Si Man Ogen
1 Korintus 4: 15 – 16
4:15 Sebab sekalipun kamu mempunyai beribu-ribu pendidik dalam Kristus, kamu tidak mempunyai banyak bapa. Karena akulah yang dalam Kristus Yesus telah menjadi bapamu oleh Injil yang kuberitakan kepadamu.
4:16 Sebab itu aku menasihatkan kamu: turutilah teladanku!4:15 Sabap bicara lit gia sepuluh ribu kalak gurundu selaku kam kalak Kristen, bapandu labo mbue. I bas kegeluhenndu selaku kalak Kristen aku me bapandu, sabap aku nge si maba Berita Si Meriah man bandu.
4:16 Dage kupindoken man bandu: Usihlah aku.
JADI GURU RAS USIHEN
TUJUN: Gelah Moria:
- Ngidah maka Paulus jadi guru si pemena ras usihen man perpulungen Korinti.
- Pang ngataken maka ia me guru si ngajari ras jadi usihen man anak-anakna.
METODE PA: Sharing ras Nonton bersama
Kata Penaruh
Genduari enda la sitik orangtua lanai ngasup mereken usihen (teladan) si mehuli man anak-anakna. Megati pe adi iajarken orangtua anakna, mis ijabapna nina: papa dan mama juga begitu…’ Enda gelarna krisis integritas. Integritas ertina: sue kata ras perbahanen. Adi genduari ngajarken anak la lit ertina adi arah cakap/babah saja tapi arus tudu ras perbahanenta. Lit rusur belas-belas anak si nguda nina: ‘adi cakap saja la lako mpal!’ Arah topik, ogen, tujun ras tema PA minggu enda isungkun kita selaku nande (Moria): enggo nge kita pang ras ngasup jadi usihen i tengah- tengah jabunta, Gereja ras masyarakat?
Mpebagesi Pengangkan Kerna Ogen.
I bas ayat 15, Rasul Paulus ngataken man perpulungen Korinti maka ia me bapa rohanina, sabap ia jine si maba Berita Si Meriah man perpulungen Korinti. Selaku bapa, Paulus mindo man perpulungen gelah ngusih biak (karakter) Paulus. Pang ia ngataken: “usihlah aku!” Kata “usihlah aku!” (ay. 16) sada kalimat singkat ras sederhana. Tapi adi iukuri alu mbages kata e la sederhana. La mungkin Paulus selaku Rasul Kristus pang ngataken “usihlah aku,” adi ia la ngasup ncidahken keteladanen i bas ia meritaken Kata Dibata. Paulus ngajuk perpulungen Korinti ngusih ia erkiteken kegeluhen perpulungen e lanai sentudu kata ras perbahanen. Penungkunen: engkai maka Paulus ngasup jadi usihen? Jabapna, erkiteken tuhu-tuhu kal ihayatina keleng ate Dibata alu dem pengataken bujur. Erkiteken geluhna dem pengataken bujur emaka ngasup ia njadiken geluhna jadi surat Dibata si nggeluh.
Metode si ipake Paulus i bas meritaken keselamaten e eme arah cara geluhna si teptep wari. Ketulusenna i bas erdahin, kebujurenna ngalaken jelma si enterem bage pe kepatuhenna ndalanken Kata Dibata. ‘Ada orang yang mampu menunjukkan nilai-nilai kebenaran dalam hidupnya sehingga mampu memberi pengajaran tersendiri meski tanpa mengucapkan kata kata sekalipun; sebaliknya ada orang yang terus berbicara tapi hasilnya tidak maksimal karena tidak disertai dengan contoh nyata dari cara atau sikap hidupnya dan itu akan sia-sia saja pada akhirnya.’
Jadi i bas kata usih, ituriken Paulus alu dua status, eme bapa ras guru. Banci melala guru si ngajari tapi si jadi bapa diri Paulus ngenca. Ertina bapa ras guru e lit i bas diri Paulus. Selaku bapa, ia jadi guru nandangi perpulungen. Ia ngajari alu kata dingen mereken usihen arah perbahanen. Arah duana status si lit i bas dirina maka pang ia guna iusih si nterem.
Pengkenaina.
Tema eme: jadi guru ras usihen. Jadi guru la mesera; si mesera eme jadi usihen, sabap adi jadi usihen maka ia ber-integritas, tudu kata ras perbahanen. Guna si e la menukah ndalankenca.
Si iperluken anak-anakta genduari labo pengajaren kerna nggeluh i bas kebenaren, tapi sebuah alat peraga’ si banci jadi usihen i bas orangtuana nari, Titus 2:7 ngataken: “Janah kami bas kai pe arus jadi usihen kerna dahin si mehuli. Tutus min atendu dingen ergiah-giah ukurndu ngajar.
Sabap anak-anakta lebih pedas ngenehen dingen ngusih asangken megi ras ndalanken. Genduari ikataken jaman Milenial, kerina make alat enda teknologi si canggih, informasi pedas seh man banta. Adi la kita ersikap make alat teknologi informasi enda, alu la si sadari kita tergiring ku bas individualis, egosentris. Individualis, egosentris ertina ngukuri dirina jine lanai ermediate man anak jabu bage pe sekelewetna. Lit istilah: ‘si ndauh jadi ndeher, si ndeher jadi ndauh’. (umpamana: banci nge i bas sada jabu, bapa, nande ras 2 anak berkat i Binjai nari ku Medan i bas sada mobil la lit cakap-cakap/komunikasi erkiteken asyik kerina er-HP). Contoh enda ncidahken maka bapa ras nande la ngasup jadi usihen si mehuli. Enggo nge ndia Moria ngasup ras pang ngataken man isi jabuna, man tetangga ras man kerina jelma: ‘usihlah aku!‘.
Jadilah Moria si ndalanken kai si ibelaskenna ras mbelasken kai si enggo idalankenna.
Sharing Ras Nonton Bersama:
Kenca narasumber mereken penjelasen, iterusken alu nonton bersama jenari ibuka percakapen kerna tekad Moria jadi usihen.
Judul : Jadilah teladan
Film https://www.youtube.com/watch?v-507eixWLgAw
https://www.youtube.com/watch?v-507eixWLgAw
Pdt. Hermanto Tarigan
