Pengkebetku Erguna – Etika Pemaken Medsos & UU ITE
Si Man Ogen
Efesus 4 : 17-19
Manusia baru
(4:17) Sebab itu kukatakan dan kutegaskan ini kepadamu di dalam Tuhan: Jangan hidup lagi sama seperti orang-orang yang tidak mengenal Allah dengan pikirannya yang sia-sia
(4:18) dan pengertiannya yang gelap, jauh dari hidup persekutuan dengan Allah, karena kebodohan yang ada di dalam mereka dan karena kedegilan hati mereka.
(4:19) Perasaan mereka telah tumpul, sehingga mereka menyerahkan diri kepada hawa nafsu dan mengerjakan dengan serakah segala macam kecemaran.
PA Moria dilaksanakan hari Kamis, 05 Maret 2020.
Tuan rumah Nd. Esco Karosekali (Sektor Korintus), Deviani br. Sebayang (Sektor Betlehem), Nd. Abraham Sitepu (Sektor Hermon), Srimita br. Surbakti (Sektor Roma)
⏰ : 16.00 WIB
? : Ruang KA/KR
? : “Pengkebetku Erguna”
? : Epesus 4 : 17 ~ 19
? : Pdt. Maslon Ginting
Tujun : Gelah Moria
- Meteh pengkebet kalak si la nandai Dibata eme mersik ukurna dingen gelap pengertinna.
- Pentar ras er-orat makeken media sosial gelah ola maba kecedan man jelma si enterem
Metode PA : Studi kasus ras panelis
Kata Penaruh.
Adi isungkun man Moria “Piga tahun kin kam enggo jadi kalak Kristen?” Tentu lit si ngataken “aku enggo ertahun-tahun jadi Kristen. Mbue ka pe i bas kita si tangtang tubuh nari kin enggo jadi Kristen. Tapi i bas kita nggo jadi kalak Kristen payo kin nggo lit biak-biak Jesus Kristus teridah arah pengkebetta tep-tep wari? Lakinlah melala kalak Kristen bagi istilah genduari terjeng “Kristen KTP”, tapi i bas kegeluhenna ikuasai sura-sura daging denga. Bahan oratenta PA Moria wari enda mereken pengangkan man banta, maka labo bias terjeng gelar saja kita Kristen, tapi teridah arah pengkebetta maka kita nggeluh i bas kegeluhen si mbaru i bas Kristus.
Mpebagesi Pengangkan Kerna Ogen.
Perpulungen i Epesus, Paulus si majekkenca. Surat Epesus enda itulisken Rasul Paulus tupung ia i bas penjara i kota Roma. Tujun surat enda ikirimken eme guna mpeteguhi kiniersadan perpulungen Epesus. Erkiteken tupung si e, melala ajaren si mabai piga-piga perpulungen e papak, seh maka lanai ersada arih. Secara kusus i bas bahan ogenta sendah Epesus 4:17-19 isina eme kerna uga kegeluhen si ndekah i bas dosa, arusna itadingken perpulungen Epesus. Latar belakang kecibal kegeluhen perpulungen tupung e teridah bas ayat 25-31 kerna biak-biak Si la mehuli si arus itadingken. Paulus ngataken ‘Olanai erbual, ola simpan rawandu seh ben wari, olanai nangko, ola belasken cakap si la erturi-turin, tadingken cian ate, perampus ras pernembeh olanai si isak-isaken, si cekurak-cekuraken, bagepe erelern-elem.” Pengkebet si bage lit ndube , bas perpulungen Epesus. Ate Paulus ngataken maka kalak Kristen arus nadingken biak-biak si la mehuli e. Sia-sia me kegeluhen selaku kalak Kristen adi Pengkebet labo sue bagi si iajarken Jesus Kristus.
Pengajuk i bas Paulus nari gelah perpulungen Epesus nggeluh i bas kegeluhen si mbaru i bas Kristus. I bas ayat 17b itegasken “Olanai kam nggeluh bagi kalak si la nandai Dthata, si la erguna perukurennan dingen gelap pengertinna.” Kalak si bage la lit baginna i bas kegeluhen si ibereken Dibata ( ay. 18). Itegasken Paulus i bas ayat 19 “lanai sitik pe ia meteh mela; ipelepasna dirina italuken sura-surana si jahat, janah ilakokenna kerina si la mehuli alu la alang-alangen.” Ajar-ajar Kristus enggo erlajar kerna si mehuli si lit bas IA (ay. 20-21). Enda me jadi Penggurun perpulungen. Penegasen kerna kai si ikataken Paulus lit i bas ayat 23.24 “Pusuh peratenndu ras perukurendu kerina arus ipelimbarui. Pakelah manusia si mbaru si itepa rikutken tempas Dibata, dingen encidahken bana i bas kegeluhen si tuhu-tuhu adil dingen badia.” Jadi kalak Kristen ngumban biak Jesus, nggeluh alu mehuli, erjuang nadingken biak doni.
Pengkenaina.
Salah sada tanggungjabab kalak Kristen eme ndalanken kegeluhen si mbaru i bas Kristus. Kegeluhen si mbaru teridah min arah perukuren, pengerana ras perbahanen i bas kegeluhen si tep-tep wari. Arah bahan ogenta enda kita erlajar maka kegeluhen si mbaru i bas Kristus mabai Moria nggeluh alu mehuli janah teridah i bas ngasup erbahan pertimbangen-pertimbangen si mehuli, erbahan keputusen-keputusen si tepat i bas kegeluhenta. Amin labo menukah nuju ku kegeluhen si mbaru e, tapi kita tetap arus erpala-pala. Alu gegeh kuasa Kesah Si Badia kita rusaha guna ngelawan kuasa dosa i bas doni enda.
