Si Man Ogen
Kuan-kuanen/ Amsal 10: 10 – 1410:10 Siapa mengedipkan mata, menyebabkan kesusahan, siapa bodoh bicaranya, akan jatuh.
10:11 Mulut orang benar adalah sumber kehidupan, tetapi mulut orang fasik menyembunyikan kelaliman.
10:12 Kebencian menimbulkan pertengkaran, tetapi kasih menutupi segala pelanggaran.
10:13 Di bibir orang berpengertian terdapat hikmat, tetapi pentung tersedia bagi punggung orang yang tidak berakal budi.
10:14 Orang bijak menyimpan pengetahuan, tetapi mulut orang bodoh adalah kebinasaan yang mengancam.10:10 Kalak si la pang encidahken kebenaren, ipeturahna kap perubaten; tapi si mandang alu terang-terangen dame kap atena.
10:11 Babah kalak bujur desken sumbul kegeluhen, tapi i bas kata-kata kalak jahat terbuni biak pemunuh.
10:12 Nembeh ate mabai perjengilen, tapi keleng ate la naktaki kesalahen.
10:13 Kalak si erpemeteh melasken kata-kata si payo, tapi kalak lenge perlu iukum.
10:14 Kalak pentar, ipepulungna pemeteh asa bancina, tapi adi kalak lenge ngerana, ipekekena perjengilen.
KOMUNIKASI I BAS JABU
TUJUN: Gelah Moria:
• Meteh maka pengerana kalak bujur desken sumbul kegeluhen.
• Isi jabu melasken kata-kata si payo.
METODE PA: Simulasi (latihen melasken kata-kata si payo i bas keluarga.)
Kata Penaruh.
I bas kalak Karo lit dua antusen kerna jabu. Si pemena eme rumah ingan tading (gedungna). Rumah me ingan kegeluhen, ertina: ingan tading keluarga, ingan cio-cio suari ras berngi, ingan pekesahken kenca erdahin, ingan pulung, ingan kesilang ras ingan mate. Alu kata sideban rumah e ingan cawir metua, ertuah bayak, sangap ras mejuah-juah. (Pdt. DR. E.P. Ginting, adat istiadat mengket rumah, hal. 20). Antusen si peduaken, jabu e eme anggota keluarga, si ngiani rumah; bapa nande ras anak-anak. Kerina anggota jabu e erkawiten sada ras sidebanna. Bapa ras nande erkawiten erkiteken perjabun, bapa ku anak entah nande ku anak erkawiten erkiteken dareh. Kerina anggota jabu e ertanggungjawab mpertahanken keutuhen jabu. Emaka biak si kelengen ras si hamaten lalap perlu isuanken man kerina anggota jabu.
Mpebagesi Pengangkan Kerna Ogen.
Kitab Kuan-kuanen 10 enda secara umum nuriken gambaren kegeluhen hubungen sesekalak jelma si banci icidahken arah ngerana (komunikasi). Hubungen sesekalak jelma i bas erbage-bage kecibal nggeluh, terlebih i bas jabu. Adi si perdiateken bas ogenta enda lit pengajaren si pentar ras si bodoh bage pe kai ulihna:
Bage me Salomo nuriken dua dampar biak si megati teridah i bas kegeluhen manusia. Ulih si apai ateta tergantung ku bas pilihenta. Si pentar entah si bodoh.
Pengkenaina.
Kegeluhen ras kemalemen ate orangtua tergantung man anak-anakna ras sebalikna, kegeluhen anak-anak tergantung man orangtuana. Teridah maka anak si pentar maba kemalemen ate orang tuana tapi anak si motu erbahan ceda pusuh orangtuana. Pentar entah motu anak e jadi penentu uga perdalanen jabu e ku wari-wari si reh, sabap anak me singaloken tading-tadingen (pewaris) keberlangsungen jabu. Erkiteken si e me maka orang tua rutang mereken pengajaren si mehuli man anak-anakna, gelah anak e jadi kalak pentar. Isingetken i je kerna orang tua, eme bapa ras nande, ngatakensa maka bapa ras nande e bali tanggungjabapna i bas ngajari anak-anak, labo sepihak, tugas nande entah tugas bapa ngenca. Anak si pentar ras anak si motu tuhu-tuhu petembil. Anak si motu la erngena ate ku bas pengajaren, nembeh atena di kune iajarken, ngena atena perbahanen si la mehuli, jahat perbahanenna, babahna ngerana kerna si la payo, kejahaten e nggo mendarah daging i bas dirina. Anak si bage maba kecedan ate man orang tuana. Anak si pentar labo saja erpemeteh tapi pengkebet geluhna pe mehuli (memiliki moral yang baik). Jadi pemeteh e la terjeng teori, tapi iperaktekkenna bas perbahanen. Ertanggungjawab bas pendahin, njagai kesehaten kula ras pertendin, beluh makeken kiniliten alu payo. Anak si bage maba kemalemen ate man orang tuana. Gelah banci anak e jadi kalak pentar mbelin kal i je ngaruh ras pengajaren bapa ras nande.
Banci si siksiki bas jabunta, pengajaren si apai ngenda megati si lakoken. I bas kita erkomunikasi, kata-kata si kuga ngenda rusur ndarat bas babah ras biberta nari? Pengajaren ras kata-kata si mehuli arah babah, si rehna bas pusuh nari mpeturah keriahen ras kemalemen ate sabap palasna i je kekelengen. Gelah keutuhen jabunta tetap terjaga alu mehuli, perlu kal kerina anggota jabu pentar melasken kata-kata si mehuli, si mereken semangat ndalani kegeluhen. Sue kata ras perbahanen.
Simulasi (latihen):
Arah kasus si teruh enda Moria mperagaken kata-kata si pentar man
perbulangen si banci ka jadi pengajaren man anak-anakna.
Studi Kasus
- I bas meja makan, pulung me bapa, nande ras anak-anak ersura-sura gelah man berngi ras-ras. Kenca enggo sikap kerina nakan ras adumna, lit kata-kata si terbelas i bas bapa nari kerna gulen ras bengkau si la bagi ukurna. Merampus ia sabap latih akapna erdahin ndarami nakan teptep wari, tapi ulihna la akapna pas si isikapken ndeharana.
Bapa: E lalap gulen ras bengkau, la terpan pe. Kita latih naring erdahin e, seh rumah gulen e pe gelah enggo lit saja. La ergizi! (ibelasken alu merampus)
Nande: ………………………………………………………………………………………….
(Isi kata-kata pentar si la erbahan ceda pusuh perbulangen, janah banci jadi pengajaren si mehuli man anak-anak). - Bas sada keluarga, bapa, nande ras anak-anak nggeluh alu mehuli, rusur arih-arih subuk bas pendahin bagepe persekolahen anak-anak. Usaha keluarga enda erdalan alu mehuli, teridah lit kerjasama si mehuli i bas bapa ras nande. Anak-anakna pe dat juara i bas sekolah. Sekali jadi ngerana me bapa man sekalak pandita si reh ku rumahna erbahan kebaktin keluarga. Iturikenna sura-surana kerna nekolahken anakna ku Amerika jurusen managemen bisnis gelah ia pagi nerusken usahana.
Pandita: Enggo nge arihkenndu sura-surandu e ras anak-anakndu
Bapa: Anak e me pengajarenta nge gundari nari, kita ngengaturken ia,buktina gundari pe kerina ia megiken ajar ras juara.
Nande: ………………………………………………………………………………………
(Tulisken kata-kata pentar si atendu i belaskenndu man perbulangen ras anak-anak).
Pdt. Nurbety br Ginting, M.Th.