PERUKUREN SIMBARU
(Evaluasi Entrepreneurship)
2 Korinti 5: 16 – 19
5:16 Sebab itu kami tidak lagi menilai seorang jugapun menurut ukuran manusia. Dan jika kami pernah menilai Kristus menurut ukuran manusia, sekarang kami tidak lagi menilai-Nya demikian.
5:17 Jadi siapa yang ada di dalam Kristus, ia adalah ciptaan baru: yang lama sudah berlalu, sesungguhnya yang baru sudah datang.
5:18 Dan semuanya ini dari Allah, yang dengan perantaraan Kristus telah mendamaikan kita dengan diri-Nya dan yang telah mempercayakan pelayanan pendamaian itu kepada kami.
5:19 Sebab Allah mendamaikan dunia dengan diri-Nya oleh Kristus dengan tidak memperhitungkan pelanggaran mereka. Ia telah mempercayakan berita pendamaian itu kepada kami.
Geluh manusia terus menerus ipelimbarui, erbage si banci erbahanca ia reh tambahna i bas kerina simehuli nandangi geluhna.Kegeluhen idoni enda “dinamis”, la bage-bage saja, reh erbagena ras reh tambahna kecibal si man bentasen tentuna reh buena tambah informasi, pemeteh, pengalamen ras jelma si jumpai kita. Kerina situasi enda mabai bana tambah pemeteh manusia, sendalanen maka tambah ka keperlunna janah tambah maga-magana.
Adi siperdiateken i bas kecibal geluh masyarakatta perpudi enda, mbelin kal perubahan si jadi, berubahna perayaken geluhna mahan bana maka berubah ka ‘gaya hidupna’. Manusia enggo lebih ngasup ‘menikmati hidup’ alu erbage kesempaten ngenanami erbage ulih latihna subuk sebage “produsen” bage pe “konsumen.”
Arah surat 2 Korinti 5:16-19 enda, Rasul Paulus mpetandaken status kalak si tek man Jesus gelah ngasup ngergai dirina jine ras nggeluh alu mehuli bagi sinisuraken Dibata. Lit piga-piga hal si ateta siperdiateken jadi pejemba man banta:
- Ngergai sekalak jelma lanai erpalasken sukat-sukat perukuren bage pe pertimbangen manusia eme kepentaren doni ras jamanna. Geluh si mbaru sukat-sukatna ersada ras Kristus. Ertina, i bas perkembangen ntah pe perubahen jaman, manusia nggeluh i bas erbage situasi ras kecibalna tapi tetap ersada ras Kristus. Persadan enda sinjamin dingen njadiken maka la ia papak ntah pe bene.
- Kita enggo iperdameken, enggo jadi teman dingen sikerajangen Kristus, alu bage geluhta enggo ngusih Kristus guna mperdameken kerinana. Dahinta njadiken kerina si gelgel imbang jadi teman sabab sie me si jadi sura-sura Dibata reh ku doni enda i bas Jesus. Biak si bage me teridah i bas kalak si enggo itebus dingen ersada ras Kristus, igelari tinepa simbaru.
Emaka perlu kal kita njaga statusta selaku tinepa simbaru. Njadiken doni sigelgel musuh jadi teman, nerangi sigelap, ngembari si lepak. Bage me kehadiren dirinta i bas tahun-tahun geluhta idoni enda bage pe nehi perayaken gerejanta. Perlu si siksiki gelah sieteh kuga perkembangen dirinta i bas simehuli. Biak kai nge sitambah i bas dirinta sebage sekalak entrepreneur? Tentuna arus lit siidah dingen sieteh perkembangenta i bas tahun silepas ku tahun enda dingen kuga perubahenta kenca kita mentasi tahun entrepreneurship. Tambah nge “kreativitasta” subuk i bas dahin-dahin, kegiaten perpulungen ntah i tengah-tengah masyarakat? Enggo nge berinovasi kita i bas erbage dampar si lakoken kita; enggo nge pang ras pang nge kita muat resiko i bas teptep keputusenta silakoken kita? Kerina enda banci ilakoken adi perukurenta enggo ipelimbarui, caranta ngidah ras mutusken erbage hal enggo ipelimbarui (icerahken) kepentaren si reh i bas Dibata siringan ras ersada i bas dirinta.
Si enda kerina ilakoken i bas kegeluhen si ersada ras Jesus Kristus. Biak-biak si nai, mekeng, la terajari, la nggit berubah, la mbuka diri i bas erbage pembarun si lit, enda labo biak si nggit erlajar. Amin ibas sie kerina kita arus metenget gelah la ‘terjebak ras tersesat’ ibas entrepreneurship si la sue ras etika Kristen, adi sie jadi, tentuna perukuren simbaru la i bas Kristus. Arus lebe siuji kerina simbaru subuk i bas entrepreneurship, teknologi informasi, pemeteh si debanna erpalasken persadanta ras Kristus. Gelah kerina simbaru ndai erbahan geluhta reh ulina, jadi pasu-pasu nandangi dirinta ras doni enda, kedungenna termulia gelar Dibatanta.
EVALUASI :
Lit nge usulta i bas PJJ ta nari ku Musyawarah Warga Sidi Runggunta?
DISKUSI :
- Selaku kalak si enggo ipelimbarui, i bas kai-kai saja enggoteridah perubahen dirindu? Turikenlah!
- Turiken perkembangen siidahndu i bas dirindu secara pribadi bage pe i bas perpulungen kenca kita mentasi tahun entrepreneurship?
AKSI :
Ngisi lembaren kerja :
Si tandai dirinta ras perkembangen, perubahen si jadi sebage evaluasi tahun entrepreneurship i bas tahun si lepas (before dan after) arah biak-biak si lit i bas kita.
| No | I bas dampar | Perukuren sindekah/sope tahun entrepreneurship | Perukuren simbaru/kenca tahun entrepreneurship | Tekad |
| 1 | Kreatif | |||
| 2 | Invoasi | |||
| 3 | Ngidah ras makeken peluang | |||
| 4 | Pang ngalaken resiko | |||
| 5 | Nggit erlajar | |||
| 6 | ||||
| 7 | ||||
| 8 |
Sibahan nilai antara 0-100, arah enda si idah grafik pertumbuh kembangenta selaku kalak sitetap nggit erlajar dingen ipelimbarui.
USULEN LAGU :
- KEE GBKP No. 424:1-2
- KEE GBKP No. 323:1-2
- KEE GBKP No. 451:1-
- KEE GBKP No. 184:1-3
TOPIK PERTOTON SYAFAAT
- Ngawan perpulungen GBKP tetap geluhna ipelimbarui i bas persadanna ras Jesus Kristus.
- Ngawan GBKP muat bagin i bas kerina perkembangen kegeluhen dingen ngasup jadi pasu-pasu.
- Kerina perpulungen nggit niksiki dirina alu ngevaluasi dingen nggit nambahi pemeteh.
Pdt. Suenita br Sinulingga, M.Th.