung pesta, pepagina Job nehken persembahen tutungen man Tuhan guna pembersihen ras pengalemen dosa. Nina Job ibas ukurna, “banci jadi ibas pesta e anak anakku erbahan dosa sincedaken ukur Dibata” Emaka isikapkenna persembahen pengalemen dosa gelah Dibata ngalemi dosa anak-anakna ras Dibata pe la ngukum anak-anakna.
Selaku bapa si erkiniteken, Job tuhu-tuhu mperdiateken kegeluhen pertendin anak-anakna, tutus notoken anak-anakna gelah ula nggeluh ibas kejahaten alu bage anak-anakna e ipasu-pasu Dibata. Job eme sekalak bapa si tuhu – tuhu peduli man anak-anakna ija Jop nikapken waktuna mperdiateken anak – anakna (bapa si erdiate). Enda ilakoken Job secara rutin (la ersung-sung; banci bdk. ay. 5c, nina Demikianlah dilakukannya senantiasa).
Job eme sekalak bapa si ngkelengi anak-anakna ija ia sadar maka keselamaten anak-anakna lit ibas tanggung jawabna emaka ia secara terus menerus mengantisipasi gelah anakna la celus ku bas perbahanen dosa ras tetap ngelakoken și mehuli. Palasna Job ngelakoken hal si bage rupana eme erkiteken igejapna maka anak e eme “pemere Dibata” (milik Tuhan), buah hati Tuhan si ititipken Dibata man bana.
III. APLIKASI
Arah pengalamen nggeluh Job ngataken maka kepeken kalak si bujur ras erkemalangen man Dibata pe la terlepas ibas erbage-bage ujin simberat. Jadi kesalehan seseorang tanpa adanya ujian adalah kesalehan yang belum teruji ibarat emas murni yang muncul setelah melalui proses pemurnian. Job eme sekalak bapa si patut jadi teladan erkiteken selain ia la lit erbahan si jahat, Job sekalak bapa si tuhu-tuhu erdiate/peduli kal nandangi spiritualitas anak-anakna.
Adi siperdiateken kegeluhen perbapan/Mamre-ta genduari, hal si kurang ibas Mamre eme “kurang ngasup ncidahken keteladanen simehuli.” Si enda erkiteken kurangna Mamre ertutus ate ersembah man Tuhan. Tahun 2020 enda Mamre GBKP enggo 25 tahun umurna. Umur seper empat abad enda min jadi sada tonggak sejarah guna erbahan komitmen lako ningkatken kualitas secara spiritualitas perbapan/Mamre GBKP. Secara estafet, PERMATA GBKP (khususna sidilaki) bakal jadi generasi berikutna sebagai Mamre GBKP. Mari sipersiapken dirinta gelah Mamre zaman milineal enda tuhu-tuhu tangguh ras berkualitas; bagi Job si la erbahan si jahat, tetap ngasup jadi teladan, care/peduli nandangi anak ras isi jabuna ras tutus ersembah man Tuhan.
Mamre igelari sebage imam ertina Mamre eme selaku pendoa nandang anak ras isi jabuna sekaligus selaku teladan.
Kai banci sibuat makna cerita Job enda nandangi kegeluhen PERMATA GBKP? Sue ras tujun PA enda maka sekurangna lit dua eme:
- Gelah PERMATA GBKP ngidah ras nggejap uga ketangguhen kiniteken sekalak Job selaku orang tua; Job eme orang tua si sangat peduli nandangi kegeluhen pertendin/kiniteken anak-anana; keteladanen geluh Job eme jadi contoh sepanjang sejarah kegeluhen manusia guna si usih.
- PERMATA GBKP (sidilaki ras sidiberu) sibakal jadi orang tua, patut meneladani/ngusih kegeluhen Job alu ngidah maka ngkelengi anak e eme tanggung jawab si la banci i tawar-tawar/mutlak sebab anak e eme titipen Dibata man orang tua.
Ngidah bage belinna tanggung jawab orang tua man anakna, kai banci ibahan PERMATA GBKP man Mamre selaku bapa ibas HUT Mamre pe-25 ken enda?
IV. DISKUSI RAS AKSI
- Cuba diskusiken erpalasken kitab Job 1:1-5, uga nge karakter sekalak bapa si tangguh ibas ngalaken perbeben kegeluhen janah kai nge si erbahansa Job menang ibas perbebenna nari!
- Aksi: Mejile adi ibas wari minggu ngenca PA enda PERMATA GBKP erbahan aksi alu mpersiapken acara ras perayan HUT Mamre ibas perminggun. La saja arah nikapken kue ulang tahun, tapi pe arah persembahen pujin/acara kenca dung kebaktin minggu tanggal 22 Agustus 2020.
V. USULAN LAGU
- KEE. 056 – Bapa Si Perkuah
- Bapaku, Ajiab s’gala rancangan-Nya
- KEE. 059 – Keleng Atendu Tangkas Bangku
Pdt. Hermanto Tarigan, M. Th.
(Pendeta Mamre GBKP)