Si Man Ogen
Epesus 4: 25 – 32
4:25 Karena itu buanglah dusta dan berkatalah benar seorang kepada yang lain, karena kita adalah sesama anggota.
4:26 Apabila kamu menjadi marah, janganlah kamu berbuat dosa: janganlah matahari terbenam, sebelum padam amarahmu
4:27 dan janganlah beri kesempatan kepada Iblis.
4:28 Orang yang mencuri, janganlah ia mencuri lagi, tetapi baiklah ia bekerja keras dan melakukan pekerjaan yang baik dengan tangannya sendiri, supaya ia dapat membagikan sesuatu kepada orang yang berkekurangan.
4:29 Janganlah ada perkataan kotor keluar dari mulutmu, tetapi pakailah perkataan yang baik untuk membangun, di mana perlu, supaya mereka yang mendengarnya, beroleh kasih karunia.
4:30 Dan janganlah kamu mendukakan Roh Kudus Allah, yang telah memeteraikan kamu menjelang hari penyelamatan.
4:31 Segala kepahitan, kegeraman, kemarahan, pertikaian dan fitnah hendaklah dibuang dari antara kamu, demikian pula segala kejahatan.
4:32 Tetapi hendaklah kamu ramah seorang terhadap yang lain, penuh kasih mesra dan saling mengampuni, sebagaimana Allah di dalam Kristus telah mengampuni kamu.
NGGELUH SEMPABU ARAH PENGERANA
TUJUN : Gelah Moria :
1. Meteh perpulungen Epesus la si hamaten ngerana.
2. Melasken ranan si la erlayas.
METODE PA : Permainan
Kata Penaruh.
Manusia itepa Dibata raduken ras manusia sideban, emaka ia ikataken ‘mahluk sosial’. Ertina manusia ersada ras erhubungen ras manusia sidebanna. La ngasup nggeluh sisada, la merluken kalak sideban guna engkuhi kegeluhenna. Nggeluh perlu siangkan ras si jadi penghubung emekap cakap, ranan. Adi lanai siangkan maka turah me perubaten (bdk. Menara Babel). Bagepe i bas konteks kegeluhen si genduari pe perlu kal kita ngangkai kalak si deban arah erlajar bahasa (bdk. genduari mbue kal kalak erlajar bahasa Mandarin, Inggris ras sidebanna). La terjeng erlajar bahasa ras ngangkaisa tapi i bas nempatken (encibalkenca) sebagai ranan si nghubungken kita sada ras sidebanna. PA-nta si sekali enda ersura-sura ngikutken pengajaren Paulus kuga makeken cakap (erbelas) maka nggeluh sempabu (harmonis).
Mpebagesi Pengangkan Kerna Ogen.
Telu tahun dekahna Paulus manteki ras ngelai dingen ngepkep perpulungen Epesus. Alu alasen tertentu perpulungen e arus itadingken. Kenca piga-piga paksa ibegina maka perpulungen e lanai sempabu erkiteken erbage sabap, si mekelekna kal erbahanca lanai sempabu emekap cakap ntah pe belas-belas si lit i tengah-tengah perpulungen e. Enterem perpulungen si erbual, lanai ngataken ranan si tuhu-tuhu. La kepe terjeng erbual saja tapi pe enggo melasken kata-kata si kemali dingen la erturi-turin, cakap caram ras sidebanna. Tentuna kebiasan si bagenda rupana encedai kegeluhen ras persadan perpulungen. Kegeluhen perpulungen Epesus maun bagi kula ni Kristus tapi enggo medoni, materialistis-ndatken erta eme alu cara si la benar. La saja bas cakap tapi peraktek geluhna si teptep wari. Nandangi kecibal si bagenda rupana ipedahken Paulus maka kalak kristen arus njaga diri selaku kula Kristus janah sekalak-sekalak kita emekap ring-ring i bas kula e. Kalak si enggo itebusi Kristus patut maka ngasup melasken ranan si erlayas gelah turah keriahen ras kemalemen ate man Paulus si megisa ras ngelakokenca. Guna nggeluh sempabu i bas ngerana enda arus njaga diri dingen nilahi kebiasan: erbual, merawa, melasken cakap si la erturi-turin, cian ate, perampus, pernembeh, si isak-isaken ras si cekuraken. Sabap kerina biak-biak enda erbahan ceda ate Kesah Dibata (ay.30). Emaka ipersingeti Rasul Paulus perpulungen e gelah ngasuhi biak melias dingen mesayang ras nggit si alem-alemen salah (ay.32) arah enda me teridah kegeluhen si sempabu.
Pengkenaina.
Kai si jadi i bas perpulungen Epesus tupung sie, banci saja jadi bas perpulungenta genduari terlebih i bas Moria. Mbue cakap erbahanca turah perubaten, lanai siangkan, megati arah rananta pe kita pepuasken la sikap encedai pusuh ras ukur kalak sideban, entah e temanta, anakta, perbulangenta ras sidebanna. Situhuna kita kalak Karo nai nari enggo iajari ngerana alu mehamat, erkesehen, si enda menam-menam bene i bas jaman si genduari, banci saja erkiteken lanai si ajari anak-anak bas jabunt ngerana alu mehamat ras mehuli, arah orat tutur si lit i bas budayanta. Emaka pengerana anak-anakta pe lanai erkesehen. Kalak Kristen (Moria) emekap kalak si enggo ‘hidup baru’. Enggo itebusi Jesus i bas dosana nari jadi manusia si dem alu kepentaren kristiani. Moria emekap kalak si enggo lit baginna i bas keselamaten si enggo ipadanken Jesus. Emaka perlu ijaga maka ula bene baginta e, erkiteken pemaken cakap si la sentudu ras peraten Tuhan. Sabap pemaken cakap si la erturi- turin, carana la ertorosen, sembarangen ras sidebanna, banci erbahanca kegeluhen Moria lanai sempabu bagi sura-sura Tuhan Jesus. Cakap tah pe bahasa emekap ulih budaya manusia si banci ipake muji Tuhan adi ipakeken alu payo dingen erpenggurun ku bas Kata Tuhan Jesus.
Permainen:
- Kata Berantai, pemimpin PA enggo nikapken 5 kalimat si igulung i bas
sada kertas. Peserta PA ibagi i bas piga-piga kelompok. Tiap kelompok
muat sada kertas ras ngkusikken isina man teman si arah pudina. Ise
kelompok si kuh melaskenca sue ras isi kertas eme pemenang. - Ence dung permainen, diskusiken kai erti ras makna permainen.
Ituriken ku pleno Moria.
Pdt. Phestanta Surbakti