NJAYO REH GEGEHNA
“GBKP NJAYO”
Efesus 4: 13 – 16
4:13 sampai kita semua telah mencapai kesatuan iman dan pengetahuan yang benar tentang Anak Allah, kedewasaan penuh, dan tingkat pertumbuhan yang sesuai dengan kepenuhan Kristus,
4:14 sehingga kita bukan lagi anak-anak, yang diombang-ambingkan oleh rupa-rupa angin pengajaran, oleh permainan palsu manusia dalam kelicikan mereka yang menyesatkan,
4:15 tetapi dengan teguh berpegang kepada kebenaran di dalam kasih kita bertumbuh di dalam segala hal ke arah Dia, Kristus, yang adalah Kepala.
4:16 Dari pada-Nyalah seluruh tubuh, yang rapih tersusun dan diikat menjadi satu oleh pelayanan semua bagiannya, sesuai dengan kadar pekerjaan tiap-tiap anggota–menerima pertumbuhannya dan membangun dirinya dalam kasih.4:13 Alu bage dungna ersada kinitekenta ras penandainta kerina nandangi Anak Dibata; kita dewasa, janah dungna seh kita ku tingkat kedewasan Kristus si serta e.
4:14 Alu bage lanai kita bali ras anak-anak, iombang-ambingken galumbang dingen ijole-joleken ku jah ku je alu angin pengajaren kalak penipu; ibabaina kalak si deban papak alu penebu-nebuna si guak.
4:15 Tapi alu nuriken si tuhu-tuhu alu dem ate keleng, reh belinna kita jenari seh ku tingkat kesempurnan Kristus. IA kap takal janah,
4:16 ku IA me kerina kula e irakut. Kerina ringring e iranggut dingen ipersada alu penampat urat si lit i bas ringring e.
Gelah PERMATA GBKP
- Ngasup nuriken kerna GBKP njayo sesuai teks.
- Njayo ras ergegehna ibas daya, dana dan teologi
Metode: Brainstorming
I. BENA KATA
Kata njayo tentu la asing man banta. Istilah enda bahken jadi target nyata man enterem jelma. Gua maka bage? Erkiteken njayo ijadiken simbol kedewasaan. Ibas KBBI (2018), kata njayo ntah mandiri iertiken sebagai kondisi ija sekalak jelma enggo ngasup berdiri sendiri; lanai bergantung ku kalak si deban atau ngasup membiayai kebutuhan hidup sendiri tanpa ndatken penampat ntah sokongen ibas ise nari pe. Amin bage gia perlu kita megermet nandangi pengertin enda, sebab teremen fokus ku pengertin njayo secara materi saja. Misalna, adi sedekah enda kebutuhen geluhta itanggung orang tua denga, kenca njayo, kerína kebutuhen enda enggo si tanggung sendiri. Pemahamen enda labo salah, saja ngenca njayo labo sebatas mandiri secara dana saja. Njayo mencakup geluhta secara holistik (utuh). Baik dana, daya ras caranta rukur.
Ibas cataten sejarahta, Gerejanta GBKP enggo ikataken njayo sejak tanggal 23 Juli 1941 ntahpe 51 tahun kenca sehna berita simeriah man kalak Karo (18 April 1890). Untuk seh ku titik e tentu labo mesunah. Melala tantangen tantangen si harus ihadapi tapi lit ka nge faktor-faktor pendukung kemandirian e. Emaka ibas PA PERMATA GBKP-nta sekali enda, kita bakal menelaah nasta ibas Ef. 4:13-16 ras belajar kerna sejarah benang merah gua mulana gerejanta GBKP enda njayo.
