Si Man Ogen
1 Raja-raja 19: 1 – 18
Elia ke gunung Horeb
19:1 Ketika Ahab memberitahukan kepada Izebel segala yang dilakukan Elia dan perihal Elia membunuh semua nabi itu dengan pedang,
19:2 maka Izebel menyuruh seorang suruhan mengatakan kepada Elia: “Beginilah kiranya para allah menghukum aku, bahkan lebih lagi dari pada itu, jika besok kira-kira pada waktu ini aku tidak membuat nyawamu sama seperti nyawa salah seorang dari mereka itu.”
19:3 Maka takutlah ia, lalu bangkit dan pergi menyelamatkan nyawanya; dan setelah sampai ke Bersyeba, yang termasuk wilayah Yehuda, ia meninggalkan bujangnya di sana.
19:4 Tetapi ia sendiri masuk ke padang gurun sehari perjalanan jauhnya, lalu duduk di bawah sebuah pohon arar. Kemudian ia ingin mati, katanya: “Cukuplah itu! Sekarang, ya TUHAN, ambillah nyawaku, sebab aku ini tidak lebih baik dari pada nenek moyangku.”
19:5 Sesudah itu ia berbaring dan tidur di bawah pohon arar itu. Tetapi tiba-tiba seorang malaikat menyentuh dia serta berkata kepadanya: “Bangunlah, makanlah!”
19:6 Ketika ia melihat sekitarnya, maka pada sebelah kepalanya ada roti bakar, dan sebuah kendi berisi air. Lalu ia makan dan minum, kemudian berbaring pula.
19:7 Tetapi malaikat TUHAN datang untuk kedua kalinya dan menyentuh dia serta berkata: “Bangunlah, makanlah! Sebab kalau tidak, perjalananmu nanti terlalu jauh bagimu.”
19:8 Maka bangunlah ia, lalu makan dan minum, dan oleh kekuatan makanan itu ia berjalan empat puluh hari empat puluh malam lamanya sampai ke gunung Allah, yakni gunung Horeb.Allah menyatakan diri di gunung Horeb
19:9 Di sana masuklah ia ke dalam sebuah gua dan bermalam di situ. Maka firman TUHAN datang kepadanya, demikian: “Apakah kerjamu di sini, hai Elia?”
19:10 Jawabnya: “Aku bekerja segiat-giatnya bagi TUHAN, Allah semesta alam, karena orang Israel meninggalkan perjanjian-Mu, meruntuhkan mezbah-mezbah-Mu dan membunuh nabi-nabi-Mu dengan pedang; hanya aku seorang dirilah yang masih hidup dan mereka ingin mencabut nyawaku.”
19:11 Lalu firman-Nya: “Keluarlah dan berdiri di atas gunung itu di hadapan TUHAN!” Maka TUHAN lalu! Angin besar dan kuat, yang membelah gunung-gunung dan memecahkan bukit-bukit batu, mendahului TUHAN. Tetapi tidak ada TUHAN dalam angin itu. Dan sesudah angin itu datanglah gempa. Tetapi tidak ada TUHAN dalam gempa itu.
19:12 Dan sesudah gempa itu datanglah api. Tetapi tidak ada TUHAN dalam api itu. Dan sesudah api itu datanglah bunyi angin sepoi-sepoi basa.
19:13 Segera sesudah Elia mendengarnya, ia menyelubungi mukanya dengan jubahnya, lalu pergi ke luar dan berdiri di pintu gua itu. Maka datanglah suara kepadanya yang berbunyi: “Apakah kerjamu di sini, hai Elia?”
19:14 Jawabnya: “Aku bekerja segiat-giatnya bagi TUHAN, Allah semesta alam, karena orang Israel meninggalkan perjanjian-Mu, meruntuhkan mezbah-mezbah-Mu dan membunuh nabi-nabi-Mu dengan pedang; hanya aku seorang dirilah yang masih hidup, dan mereka ingin mencabut nyawaku.”
19:15 Firman TUHAN kepadanya: “Pergilah, kembalilah ke jalanmu, melalui padang gurun ke Damsyik, dan setelah engkau sampai, engkau harus mengurapi Hazael menjadi raja atas Aram.
