(Jabu Siharmonis/Sisempabu)
Ogen: Kejadin 2: 21 – 24
Tema: Engkelengi Ndehara Bagi Engkelengi Dirinta
Tujun: Gelah Mamre
1. Meteh ndehara e me dirina
2. Tetap ngekelengi ndehara bagi engkelengi dirina
Metode : Sharing
2:21 Lalu TUHAN Allah membuat manusia itu tidur nyenyak; ketika ia tidur, TUHAN Allah mengambil salah satu rusuk dari padanya, lalu menutup tempat itu dengan daging.
2:22 Dan dari rusuk yang diambil TUHAN Allah dari manusia itu, dibangun-Nyalah seorang perempuan, lalu dibawa-Nya kepada manusia itu.
2:23 Lalu berkatalah manusia itu: “Inilah dia, tulang dari tulangku dan daging dari dagingku. Ia akan dinamai perempuan, sebab ia diambil dari laki-laki.”
2:24 Sebab itu seorang laki-laki akan meninggalkan ayahnya dan ibunya dan bersatu dengan isterinya, sehingga keduanya menjadi satu daging.
KATA PENARUH
Tupung reh kini seran ras perbeben simberat ibas kegeluhen sekalak Mamre, tupung reh perbeben ras percuban simesangat ise ngendia si paling memahami Mamre? Tentu Moria sebagai pendamping kegeluhenna, Moria me simbelinna peranna ibas menasehati, mendukung, menopang bagepe menguatkan Mamre janah mengarahken ia kudalan si arusna. Wari enda bahan PA nta ngajuk kita guna niksiki peran ndehara / Moria sebagai pendamping Mamre arah sudut Pustaka Sibadia. Alu bage Mamre iarapken banci ngkelengi Moriana terbagesen bagi ia ngkelengi dirina jine.
URAIAN
Konsep Perjabun ibas Pustaka Sibadia Dibata sendiri make analogi perbulangen – ndehara di dalam pengajaran-Na labo sebage: “atasan-bawahan”; ntahpe “tuan-hamba”; tapi perbulangen ras ndehara eme sebage “pasangan bagi jiwa”. Pustaka make kata Ibrani “Yada” guna nggambarken hubungan perjabun. Erti Yada : erpalasken Kej 3:5 ertina “mengenal”, “mengetahui”, “hubungan yang intim antara manusia dan Tuhan.
Alu bage erti Yada labo sekedar mengetahui, mengenal, tapi lebih asa sie eme nuduhken maka labo lit sekalak pe jelma sideban sinandai teman geluhta bali Dagesna ras penandainta nandangi teman geluhta e. Bagi mbagesna penandainta handangi teman geluhta e, bagem pe bagesna penandai Dibata nandangi kita. Perjabun erpalasken Kitab Kejadian Sibenaken arah peristiwa penciptaan manusia : Kej. 1:26-27 : 26 Nina Dibata,denduari Sijadikenlah manusia si sentudu ras tempas Ta, simenam seri ras Kita,un Ikuasaina kerina nurung, perik-perik, bage pe kerina asuh-asuhen ras rubia-rubia simeliar, subuk sigalang ras sikitik 27 Emaka ijadiken Dibata manusia sisentudu ras tempasNa; dilaki ras diberu ijadikenNa
Teks idatas nuduhken maka dilaki ras diberu eme itepa bali ras tempas Dibata janah idilo guna ngkuasai sinasa lit, lalit isingetken ije maka ganjangen Dlak asa Diberu ntah pe pentingen Dilaki asa Diberu. Ibas Kejadin 2: 18 nina Dibata “Kenca bage nina ka TUHAN Dibata, “La mehuli adi manusia nggeluh sisada-sisada. Kubahanlah teman sicocok man bana, guna nampati ia”. Kalimat “teman sicocok ibas Bahasa Indonesia ipake kalimat “penolong yang sepadan”, ibas Bahasa Ibrani ipake kata “ezer” ija terjemahenna e me : penyelamat, penolong, supporter, kekuatan, kuasa, dst. Alu bage ndehara sebagai ezerman perbulangen ertina eme ndehara e me penampat nandangi perbulangenna, ia me simendukung / memotive perbulangenna, tupung perbulangenna kote maka ndeharana eme si jadi sumber kekuatenna, tupung perbulangenna e papak ntah pe guling ndeharana me penyelamatna. Erpalasken Kej 2 :18 e teridah maka tupung Adam sisada i tengah peken pardis melungen iakapna, la ia puas gia mbue rubia-rubia jadi teman geluhna, ngidah sie mekuah ate Dibata ia emaka isediakenna me sekalak ndehara quna ndemi ketedehen ate manusia sipemena e.
