KEMBANGKEN USAHA SI MEHULI
(Pengembangen Entrepreneurship)
Perbahanen Rasul 19: 23 – 29
19:23 Kira-kira pada waktu itu timbul huru-hara besar mengenai Jalan Tuhan.
19:24 Sebab ada seorang bernama Demetrius, seorang tukang perak, yang membuat kuil-kuilan dewi Artemis dari perak. Usahanya itu mendatangkan penghasilan yang tidak sedikit bagi tukang-tukangnya.
19:25 Ia mengumpulkan mereka bersama-sama dengan pekerja-pekerja lain dalam perusahaan itu dan berkata: “Saudara-saudara, kamu tahu, bahwa kemakmuran kita adalah hasil perusahaan ini!
19:26 Sekarang kamu sendiri melihat dan mendengar, bagaimana Paulus, bukan saja di Efesus, tetapi juga hampir di seluruh Asia telah membujuk dan menyesatkan banyak orang dengan mengatakan, bahwa apa yang dibuat oleh tangan manusia bukanlah dewa.
19:27 Dengan jalan demikian bukan saja perusahaan kita berada dalam bahaya untuk dihina orang, tetapi juga kuil Artemis, dewi besar itu, berada dalam bahaya akan kehilangan artinya. Dan Artemis sendiri, Artemis yang disembah oleh seluruh Asia dan seluruh dunia yang beradab, akan kehilangan kebesarannya.”
19:28 Mendengar itu meluaplah amarah mereka, lalu mereka berteriak-teriak, katanya: “Besarlah Artemis dewi orang Efesus!”
19:29 Seluruh kota menjadi kacau dan mereka ramai-ramai membanjiri gedung kesenian serta menyeret Gayus dan Aristarkhus, keduanya orang Makedonia dan teman seperjalanan Paulus.
Demetrius eme kap sekalak pelaku usaha sierbahan patung-patung bas pirak nari. Ibahanina patung-patung rumah pertoton Dewi Artemis. Arah pendahinna enda melala i datsa keuntungen. Janah guna mempertahanken keuntungen enda ibahanna strategi mpepulung sierdahinna bage pe kalak si seri pendahinna ras ia, jenari nina man kalak e: ‘O teman-teman, ietehndu maka kebayakenta rehna arah usahata enda, Gundari banci idahndu dingen ibegindu kai si ibahan Paulus. Ikatakenna maka patung patung si ibahan manusia labo dibata. Emaka enggo enterem kalak papak ibahanna, labo saja i Epesus tapi pe menam i belang-belang Propinsi Asia’ (Ay. 25-26). Demetrius make isu SARA (suku, agama, ras, antar golongan) guna mempertahenken bisnisna. Lit telu isu SARA si i munculkan Demetrius lako mempertahanken bisnisna.
a. Patung-patung si ibahan manusia labo dibata. Ajaren si papak i bas Paulus nari.
b. Paulus encekuraki rumah sembah-sembahen Dewi Artemis.
c. Dewi Artemis si isembah kalak i Asia ras i belang-belang doni enda lanai i pehaga.
Isu SARA si i turiken Demetrius enda mempengaruhi kalak erbahanca enterem jelma ngamuk, seh guntar kuta. Itangkapna me Gayus ras Aristarkus teman Paulus. Demetrius sebagai pelaku usaha berhasil mempertahenken bisnisna alu cara si la mehuli, iajukna jelma enterem erpekat ngelawan rasul ras temanna. Seolah-olah faktor kiniteken tapi intina kerusuhen enda eme masalah ekonomi.
Bahan PJJ ta enda mabai kita ku bas sada perenungen maka teptep usaha si idalanken lit nge usur pasang-surutna. Mungkin i bas sada paksa melala keuntungen si aloken. Tapi rikutken perdalanen waktu keuntungen bagi si urakna banci ka pe seh tutup. Nai ope dengan melala telepon masuk ku rumah melala jemaat GBKP pelaku warung telekomunikasi (WarTel). La ndekahsa tutup me tergeser perbahan enggo melala telepon masuk rumah. Wartel berubah jadi Warung Internet (WarNet) la ndekahsa tutup me warnet alu munculna HP. Enda kerina nuduhken maka tantangen i bas bisnis enda lalap nge lit ras meter perubahenna. Melala tantangen si arus i hadapi pelaku usaha, mungkin arah persaingen erga, persaingen produk, persaingen “discount”, persaingen pelayanen si berorientasi ku bas “kepuasan pelanggan.” I bahan me kerina strategi gelah banci usaha tetap erdalan ras reh majuna.
Arah teks renungenta enda mabai kita ka ku bas sada pemilihen bisnis si ngena akap Dibata, si la bertentangen ras sura-sura Dibata, si banci bermanfaat man kalak si deban. Demetrius milih bisnis erbahan patung man pajuh-pajuhen, tentu enda labo sue ras sura- sura Dibata. Bage pe tentuna i bas kegeluhenta, maka melala peluang i bas erbahan bisnis tapi ula sempat kita erbahan bisnis si la ngena ate Dibata. Umpamana ingan perjudin, ingan erlagu la uli, nabahi kerangen alu rate-ate ras si debanna.
Cuba dage si pilih bisnis si banci i arak-arak dingen i kembangken janah sada paksa mereken keuntungen man banta. Lit singatakenca maka erbisnis/erusaha enda bagi nuan-nuan nge. Man pilihen si nuan-sinuan sigampang cara kerjana, la melala pinakitna, meter rani, ergana cukup stabil. Enda tentu arus i pupuki, i rawat gelah sehat si nuan-si nuanna. Bisnis e pe bage ka nge nina, man pilihen si gampang cara kerjana, la menyita waktu, ulihna cukup memuasken, i pupuki alu kejujuren, kualitas, kesabaren dingen keramahan si berorientasi pada “kepuasan pelanggan.”
Arah enda tentu banci turah perukurenta usaha kai si banci i dalanken janah i kembangken. Si enggo it usahana banci itingkatken “kepuasan pelanggan,” kualitas tetap terjaga, ras kreatif. Genduari masana jaman digital, internet. Melala jelma enggo erbisnis arah online, la mbue menyita waktu, i japa pe banci nge i kelola, hasilna cukup memuasken nge. Enda pe banci jadi salah sada peluang guna jadi usaha dingen i kembangken.
EVALUASI
Uga kerna persikapen kerja raninta? Enggo me reh ulina asa tahun
si lewat?
DISKUSI
- Turikenlah penampat Dibata i bas pendahinndu (usahandu)?
- Kai nge si bahan guna mengembangken pendahin (usahanta)?
AKSI
Benakenlah teptep wari kegeluhenta alu ertoto man Dibata.
USULEN LAGU
- KEE GBKP No. 187: 1 – 2
- KEE GBKP No. 331: 1 – 2
- KEE GBKP No. 286: 1 – 2
- KEE GBKP No. 309: 1 – 2
TOPIK PERTOTON SYAFAAT
- Notoken kerina pendahin perpulungen ras kembangken usaha si mehuli.
- Bujur i bas erusaha.
- Bangsa ras negara Indonesia.
Pdt. Paskaria Perangin-angin, M.Si.