II. ISI
Nas-ta si ibuat ibas Ef. 4:13-16, enceritaken kerna konsep kiniersadaan kula si isehken Paulus man perpulungen i Efesus. Surat enda sendiri ikirim Paulus sangana ia ipenjara. Pengirimen surat enda la terlepas ibas situasi jemaat si tetap aktif nembah man dewi Artemis ntahpe si igelari dewi kesuburen. Emaka ikirimken Paulus surat enda sebagai nasehat, perintah ras himbauan segelahna jemaat enda tetap ersada ras Kristus. Khusus untuk natsta Ef. 4:13-16, lit dua point penting siharus sipahami, eme:
- Tingkat Kedewasaan Kristus (Ay.13-14)
Sipemena eme tingkat kedewasaan Kritus. Si imaksudken Paulus jenda labo sebatas enggo ngaloken pendilo Kritus e saja. Tapi teridah arah ersadana kinitekenta ras penandaita nandangi Anak Dibata; kita dewasa, janah dungna seh ku tingkat kedewasaan Kristus si serta e (ay.13). Opini enda enggo ibangun Paulus mulai ay.1 nari alu persinget “kam enggo idiloNa… Pendilo e teridah arah ukur simetruk, lemah lembut, saber, ras la pergelut (ay.2)”. Menaken kata enda, jemaat igiring ku sada pemahen si seri si tujunna maba jemaat ku tingkat kedewasaan Kristus. Ibas tingkat kedewasaan e, lanai kita bali ras anak-anak si banci iombang- ambingken ntah ijole-joleken ku jah ku je alu angin pengajaren kalak penipu. Apai ka ibabai papak alu penebu-nebuna si guak (ay.14). Intina ibas tingkaten enda kita enggo dewasa secara rohani si enggo iperlengkapi alu pengertin si payo. - Tingkat Kesempurnaan Kristus (Ay. 15-16)
Kenca seh ibas tingkat kedewasaan Kristus si serta e, kita iajuk guna terus nuriken si tuhu-tuhu alu dem keleng ate. si e kerina erbahansa kita dungna reh belinna (semakin dewasa) janah maba kita ku tingkat selanjutna, eme tingkat kesempurnaan Kristus (ay.15). Tingkat kesempurnaan Kristus maksudna jenda labo njadiken kita seri bagi Kristus ntah pe sejajar ras Kristus e. Tingkat kesempurnaan Kristus maksudna kita enggo ersada ras Kristus e (la terpisah). Kristus e me takal janah kita me kulana, janah ku la me kerina kula e irakut janah ipersada alu penampat urat si lit ibas ringring e (ay.16). Kerina enda njadiken kita jadi sikerajangen Kristus si nerapken kita secara khusus man gunaNa. Intina kita nggeluh ibas Kristus.
III. PENGKENAINA
Sejarah Kemandirian GBKP situhu enggo mulai i cakapken menjelang tahun 1940-an. Waktu sie lenga lit GBKP. Si lit eme jemaat Karo i teruh pelayanan Badan Pekabaren Injil Belanda NZG (Nederlands Zendeling Genootschap). NZG enggo menginjili kalak Karo sejak tanggal 18 April 1890 alu mengutus tenaga misionarisna si pemena, Pdt. H.C. Kruyt. Seh 50 tahun penginjilen e (1940), keseluruhen jemaat ibas kisaren 5000 kalak denga. Amin bage gia, Dr. Kreamer (Consul Zending-NZG I Belanda) enggo secara terang-terangen mengusulken kemandirian jemaat enda. Tapi ide enda ndatken tantangen ibas piga-piga tokoh NZG sendiri alu alasan kalak Kristen Karo belum siap, baik dari segi daya, dana dan teologia. Tapi kenca pecahna Perang Dunia II, topik kemandirian enda hangat ka mulihken ras persiapen kemandirian enda mulai i persiapken alu serius, termasuk nekolahken putra Karo jadi pandita (2 kalak unsur guru agama nari). Kemandirian enda akhirna terealisasi ibas tanggal tanggal 23 Juli 1941 ibas sidang sinodena sipemena i Sibolangit. Kemandirian enda i gelari GBKP njayo. Ibas kemandirian enda, gelar GBKP mulai ipetandaken janah mengaku sebage salah sada gereja suku beraliren Calvinis si i atur alu sistem presbiterial sinodal. Ibas kemandirianna, GBKP ipimpin oleh Hoofbestuur (Moderamen) ras wilayah pelayanen ibagi ku bas 2 klasis, eme: Klasis Karo Gugung ras Klasis Karo Jahe.
