Karakter Mamre (Setia)
Ogen : Josua 23:1-8
Tema : Setia I bas Kiniteken
Tujun : Gelah Mamre:
- Meteh erti setia i bas kiniteken
- Ngasup ncidahken biak-biak setia ibas kegeluhenna
Metode : Diskusi
Pidato perpisahan Yosua kepada para pemimpin bangsa itu
23:1 Lama setelah TUHAN mengaruniakan keamanan kepada orang Israel ke segala penjuru terhadap semua musuhnya, dan ketika Yosua telah tua dan lanjut umur, 23:2 dipanggilnya seluruh orang Israel, para tua-tuanya, para kepalanya, para hakimnya dan para pengatur pasukannya dan berkata kepada mereka: “Aku telah tua dan sangat lanjut umur, 23:3 dan kamu ini telah melihat segala yang dilakukan TUHAN, Allahmu, kepada semua bangsa di sini demi kamu, sebab TUHAN, Allahmu, Dialah yang telah berperang bagi kamu. 23:4 Ingatlah, aku telah membagikan dengan membuang undi bangsa-bangsa yang masih tinggal ini kepada suku-sukumu menjadi milik pusakamu, seperti juga semua bangsa yang telah kulenyapkan hari itu, mulai dari sungai Yordan sampai ke Laut Besar di sebelah matahari terbenam. 23:5 Dan TUHAN, Allahmu, Dialah yang akan mengusir dan menghalau mereka dari depanmu, sehingga kamu menduduki negeri mereka, seperti yang dijanjikan kepadamu oleh TUHAN, Allahmu. 23:6 Kuatkanlah benar-benar hatimu dalam memelihara dan melakukan segala yang tertulis dalam kitab hukum Musa, supaya kamu jangan menyimpang ke kanan atau ke kiri, 23:7 dan supaya kamu jangan bergaul dengan bangsa-bangsa yang masih tinggal di antaramu itu, serta mengakui nama allah mereka dan bersumpah demi nama itu, dan beribadah atau sujud menyembah kepada mereka. 23:8 Tetapi kamu harus berpaut pada TUHAN, Allahmu, seperti yang kamu lakukan sampai sekarang.
KATA PENARUH
Kinipaguhen kiniteken sekalak jelma tentu teridah arah kesetian ras ketutusenna ersembah man Dibata. Kalak si setia ersembah man Dibata, igambarken sebage kalak si megegeh kinitekenna. Aminna pe erbage-bage si man dalanken i bas kegeluhenna, kesetian e tetap nge jadi asamna nggeluh i bas Tuhan. Melala ka pe ajuken-ajuken si reh man bana, tetap nge ijagaina kesetianna man Dibata. Tentu enda me si perlu kal irenungken ras igumuli Mamre i bas geluhna. Kuga ia njagai geluhna gelah teridah kesetianna man Dibata. Megati ka nge Mamre celus i bas hal sie. Si kin arusna arah perbahanenna me Mamre nuduhken kesetianna man Dibata, tapi kedungenna Mamre e ka nge si perlu iuji kesetianna. Sie kerina banci jadi erkiteken buena ajuken-ajuken si ersura-sura mabai Mamre reh dauhna i bas Dibata nari. Erkiteken situasi sie me maka perlu kal iorati kerna kesetian erkiniteken man Mamre, gelahna ngasup jadi usihen i bas nuduhken kesetian erkiniteken man Dibata.
URAIAN
Bahan ogen enda eme sada bagin i bas pedah (pidato perpisahen) Josua si perpudina kal man bangsa Israel. Sanga Josua nehken pedahna e, usiana enggo metua kal (Jos. 23:2). E maka pedah si iberekenna e igambarken sebage pedah si perpudina kal ntahpe pedah si isehken sope Josua ndungi kegeluhenna bas doni enda. Pedah e enggo bagi sada “amanah” si isehken man bangsa Israel lako banci idalankenna. Labo lit situasi si sulit paksa sie si erbahansa Josua arus nehken pedahna man bangsa Israel. Labo erkiteken lit gangguan i bas bangsa-bangsa si deban ntahpe I bas “internal” bangsa e. Tapi ituriken i bas Josua 23:1 nina: “Ndekah denga kenca sie TUHAN mereken keamanen man bangsa Israel i bas musuh-musuhna nari si lit isekelewetna”. Arah ayat enda ituriken maka situasi dame ras aman si igejapken bangsa Israel banci jadi erkiteken kuasa Dibata. Ertina maka Dibata erdahin lako njagai situasi kegeluhen bangsa e. Emaka labo lit ia erperang ras bangsa si deban. Bagepe sapih-sapih ia labo lit turah perubaten ras perjengilen si erbahansa turah kesirangen i bas ia. Situasi si aman e pe enggo ipetangkas i bas Josua 22:4; maka bangsa e pe enggo isuruh mulih ku kutana i daerah Timur Lau Jordan si ibereken Musa. Bagem dame ras tenengna kegeluhen si igejapken bangsa e. Janah sie kerina igejapkenna jadi sada bagin pemere i bas Dibata nari.
Pedah si penting si isingetken Josua man bangsa Israel eme kerna perbahanen Dibata. Lit piga-piga hal si penting si isingetken Josua man bangsa lsrael kerna perbahanen Dibata si mbelin e, emakap:
- Dibata ikut erperang ras bangsa Israel.
