Kisah Para Rasul 10: 1 – 8
Petrus dan Kornelius10:1 Di Kaisarea ada seorang yang bernama Kornelius, seorang perwira pasukan yang disebut pasukan Italia.
10:2 Ia saleh, ia serta seisi rumahnya takut akan Allah dan ia memberi banyak sedekah kepada umat Yahudi dan senantiasa berdoa kepada Allah.
10:3 Dalam suatu penglihatan, kira-kira jam tiga petang, jelas tampak kepadanya seorang malaikat Allah masuk ke rumahnya dan berkata kepadanya: “Kornelius!”
10:4 Ia menatap malaikat itu dan dengan takut ia berkata: “Ada apa, Tuhan?” Jawab malaikat itu: “Semua doamu dan sedekahmu telah naik ke hadirat Allah dan Allah mengingat engkau.
10:5 Dan sekarang, suruhlah beberapa orang ke Yope untuk menjemput seorang yang bernama Simon dan yang disebut Petrus.
10:6 Ia menumpang di rumah seorang penyamak kulit yang bernama Simon, yang tinggal di tepi laut.”
10:7 Setelah malaikat yang berbicara kepadanya itu meninggalkan dia, dipanggilnya dua orang hambanya beserta seorang prajurit yang saleh dari orang-orang yang selalu bersama-sama dengan dia.
10:8 Dan sesudah ia menjelaskan segala sesuatu kepada mereka, ia menyuruh mereka ke Yope.Perbahanen Rasul-Rasul 10: 1 – 8
Petrus ras Kornelius10:1 I Kesarea lit sekalak dilaki gelarna Kornelius. Ia sekalak komandan i bas pasukan tentera Romawi si igelari “Pasukan Itali”.
10:2 IA kalak si tutus i bas agama; ia ras isi jabuna nembah man Dibata. Isampatina kalak Jahudi si musil janah la erngadi-ngadi ertoto ia ku Dibata.
10:3 Sekali jadi kira-kira jam telu karaben ialokenna sada pengenehenen. I bas pengenehenenna idahna alu tangkas sekalak malekat Dibata bengket ku bas rumahna. Nina malekat e man bana, “O Kornelius.”
10:4 Itatap Kornelius malekat e alu dem kebiaren, janah nina, “Kai Tuan?” Erjabap malekat ndai, “Pertotonndu enggo ibegiken Dibata. Enggo idahNa kai si enggo ibahanndu nandangi kalak si musil, janah enggo ingetNa pe kam.
10:5 Genduari, suruhlah piga-piga kalak ku Jope guna ngelegi Simon si igelari pe Petrus.
10:6 IA kesilang i rumah sekalak tukang kulit, gelarna pe Simon. Rumahna e i tepi lawit.”
10:7 Kenca lawes malekat e, idilo Kornelius dua kalak juak-juakna ras sekalak perajurit si tutus ku Tuhan e me sekalak ajudanna.
10:8 Iturikenna man kalak e kai si enggo jadi, jenari isuruhna ia lawes ku Jope.
NGERGAKEN MAMRE SELAKU IMAM I BAS JABU
(HUT MAMRE GBKP)
TUJUN: Gelah Moria:
- Meteh maka Kornelius ngelakoken dahin selaku
- Ngasup njemba perbulangen jadi imam jabu.
METODE PA: Diskusi ras Aksi
Kata Penaruh
Tep-tep manusia lit kerina turi-turin geluhna, lit kerina si mehuli si man usihen i bas geluh. Kuga ia i tengah jabu, i bas ingan erdahin, i tengah masyarakat bagepe i bas kegeluhen kinitekenna si merincuh kita rusur metehsa. Adi si perdiateken i bas perkembangen kegeluhen sosialta, mbelin kal kerincuhen masyarakat meteh, ndarami ras ncakapken kegeluhen pribadi kalak kususna si erkawiten ras kalak si nterem. Janah tokoh ntah sosok si iperdiateken e, kuga gia latarbelakang kegeluhenna tapi umumna, lit pilihen geluh si isaksikenna i bas ia ndalani geluhna. Amin, megati lit si “pro-kontra” i bas situasi si bage rupana tapi la sitik turi-turin ntah pe sejarah geluh (biografi) sekalak jelma jadi usihen i bas geluhta.
Bageme arapenta i bas HUT Mamre enda, kuga perbapan GBKP i tengah jabu banci jadi usihen arah “biografi” geluhna selaku perbulangen ras bapa i tengah jabu. Erlajar kita arah kegeluhen sekalak dilaki si tergelar Kornelius.