Ibas Kejadin 2: 21 Kenca bage ibahan TUHAN Dibata maka entabe pertunduh manusia ndai, janah sanga bage ibuatNa sada tulan rang – rangna, jenari itutupNa ko alu jukut. ljenda teridah sada kenyataan simegati la sigejap, eme maka Dibata justru erdahin tupung manusia tunduh, justru tupung kita la sadar ije me Dibata njabab kerina keperlunta, mereken serpang pulah ibas kerina persoalenta. Uga maka diberu itepa arah tulang rang – rang dilaki ? Enda nuduhken maka Dibata ndarami jalan keluar ibas perbeben manusia e arah diri manusia e sendiri labo arah darat dirina nari, alu kata sideban jawaben ibas kerina persoalenta enggo lit bas kita jababna.
2:22 ljadikenNa sekalak diberu ibas tulan rang-rang e nari kenca bage itaruhkenNa man manusia ndai.2:23 Nina manusia e, “endanger maka enggo payo; Tulanna ibas tulanku nari, janah jukutna ibas jukutku nari. Diberu’ gelarna perbahan ia ibuat ibas dilaki nar “
Erpalasken kata Dibata idatas tergejap man banta maka ndeharanta e situhuna eme percampuren antara Dibata ras sada bagin si ibuat ibas dagingta nari, alu bage maka kerina perbulangen arus nghamati ndeharana sebab igejapna maka lit unsur Dibata ibas ndeharana e, selain sie lit ka pe unsur perbulangen e sendiri ibas daging ndeharana sebab ndeharana itepa arah sada bagin ibas daging perbulangen e Ndehara e me “diri” perbulangen ibas bentuk sideban, ngkelengi ndehara bali kap ras ngkelengi diri sendiri, sebalikna mpekitik ndehara bali ras mpekitik dirinta sendini. Adi kita eme perbulangen simehamat dingen terhormat, hamatilah ndeharanta ban maka ia meherga.
APLIKASI
Manusia itepa Dibata nggeluh erpasang-pasangen, manusia perlu nandangi kehadiren “dirina sendiri” ibas rupa sideban eme pendamping geluhna sidem pengertin, memahami dirina alu mbages ras la pernah erleja-leja ngkelengi teman geluhna e. Man perbulangen ndehara e me “dirina sendiri” ibas bentuk sideban, emaka kelengilah ndeharanta bagi kita engkelengi dirinta, mehamatlah perbulangen nandangi ndeharana sebab igejapna lit kesah Dibata ibas diri ndeharana e.
DISKUSI
1. Mekatep denga sibegi berita maka perbulangen niksa ndeharana alu kasar, dingen melasken ranan sipagit man ndeharana, sebagai Mamre sigejap ngendia maka ndeharanta e eme dirinta sendiri alu rupa sideban ?
2. Kai dage tekadta guna silakoken man ndeharanta bage kita mulih i bas PA Mamre enda nari, cuba sidiskusiken sapih -sapih Mamre.
USULEN ENDE – ENDEN
1. KEE. 124 – Ipasu-pasu Tuhan Dibatandu
2. KEE. 248 – Si Njabuken Bana
3. KEE. 316 – Seh Kal Simparna Pemerendu
4. KEE. 414 – ‘Ndiko Ulina Padanndu Tuhan
Pdt. Sinar Rehaganta Barus, M.Th
(Direktur Retreat Center GBKP)
HP. 0852-7007-8361