HUT SAITUN
Ogen; Matius 15:1-9
Tema; “Hamatilah Orangtuandu”
Tujun GELAH MAMRE
- Gelah Mamre meteh Pedah Dibata kerna mehamat man orangtua.
- Mehamat man orangtua (Saitun) erpalasken Kata Dibata.
Metode: Diskusi
15:1Kemudian datanglah beberapa orang Farisi dan ahli Taurat dari Yerusalem kepada Yesus dan berkata:
15:2″Mengapa murid-murid-Mu melanggar adat istiadat nenek moyang kita? Mereka tidak membasuh tangan sebelum makan.”
15:3Tetapi jawab Yesus kepada mereka: “Mengapa kamupun melanggar perintah Allah demi adat istiadat nenek moyangmu?
15:4Sebab Allah berfirman: Hormatilah ayahmu dan ibumu; dan lagi: Siapa yang mengutuki ayahnya atau ibunya pasti dihukum mati.
15:5Tetapi kamu berkata: Barangsiapa berkata kepada bapanya atau kepada ibunya: Apa yang ada padaku yang dapat digunakan untuk pemeliharaanmu, sudah digunakan untuk persembahan kepada Allah,
15:6orang itu tidak wajib lagi menghormati bapanya atau ibunya. Dengan demikian firman Allah kamu nyatakan tidak berlaku demi adat istiadatmu sendiri.
15:7Hai orang-orang munafik! Benarlah nubuat Yesaya tentang kamu:
15:8Bangsa ini memuliakan Aku dengan bibirnya, padahal hatinya jauh dari pada-Ku.
15:9Percuma mereka beribadah kepada-Ku, sedangkan ajaran yang mereka ajarkan ialah perintah manusia.”
KATA PENARUH
Ibas HUT Saitun si pe 25 ken ibas tahun enda, Mamre pe ipersingeti ibas PA nta enda gelah mehamat nandangi orangtua, bagepe nandangi kalak si enggo metua. Mehamat man orangtua (Bapa ras Nande) e me perintah ibas Tuhan nari, si tersurat ibas Pedah si pe 5 ken 10 Pedah Dibata, nina: “Mehamatlah man bapandu ras nandendu, gelah banci kam ndekah nggeluh i bas negeri si Kubereken man bandu pagi.” Disamping perintah gelah nande – bapa ihamati, erpadan Dibata man singelakoken pedah enda mereken umur si gedang. Man kerina Mamre berlaku perintah ras padan enda.
Tugas Mamre ibas HUT Saitun enda ertupang. Tugas sipemena tentu “mehamat man bapa ras nande bagepe kalak si enggo metua'”. Tugas sipeduaken e me: ngajari ras mendidik anak-anakta sendiri gelah mehamat ka nandangi bapa ras nandena. Gelah umurna pe pagi ipegedang Dibata sue ras padanNa. Tentu kita pe sebagai orangtuana meriah ukurta adi anak-anakta ndalinken pedah Dibata janah kita pe ndatken kehamaten ibas anak-anakta nari.
URAIAN
Piga-piga kalak Parisi ras guru-guru agama Yahudi nungkun man Yesus: “Engkai maka ajar-ajarNdu la ngikuti adat nini-nininta? Ope man la iburihina tanna rikutken adat sindekah? La secara langsung ijabap Yesus penungkunen kalak enda, tapi icidahken Yesus kesalahen kalak Parisi ras guru-guru agama Yahudi, e ngergaken adat manusia lebih asangken ndalanken Pedah Dibata, niNa: “Kam pe ngkai maka ilanggarndu pedah Dibata erkiteken atendu patuh man adat si ndekah saja?” Mehamat man bapa ras nande e me perintah Tuhan si arus ipatuhi kalak Yahudi. Tapi menurut kalak Parisi ras guru-guru agama Yahudi, perintah enda banci la idalinken adi enggo leben ia erpadan mpersembahken erta-ertana sebagai korban man Dibata ras rumah pertoton. Umpamana, lit sekalak si orangtuana tuhu-tuhu musil, janah sekali jadi reh orangtuanae man bana mindo penampat. Anakna e banci la nggit nampati orangtuana alu alasen maka kerina erta-ertana enggo iendeskenna jadi “korban” man Dibata ras ruman pertoton. Emaka banci ikatakenna man orangtuana, “sentabi kal bapa ras nande la tersampati aku kam, saban kerina erta- erta si lit enggo kuendesken man Dibata. Situhuna, enggo pe ipersembahken man Dibata banci ibatalken guna nehi pedah Dibata engkelengi orang tua. Emaka maksud Yesus, engkai maka ipake kalak Parisi penafsiren Undang-undang, e me tradisi sindekah guna ngelawan pedah Dibata kerna mehamat nandangi orangtua? Ganjangen kin adat sindekah asangken Pedah Dibata? Lang!
