(MUPEL MAMRE)
Ogen: Heber 12:1-3
Tema: Kempak Jesus Kita Natap
Tujun Gelah Mamre:
- Meteh maka Jesus me ulu ras tujun kerina perayaken geluh masa depan
- Ikut notoken ras muat bagin ibas MUPEL MAMRE guna kemulian Dibata.
Metode: Diskusi
Nasihat supaya bertekun dalam iman
12:1 Karena kita mempunyai banyak saksi, bagaikan awan yang mengelilingi kita, marilah kita menanggalkan semua beban dan dosa yang begitu merintangi kita, dan berlomba dengan tekun dalam perlombaan yang diwajibkan bagi kita. 12:2 Marilah kita melakukannya dengan mata yang tertuju kepada Yesus, yang memimpin kita dalam iman, dan yang membawa iman kita itu kepada kesempurnaan, yang dengan mengabaikan kehinaan tekun memikul salib ganti sukacita yang disediakan bagi Dia, yang sekarang duduk di sebelah kanan takhta Allah. 12:3 Ingatlah selalu akan Dia, yang tekun menanggung bantahan yang sehebat itu terhadap diri-Nya dari pihak orang-orang berdosa, supaya jangan kamu menjadi lemah dan putus asa.
KATA PENARUH
Konteks ogen eme mbuena singabati ntah pe kiniseran sinihadapi kalak sierkiniteken erkiteken pengaruh dosa pribadina bagepe erkiteken hambaten ibas kalak perdosa nari (ay. 1b, 3). Tapi ipersingeti penulis gelah tetap tutus (bertekun) desken sada perlumban ndalanken singena ateNa, sebab Kristus me ulu ras tujun kerina perayaken geluh kalak si erkiniteken, sebab ije me keselamaten ras keriahen (kerajan Dibata). Emaka ibas perjuangen kalak sierkiniteken ku lebe ndatken masa depanna, kuga gia konteks geluhna gelah tetap min ia fokus ku sumbul ras tujun kiniteken eme meneladani Kristus ibas perjuangen pelayanenna seh mate i kayu persilang guna masa depan manusia yang lebih baik sidem alu dame (keselamaten). Enda me siman pelajarenta ibas PAnta sendah gelah ibas perjuangen Mamre ku lebe siigumuli ibas Mupel sekali enda, tetap natap ras fokus kempak Kristus.
URAIAN
- Penulis mereken nasihat gelah kalak sierkiniteken ibas perjuangen masa depanna desken ibas sada perlumban, gelah menang bagi enterem saksi-saksi kiniteken (orang-orang kudus) i lebena (banci sioge ibas pasal 11). Kata “Perlumban”= agöna (Yunani) = “pertandingan”, “pergumulan”, “perjuangan”. Enda eme ujian kiniteken kalak sierkiniteken seumur geluhna ibas doni enda (nen Heb. 10:23,38; 11:1-40; 12:25; 13:13).
- Sikap ntahpe sipat kalak sierkiniteken ibas perlumban gelah menang eme:
- Ay.1b: ..siaguilah kerina si ngambati i bas perdalanenta, bage pe dosa e si lalap ncirawisi kita….kata “Ngagui” = menanggalkan enda sifatna aktif. Maksudna ibas perjuangen kiniteken adi lit beban dosa si ngabati, eme kelemahen si sifatna kedagingen si ngabati ndalanken si ngena ateNa (kelemahen pribadi), gelah itadingken (jera).