Tema-nta “Pengkebetku Erguna” enda salah sada tanda kalak si nggeluh i bas kegeluhen si mbaru. Salah sada contoh kerna pengkebet si erguna enda uga kita ngalaken kemajun teknologi, kususna i bas bidang komunikasi ras informasi. Terlebih pelayanen tahun Gerejanta tahun enda eme “Meningkatkan kemampuan warga GBKP dalam pengelolaan informasi dan ketrampilan penggunaan teknologi informasi.” Pemaken media komunikasi ras informasi cukup mbar i bas kegeluhenta genduari ras nggo jadi salah sada kebutuhen i bas masyarakat. Salah sada contoh, uga kita makeken HandPhone guna media sosial bagi Facebook, WhatsApp, Twitter, Instagram ras sidebanna alu mehuli. Perkembangen jaman mabai kita arus lebih bijak i bas makeken media sosial enda. Megati, kurang kita ertanggungjabab i bas kai si enggo si beritaken (posting). Komunikasi ras jelma si enterem bas media sosial banci saja mpeturah perubaten erkiteken kata-kata si menyinggung sekalak jelma. Lit ka si mpembarken berita-berita si la tuhu (hoax) kerna jelma entah kelompok tertentu, seh ka si adun pe ku pengadilen. Lit si erbahan postingen si erkawiten ras isu SARA (suku, agama, ras dan antar golongan) erbahan ceda ate golongan si deban. Arah media sosial la sitik penipun perdagangen, perjudin on line, perselingkuhen ras si debanna. Enda kerina tentu jadi pengkebet si la erguna ras pe la ngena ate Dibata. Kerina enda jadi sada persinget man Moria gelah metenget i bas makeken media sosial enda. Terlebih ula ka kita nalah gunakensa erban si la mehuli.
Guna nambahi pemetehta, perlu si eteh maka i bas undang-undang negaranta pe iaturken pemerentah kerna batasen-batasen kita makeken media sosial. Aturen enda emekap undang-undang no 11 tahun 2008 tentang ITE ( Informasi dan Transaksi Elektronik ). I bas situs wikipedia org ikataken maka undang-undang enda eme kerna pengaturen informasi ras transaksi elektronik bagepe pengaturen kerna perbuatan yang dllarang tentang informasi dan transaksi elektronik. Si perlu si eteh ilarang i bas undang-undang enda eme:
1) Konten Ilegal, yang terdiri dari kesusilaan, perjudian, penghinaan/ pencemaran nama baik, pengancaman dan pemerasan (pasal 27,28,29 UU ITE).
2) Akses Ilegal (Pasal 30),
3) Intersepsi Ilegal (Pasal 31),
4) Gangguan terhadap data (Pasal 32 UU ITE),
5) Gangguan terhadap sistem (Pasal 33 UU ITE),
6) Penyalahgunaan alat dan perangkat (Pasal 34 UU ITE), ( Wikipedia org, diakses 16 September 2019).
Isi si lengkap Undang-undang enda lit i bas aplikasi Undang-undang ITE, janah banci si-unduh i bas internet. Alu bage, kita erlajar nambahi pengertin, mbuka perukurenta (wawasenta) kerna aturen si enggo ibahan negaranta guna kiniraturen makeken media komunikasi. Perkembangen informasi ras komunikasi iarapken mabai gelah reh majuna kegeluhenta, labo mabai kita bene.
Study Kasus :
I bas sada Gereja lit sekalak Moria si mberat kal perbeben geluhna, gelarna nande Beligan. Perbulangenna lawes nadingken ia, janah anak” anakna pe la bagi ukur. Sada anakna dilaki lanai nggit sekolah, seh maka nggo jadi pengangguren i rumah. Sada nari si diberu nggo erjabu janah nggo ka itadingken perbulangenna. Bage kape keadan ekonomina tuhu- tuhu mesera. Amin ndalani perbeben si mberat e, nande Beligan la putus pengarapen. Ia sekalak Moria si tutus ku Gereja, bagepe megati ngerana nuriken penggejapenna i bas PA Moria. Sekali jadi i bas PA Moria, Nande Beligan nuriken kesaksin kerna kegeluhenna si cukup gedang. Tupung ia ngerana e, lit sekalak Moria eme nande Kiran si lalap encikep HP-na sanga er-PA. I bas Facebook nande Kiran erbahan postingan bagenda: “Engkailah maka ngeranai lalap nande si-anu e, adi geluhna pe labo terpesikapna. Pekena lebe jabundu, maka kam pantas ngeranai man jelma si enterem. La tehndu mela pe”.
Bagenda me postingan Nande Kiran si amin Ia ibanna gelarna i bas postingen e, tapi bas ukurna itujuken man Nande Beligan.
Moria i bagi, 3 kalak sada kelompok guna nanggapi kerna kasus enda.
- Uga nge iakapndu kerna postingen nande Kiran, payo nge pengkebetna e entah Iang? Kai nge akapndu si banci jadi adi postingen e idah Nande Beligan bas facebook?
- Adi kam salah sada teman i bas Moria e, pengkebet si uga nge ibahandu guna nampati kecibal kegeluhen Nande Beligan?
- Bere kesaksinndu kerna pemaken media sosial si genduari ras uga kin arusna!
Pdt. Dewi Setianna br Tarigan