19:16 Juga Yehu, cucu Nimsi, haruslah kauurapi menjadi raja atas Israel, dan Elisa bin Safat, dari Abel-Mehola, harus kauurapi menjadi nabi menggantikan engkau.
19:17 Maka siapa yang terluput dari pedang Hazael akan dibunuh oleh Yehu; dan siapa yang terluput dari pedang Yehu akan dibunuh oleh Elisa.
19:18 Tetapi Aku akan meninggalkan tujuh ribu orang di Israel, yakni semua orang yang tidak sujud menyembah Baal dan yang mulutnya tidak mencium dia.”
TETAPKEN UKURNDU, KEKEKENLAH!
TUJUN: Gelah Moria:
a. Meteh uga Dibata Nampati Elia ibas kelsehenna
b. Megegeh ibas ngalaken kerina perbeben nggeluh
METODE PA: Sharing & Latihan
Kata Penaruh.
Kerina jelma pernah ngenanami kiniseran/perbeben nggeluh, mulai perbeben si menahang seh mberat. Perbeben si mberat erpengaruh ku bas pusuhta seh jadi beban “psikis”, banci kita stress seh depresi. Sie tergantung itentuken uga dekahna kita ngenanami persoalen e. Stress e soal biasa, setiap lit perubahen i bas geluhta banci erbahanca kita stress. Umpamana, adi kita tading i bas ingan si mbaru, sirang ras anakta, erdahin i bas ingan si mbaru ras si debanna enda kerina banci jadi sumber stress. Stress jadi beban, emaka adi si pediat saja, la si dungi banci reh beratna. Bagi njujung barang 20 kg adi kentisik ngenca la masalah, tapi uga adi e lalap si jujung-jujung sada wari, dua wari seh seminggu dungna penggingen, mesui seh mbewat. Bageme pe stress, adi entisik saja labo erpengaruh, e alami la encedai. Tapi adi ipediat banci encedai ku bas pusuhta, kesehaten kulanta, kinitekenta rikutpe encedai hubungenta ras kalak sideban. Stress si la itangani alu mehuli banci reh kelekna, banci seh ku gangguan mental (depresi). Litna perbeben ndempar kita e soal biasa, si penting uga kita ngalaken ras ndungi perbeben e. Erlajar kita arah pengalamen nabi Elia i bas ngalaken kiniseran.
Mpebagesi Pengangkan Kerna Ogen.
Pustaka Si Badia alu tangkas nuriken pengalamen kalak si tek, la saja nuriken si mejile i bas tokoh e tapi pe encidahken kesusahen, perbeben seh ku bas kekotenna. Enda teridah arah geluh nabi Elia, sekalak suruh- suruhen Tuhan si ngenanami mbue perbeben seh depresi i bas ia nehken Kata Dibata. Nabi Elia asalna i Tisbe nari i daerah Gileat, sekalak nabi si tutus ertoto, bujur, setia man Tuhan ras pemimpin si erdolat. Elia eme tokoh si mbelin man kalak Jahudi, i bas jaman Jesus pe lit kalak erpengakap maka Jesus eme Elia (Mrk. 8:28).
Menaken i bas 1 Raja-raja 17 – 18, naksiken maka Elia melala nggejapken Kuasa Tuhan si mbelin, Tupung jadi perlego si ndekah i Israel, Elia tading tepi Lau Kerit, Tuhan make perik Kak naruhken panganna. Tupung ia tading i rumah sekalak diberu balu-balu i ja i bas rumah la lit pangan si man panganen, diberu balu-balu e ras anakna nangdangi mate, Tuhan mere man ia ras diberu balu-balu e sada jabu, la lit si kurang. Kenca ndekah mate ka anak balu-balu e, Elia ipake Tuhan mpegeluhsa mulihi. Tole pe, tupung Elia erperang ras nabi-nabi Baal i deleng Karmel, 450 kalak nabi Baal mate, pertandingen kuasa Tuhan ras kuasa Baal. Aminna enggo melala ngenanami kuasa Tuhan, kepeken lit kange paksana Elia i bas kekoten si mesangat. Pengalamen peperangen Elia ras nabi-nabi Baal, mpeturah persoalen i ja raja Ahap nuriken kejadin i deleng Karmel e, man ndeharana Isebel. Nina Ahap: “Elia enggo munuh kerina nabi-nabi Baal.” Erkiteken sie merawa Isebel, ipesehna tenah man Elia, maka ersumpah ia i bas gelar dewa Baal guna munuh Elia. Berita e, erbahansa Elia mbiar. Banci si nen uga kondisi Elia i bas ngalaken perbeben si mberat e:
a. Mbiar: Elia tuhu mbiar ibunuh ratu Isebel, itadingkenna Jisreel sabap Istana raja Ahap lit i Jisreel. Emaka arus kiam jenari lompat Elia ku Berseba lako engkelini kesahna.