Ibas tahun enda (2020), siperingeti me kemandirian gerejanta pe-79 tahunken. Suatu pencapaian si luar biasa. Dari kisaren 5000 kalak jemaat jadi kisaren 310.000 kalak lebih. Dari 2 klasis jadi 27 klasis. Dari 2 kalak pandita jadi 500-en pandita. Lenga denga aset-aset gerejanta ras luasna pelayanen si ilakoken gerejanta gundari enda. Kerina enda bekas pemasu-masun Dibatanta. Seh maka kita gundari enggo mandiri secara daya, dana dan teologia alu mehuli. Tapi perlu si inget maka kerina enda melalui proses. Janah e labo menukah. Melala tantangen ras rintangen si harus ihadapi gerejanta (khususna masa penjajahen Jepang ras Agresi Militer Belanda). Gerejanta harus melalui masa kesusahen. Tapi i teruh pengarak-ngarak Dibata, gerejanta megegeh ras ngasup ngayuken perahuna.
Bagaimana dengan PERMATA GBKP saat ini? Mulai pusat, klasis, runggun, ras pribadi. Apakah kita enggo mandiri baik secara daya, dana dan teologia? Atau apakah kita enggo seh ku tingkat kedewasaan Kristus ras menuju ku tingkat kesempurnaan Na? Ula kari dagingta ngenca mbelin ras gedang, kumisen ras jangguten, rajin ersolek ras ercurmin, melala ka sura-suranta, erjabu ka ateta, tapi kisat erdahin, medem-medem saja, dekahen menghayal, sukah mbenceng (cengeng), sitik-sitik kiam ibas masalah, ngadu-ngadu man orang tua, la bertanggung jawab, ras bermental tempe.
PERMATA GBKP harusna jadi kebangaan man keluarga, kebangaan man gereja ras kebanggan man negaranta. Enggo saatna PERMATA GBKP jadi orang besar i negaranta enda. Enggo saatna PERMATA GBKP duduk i posisi-posisi strategis i negaranta enda, enggo saatna PERMATA GBKP jadi orang yang menentukan i negaranta enda, ras enggo saatna PERMATA GBKP mengharumken gelar negaranta enda i dunia internasional.
Inget, Njayo reh gegehna. Adi megegeh atendu, adi maju atendu, adi jadi kalak hebat atendu, NJAYOLAH! Belajarlah dari kemandirian GBKP.
IV. BRAINSTORMING
Langkah-Langkah:
- Bagilah PERMATA GBKP si hadir PA ku bas piga-piga kelompok!
- Setiap PERMATA GBKP itugasken menulisken ide-ide ku bas sada kertas tanpa itulisken gelarna (anonim)!
- Angkat sekalak juru baca sekaligus moderator ibas tiap kelompok guna mbacaken ide-ide anggota ibas kelompok saja.
- Babalah Ide-ide si enggo i diskusiken ku klompok si lebih besar! lje, kerina ide-ide e i kategoriken ras i analisa seh dat ide terbaik untuk i konsumsi bersama.
Aturen:
- Ide-ide si itulisken anggota la perlu ikritik apalagi i hapusken, aminna pe terlihat konyol ras la masuk akal (ola ihakimi).
- Kerina ide-ide enda idaftarken ras banci igabungken ras ikembangken ras ide-ide sidebanna.
Penungkunen:
- Gua carana agar PERMATA GBKP semakin mandiri (daya, dana, teologia) ras memiliki kontribusi si mbelin man kemajun gerejanta ras negaranta?
- Langkah kai saja si harus silakoken secara pribadi untuk masuk ke pintu awal kemandirian?
USULAN LAGU-LAGU:
- KEE. 204 – Kata Ni Dibata
- KEE. 264 – Ateku Tedeh
- KEE. 381 – Sura- sura Yesus Bangku
Pdt. S. Jonathan Meliala, M. Th