Kesaksin si isehken Josua man bangsa Israel eme nginget kuga Dibata ikut erperang guna engkawali bangsa Israel i bas taneh Kanaan e. Ngasup bangsa Israel naluken kerina bangsa si lit isekelewetna labo erkiteken gegeh ras kengasupenna. Tapi sie kerina jadi erkiteken Dibata si engkawali dingen nampati bangsa e. Alu kuasaNa si la tersipati manusia e, isampatiNa me bangsa Israel naluken bangsa-bangsa si lit i taneh Kanaan e. Enda me buktina maka Dibata tetap i bas padanNa lako engkawali kegeluhen kalak si erkemalangen man baNa.
- Kuasa Dibata si mpelawes bangsa-bangsa si deban.
Penemani ras pengkawali Dibata labo terjeng bangsa e enggo bengket ras ngiani taneh Kanaan saja ngenca. Tapi kidekah ia ngiani taneh si ipadanken Dibata e, tetap nge ijagai ras ikawali Dibata ia (bnd. Jos. 23:5). Dibata me pagi si erbahanca kiam bangsa-bangsa si deban e. Alu bage, Dibata tetap kap nemani kegeluhen bangsa e alu mereken gegeh ras kuasa man bana. Jenari gegeh ras kuasa e banci ipakekenna guna mpetangkas kerina sura-sura Dibata man doni enda. Enda me tandana Dibata nggeluh itengah-tengah bangsa e.
- Dibata nikapken taneh Kanaan si jadi sikerajangen bangsa lsrael.
Persinget Josua kerna perbahanen Dibata labo terjeng Dibata ikut erperang ras bangsa lsrael. Tapi iturikenna kuga Dibata enggo mereken ras mbagiken taneh Kanaan e man bangsa Israel. Taneh si ibereken Dibata e jadi sada pemere si mbelin dingen jadi ingan tading man bangsa Israel. Sabab ndekah me ia banci engkuasai taneh si ibereken Dibata e man bana (bnd. Jos. 23:5). Ertina maka taneh si ialokenna e banci nge ipakeNa lako ndahiken kegeluhenna bagepe encukupi kerina siniperlukenna.
Gelahna kerina si ipadanken Dibata e banci jadi, la banci lang arus ituduhken Bangsa Israel tandana ia sikerajangen Dibata. Arus me Bangsa Israel metenget ngikuti dingen ngelakoken kerina si ipadanken Dibata man bana (bnd. Jos. 23:6). Kerina si isuraken Dibata e enggo isuratken i bas Undang-undang Musa. Emaka tanggung jawab bangsa Israel eme ngelakoken kerina si iperantahken Dibata erkelang-kelangken Musa. Sie kerina arus jadi cikepenna i bas geluhna. Alu kata si deban, bangsa lsrael arus nggeluh setia ilebe-lebe Dibata. Aminna kai kin pe si arus ialakenna I bas geluhna, bangsa e arus nge tetap njagai kesetianna i bas erkiniteken man Dibata. Biak si bage nge si ngena ate Dibata. Sabab labo ipindo Dibata kerina si enggo iberekenNa man bangsa e. Tapi si ipindona eme kesetian, setia nggeluh rikutken sura-sura Dibata. Janah enggo ituduhken bangsa e situhuna kesetianna ilebe-lebe Dibata si isaksiken Josua. Kesetian e me siiarapken Josua tetap ijagai bangsa Israel kidekah umur geluhna.
APLIKASI
I bas perdalanen geluhna, tentu Mamre enggo ngidah kuga belinna situhuna perbahanen Dibata man bana. Mamre enggo naksiken maka keleng ate Dibata pe labo ersibar i bas geluhna. Janah idemi Dibata pe kegeluhen Mamre sampur alu erbage-bage pasu-pasu ras keleng ate. Nginget sie me maka Mamre arus nggeluh setia i bas Dibata. Sabab labo lit hal si deban si ipindo Dibata man Mamre seakatan nggeluh setia. Kesetian arus min jadi karakter Mamre si erkiniteken. Tentu siutamana eme kesetian i bas erkiniteken man Dibata. Jenari kesetian e pe situduhken ku bas jabu, pendahin, masyarakat bagepe i bas dampar si deban. Ertina maka Mamre si setia eme si jadi usihen man kerina jelma si lit isekelewetna. Bahanlah min kesetian e jadi asam Mamre nggeluh i bas Tuhan. Alu bage situhuna lanai min lit perbeben Mamre kerna kinilaaktifen Mamre i bas dahin-dahin gereja, ntahpe engkai maka la enterem Mamre si pulung. Sabab adi ikataken sekalak Mamre ningen e, eme perbapan si erkiniteken. Oratna min perbapan si erkiniteken arus ka nge ia setia erkiniteken man Dibata. Ipakekenna me geluhna guna kemulian Dibata.
DISKUSI
- Diskusikenlah kai nge palasna maka Josua ngajuk bangsa Israel nggeluh setia man Tuhan?
- Turikenlah pengalamenta nuduhken kesetianta i bas erkiniteken man Tuhan Subuk arah jabu, pendahin bagepe lingkungen masyarakatta! Janah kai ulih si idatken kita arah kesetian e?
USULEN ENDE -ENDEN
- KEE GBKP No. 283 :1 -3
- KEE GBKP No. 75:1-3
- KEE GBKP No. 407: 1,-
- KEE GBKP No. 182:1-3
Pdt. Dicky A. Bangun, M.Th
HP. 081263231231