b. Cibuni: aminna pe enggo kiam Elia ras suruh-suruhenna ku Berseba, langa akapna aman emaka itadingkenna suruh-suruhenna, lawes ia ku taneh si melenget sada wari perdalanen dauhna.
c. Putus asa: kenca seh ia i taneh si melenget, kundul ia i teruh kayu ngerana ia sisada nina: “enggo me Tuhan, buat saja kesahku, madin aku mate.
Bagenda me kecibal kalak si enggo putus asa, lanai lit pengarapenna enggo madin iakapna mate saja. Dungna medem ia, dua kali iingeti Malaikat gelah keke ras man. Kalak si medem lalap ras la atena man, e salah sada tanda kalak putus asa, seh pe ku depresi. Kalak si sangana putus asa (stress) banci dua gendangna, la banci tunduh entah pe banci ka tunduh atena lalap. Lit kange kalak si stress lanai atena man tapi lit ka kalak si stress man atena lalap. Elia tuhu putus asa, medem ia ras la man. Si erbahanca Elia putus asa, la terjeng ancaman ibunuh Isebel tapi pe merasa gagal selaku nabi. Iarapkenna pertobaten i bas kalak Israel, tapi justru ia arus kiam ras jadi buronan. Arapenna, usahana ras pengorbanenna tempa-tempa sia-sia. Elia kelungunen, si sada iakapna ia i bas perbebenna. Nina Elia aku nari ngenca tading epe ibunuhna atena aku (ay.14) pada hal lit denga 7.000 kalak Israel si setia man Tuhan, si la nembah man dewa/gana-gana Baal (ay.18). Tapi tekanen erbahanca Elia nggejap maka ia sisada ngenca ngatakensa. Malaikat Tuhan reh nampati ia, nina: “kekeken! manken adi lang la kam kari ngasup erdalan ndauh. Enda sejenis shock therapy gelah keke semangatna lanai ia mpergogoi kai si enggo jadi. Kenca dua kali malaikat e nuruh ia keke ras man, keke ia ipanna roti si enggo lit ideherna. Kenca sie iterusken Elia perdalanna ku deleng Sinai. Erdalan ia kidekah 40 wari, si sada erdalan i bas padang gurun, mbaba pusuh si dem perbeben ras kecewa. Perdalanen 40 wari enda jadi kesempaten man Elia ngerenungken kerina perdalanen rohanina selaku nabi Tuhan. Seh i deleng Sinai, bengket ia ku gua ras erberngi i je. I bas deleng e, Tuhan ngerana man Elia. I je itungkasken Elia kerina isi pusuhna man Tuhan, maka tuhu kecewa ia erkiteken megombang kalak Israel man Dibata. Tuhan mpegegehi Elia, alu piga-piga cara:
a. Tuhan encidahken kuasaNa arah angin kaba-kaba si erbahanca deleng e erbelah, reh ka linur ras kedungenna api tapi Tuhan la lit i je. E ertina Tuhan encidahken kuasaNa si la terantusi Elia, Kuasa Tuhan belinen asangken perbeben Elia.
b. Tuhan nuruh Elia ndarat ras tedis i lebe-lebeNa i das tampuk deleng e. Ndarat ras cinder i tampuk deleng ertina Tuhan nuruh ia tedis i bas ingan si meganjang alu bage banci natap ndauh ku lebe. Tuhan nuruh Elia ndarat i bas persoalenna ras arus mengubah cara rukurna, Tuhan encidahken maka IA tetap engkawali.
