(NARKOBA, Free Sex, erlua-lua, remang-remang, judi, ras sidebanna
Ogen: Imamat 18 : 24-30
18:24 Janganlah kamu menajiskan dirimu dengan semuanya itu, sebab dengan semuanya itu bangsa-bangsa yang akan Kuhalaukan dari depanmu telah menjadi najis.
18:25 Negeri itu telah menjadi najis dan Aku telah membalaskan kesalahannya kepadanya, sehingga negeri itu memuntahkan penduduknya.
18:26 Tetapi kamu ini haruslah tetap berpegang pada ketetapan-Ku dan peraturan-Ku dan jangan melakukan sesuatupun dari segala kekejian itu, baik orang Israel asli maupun orang asing yang tinggal di tengah-tengahmu,
18:27 karena segala kekejian itu telah dilakukan oleh penghuni negeri yang sebelum kamu, sehingga negeri itu sudah menjadi najis–
18:28 supaya kamu jangan dimuntahkan oleh negeri itu, apabila kamu menajiskannya, seperti telah dimuntahkannya bangsa yang sebelum kamu.
18:29 Karena setiap orang yang melakukan sesuatupun dari segala kekejian itu, orang itu harus dilenyapkan dari tengah-tengah bangsanya. 18:30 Dengan demikian kamu harus tetap berpegang pada kewajibanmu terhadap Aku, dan jangan kamu melakukan sesuatu dari kebiasaan yang keji itu, yang dilakukan sebelum kamu, dan janganlah kamu menajiskan dirimu dengan semuanya itu; Akulah TUHAN, Allahmu.”
Tema: Sirangi Perbahanen Si Melket
Tujuan : Gelah Mamre
- Meteh maka ciga ate Tuhan perbahanen si Melket ekiteken Dibata pe Badia.
- Nambahi si ngena ate Tuhan eme lagu langkah si bersih.
Metode : Diskusi
KATA PENARUH
Ibas kegeluhen manusia selaku makhluk sosial, lit norma-norma ntah ne peraturen-peraturen siarus ipatuhi guna njaga kegeluhen enda tetap ratur ras mehuli. Tapi I bas kinatana silit, enterem nge manusia si nggeluh la ngikutken peraturen e. Emaka lit istilah pinakit sosial siertina eme prilaku ntah pe perbahanen sekalak ntah pe sekelompok jelma si secara sadar ntah pe la sadar ndalanken kegeluhen si la sentudu ras nilai (norma-norma) si lit ibas masyarakat. Contoh-contoh perbahanen si termasuk pinakit sosial eme erjudi, minem minuman keras, erlua-lua, penyalahgunaan Narkoba, Free sex ras sidebanna.
Janah pinakit sosial enda ipengaruhi alu piga-piga faktor eme pengaruh lingkungan masyarakat si la mehuli, kurangna perhatian i bas keluarga, pengendalian diri sikurang paguh ras sidebanna. Kerina pinakit sosial enda berakibat si la mehuli la terjeng man pribadi pelaku saja, tapi pe man kalak sideban.
Erkiteken sie, perlu kel kita metenget ibas kegeluhen enda gelah kita ngasup njaga dirinta ula seh ndalanken pinakit sosial e, sebab kita eme tinepa Dibata si ikelengiNa. Kita arus njaga dirinta, kula ras tendinta gelah badia sebab bage me sura- sura Dibata nandangi kita bagi si isingetkenNa pe man bangsa Israel i bas bahan ogenta.
URAIAN
Kitab Imamat eme salah sada bagin Kitab Taurat si isina eme peraturen-peraturen guna ibadah ras upacara-upacara agama bangsa Israel i bas paksa si nai. Rikut pe kerna perentah-perentah i bas Tuhan nari si ipeseh Tuhan arah Musa guna bangsa Israel eme kerna kebadian Tuhan ras pe kebadian bangsaNa.
Secara khusus i bas teks renungenta sendah eme Imamat 18:24-30 ituriken kerna perentah Tuhan man bangsa Israel si enggo ndarat i bas pembuangen Mesir dingen bengket ku Taneh Kanaan. Ibas sie Dibata nehken perentahNa man bangsa Israel arah Musa. Perentah e eme kerna njagai diri gelah ula ngelakoken perbahanen si melket.
Perbahanen si melket eme perbahanen kalak perbegu si ngiani taneh si lit ilebe-lebendu (Taneh Kanaan). Si ngiani taneh e me bangsa Kanaan. Bangsa e nembah man Dewa Molekh. Janah rikutken kebiasaanna, maka lit ritual ngendesken anak-anak guna ipersembahken man Dewa Molekh. Anak e ikorbanken alu cara itutung.