I jenda me pertentangen antara kalak Parisi ras Yesus, e me perbedaan kerna erti er-agama. Ibas kalak Parisi ras guru-guru agama Yahudi, agama eme “ketaatan ndalanken aturen-aturen ras upacara-upacara keagamaan, umpamana kuga cara si benar ibas murihi tan ope man; enda merupaken sada keharusen si arus ipatuhi segedang geluhna. Tapi menurut Yesus, agama emekap “sesuatu” si inganna ibas pusuh peraten; sesuatu yang menghasilkan “perasaan kasih”, keleng ate, ras perbahanen simehuli (kebaikan). Yang melampaui semua aturan-aturan. Secara singkat, menurut kalak Parisi, kebaktian e me upacara (ritual) ras aturen perayaan. Tapi menurut Yesus, kebaktian e me mbentuk pusuh peraten si bersih ras kegeluhen si dem keleng ate (loving life).
Menurut Yesus, la banci kai pe ijadiken kalak alasen la mehamat man bapa ras nandeta. Perintah Dibata ibas pedah sipe 5 ken arus ipatuhi, idalinken ibas kegeluhen. La banci terjeng biber saja, la banci cakap ngenca mehuli man orangtua tapi la rikut ras perbahanen. Perintah Tuhan “mehamatlah man bapandu ras nandendu…” la lit tawar menawar. La terjeng ibelasken alu responsoria ibas liturgi- liturgi kebaktinta, tapi kai sibelasken kita ibas kebaktin arus iikuti alu perbahanen si konkrit. Enda me sura-sura Dibata, si ikataken Yesus man kalak Parisi ras guru-guru agama Yahudi bagepe man banta Mamre.
APLIKASI
Motto Mamre “Mediate ras Erpemere” si praktekken lebe, pertama-tama man orangtuanta sekalak-sekalak, ras kalak si enggo metua ibas perpulungenta. Kuga kin bentukna mehamat ras erkeleng ate man bapa ras nandeta? Kai kin si iarapken orangtua ibas anak-anakna nari? Pertama-tama, kita harus rusur berkomunikasi. Adi orangtuanta tading ras kita, arus rusur si sungkun, enggo ia man entah langa, bagepe adi sangana kurang sehat arus rusur situngkirken, sungkun keadaanna. Bagepe situkur keperlunna, la muat Buena ras mejilena, tapi igeiapna maka keleng ateta ia, bagepe mediate kita man bana. Bagepe, adi kita tading ndauh ibas orangtuanta nari, usahaken rutin ertelefon, berkomunikasi. Adi lit HP na si isi pulsana secara rutin, sitik-sitik saja. Mbue pe sen orangtuanta, jadi atena adi siperdiateken ia ibas hal-hal si kitik sajalah lah gia. Me labo hal si sulit enda man lakoken? Sibiasaken mediate man orangtua, pasti la sebagai beban man banta. Kuga ka caranta ndidik anak-anakta gelah ia pe mehamat man bapa ras nandenna?
Adi kitik-kitik denga anakta, mehuli adi sibaba ia sanga kita ndahi orangtuanta (ninitudung ras ninibulangna), iidahna kita berkomunikasi bagepe adi kita mereken hadiah man orangtuanta, entah pe man kalak si enggo metua. Anak-anak lebih ndatken pelajaren arah contoh ras teladan orangtuana. Bage silakoken rusur seh ia mbelin. Ajar arah perbahanen lebih megegeh asangken arah kata-kata. Tole, kita sebagai bapa itengah-tengah jabunta, arus kita rusur berkomunikasi ras anak-anaknta. Ibas kita kalak Karo, lit kesemalenta maka sekalak perbapan kurang berkomunikasi ras anak-anakta. La kita sabar, la kita ngasup megikenca ndekah adi anaknta ngerana man banta. Ibas pendidiken modern, anak-anak berhak ngerana man orangtuana, janah berhak ia ibegiken alu tutus. Adi sibegiken ia ngerana janah la sijabapi ngelawan ia, ia merasa iergaken ras iperdiateken. Meherga akapna bana, bertumbuh percaya dirina. Emaka adl enggo ka kita metua, pasti metedeh atena engkelengi ras nghamati kita. Arah perbahanenta si mehuli man bana enggo ia sididik “mehamat man bapana ras nandena” ndalinken Pedah Dibata. Me labo mesera ndalinken sibagenda rupana? Sicubakenlah, pasti berbeda kualitas hubungenta ras anak-anakta.
DISKUSI/SHARING
- Turiken uga harusna hubungen antara orangtua ras anak erpalasken ogentapengalamenta sekalak-sekalak,
- Kuga hubungenta ras orangtuanta, ras kai nge si paling ituntut orangtuanta ibas kita nari? Mesera nge ndalinken / nehi tuntutenna e? Ras bayangken adi kita enggo metua, kai nge siarapken kita ibas anak-anakta nari?
USULEN ENDE-ENDEN
- KEE GBKP No. 204:1,4,5
- KEE GBKP No. 249:1,4, 5;
- KEE GBKP No. 92:1-2;
- KEE GBKP No. 263:1-2
Pdt. Matius Panji Barus M.Th