c. Tuhan mpetetap ukur Elia, ndai iakapna ia sisada nari nge, icidahken Tuhan potensi i bas kalak Israel. Lit denga 7.000 kalak Israel si setia, si la nembah man gana-gana.
d. Ibereken Tuhan tanggung jawab si mbelin eme Hasael jadi raja Siria; nangkuhken Jehu jadi raja i Israel ras nangkuhken Elisa anak Sapat jadi nabi nggancihken Elia. Tanggung jawab enda memulihkan kondisi otoritas kenabian Elia, i ja sope e ianggapna ia lanai meherga, itulak kalak Israel tapi Tuhan mereken kuasa guna nangkuhken raja-raja ras nabi si nggantiken ia.
Pengkenaina.
Elia eme sekalak nabi si mbelin, selaku nabi rusur ia ngenanami kiniseran ras ngasup ia ngalakenca. Tapi lit ka nge paksana ia tuhu-tuhu kote seh tertekan i bas geluhna. Bage pe kita kerina kalak si tek megati perbeben ngerimrim geluhta, maun megegeh kita ngalakenca tapi banci jadi perbeben e erbahanca kita kote. Tertekan, la ergegeh, mbiar, kecewa seh ku putus asa. I bas kekotenta banci jadi lit ka si ngataken kita la erkiniteken si erbahanca reh suina atete. Kata Dibata enda mabai kita ngangkai kecibalta, la kita nggit igedapken persoalen e. Tema-nta ngataken petetaplah ukurndu, kekeken e ertina bicara uga pe belinna persoalen ula susun i bas pusuhta. Nusun persoalen beda ras nusun duit i bank. Adi nusun duit banci erbunga tapi adi nusun persoalen la lit gunana, e erbahanca kita latih ras tertekan. Emaka ula kita nggit gedap i bas perbebenta. Erdamelah ras perbeben e, petetap ukur kerina masalah lit serpang pulah, lias ate Tuhan belinen asangken perbebenta. Alu cara si la tertangkeli kita Tuhan erdahin mpegegehi kita. Dibata mereken kesahNa jadi gegehta emaka kekelah. Perjumpannta ras Tuhan mabai kita ergegeh ras pentar ngalaken perbeben e. Kuasa Tuhan mpengasup kita ngalaken kerina keadan i bas geluhta. Kondisinta la seri teptep paksa, banci jadi perbeben erbanca kita tertekan (stress). Tekanen banci ipulahi alu “relaksasi”, baik “relaksasi” jiwa, perukuren ras kula.
- Relaksasi jiwa si dat alu nggeluh rembak ras Tuhan alu ertoto, ngoge ras pebue aktivitas pelayanen i bas Gereja.
- Relaksasi perukuren si dat alu ngukurken kai si mehuli, bersih, si bujur. Ukurken kai si mejile, si erbahansa meriah ukurta janah nginget pengalaman-pengalamen bahagia i bas geluh.
- Relaksasi kula, stress erbahanca kulanta tertekan/mberat emaka perlu olah raga, ndahiken dahin si jadi hobby-nta. Aminna pe melala dahinta si inget maka kulanta perlu istirahat si cukup 6-8 jam/hari. Ban waktunta gawah-gawah.
Sharing & Latihan.
- Sharing kelompok, 2 – 3 kalak saja gelah cukup waktu curhat. I bas sharing e pegancih-gancih kerina nuriken pengalamenna, pernah nge ia stress/tertekan erkiteken persoalen i bas geluhna. Adi pernah, turiken pengalamenta uga carana mengatasi stress e.
- Latihen sederhana guna ngelola stress. Latihen pernafasan & meditasi: atur perkundulta (tegak, nyaman ras santai), pitpitken mata, biber cirem (inget kiniulin Tuhan), tarik napas panjang alu igungta emaka iembusken manjar-anjar arah babah. Iulih- ulihi tarik napas, seh si gejapken kerina kulanta releks, tanta, nahenta, mata ras kerina ayonta rileks. Ermeditasila 5-10 menit, kosongken perukuren-perukuren seh si gejapken dagingta menahang. Latihen sederhana enda adi ilakoken teptep wari la kita menukah mbiar, aru/panik ras stress.
Pdt. Sariyani Barus, MTh