I bas dampar sideban, bangsa Kanaan ngelakoken perbahanen-perbahanen si la mehuli khususna i bas perjabun eme erjabu ras keluarga kandung rsd. Bagi sitersurat i bas Imamat 18:6-23. Kerina perbahanene termasuk ku bas prilaku simenyimpang dingen si la ngena ate Dibata.
Tuhan la erngena ate nangdangi perbahanen-perbahanen si melket. Emaka Tuhan nehken ukumem man bangsa e alu mpelawes bangsa Kanaan arah Taneh Kanaan e (Ay. 25) “… janah ibahanNa maka iutahken taneh e bangsa si tading ije.” Arah ukumen e teridah maka Tuhan kap si erkuasa ibas kerina tinepaNa, janah bage pe bangsa asing sideban singiani taneh e
Erkiteken sie Tuhan nehken perentahNa man bangsa Israel arah Musa gelah bangsa Israel njaga kebadian geluhna secara kiniteken bage pe moralna. Bangsa Israel ilarang ngusih lagu langkah (moral) ras kiniteken (ritual) si ilakoken bangsa Kanaan. Bangsa Israel arus njaga kinibadian kegeluhen bagepe perjabun sebab bage me arusna bangsa Tuhan si badia.
APLIKASI
Sendalanen ras pengalaman geluh bangsa Israel, kita pe gundari iperhadapken kubas kegeluhen si mbue ncidahken perbahanen si la payo eme prilaku menyimpang begepe pinakit sosial. Secara umum sieteh maka negaranta gundari ijajah NARKOBA. La terjeng i kota tapi peredaren NARKOBA enggo seh i kuta-kuta. Si jadi korban (pengguna NARKOBA) enggo mbue, seh maka upaya rehabilitasi si iprogramken pemerintah pe harus meleui antrian si gedang. Je nari upaya pencegahan ras penanggulangan peredaran NARKOBA la segencar peredaren si lit. Sie kerina tentu labo terjeng tugas pihak si berkaiten ras masalah e saja tapi peran serta masyarakat pe tuhu-tuhu iperluken.
Selain NARKOBA, judi ras pergaulen bebas pe tempa-tempa enggo jadi gaya hidup ibas lingkungan masyarakat. Janah prilaku e pe enggo lit idalanken ibas usia remaja nari, Sie kedungenna berdampak si la mehuli eme hamil ope perjabun, aborsi, putus sekolah, bage pe HIV-AIDS. Rikut pe gundari mbue prilaku seksual si menyimpang seh maka lit istilah ” predator anak” bagepe LGBT. Kerina perbahanen-perbahanen e eme perbahanen si melket janah Tuhan menentang ntah pe la ngena ateNa kerina perbahanen si melket e.
Nggeluh badia bagi isingetken i bas Kitab Imamat labo terjeng slogan saja tani nggeluh badia harus ilakoken secara nyata ras la erngadi-ngadi erkiteken Tuhan Badia. Kinibadian geluhta harus icidahken arah komitmenta si nyata guna nirangi (la ndalanken) kerina perbahanen si melket e sebab kita eme bangsa Dibata si Badia e
DISKUSI
- Baca mulihi ay. 26-27, kai nge maksudna ” negeri e lanai bersih “…?
- Sue ras kinatana si lit :
a. Peredaren NARKOBA, JUDI, HIV-AIDS, Penyimpangan seksual enggo lit ija pe sosialisasi,
b. Adi lit upaya pencegahan melalui edukasi,pelatihan, kerna masalah e kurang kel kehadiren mamre.
c. Sieteh maka ibas inganta tading mbue beredar NARKOBA, lit judi ras cafe remang-remang tapi la lit si pang ngelarangsa.
d. Adi lit keluarganta si terlibat kasus peredaren NARKOBA itangkap polisi, tapi mis ka sigalari gelah mis ibebasken keluarganta e.
e. Ras sidebanna banci itambahi.
Uga nge caranta njaga kebadian geluhta rikut ras komitmenta guna penanggulangan perbahanen si melket (penakit sosial)…?
USULEN ENDE-ENDEN
- KEE GBKP No. 399 : 1, 2, 3
- KEE GBKP No. 249 : 1, 2
- KEE GBKP No. 323 : 1, 2, 3
- KEE GBKP No. 381: 1, 2
Pdt. Monalisa Br Ginting, S.Si.Theol
Pendeta Komisi HIV- AIDS Moderamen