Mpebagesi Pengankan Kerna Ogen.
Kornelius eme sekalak komendan i bas pasuken Romawi si tergelar ‘pasuken Itali’, ia tading i Kesarea. Ituriken i bas bahan PA-nta enda piga-piga biak si banci iumban ras iusih selaku bapa i tengah jabu:
- Ia sekalak si tutus i bas agama, tentuna Lukas sinuratken Perbahanen Rasul-rasul enda jelas ngidah ketutusen Kornelius selaku kalak si tek man Jesus, aminna gia la ia kalak Jahudi. Tentuna kata tutus si isuratken enda alu perbandingen ras kalak sideban.
- Ia ras isi jabuna ersembah man Tuhan, amin gia ia labo kalak Jahudi, si isembahna erpalasken Jesus Kristus si enggo isaksiken rasul-rasul paksa e.
- Nampati kalak musil, ilakokenna e erpalasken erkemalangen man Tuhan. Labo ngenca hubungenna ras Dibata si ijagaina dingen ipekenana tapi kegeluhen erguna, mediate alu nampati si musil jadi sada perayakenna.
- La erngadi-ngadi ertoto man Dibata (tradisi Jahudi ertoto 3 kali sada wari ku Dibata) (Daniel 6:10) tapi isuratken alu kata ‘la erngadi-ngadi’ ngataken maka geluhna geluh si ertoto la ibatasi ruang, waktu ras ingan.
- Kornelius labo kalak Jahudi, kecibalna si labo Jahudi e mpeturah persoalen man kalak si Jahudi. Tapi Kornelius la surut erdandanken statusna. Justru rumahna ibahanna jadi ingan kesilang kalak si mperimbang ia.
- Kornelius patuh ngikutken perentah malekat, ngelegi Petrus gelah reh ku rumahna guna ngajarken Kata Dibata man Kornelius ras isi jabuna. Kerehen Petrus ku rumah Kornelius, nuduhken dalan maka kalak si labo Jahudi pe banci bengket ku bas rarasen Kristus Jesus.
Bagenda me biak ras perbahanen si Kornelius i bas jamanna. Ketutusenna e erbahanca maka lit tuhu-tuhu hubungen si mehuli manusia ras Dibata. Icidahken Dibata perkuah ateNa alu mpejumpakenca ras Petrus. Enda pe tentu erkiteken la patuh nandangi persuruhen Dibata.
Pengkenaina.
Kerina Mamre GBKP erbage-bage pendahin (profesi), keahlinna janah erbage-bage ka perayakenna nggeluh. Amin bage gia, ia tetap nge sekalak perbulangen dingen bapa man anak-anakna. Erbage tanggungjabap si ilakokenna i bas pendahin (publik) mbelin ka pe dahin ras tanggungjabap i bas jabu, la saja kerna ekonomi, pendidiken, sosial budaya tapi pe kiniteken. Banci saja buen Mamre-nta langa bo “focus” ku bas sie, emaka tuhu-tuhu iarapken Moria GBKP ngasup ras nggit mereken dukungen man Mamre i bas nikapken dirina guna jadi imam i bas jabu. Simotivasi dingen si arak-arak ia, sabap dukungen dingen motivasi sekalak ndehara banci nikapken Mamre guna sie. Tanggungjabab Moria la saja nandangi anak tapi pe perbulangen, sabap kiniulin ras kemalemen ate turah arah isi jabu si radu ras erkiniteken dingen ersembah man Tuhan. Situhuna kita secara pribadi eme imam man dirinta sekalak-sekalak. Ertoto, ersembah dingen muji Dibata, lanai erkelang-kelang. Tapi i bas jabu arus radu ras kita ersembah muji Tuhan janah i je banci si ergaken Mamrenta si mabai isi jabu ersembah. Mamre labo terjeng simbol ntah pelengkap saja, tapi geluh Mamre pe banci naksiken maka ia rigasup mabai isi jabuna i bas ersembah, jadi usihen man kalak sideban.
Diskusi ras Aksi.
- Turiken kiniulin si Kornelius i bas ogenta. Kenca bage kai kiniulin
Kornelius si lit i bas Mamrenta? - Tulisken ntah pe turiken biografi perbulangenta arah penandai ras
pemetehta! - Undang Mamre gelah hadir i bas PA Moria, janah ras-ras mperingeti
HUT Mamre GBKP ke-25,
Pdt. Suenita Sinulingga