- Perlumban enda arus ilakoken alu tutus (tekun) = hypomones (Yunani) bermakna kesabaran ras ketabahan (bdk. Heb. 10:36; Fil. 3:12-14). Pola ntah teladan ibas perlombaan si isingetken penulis eme: bagi sienggo ilakoken saksi-saksi kiniteken (orang-orang kudus) guna ndatken kemenangen (banci ioge ibas pasal 11:1-40), ia maju terus she garis finis alu sabar ras tabah ibas kiniteken gia mbue hambaten (bdk Heber 6:11-12; 12:1-4). Enda me pe sijadi teladan ibas ketutusen kalak sierkiniteken ibas perjuangen masa depanna ibas Kristus. Bage pe bagi sienggo ilakoken Kristus ibas mersan kayu persilangNa guna nebusi dosa manusia. Jadi tujunna jelas eme gelah kalak sierkiniteken seri ras la ibas kematenNa, kekekenNa ras kemenangenNa, si ija saksi-saksi si leben pe enggo ngalakokenca. (mis. Musa, Abraham, Nuh, Yakub, rsd). Alu bage jelas maka perlumban e tuhu-tuhu perlumban ibas Tuhan Yesus (Fil. 3:14)
- Ay. 12b mereken pengajuk ras motivasi gelah kalak sierkiniteken ibas perjuangen masa depanna ibas Kristus pasti mbue kiniseran bagi sialaken Kristus subuk ibas dirina nari (dosana) bage pe ibas kalak perdosa nari (i luar dirina). Ibas sie nina penulis. ola kitik ukurndu, dingen ola kam putus asa (ay. 3), Tapi tetap semangat guna masa depan lebih baik ibas Kristus.
APLIKASI
Mamre ibas perjuangen ku lebe pasti mbue tantangen. Tantangen enda enggo pasti erkiteken dosa (kelemahen) si ncirawisi kita, baik e arah internalta nari (dari dalam diri sendiri), ump. : SDMnta si kurang, karakterta si la mejile, kebadianta kurang, rsd, bage pe arah eksternal (dari luar diri kita) ump. tuntuten kebutuhen, pendahin, tantangen globalisasi, anti Kristus simenghambat gereja erkembang, kurang kiniersadan, pengurus si kurang ertanggungjawab ntahpe la jadi teladan, rsd.
ljenda Mamre arus ngasup natap ku bas Kristus ibas perjuangen masa depanna, ula putus asa (pesimis) sierbahanca lanai semangat tutus mbangun Mamre GBKP enda. Tapi kita harus tetap semangat mersan kayu persilangta, bagi si iajarken Tuhan Yesus: 16:24 Jenari nina Jesus man ajar-ajarNa, “Ise atena ikut ras Aku arus ipersilahangna bana, ipersanna kayu persilangna jenari ikutkenna Aku” (Mat 16: 24).
Kita arus erlajar man Kristus alu cara mpelajari kataNa alu tutus ras ncontoh la ibas perjuangen keselamaten manusia seh mate i kayu persilang man gunanta. Mupel Mamre eme sada sarana ngukuri masa depan Mamre GBKP ke depan. Tentu mbue tantangen, tapi adi natap man Yesus labo lit simberat guna erbahan maju Mamre GBKP enda. Tutuslah ateta kerina. Biak-biak dosa si ncirawisi ras si ngolangi guna ndatken keputusen pelayanen simejile ibas Mupelta gelah si tadingken. Ula gia kita ndarami kesalahen, matiki pengurus saja, ersoal masalan-masalah kitik, rsd Mbue gia si la bagi ukur, nataplah kita man Yesus, nggengken kiniseran guna kemajun masa depanta.
Mamre GBKP Maju masa depanna.
DISKUSI
- Turiken pengangkanta kerna kata “natap kempak Yesus. Ibas mperjuangken masa depan Mamrenta
- Uri kuga sikap ras sifatta ibas Mupel Mamrenta sekali enda guna ndatken masa depan Mamre si lebih maju ku lebe enda.
USULEN ENDE-ENDEN
- KEE GBKP No. 209:1-2
- KEE GBKP No. 400: 1-2
- KEE GBKP No. 257 1-2
- KEE GBKP No. 350:1-2
Pdt. Seth Perangin-angin, M.Th
HP. 081397340320